番茄師兄

Open Now

Now Closed

凍湯沾麵 麵係熱嘅 可唔可以熱翻啲湯？做唔到😂 有趣有趣 啲凍嘅湯加落啲熱嘅面度 就可以有暖嘅麵？ 我係食緊碗唔凍唔熱嘅麵多啲喎 😅 麵質係好食嘅 但兩碗麵嘅蕃茄味係唔同嘅 沾麵嘅蕃茄味係夠嘅咁自選嘅呢？個蕃茄味係唔同嘅😅😅😅 簡單啲嚟講冇咩蕃茄味 兩碗都70幾蚊一碗麵 咁嘅質素唔係好得喎 😅😅😅😅😅😅😅😅😅😅 其實都係想食碗熱嘅麵啫

之前食開深水埗店，而家荔枝角開咗，環境新淨，坐位尚算舒服，不過唔知係咪舖位太入，上唔到網要用Wi-Fi先得，以前落一層友利無哩個問題經開順便食個下午茶自選三併 - 騸牯鮮滑牛，香煎牛脷，炒滑蛋米粉，蕃茄湯，配凍豆漿騸牯鮮滑牛：真係幾嫩腍滑同有牛味，份量都唔少，哩個價錢食到都幾OK牛脷：煎得啱啱好微脆，牛脷易咬，帶點爽口，唔輸一啲貴嘅牛脷專門店滑蛋：正常有蛋香蕃茄湯：濃郁蕃茄湯，仲食到蕃茄蓉嘅味道，食得出都幾多新鮮蕃茄去整豆漿：正常濃度唔太甜下午茶食到哩個質素我OK

呢個夏天嘅香港確實係熱到 🔥🔥🔥 呀!加上呢啲日子又冇咗一絲涼風,出街一陣就汗流浹背,成個人都係汗濕濕嘅,搞到成日都冇咗什麼食慾呢😩。喺呢啲熱到爆爆嘅天氣,最想食啲又多汁又開胃嘅嘢啦! 🥤💦最近去左片D2 Place食番茄師兄,叫咗個「自由配」湯粉麵飯,揀咗香辣牛筋肉番茄湯飯,再加$5就有雙太陽蛋。呢個選擇真係幾正呀!😋番茄湯酸酸甜甜嘅,加埋香辣牛筋肉,有少少辣辣嘅感覺,味道真係鮮到爆呀!🤤牛筋肉個份量好豐富喎,煮得又夠軟又夠腍,一啖就化喺口中,一點都唔會艱難到咬。不過因為係外賣嘅關係,雙太陽蛋咁疊起嚟,一夾就整穿另一隻,真係唔太方便呢。下次試下叫炒滑蛋啦,相信一定更加順口添!😋啊吔吔,光係諗住呢道菜就開始口水直流,好想即刻食返啊!🤤🤤🤤

最初留意到番茄師兄是她們第一間在深水埗開業的店，在密集的深水埗中經營一間主打蕃茄湯的餐廳。不久之後，番茄師兄已經大受歡迎，在荔枝角和灣仔均有分店；今日就去選荔枝角分店去試一試她們的出品吧。週末的下午兩點半，餐廳仍然高朋滿座，幸好剛剛有客人離座我才不需要等位。上網見到不少人均推介炒蛋，因此我點了秘製豬扒通粉($69)，加炒蛋($5)，配凍檸檬冬瓜茶($6)。先試一啖湯，味道酸酸甜甜，不會太甜味道算是清新一點不飽膩，跟配通粉兩者都幾夾。豬扒是大大的一塊，肉質容易咬但又不是那些過度使用送肉粉的那些，不少人選擇吃牛但豬扒亦是一個好選擇。炒蛋質地軟滑，跟蕃茄湯當然是絕配啦，是可以飲的「蕃茄炒蛋」 檯面還有一樽香草，喜歡的可以任意加入增添西餐的感覺。餐廳光猛乾淨，以一間「食完就走」的餐廳來說，店員的服務速度和態度都不錯，而食物味道都有點驚喜；難怪這個品牌都有不少回頭客

第一次去食 喺蕃茄愛好者所以就去咗食 都幾多人㗎但係食完人就逐漸少咗 帶住一個開心去 我嗌咗一個秘製牛腩+公仔麵+椰菜蕃茄湯 個湯係橙色嘅有啲奇怪 椰菜口感好爽 秘製牛腩蕃茄湯味好大 秘製牛腩真係好好味好推介大家試一下 蕃茄湯好好飲 公仔麵亦都好好食 個雞翼有超小嘅辣有啲太鹹慢慢散發咗一種甜味 蛋包飯一般般 但係個牛肉係好食嘅 豆漿一支根本唔夠嗌咗兩支 覺得呢間餐廳只有蕃茄湯比較好食 其他都一般般 可以建議大家去食嘅話嗌蕃茄湯 有一台人有隻狗一直喺度吠超級嘈好打擾人哋食飯

極速出餐，感覺現成得很。蕃茄湯牛筋肉米線：湯糊糊，甜得像糖水，不像蕃茄的甜。牛筋應該是包裝好翻熱就行了。雞子威士忌瑞士汁：稀𠮩𠮩的瑞士汁，酒味並不明顯。茶：茶包一直浸。苦和濃是有分別的。冷泡茶不會那麼求其吧 😆這樣餐廳也有生存空間？！😂

Dinner @ 💛 番茄師兄 (荔枝角) 好多時行過都見排大隊 .... 當日假期行過，反而有很多位，可以任坐， 有時大圍環境，真是很難理解 ~蕃茄師兄出品出名有水準，出名平靚正， 本來就冇乜嘢可以挑剔，不過當然總有些人，雞蛋裏挑骨頭，呢啲人就唔好講喇 ~鮮滑牛肉沾麵：沾麵的湯底，我選擇了招牌蕃茄濃湯，老實說，在蕃茄師兄一定要點招牌蕃茄湯，真是特色又好味；牛肉份量都很多，也夠滑嫩； 個糖心蛋也很有質素； 麵質Q韌爽彈，掛湯力是一般 ~席間，有朋友問我，湯麵好味還是沾麵好味 .... 其實湯麵有湯麵的特質，沾麵也有沾麵的特性，好難評論話是邊一款比較好吃，總之各有特色 ~本篇完 ~

去過幾次。唔同嘅女員工係禮貌方面都十分有待改進。好似欠咗佢哋咁。唔該或者多謝都冇一句。如果唔係啲嘢食OK，啲咁嘅服務真係搵鬼去。簡直係幫老細倒米。建議老細派啲神秘人去做吓調查，有助改進員工的服務態度。

濃蕃茄湯麵好好食，而且食完唔會太口渴，味精感不重配通粉同烏冬最夾，烏冬係稻庭烏冬，質地軟淋又好掛汁食得慢就千萬唔好要米粉，個湯本身已經好濃，加埋米粉索湯，到最後會變左燴粉滑牛同豬扒都好味，滑牛重牛味又嫩豬扒好入味，好淋又大塊，但都幾肥必須要加滑蛋（$5），超好食，滑蛋半熟又濃蛋香另外試左加配既一口芝士，原來會直接放入湯度....咁既配搭有少少怪，好在我咁岩有個碟仔即刻救起佢朋友試左蛋包飯配牛臉頰，今次既牛臉頰好軟淋，蛋包飯唔係日式果D，其實就係加落麵果一塊炒蛋個人覺得比較似滑蛋飯，飯係白飯非炒飯底牛臉頰唔夠飽，另外再叫多一份牛腩，牛腩個汁勁惹味，甜甜地以為係鹵汁但又有D辣雞翼同樣係呢個汁黎！一樣咁好食

對比起深水埗既總店。真係差到不得了！睇完個餐牌就發覺同深水埗咁唔同既。平時係深水埗食開既野都無，都唔緊要啦。叫左個香辣牛筋肉煎雙蛋番茄湯米線。黎到見到個番茄湯個顏色咁就覺得中伏。完全唔係平時食開番茄師兄既味道。個牛筋肉又差。好鞋口，得一舊牛筋我覺得係好食。我老婆叫左個香煎豬頸肉番茄湯另加豆腐花。而度可以讚一讚個豆腐花既，放湯原來唔錯。但係豬頸肉勁垃圾，好鞋。Btw, Sorry 無圖 但我唔會再去荔枝角而間食。

餐廳門面唔係咁吸引，但係睇緊餐牌時，聽到後邊有人話啲蕃茄湯底好味，就即管試吓。叫左「騸牯鮮牛面頰」蕃茄湯底麵：湯底： 金黃色嘅湯底，飲落去質感濃稠，酸酸甜甜，唔係金寶湯蕃茄濃湯嘅味道，甜味較重。餐枱上有「麻一滴」俾你加，原來唔係麻油，係麻辣醬！撈埋一齊，酸酸甜甜嘅湯底，配咗麻辣嘅味道，係有新鮮感嘅。不過我自己都係prefer原本original 就咁蕃茄湯底嘅味道多啲。騸牯鮮牛面頰：有少少似牛𦟌嘅質感味道，但係較滑，膠原嘅感覺比較重。唔錯。溏心蛋：整得幾入味，唔錯。牛油煎剌身級帶子：冇咩味，普通。通粉：普通茶餐廳水平，少少腍嘅質地，唔算彈牙爽口。環境： ★★☆☆☆ 食物： ★★★★☆ 推介指數： ★★★★☆

雖然覺得荔枝角好多好嘢食，但係成日都有意無意之間就會行咗過去D2 place食番茄師兄。佢嘅騸牯鮮滑牛，配合濃郁嘅招牌番茄湯底，的確係好味。個人口味鍾意配通粉，另外加炒滑蛋同埋雙太陽蛋，碗通粉就更加醒神！仲要只係另外加十蚊，非常抵玩。小食方面私心推介香煎豬頸肉，都係一個同番茄湯底非常之夾嘅食材。但係數到最好味嘅都係佢哋嘅麻之一滴，直情可以將番茄湯底嘅味道以幾何級數昇華。甚至乎我覺得麻之一滴係應該每個家庭都值得擁有。

帶寵物溜溜玩玩的好去處莫過於D2 Place Two寵物可落地逛逛商場，這裏都很多食肆，今次我們選擇了蕃茄師兄，但需坐店舖近門口位置我叫了蕃茄湯麻香瑞士汁雞翼烏冬$54，佢哋個招牌蕃茄湯超級濃郁，今次配咗烏冬好掛湯，雞翼醃得超入味，見到隔籬枱加咗滑蛋，賣相超好，下次我都要吓。朋友叫了個騸牯免治牛肉雙重芝士醬泰皇咖喱焗飯$68芝士好濃郁，咖喱偏甜，整體都算重口味，好啱配飯，個飯係炒底嘅值得嘉許。

$68 午餐「香煎牛脷蛋包飯」值唔值？唔值，因為：1. 完完全全無「煎過」牛脷只係炆林 (近似烚)，無汁，部份仲有少少硬2. 牛脷同蛋+飯零關係，是旦pat 堆餸 上去就係一款野，完全無考慮整體味覺觀感3.  專心煮好個番茄底啦師兄！！D橙色汁就食唔出有咩咁出色，連配角都講唔上，番茄粒都無，失望到一個頂…4. 唔包野飲，另加錢 $6 桑寄生茶 (都唔錯，唯一ok)5. 份量唔大，載飯個盤 1吋高，女仕食晒無難度，男仕自己諗下…6. 六個員工齊齊黐住一齊企唔主動，係咪多餘？隔離枱遲來都食緊 (相同食物)，請佢跟進就話唔會漏單，理由多多…得，無下次!

好耐之前喺深水埗嗰間番茄師兄食過，原來最近喺荔枝角都有開咗分店，以前比我嘅印象係佢個湯底係好濃郁嘅蕃茄湯底，即係會掛面嗰種，喺荔枝角嘅呢間雖然好似冇以前咁深色咁濃，但係佢都唔會好似出面咁咁水，佢嘅牛肉都係薄切，但係好少雪藏味，而佢個炒蛋都好滑，即係加$5就可以食到，如果你唔鍾意食牛嘅話，你仲可以揀豬肉、豬扒、雞扒、魚等等，而且佢都有唔同嘅面底，例如米粉、米線、通粉、公仔麵、拉麵同烏冬，啱晒諗住試唔同野嘅人