Tom N Toms Coffee (Closed)

跟朋友閒談中，得知南昌V Walk商場有間商舗啲三文治好正，有機會去開記得試下。中午因在附近工作，所以到V Walk商場內嘅Tom N Toms Coffee 一試，我買咗件多重烤芝士三文治同蘋果肉桂流心鬆餅，坐低飲杯野慢慢食。最挑起我食慾的是多重烤芝士三文治，睇倒都流曬口水，三文治嘅面層蓋滿厚厚的芝士，一次過品嘗到三款芝士嘅不同口味，芝士味又濃又香，好有口感，芝士愛好者不能不試。另一樣係蘋果肉桂流心鬆餅，餅外層淋上濕潤嘅肉桂汁，餅中心用蘋果肉桂醬做內餡，食落餅質鬆而柔香，咬開醬汁流心，有香甜果味，喜愛甜品嘅我就啱曬啦！😋😋😋