番茄18 (觀塘工業中心第四期)

Open Now

Now Closed

🔺 番茄18 (觀塘工業中心) (觀塘)呢間係我覺得係觀塘入面價錢、食物種類款式中最想試既一間餐廳～比較大眾化，總有款岩食。🔻四川炸醬厚切豬扒飯面頭一大塊厚豬扒，仲有辣椒粉係上面，不過唔辣嘅，純粹調一調味咁～豬扒好juice 同易咬開，下面有滿滿既炸醬，炸醬好香帶肉碎，唔油，撈飯一流。🔻招牌胡椒豬肚雞湯米線超大碗，我一個人真係食唔晒唔係講笑，食極都仲有，好彩老公包底😂胡椒豬肚湯底好夠味，仲有大量蔬菜感覺好健康，豬肚好夠淋，正～🔻瑞士雞翼瑞士汁唔會好甜或者死咸，輕輕甜甜地好易入口，唔會好重負擔，個汁岩岩好，雞翼好滑好嫩～🔻麻辣雙色餃子入面有白菜豬肉餃同埋粟米餃每樣三隻，餃子皮唔厚，餡料都夠既，我自己中意粟米餃～🔻新鮮菠蘿冰（跟餐+$12)酸甜度岩岩好，菠蘿份量超多，唔係罐頭菠蘿～

今日早上10點，幾同朋友經過觀塘，又未食早餐，就去呢頭附近嘅蕃茄18試一試佢，蕃茄湯每一間茶餐廳或者冰室都有做，但係多數都唔好食，今日就睇吓呢間用番茄嚟到做餐廳名嘅餐廳對唔對得住佢個招牌。一入去，環境比想像中新淨同埋乾淨，整返碗蕃茄湯米線先，蕃茄湯非常濃郁，而且唔會好假嘅味道，而且食到有蕃茄果肉，高分之作。鹹牛肉蔥花煎蛋三文治烘底，雖然最近雞蛋價格非常之貴，但係佢哋落蛋嘅份量一啲都唔手軟。屬於爆炸級餡料，而且蔥花同埋鹹牛肉都有煎過，非常之香！吉列魚柳，炒滑蛋，全部都係即叫即整，魚柳冇雪藏味，而且唔係用啲平貨，有食得出魚肉，應該有嘅質感。滑蛋又係另外一個享受，三文治裏面嘅煎蛋係香，滑蛋係滑，今日一次過滿足晒你兩個願望！

番茄18 (觀塘工業中心)📍觀塘觀塘道427號觀塘工業中心4期1樓G號舖餐廳位於觀塘站，係D3出口一落樓梯就到觀塘工業中心，再上一條樓梯就到番茄18啦🍅🍅🍅今日平日下午2點到，嘩！成場滿坐，好多人呀～有人等外賣有人等緊位入去食，不過好彩係Lunch time時間我同朋友大約等左10分鐘左右就有位😆餐廳用QR CODE落單，好方便👍（5星為最為推薦👍）招牌午餐通粉配 牛乳炒蛋+丹麥多士 $53⭐️⭐️⭐️⭐️⭐️黎到番茄專門店，一定要食碗番茄濃湯米粉啦，可以選擇唔同麵底，有通粉、米粉、米線、公仔麵，就連上海麵都有🤣呢個餐有三款配料可以簡（叉燒/牛肉/午餐肉），而我今次選擇左食叉燒🐖， 蕃茄濃湯味道真係唔錯，超級濃嘅番茄味，而且重有粒粒番茄🍅🍅🍅米粉重吸曬d番茄湯，好入味，配埋叉燒一齊食真係正呀～十分推薦👍牛乳炒蛋好嫩滑，配埋重牛油味嘅丹麥多士好正好邪惡😆😆花膠雞湯泡飯 $71⭐️⭐️⭐️⭐️朋友好鍾意食花膠雞湯，見到menu有呢一個即刻就話要食啦，雞同花膠嘅份量都算多，肉質香嫩，仲有啲菜絲係旁邊，增加左成個泡飯嘅口感，亦令到成個飯冇咁膩👍而且飯嘅份量好多，又吸曬d湯，食到一半已經覺得好飽😆如果細食d嘅，可

這小店以番茄為名，位於工廠大廈之內，但唔算難搵。店內不少食品以番茄為主，當然它的瑞士汁雞翅／雞批亦十分有名。招牌午餐（$52）今天叫了番茄牛肉公仔麵配炒滑蛋和丹麥多士。番茄湯底有十分香濃的番茄味，酸酸甜甜很好味，滑蛋亦炒得嫩滑唔乾身，火喉控制得唔錯。丹麥多士亦算是香口好食。四川炸醬後切豬扒飯（$53）加凍奶茶（+$3）雖然食物以番茄為主 但估唔到這間奶茶都唔錯，算是中上之作，因為自己是奶茶控，對奶茶有一位的要求。

今日因為要去拿學車証，只有觀塘運輸署有位，所以平時好少過海嘅我就誤打誤撞咁找到這間茶餐廳食個午餐！阿姐安排左我一個「單人位」，真係得一個位的枱，叫了一個招牌午餐，佢哋出名的番茄湯米線🍜+炒滑蛋🍳+丹麥多士🍞+凍檸檬茶🍋，好大份，可以給－個男士食。個滑蛋都滑有蛋味，多士如果脆啲就好了，個米線覺得比較林，可能因為我食晒啲蛋同多士先至食米線嘅關係😅，個凍檸茶少冰，幾好味唔係太甜，味道剛剛好，最後梗係佢個蕃茄湯，味道真係不錯，唔會太酸，但係又有足夠嘅蕃茄味，都算濃，$53 －個餐，算不錯啊！餐廳環境乾淨，我觀察到多數都係女士做，可能係咁嘅關係，清潔程度都唔錯👍🏻

平日一至五Lunch Time時間真係好多人排隊，終於等到星期六先黎食到出名既番茄湯底!!記得呢間分店星期日係唔開架~唔好摸門釘!一黎到好快有位，簡單用QR code自助點餐，又或者好似我甘個電話收唔到都可以叫姐姐幫手落單，餐廳都好貼心有提供WIFI落單大概5分鐘好快手就有野食啦~!叫左招牌午餐 - 牛肉麻辣蕃茄湯米粉配丹麥多士炒蛋，溫馨提示食之前要輕輕拌勻d麻辣汁先好再食呀，如果唔係會有一邊辣一邊唔辣。蕃茄湯真係好香濃，每一啖都好似食梗原個蕃茄甘，牛肉佢唔似得平時茶餐廳果d甘老，呢到用既係鮮牛，好滑好入味!再食埋唔間間都有既丹麥多士就100分!熱辣辣夠曬牛油味，可以試下點蕃茄湯再食，真係別有一番風味架~價錢平平地，食物高質，中意蕃茄湯既朋友就一定要黎試下啦

小朋友唔小心倒瀉碗蕃茄通粉, 職員見到, 第一時間問候有無整親, 同埋問有無需要俾個一碗新嘅粉我哋, 服務值得稱讚👏同埋喺度再一次表示唔好意思, 增加了職員的工作量及浪費了食物 🙏

個人好鍾意食番茄，嚟到主打番茄嘅茶餐廳，當然要試佢嘅番茄湯底🍅🤩。-💛招牌番茄湯配牛乳炒蛋🍳 麵底配料自選 今次揀咗特製墨魚丸配上海麵 ($44)，特製墨魚丸有4粒，彈牙爽口。番茄湯底超濃，🍲甜度正常，帶粒粒番茄，確實唔錯。至於上海麵，由於係個人最愛💛，所以見到有得揀，已經瞬間加咗分，配埋分量好多嘅牛乳炒蛋，依個價錢冇得輸！👍-💛瑞士鷄翼 $38瑞士鷄翼真係特別推介，個人覺得十分高質😳，鷄翼滷得好入味，而且肉質滑嫩。不過朋友就覺得瑞士汁過甜，我自己就接受到~🤪-💛華田脆脆 跟餐飲品 $13凍華田加上好多阿華田脆脆，依個配搭好邪惡，但真係點都好味！😝特別係脆脆融咗之後，會變類似華田醬，飲落去口感會再多一層，鍾意華田嘅朋友記得唔好錯過。😍-回頭推介度：4/5 食物質素：4/5餐廳環境：4/5

今日2個人黎左呢度食飯，一入到去已經好鍾意呢度既裝修，完全係80年代既風格，連佢地板個䃈磚，exactly係細個時婆婆屋企個䃈磚，真係倍感親切!!我地2個女仔，一人叫左個米線，諗住佢都係一碗米線je，不如叫多個小食，點知碗米線俾我想像中大。我叫左個花膠雞湯米線，碗米線有好多雞、好多菜同仲有一塊又大又厚既花膠。佢一黎到我就試左啖湯先，嘩，好好飲呀個湯，好濃既雞湯味。原本以為係得一塊花膠，食食下發現原來有2塊，都係咁大塊，好似搵到寶咁勁開心。最後我係成碗米線食哂連湯都飲埋 朋友就叫左個蕃茄湯米線餐，佢係跟埋炒蛋既，再加個大汗雞扒。一上個米線我地又係試個湯咩味，招牌果然係招牌，蕃茄味好濃，個湯唔係稀架，而且入面仲有一粒粒既新鮮蕃茄，感覺好健康，而個炒蛋都好味。不過真係要講下塊雞扒，佢係大塊既，但唔係超級大，不過真係好厚!我切開睇，入面啲雞油仲滴緊出黎，juicy到呢~ 佢個皮好脆，但肉好滑。我以為會超級辣，但又唔係，而且辣得黎好香。至於個瑞士雞翼，瑞士汁好濃，好味。我地上哂啲野先發現原來我地叫既全部都係雞LOL。好在我同朋友最後都食得哂無嘥野，不過我地走嗰陣都一路行一路嗌好飽。

突然好想食免治牛肉飯，上網搵到呢間茶室，一放Lunch即刻去。呢到地點幾方便，一落觀塘地鐵站上工廈1樓就係綠白色磚地同紅罩燈形成強烈對比，水吧上面牌匾寫住「蕃茄稱王 瑞士稱霸」刻意既懷舊裝修藏不住新式fusion感，餐牌亦同平時既茶餐廳唔同，除左常餐同客飯之外，仲有各式肉燥飯食物同飲品三四分鐘就到，都幾快手煎蛋免治牛肉飯份量好大碟，牛肉汁顏色同平時見到既偏紅，食第一啖對味覺好衝激，係紅酒燴牛尾既味道，煎蛋係流心既，蛋下面隱藏香甜番茄粒，雖然唔係我想要個種懷舊味道，但好切合餐廳主打既番茄主題鴛鴦茶走少奶，奶既份量偏多，完全蓋過茶味埋單$53都幾實惠

去完觀塘工廠區尋寶見到呢間番茄18 作為蕃茄控🥫嘅我，當然馬上試吓佢！門口貼出嚟嘅餐牌都有好多選擇同行朋友亦都可以揀番茄以外嘅食物整體裝修都係舊香港嘅味道個餐牌整得幾好，有埋相可以睇嗱嗱聲揀個蕃茄嘅食物先揀咗個自選嘅蕃茄麵餐🥫濃郁嘅蕃茄湯（簡直係好似汁咁樣咁濃厚）仲有啲蕃茄粒粒喺度食完個麵可以飲埋個湯佢而我呢個係跟蛋、同埋叉燒個餐仲可以揀瑞士雞翼本身見佢啲相瑞士雞翼撈丁都好正好彩可以跟呢個蕃茄餐加埋咁就可以滿足晒幾個願望啦朋友就嗌咗個下午茶，吉列豬扒配沙律🥗個豬扒都好大塊，好厚身食落都唔食韌，好有肉汁跟咗凍檸茶俾我搵到蕃茄🥫嘢仲要好味嘅好值得推介呢間值得再encore如果鍾意蕃茄嘢可以嚟試吓佢

呢間餐廳座位好闊落，坐得都幾舒服，而且店員態度都幾好我見佢牆壁寫住「番茄稱王，瑞士稱霸」，所以我揀咗佢既招牌蕃茄湯，再加瑞士雞翼，試下係咪真係稱王稱霸先🤣🤣鮮牛肉蕃茄湯米粉，配牛乳炒蛋，加配瑞士雞翼：份量好足，大大碗，同埋蕃茄湯好濃郁，米粉都吸晒蕃茄湯既味，好入味，岩晒鍾意食蕃茄既我，牛肉都多，而且好新鮮，牛乳炒蛋好滑瑞士雞翼都好淋好入味，而且大大隻，好抵招牌木碎花生多士：超級多花生碎同花生醬，多到成盤都係🤣🤣，多士哄過脆脆地，加埋多花生碎同花生醬真係絕配野食就叫咗杯熱柑桔：鹹鹹地好入味，飲完喉嚨好舒服整體黎講，我覺得呢間餐廳野食質素ok，而且份量超足，下次可以約埋朋友一齊黎😊再試下其他款既野食先

▫️QR code落單☑️瑞士雞翼（5隻） - $38聽講呢度嘅瑞士雞翼好出名，之前一直都冇試過，今次就叫黎試下。雞翼一份有5隻，隻隻都好大隻，而且都已經煮淋左，都算入味。瑞士汁調得幾好味，甜甜地，價錢都吾貴，值得試下。☑️ 四川炸醬厚切豬扒飯 - $53有雪菜、椰菜同大量炸醬做配菜，撈埋一齊好好味，食到停吾到。好大塊豬扒，豬扒煎得十分香，口感結實得黎又吾韌，上面仲有辣粉，令豬扒更惹味。碗飯好大碗，食吾晒，如果落單時可以叫少飯就好。☑️招牌厚切雞扒煎雙蛋飯 - $53上面2隻煎雙蛋煎得吾錯，蛋黃做到流心之餘，蛋白做到脆口燶邊效果。雞扒同樣好大塊，煎到個皮幾脆口，但係雞肉就唔算十分嫩滑，蔥油好正，配豉油撈飯一流。呢個都有d椰菜，均衡飲食。🆗牛乳炒滑蛋 - $12加左錢配滑蛋，聽聞都好出名。蛋夠滑，但係食吾到牛乳味。

近排都喺觀塘返工,每日食晏嘅時候就係最開心,因為同事同我都鍾意食嘢,又鍾意周圍搵啲好嘢食,近排畀我哋喺公司附近搵到間好好味嘅港式茶餐廳。番茄18,地址喺觀塘道427號觀塘工業中心四期1樓G號舖。裝修方面完全有舊式茶餐廳風味,望落去十分整潔,座位嘅空間都好足夠,坐得都幾舒適。瑞士汁雞翼,雞翼望落去好飽滿,每一隻都好入味,入口味道好香,雞翼入面仲係好嫩滑好多肉汁。花膠雞湯米線,$68望落去已經好吸引,雞嘅份量仲有好多,入口雞味香濃,肉質香嫩,成個湯都有花膠嘅香甜味,越食越好味。配菜方面有椰菜絲，增加左口感蔥油雞,$108 半隻，蔥油雞整到好入味而且好嫩滑,每一啖都食到香蔥嘅味道,味道非常有層次,呢個簡直係必食嘅推介,又香又滑,好好味。咸牛肉雞蛋三文治,呢個三文治嘅size真係巨大,入邊D雞蛋同牛肉足足有一吋厚。入口蛋味香濃,跟住食到係牛肉同香蔥嘅味道,味道好有層次,而且口感仲好正添。第一次食咁出色嘅三文治,雞蛋又滑又香,配埋鹹牛肉嘅味道真係一絕。加埋蔥花，我比滿分食咗咁多好味嘅嘢梗係要叫番杯凍飲，我叫咗杯凍檸茶，茶味夠濃，甜度剛剛好，檸檬仲有三片，夠晒凍飲落透心涼

好少推介茶餐廳，因為對我來講間間茶餐廳都差唔多，冇乜特別好食，不過今日喺觀塘做完Facial，有啲肚餓想食少少嘢，就同朋友去番茄18☺️☺️見到佢嘅蕃茄米線好多人食，不過我就食小食為主🥳🥳🤩菠蘿包平時食菠蘿包就食得多，今次嘅菠蘿包嗰塊菠蘿皮夠晒厚。個包又夠鬆軟，真係唔錯㗎。🤩瑞士雞翼總共有5隻，份量不少之餘，味道又好。個瑞士汁整得好入味，亦都唔會太鹹，作為小食，真係好好食。🤩麻辣雙色餃子餃子整得好出色，麻辣味道亦都控制得適宜，不會太辣。同埋叫做相識餃子，有一隻係白色一隻黃色。黃色嗰隻有少少咖喱嘅味道。好有特色。🤩蔥花鹹牛肉蛋治蔥花鹹牛肉大大份，好滿足。炒蛋又大嚿，大到好似塞滿左成個麵包咁。喜歡佢嘅蔥花切得夠幼細，又夠多，香味十足。🤩大汗雞扒叫得大汗雞扒，就知佢咩料。佢嘅意思即係辣味十足嘅雞扒。但係佢辣味，控制得適宜。只會帶出香辣味。值得推介。🤩四川炸醬手撕雞炒上海麵炒粉麵亦都好有鑊氣，呢個配搭真係第一次食又有四川炸醬，又有手撕雞，配埋上海麵。配搭新奇，又好吃。🤩檸檬可樂趁天氣仲有少少熱，叫返個檸檬可樂大大杯，就啱晒。🤩鴛鴦來到茶餐廳冇理由唔叫番杯港式嘅鴛鴦。整得都好地道。