蕃滿門

Open Now

Now Closed

第一次食蕃滿門，都已經好幾年前啦！嗰時係舊鋪食的，覺得呢到嘅蕃茄湯底足料又好味，所以得閒都會嚟食吓。但開咗新鋪之後都未嚟食過，所以本來今次係想懷緬一下當日嗰種好味，但點知食完之後，真係好失望....呢到平均一個午餐都係$4X或以上，係大埔呢啲小社區嚟講，絕對唔係平。但抱住一分錢一分貨嘅道理，我都照走咗入嚟食！但可惜...呢個係花枝丸蕃茄濃湯粉併牛乳滑蛋$43，螺絲粉係淋的，一定都唔al dente滑蛋份量少之餘，仍都唔見得有幾滑身，略嫌有少少overcook！不過最嬲都係花枝丸，$43碗竟然得兩粒！佢仲要中間切開一半，扮有4粒咁！真係超姑寒！睇嚟食完今次，都真係未必再有下次啦

蕃滿門最初在大埔開業時大概是7,8年前，在舊墟直街那邊，一開始寂寂無夠的小店變身現在已數間分店的半連鎖店，不知道是不是受它熱潮帶領，各區後來也出現頗多以蕃茄麵作主題的食店。這次平日放假特地來吃一吃下午茶，畢竟在假日這裡可是長期要等位，沒甚耐性的我也耐不了。下午茶有十多款，但招牌蕃茄麵只有一兩款，其他是小食類。點了個雞翼蕃茄麵，淺嚐一下。雞翼不錯吃，夠味。蕃茄湯濃，喜歡辣的可點辣一點，蕃茄配辣這個配搭也不多地方有。雖然沒有以前那麼感動味蕾，或許只是因為到處吃多了，但間中來吃一下也夠滿足

叫左個特製牛扒蕃茄湯面+小辣，食物一來，賣相麻麻，牛扒同面分開上。三塊細細塊既牛扒 + 一碗蕃茄湯公仔面咁就盛惠 $5x, 其實都有d貴。 牛扒味道還算可以，吾算好好食/好特別。驚喜之處就真係個蕃茄湯底面， 個湯底好濃既蕃茄味，每一啖蕃茄湯都見到湯入面有好多新鮮蕃茄既精華，而且間中都會食到d蕃茄肉，感覺就好似食緊成個蕃茄咁，第一次食蕃茄湯面係食到連個湯底都飲埋 ， 真係好好食

幾年前，食過一試難忘今日再去食，都真係幾失望滑蛋少左好多湯底酸味太重，蕃茄味反而唔岀螺絲粉煮得太淋完全無口感唯一無變係份量仍然好多下次再黎大埔，都未必會再幫襯啦

原個蕃茄或蕃茄肉我都不愛吃，可是偏偏蕃滿門的蕃茄湯底令我愛不釋手😍⋯多數我會點餐牌上的特色蕃茄滑蛋濃湯餐，除了原味，還有5種辣度可以選擇，為平淡的湯底增添一點刺激。而麵款亦可選意粉、長通粉、螺絲粉、公仔麵、米線或飯，選擇很豐富！（$53）秘製黑椒牛柳配原味湯意粉，牛柳都很薄，都是全熟。這次肉質都很稔，不太需要牙力，但有一次吃牛柳都完全咬不開，這次算好運吧，始終牛柳質素都參差點⋯原味湯底的蕃茄味較凸出，而湯裡面亦有不少蕃茄肉。（$53）吉列脆香魚柳配微辣湯長通粉，炸得表面非常脆，很喜歡這個脆口的口感，魚肉都很嫩。微辣湯的蕃茄味感覺上沒有原味的濃，但多了點味覺刺激，少少的辣。當天乳酪特飲系列和蘆薈梳打系列在做買一送一優惠，可以在兩個系列裡任選兩款，相對比較划算。原價一杯乳酪是$25梳打$27，半價後價錢都算合理。我點了一杯藍莓乳酪和一杯熱情果乳酪，兩杯都很有奶味，口感都很稠，藍莓那杯還有些藍莓蓉在裡面。大滿足，價錢合理。

話說我們一行五人到此店打算吃下午茶，由於同行者有老人家和不夠一歲的嬰兒。去到的時候有一枱正埋單，另外有一些四人枱單邊有兩人。我和經理說四大一小，經理說在外等等，幫我們拼枱。那當然無問題，我們抱著小嬰兒在外等。同時間，有四名男女到門外，經理叫他們先攞票。之後門再開，經理竟然叫剛到的男女入內。我們問，你不是說幫我們拼位，為何遲到先入。他竟然說我們無攞票。我們兩三對耳清楚聽到他叫我們等併位，而當時店裡是有位的，他亦無叫我們取票。於是我們爭論，此不合道理。那經理竟說：小姐，攞票不用叫，自己㩒的！豈有此理！最後我地決定不在此吃，並告訴他，你很沒禮貌。佢竟然講：你地又好有禮貌！❨身為一名經理，有這種回應，簡直不能相信❩其實，食物要好吃，除了味道外，還有一樣叫「人情味」。那經理連基本待客之道也沒有，如何安排顧客入座也不懂，實在應該再培訓，或不要再做這一行了，連累老闆！❨如果他是老闆，他簡直是這行的害群之馬❩利申：此店未出名，只有一間店時，未搬時，我常幫襯的。

叫左個每次必食既咸豬手長通粉，其實全個餐牌，我只對咸豬手興趣比較大，表層香趣，內裏漿口油滑。呢個餐就唔跟野飲既。係晚市可以五十幾六十蚊埋到單，已經算唔錯。不過晚市都比多人排隊。

今日午餐時間同朋友一齊去食呢間主打係蕃茄既店，但午飯時間人都幾多，都等左好耐先有位。佢有幾個唔同既lunch set，我簡左吉列豬扒，滑蛋西蘭花蕃茄扭扭粉，個名好長。蕃茄個湯底好濃，一定放左好多蕃茄，不止係茄醬，但西蘭花得2舊都幾少下，蛋就正常滑蛋個豬扒炸粉比較多同細塊，見到有啲失望，咬落去好薄，無咩口感，但個沙律醬就幾開胃呢杯係凍檸茶，一送黎個時我同朋有都覺得好似啲特飲甘，好高級飲落個味有少少苦，唔夠甜，但欣賞沖得甘有心機

而家坊間愈來愈多蕃茄專門店但質素有好有唔好😥食過蕃滿門之後都未搵到一間好味過佢😎所以一定要推介俾大家❗❗❗------------------------------🌟每次黎都一定會叫蕃茄長通粉配豬手或者配雞排今次就配豬手啦💕$48 仲要勁大碗蕃茄湯底唔係味精湯飲落真係原汁原味用蕃茄研製出黎👍👍每次🐷女都會飲哂成碗所以跟餐唔包飲品都無問題😋😋豬手兩大件啖啖肉皮脆肉厚💕😋😋配上honey mustard 超級好味😋😎👍Cp值超高 一定要試💕💕💕

天氣悶熱最需要食d開胃的野，身為大埔的居民冇人唔識d個蕃茄湯專門店😆😆😆又舊鋪食到新鋪，新鋪面積大好多，坐得舒服，晚飯時間成日等位，好彩今日早放工😆😆今次叫左肥牛做配料，滑蛋就係必定會跟碗上的！有幾片肥牛，牛味就差一點，有點老！可能蕃茄湯底太勁，所以牛味唔突出！但附上的炒滑蛋就唔錯，好滑有蛋香！抵讚👍👍可以選擇飯，米線，螺絲粉，公仔麵等做底！最出色的都係湯底，濃濃的茄香，還有茄肉同小小洋蔥！下次可以繼續光顧

我很喜歡這間餐廳，每隔一段時間就會來這吃。我點特色蕃茄滑蛋濃湯意粉配脆皮咸豬手。意粉來了，第一口當然飲一口濃湯。濃郁的蕃茄味，還有一些蕃茄肉，滿滿都是蕃茄，天知道廚師大哥加了多少蕃茄下去烹調？吃了整碗，感覺上吃了不少蕃茄，好像健康了很多，哈哈哈（抱頭逃走中）咳咳，話說回來我覺得來這兒吃一定要品嘗脆皮咸豬手。雖然在切肉方面有點麻煩（你說碎上有多好？呵呵），但配上甜中帶微辣的醬汁（不知是否蜜糖芥末），真的很好吃。我每次在這兒用餐後，都會有種完滿幸福的感覺。

一向都鍾意食蕃茄湯粉既我，點可以未食過蕃滿門，之前都去過元朗分店，今日去開大埔游完水，就順路去食個豐富既午餐啦。下晝一點左右黎到，門口已經好多人，但好彩都係等左十五分鐘就有位。因為同行既朋友細食，所以叫左一碗什錦蕃茄滑蛋濃湯螺絲粉兩份食。什錦螺絲粉大大碗有好多餸，岩晒兩個人食。蕃茄湯可以揀原味或辣味，個人覺得原味好味d，之前食過辣味覺得有少少蓋過左蕃茄鮮味，食完粉飲埋個湯真係無得頂。湯粉加20蚊可以有個薯餅，粟米同一杯飲品，我地揀左南瓜薯餅，薯餅即炸入口熱辣辣，甜甜地認真好味，粒粒粟米加埋落螺絲粉一齊食好夾。蕃滿門雞中翼:一直都想試呢個雞翼，但之前食一碗粉又食唔落雞翼，今次終於有機會試。雞翼即叫即焗，味道酸酸辣辣幾開胃，四隻話咁快就食晒。埋單每人60蚊左右食到飽晒，但週末lunch時間都好多人等位，唔想等位就要早d黎喇。

三年無食過蕃滿門原來鋪頭已經搬左去漁屋旁邊鋪面唔再有兩層 但地段人流明顯比以前多門口有一部自助取票機是日7:30pm去唔使等位外面有menu清晰話俾你知有咩食仲有kids meal 有小朋友都唔怕無選擇我地分別叫左咸豬手螺絲粉(53) 香酥雞扒螺絲粉（$53）每碗蕃茄湯都有炒蛋跟埋而且辣度可以自由選擇 當然唔食辣都可以同侍應講唔要辣豬手保持一貫水準又稔又入味點蜜糖芥末醬簡直perfect match主角蕃茄濃湯亦保持水準濃之餘亦保留到蕃茄既清甜而且夠哂大碗我既雞扒set 個雞扒反而有些少雪藏味但香港食親雞扒都有呢個味無可避免但脆度同味道都有80分我地仲見到有fruit punch做緊推介$40 兩杯又大杯又好飲是次晚餐好滿意 侍應們都好有禮貌唯一瑕疵係我地坐門口 每次開門d熱氣攻入嚟熱死人

呢間蕃滿門由開張到而家，都好好生意， 好多人幫襯，經常性要排隊。仲睇住佢由喺內街細鋪，做到搬去大街嘅大鋪。一樣經常有人在門外等位。我就唔想等啦，就買外賣返屋企食。我最鍾意食佢哋嘅肥牛蕃茄濃湯羅絲粉。湯底喺非常濃郁嘅蕃茄湯，加少少嘅辣味，但係又唔會太咸，好正。 螺絲粉果煙靭庋岩岩好。 佢哋將湯同粉，喺分開pack，所以外賣返到屋企都唔會怕D羅絲粉淋晒。佢地D濃湯有好多蕃茄。仲有佢地嘅凍檸茶，好特別，好好飲。應該喺將D檸檬打碎左，混入檸檬茶裡面，所以感覺同一般檸檬茶好吾同，好有魔力水準都 keep 住 ，值得一讚。

好日都唔入黎大埔，難得一大班朋友放假一齊入黎郊遊，有朋友就推薦左呢間蕃滿門。叫得蕃滿門，當然主打蕃茄，於是我就叫左一個蕃茄湯底意粉，餸就選擇左豬手。估唔到仍嘅蕃茄湯底咁濃，仲有滑蛋，不過個人就覺得其味道一般。豬手有啲偏鹹但食落好脆，整得好好。