正品蕃茄湯麵店

Open Now

Now Closed

腐皮墨魚卷蕃茄面好好味，腐皮墨魚卷入面有啲粉，但有少少墨魚肉都好特別。我揀左酸菜番茄湯，佢話激酸，但其實都唔算太酸姐haha 酸酸地係好清新好開胃。好香蕃茄面真係紅色架，同埋好煙韌，係份量唔太夠。男仔未必夠飽

呢間野其實我已經食過好多次 最中意佢個墨魚卷同餅 佢啲餸俾得好足 唔會話唔夠送麵 啲墨魚卷每條都好大 以我比較細食黎講 其實我食到2-3條都開始飽 最尾果條通常都係塞俾人(⁎⁍̴̛ᴗ⁍̴̛⁎)不過唯有少少不足就係如果餸可以另上就更加好 因為其實佢本身炸到脆脆地 但俾啲湯搞到軟哂湯底方面有幾款揀 個人中意胡椒 因為夠香口惹味 雖然話就話茄湯 好似好健康咁 但佢啲湯底都比較偏油 食果陣都真係唔好飲太多啦

🔻唔知大家中唔中意食🍅呢？好想推介呢間湯麵俾大家試👅佢個湯底係濃🍅湯底不得止 連啲麵都係🍅🍜👍🏻「隊長肉餅湯麵餐」$50呢個大家真係要一試 佢個肉餅唔同大家出面食開個啲肉餅🙈佢入面係有蕃茄🍅、蘑菇🍄 好入味 不過空口食就有啲咸 大家要連埋麵一齊食🍜👌🏻「脆炸雞扒湯麵」$48呢個炸雞扒賣相好吸引🤩不過就要睇下你好唔好彩喇，點解咁講？因為試過幾次舊雞扒炸到縮哂水😭所以大家有得揀可以試咗其他麵先🙈👍🏻「腐皮墨魚卷(5件)」小食 $35呢個好好味👍🏻個腐皮好脆 好有味👅個墨魚卷入面真係有墨魚㗎🦑不過呢款小食可以配麵 有呢個餐㗎⭐環境方面就比較窄 冇咩裝潢🙈不過cp值係幾高㗎🤤👅好味（5粒最高）：👅👅👅👅👅🕍環境（5粒最高）：⭐⭐🍡抵食（5粒最高）：🍡🍡🍡🍡🚗地址：正品蕃茄湯麵店荃灣荃灣街市街115號蘊崇大廈地舖

番茄麵係呢間店嘅招牌菜 唔係番茄湯麵咁簡單 而係麵嘅製作過程加入咗番茄 可以話係番茄到極致 有朋友鍾意食到話非食不可 見佢講到咁誇張 就一於放假嚟試吓佢🍅 其實佢有好多款配料揀嘅 有得自選單拼或者雙拼 不過我懶得揀 就淨係揀咗佢set好咗嘅午餐😂本身嗌咗魚腐香芹番茄麵 好想試吓魚腐同番茄有幾夾 可惜店員話魚腐賣晒😿 唯有試吓2號餐啦 貢丸拼豚肉香芹番茄麵 番茄麵可以轉米線 米粉 通粉或者公仔麵 但嚟得呢度梗係試招牌菜啦碗麵好快就送到嚟啦 係好香嘅番茄味 有三粒貢丸同幾片豚肉 仲有一啲芹菜喺面 個人對芹菜嘅味道唔太鍾意 所以都只係放咗喺一邊 一嚟就試吓啖湯 好濃郁嘅番茄湯 有番茄蓉喺入面 唔會太酸 而番茄麵質感有啲似上海麵👍🏻鍾意番茄嘅朋友一定會鍾意呢間🤤 四十零蚊有埋野飲都算幾抵

第一次食呢間叫左個早餐而家雖然主打係蕃茄湯底但係個早餐個湯底好淡 通粉就正常 幾彈牙腸仔都ok 個多士烘得好好食 外脆內軟 仲有牛油香 10分滿分有10分不過一定要批評嘅就係佢哋凍飲阿華田少甜又係勁淡於是問吓個女店員點知佢話少甜係咁樣 大佬呀！少甜只係吾額外加糖水冇咁甜 唔係代表淡喎根本就係啲粉落得吾夠結果只係飲左兩啖就飲吾落

原來佢地GE麵都係混左蕃茄汁整, 有D誠意。個湯底應該係無加茄膏果D, 所以蕃茄味5濃。我揀左黑椒味蕃茄湯,但完全無黑椒味同辣味。叫左佢地出名GE墨魚餅, 有2大塊, 真係好大, 但好咸...........入面係墨魚肉溝粉煎成, 都幾多粉............不過都食到一粒粒墨魚肉GE。

有朋友好鍾意食蕃茄麵， 嗰日大家見過面之後就一齊去呢間 "正品蕃茄湯麵店" 食碗麵。我叫咗個墨魚餅黑胡椒蕃茄湯麵，墨魚餅有兩大塊，煎得唔係好香，食落去口感比較淋又冇乜墨魚味，麵係紅色話係用蕃茄做成嘅麵，食落去味道甜甜地都幾特別，黑胡椒蕃茄湯，味道係好香蕃茄味，但係絕對唔係龍郁好杰身嗰種，呢個蕃茄湯嘅味道就好浮於表面化，味道偏向中式 ( 其實我冇考究過蕃茄湯麵係邊個國家嘅 )， 湯有幾片洋蔥，我覺得可有可無， 個蕃茄湯都有黑椒味，但係又未到重味果隻。飲品我叫咗凍菜蜜，都調得唔錯。

本人為蕃茄愛好者，好多時點菜見到蕃茄都難以抗拒。一直以來都係香港食過唔同既蕃茄麵，真心，無一間做到呢間咁出息。但因為唔就我出沒地，上次黎食已經係大概兩年前。首先，呢間蕃茄味既湯底係超好。食得出係由蕃茄煮成，完全無罐頭味。而佢個麵亦係超好味，唯獨係麵既份量略為少。當日叫左香芹蕃茄湯底既隊長肉餅蕃茄麵同埋黑椒蕃茄湯底既墨魚餅蕃茄麵。本人自細討厭西芹，唯獨黎到呢度會食，D香芹細細粒，同個湯底好夾。肉餅入面有香菇，口感豐富。而墨魚餅有一種軟綿綿既感覺，咬落去有少少彈口，又有煎過既香。另外蕃茄湯可以揀辣，不過我食唔到辣，就做唔到食評喇。不過都提提大家，如果需要紙巾，係需要$2一包，餐廳係唔會提供紙巾。當日，係星期六，中午未夠十二點黎食。食客唔多，我同朋友兩個人坐四人枱，坐得鬆動。但冷氣就偏微弱。而餐廳會播一D燴炙人口既廣東歌，首首都好岩聽。整體黎講，呢個價錢對應既食物質素同環境，係超值。

明明準備好收工，又要臨放工俾人捉住，搞到男朋友等到唔識餓🙈見到佢先知佢唔係好舒服，就諗住搵啲健康啲既野食，記得上次係呢間小店食過，好有家庭感覺，所以就再次幫襯。不過老實說，呢間小店既格局一般，坐得唔係好舒適，啲位有啲窄。睇睇餐牌，當然又係一飯一麵share食😋個墨魚餅一咬落去，嗯，怪怪的，好似炸完再浸落湯度，外面層就溶，食落去感覺唔多良好。個湯底都好似淡味左。飯相對反而好啲，不過肉餅有少少偏鹹，其他正常。不過比起之前食，差左😢

在千色旁邊一條較少人行的街道，一間食店默默生存著，以為一直只做午市同晚市，突然有日行過發現，竟然有早餐餐牌！原來佢新分店已先開始有早市，早餐得一款有蕃茄湯底，配火腿炒蛋連多士再跟餐飲，三十蚊起。入到去竟然無人！叫咗陣先有人出嚟，感覺怪怪。要烤多只得半塊，色澤很好但未到脆，火腿炒蛋以為係一齊炒，原來火腿係白烚，但蛋份量都多，厚身，一片火腿，兩件香茅魚餅，加米粉睇落好清淡，但香茅魚餅比預期好，咬落香茅味即時湧出，夠彈牙，就係細，不過以依個價錢早餐叫差唔多。

呢間野我都幫襯左好耐，尋日去食個蕃茄湯淡左好多，好似溝左水咁，淡而無味，問個侍應個侍應話係換左個新廚師先係咁！個麵我簡直冇辦法食，好似蕃茄滾水麵咁，最後我要求換返個冬蔭功湯先食得晒碗麵，講真如果再係咁既質素，我一定唔會再幫襯，希望佢地會改善返啦！

有時在荃灣活動，見證這舖頭從無都有，到現在有分店。食物有自己的風格和味道，番茄為主，我喜歡番茄，當然無問題。飲品就不要太高期望。價錢我無意見。舖頭環境一般，我都可以接受，始終是小舖起家。但我最不能接受，就係充滿大媽的環境，個個大聲吵鬧，廣東話唔喊唔淡，嘈吵不堪，又尖聲難聽刺耳。伙計間傾計好自然，但唔好搞到成個街市咁。你享受我難受。敬請改善。

一直都好想試呢間蕃茄湯底，荃灣區有好多呢啲小店，座位一定係好迫，同埋大家都係抱住一個食完快餐就會走嘅心態。我食物質素，唔使約時間，坐得九成滿，相信都唔會中伏。午餐都有幾個選擇，而且價錢都好合理，仲會送熱飲。午餐貢丸三粒拼豚肉香芹番茄湯 $43 （送熱飲）湯底：湯麵嚟到嘅時候，見到一大碗番茄湯，立即心心眼，因為個人系好鍾意多湯。三粒嘅貢丸同埋幾塊豚肉，對於一個女生來講，呢個份量已經足夠。個湯底真係超濃郁，其實平時喺屋企，我都會自己烹調番茄湯麵，但係呢個湯底係好濃郁，而且唔會太酸。麵條：個面亦都係另一個兩點，因為麵條係粉紅色的，原來係番茄麵，麵條好滑溜，唔會煮得太稔。。豚肉，貢丸：豚肉比想像中滑溜，三粒嘅貢丸，唔算太差，亦都唔會太驚喜，係正常嘅味道，入邊仲有啲冬菇，呢個價錢，都算合理正常！如果一個人速食，呢度係一個不錯嘅選擇，而且品質都唔錯。除咗譚仔、吉野家，呢度都會係一個好選擇。

入來這間店，純属偶然。坐下，看菜單，才發現似曾相識，原來是正品蕃茄麵。荃灣至少有兩間正品，這間位置偏辟，門面坦白說有點寒酸，店內面積細小，座位也難以用舒服去形容。就環境而言，這裏是很輸蝕的。這次點了腐皮墨魚卷酸酸菜蕃茄湯麵。四件炸脆了的腐皮墨魚卷，外面的腐皮香口，裏面的墨魚滑彈牙，而且不失原品，是佳作。可惜没有與湯面分開上，導致腐皮很快便軟塌。蕃茄麵很有咬口，而且加了蕃茄汁搓弄，是店內的特色麵條，配上兩件煮軟了的蕃茄，相得益彰。美中不足的是，酸菜蕃茄湯底非常酸，而且過鹹，渲賓奪主，蕃茄麵便吃不出甚麼味道了，也吃不出正品主打的那種自然住家的味道了！跟麵送一杯熱飲，柚子蜜淡得有點過份，感覺開茶的人不太大方。47蚊一餐，在香港來說不算貴。但有比較有傷害，明顯的另一間分店在環境及食物上都較為優勝。

今日Lunch 去左食蕃茄湯麵🍜，可能lunchtime 時間未到，不過都差不多時間但都已經好多人了，去到都差不多滿座，坐低後要自己去拎餐板睇，個亞姐只係企係到，算！自己拎，我地叫左招牌肉餅蕃茄湯麵🍜肉餅完全無咬口，林啤啤個人口味唔岩，蕃茄湯係ok嘅麵都有咬口嘅！另外叫左個炸雞扒蕃茄湯麵🍜！雞扒比較硬又唔脆口，雞扒已經分開上已經好好多，如果唔係都唔個點算！個人覺得店員差，叫都唔應，應左過黎又晦氣，倔到死！😡一定無下次