番茄師兄

Open Now

Now Closed

雖然覺得荔枝角好多好嘢食，但係成日都有意無意之間就會行咗過去D2 place食番茄師兄。佢嘅騸牯鮮滑牛，配合濃郁嘅招牌番茄湯底，的確係好味。個人口味鍾意配通粉，另外加炒滑蛋同埋雙太陽蛋，碗通粉就更加醒神！仲要只係另外加十蚊，非常抵玩。小食方面私心推介香煎豬頸肉，都係一個同番茄湯底非常之夾嘅食材。但係數到最好味嘅都係佢哋嘅麻之一滴，直情可以將番茄湯底嘅味道以幾何級數昇華。甚至乎我覺得麻之一滴係應該每個家庭都值得擁有。

帶寵物溜溜玩玩的好去處莫過於D2 Place Two寵物可落地逛逛商場，這裏都很多食肆，今次我們選擇了蕃茄師兄，但需坐店舖近門口位置我叫了蕃茄湯麻香瑞士汁雞翼烏冬$54，佢哋個招牌蕃茄湯超級濃郁，今次配咗烏冬好掛湯，雞翼醃得超入味，見到隔籬枱加咗滑蛋，賣相超好，下次我都要吓。朋友叫了個騸牯免治牛肉雙重芝士醬泰皇咖喱焗飯$68芝士好濃郁，咖喱偏甜，整體都算重口味，好啱配飯，個飯係炒底嘅值得嘉許。

$68 午餐「香煎牛脷蛋包飯」值唔值？唔值，因為：1. 完完全全無「煎過」牛脷只係炆林 (近似烚)，無汁，部份仲有少少硬2. 牛脷同蛋+飯零關係，是旦pat 堆餸 上去就係一款野，完全無考慮整體味覺觀感3.  專心煮好個番茄底啦師兄！！D橙色汁就食唔出有咩咁出色，連配角都講唔上，番茄粒都無，失望到一個頂…4. 唔包野飲，另加錢 $6 桑寄生茶 (都唔錯，唯一ok)5. 份量唔大，載飯個盤 1吋高，女仕食晒無難度，男仕自己諗下…6. 六個員工齊齊黐住一齊企唔主動，係咪多餘？隔離枱遲來都食緊 (相同食物)，請佢跟進就話唔會漏單，理由多多…得，無下次!

好耐之前喺深水埗嗰間番茄師兄食過，原來最近喺荔枝角都有開咗分店，以前比我嘅印象係佢個湯底係好濃郁嘅蕃茄湯底，即係會掛面嗰種，喺荔枝角嘅呢間雖然好似冇以前咁深色咁濃，但係佢都唔會好似出面咁咁水，佢嘅牛肉都係薄切，但係好少雪藏味，而佢個炒蛋都好滑，即係加$5就可以食到，如果你唔鍾意食牛嘅話，你仲可以揀豬肉、豬扒、雞扒、魚等等，而且佢都有唔同嘅面底，例如米粉、米線、通粉、公仔麵、拉麵同烏冬，啱晒諗住試唔同野嘅人

間舖啱啱開，第一次同朋友食嗰陣，叫咗碟蛋白飯，發現食食下蕃茄汁唔夠，於是叫咗waiter加啲蕃茄汁，然後俾咗半碗有多嘅蕃茄汁嗰次同朋友食得好滋味今日同朋友第二次食，特登嗌咗招牌鮮牛蛋包飯加底，冇錯係加底！諗住想撈埋啲蕃茄汁一齊食，叫waiter 加蕃茄汁，點知佢話啲蕃茄汁係固定份量，唔俾加最後食淨碗加底有好少蛋嘅白飯，今次蕃茄汁有keep到準，但啲飯硬過上次嚟好多同埋冇得加蕃茄汁，所以對今餐完全失望

一路都知有呢間鋪，openrice上面仲要好hit, 但係我心諗，蕃茄湯咪都係個d, 唔落茄膏最多咪多兩舊蕃茄好似海底撈咁。自己本身唔係好fancy蕃茄所以一直都無去到食。今日一試，好出乎意料，同出面茄湯唔同，佢呢到係黃色茄湯，再偏甜一d, 令我不得不懷疑佢其實除左紅黃蕃茄，應該仲落左南瓜同好多好多糖。但係你唔好理，食落順口好食就得啦。如果單係一個鮮牛面，定價50幾蚊又唔係特別平，但係唔使加錢轉烏冬，+6蚊有支細細支玻璃樽既桂圓紅棗茶，+5蚊加到煎雙蛋，60幾per head落樓竟然令我覺得都幾抵食

番茄C兄是香港一家頗受歡迎的本地麵店。我們可以根據自己的喜好自由選擇不同類型的肉類、麵條、配料和湯底。在肉類選擇方面，我個人喜歡牛頰肉或牛胸肉，他們也提供雞肉、豬肉和魚片。多種麵條可供選擇，例如米粉、通心粉、泡麵、日本拉麵和烏冬。番茄C興的湯底是用牛肉每天新鮮熬煮的， 雖然他們提供甜玉米和起司奶油湯等選擇，但我特別推薦嘗試他們的招牌番茄湯。還有多種附加菜餚可供選擇，包括雞蛋、蘑菇、牛肉丸、豬肉丸、炸芝士、餃子等。人均消費約100港元。

住附近見佢荔枝角新開張，之前成日聽人講佢出名番茄湯底，所以放工約埋老婆特登黎試下佢個番茄湯底。叫得番茄師兄，就緊係主打賣番茄湯底。我就試左佢個蛋牛米，見到上台時湯底偏向橙色，顏色都幾特別。配料都係啲例牌野唔重要，主要想試佢個湯底，滿心諗住會有濃濃番茄味，點知入口個湯底係勁似肉醬意粉啲汁嘅味道。可能有期望所以失望，呢種番茄湯底唔係咁啱口味。不過服務員態度係好有禮貌，同埋價錢真係算平，區內，或者D2入而都算抵食。

前幾日睇社交平台番茄師兄推出一人邊爐！襯住今晚得10度啵就試試佢！竟然有驚喜！真係好足料啵！火鍋包左招牌蕃茄同忌廉濃湯底⋯無睇錯！好有誠意咁鴛鴦湯底！不過略嫌忌廉湯底冇乜味⋯至於啲餸菜！有相！！超足料同連鎖餐廳嘅一人邊爐相比⋯份量簡直超值！如果你係女士真係未必食得晒！但我食曬嘢飲方面原來都幾多選擇同幾特別！冷泡茶🥤豆漿🥛冬瓜茶🧃桑寄生茶🧋提提火鍋嘅火係冇得校大細⋯煮到尾聲湯底容易彈出嚟焫到手原來唔係間間分店都有一人邊爐⋯荔枝角同灣仔分店先有介紹完畢！我覺得可以一試

訂過邊爐咁多次，真係第一次坐係度堂食自助落單，上菜好快，服務都好好蕃茄湯同邊爐一樣咁好食，但反而仲冇邊爐個湯咁咸配烏冬應該超正，不過我選左米粉，可能因為食太慢，最後變左半撈麵咁….吸晒d 蕃茄湯原來仲有得選生菜底，減肥人士好岩個蛋又香又滑，只係加５蚊咋，如果可以我直晴想加兩份豬排好大件，煎得香脆，有點油，肉質軟淋朋友試牛面頰一樣好食另外加左兩隻雞翼，係瑞士雞翼又帶點麻香，雞肉好滑入味呢間店感覺上比ssp 店坐得舒服d

這湯底令人難忘十年前會與喜愛番茄湯底的朋友特意去荔枝角食某冰室的番茄通後來越做越差味道都變了漸漸這個習慣也改了終於再有個理由讓我們約在荔枝角食番茄湯底啦！與朋友逛街後飢腸轆轆的找到番茄師兄晚市8點左右的時間，等了大概5分鐘便可入座門口一直有人龍，但翻檯速度很快所以不至於等很久份量很大，那帶點甜味與口感的番茄湯底讓人忍不住一口接一口全吃完點了雞皮餃子以為會另上但原來放於碗麵內亦一樣好味見到有單人火鍋提供，留待下次再試！

對上一次幫襯C兄已經係幾年前喺深水埗分店嗰次！今次知道C兄喺荔枝角D2 Place Two又開咗分店，於是就嚟咗呢度食個晚餐。D2 Place Two呢間分店比深水埗店更寬敞，一啲都冇壓逼感，坐得好舒服。我哋總共嗌咗三碗番茄湯底嘅拉麵，三款唔同嘅餸，可以分甘同味！作為有金舌頭美譽嘅外子，第一時間feel到番茄湯底甜味較重，由於他本身並不嗜甜，所以就不甚喜歡。如果甜味少返啲，酸味多返啲，味道會更好！不過味覺呢啲嘢實屬見仁見智，各有喜好啦！以上三款麵順序是騸牯鮮滑牛（$54）、騸牯鮮牛面頰（$68）及香辣牛筋肉（$64），份量不多，可能牛很貴啦三款牛竟然最腍最好味係牛筋肉（我覺得啦）題外話，餐廳沒有熱的飲用水提供給食客，不是十分理想，希望可以改善一下🤔

第一次食番茄🍅師兄，價錢平，出餐快，味道一流，唔怪得成 2030 都仲坐滿人👍🏻👍🏻晚餐想食飯，但發覺沾麵好食好多🤤👍🏻👍🏻因為要打夠200 個字，所以要打👍🏻👍🏻👍🏻👍🏻👍🏻👍🏻👍🏻👍🏻👍🏻👍🏻👍🏻👍🏻👍🏻👍🏻👍🏻👍🏻👍🏻👍🏻👍🏻👍🏻👍🏻👍🏻👍🏻👍🏻👍🏻👍🏻👍🏻👍🏻👍🏻👍🏻

🍽️食物方面：🧀溫泉蛋三重芝士香煎豬頸肉💲72超正 焗嘢竟然有得揀椰菜底 唔會太飽 但好熱氣🥬茄湯無骨黑魚片生菜底💲59+豆腐花💲5可揀麵 豆花係重點 必加 好夾 湯都甜甜地飲晒🥚餐肉咖喱汁蛋包飯💲50外賣+💲1厚切餐肉好邪惡 咖喱汁少少少少辣 太多飯超飽🐟茄湯炸龍脷魚柳生菜底💲58+雙蛋💲5魚會另上 有啲乾同鹹 但搽枱面支醬超夾仲試咗忌廉湯底都👌🏻但較愛濃🍅湯🍋檸檬冬瓜茶/🫛豆漿/🫖桂圓紅棗桑寄生茶💲6正常 每次都覺得飲晒啲湯已經好飽 唔駛叫嘢飲📷打卡方面：好多插畫同燈牌💛枱面有驚喜🔈環境方面：過咗12:25就要排隊 乾淨同大間過其他分店番茄師兄 (荔枝角)📍荔枝角長順街15號D2 Place TWO 2樓211B, 212A及215號舖

係星期日嘅晚上過黎食🤩好彩我同朋友好早就過黎食😙1830 入座都唔係好多人 唔係等位就入得🥳🐷豬扒番茄湯米線$58豬扒好大塊 差唔多同我隻手掌✋一樣大但係豬扒係成塊上 要慢慢咬返啲骨出黎🫣食落會有小小麻煩 🫠豬扒係厚厚一塊 食落啖啖肉🥩好正價錢來講都好合理 晚市尼個價錢真係好抵食🤑🤑如果叫通粉應該會更掛汁😝😗蕃茄湯底唔會太酸 食到有原個蕃茄🍅🍅評分：🧡🧡🧡🧡🧡另外仲嗌左杯豆漿（凍）佢地係用玻璃杯上 比較環保♻️仲可以回收👍