富田和食亭 (翠屏北商場) (Closed)

在屋邨內看到這餐廳起初是有點戒心的，因為很多時在屋邨的日式餐廳都不會很正宗，不過這個門面的設計都算不錯，所以就入內試試了。點選了熟食。白飯尚可，加有芝麻及調味品，味道算是不錯。配上燒雞，醬汁的味道也不錯，雞肉的肉質也是軟軟的，雞皮脆口，算是不錯的餐廳。

富田比我既感覺係平民日本餐廳，以前係屋企樓下有一間，裝修好靚，野食好平，好味，成日都會去。依家領x加租，平民餐廳都要過處啦。今日去到翠屏邨，雖然距離地鐵一段路，但係食到好野都係值得。呢間富田應該都係新開冇奈，裝潢都係好新，地方寬敞，好多卡位。六點半入坐，唔算多人，d姐姐好好，不停幫我地浸茶，茶杯永遠都係有綠茶。叫左個42蚊沙律，冇諗過細既沙律既都咁大碗，有10cm 高既，同埋好足料，好多沙律，青瓜，蟹柳蟹籽等。個賣相雖然有d樣衰，相信係豬軟骨既固體油。但端菜時果陣麻油香味鼠入鼻哥窿已經流哂口水，個豬軟骨好好味，好香烤味，d汁好入味。入面仲有d荀咁，好味。叫左個照燒牛肉丼，個牛片有點厚同韌，照燒汁都唔係好夠。但加埋隻蛋，同個飯好滑好香，補救番。我真係唔明，點解碟碟都有蛋黃醬，好似烤紫薯同陣味其實好唔match. Btw, 個紫薯係好味，裡面有甜薯粒，有質感之餘，紫薯味香，外皮好脆。正。又係蛋黃醬啊😂 軟殻蟹壽司6夠/48蚊 好抵食！ 最後又係蛋黃醬配烤雞軟骨。個雞軟骨係得軟骨，冇咩肉，多番少少會好味d. 但係咁平既價錢，食到呢個質素，其實真係好唔錯要是你唔你皇帝肚，係覺得好味既🤗 三個人

上個星期六，係和樂村探朋友之後，一起行落樓梯，朋友推介呢間日本食店，見佢個鋪頭門面裝潢唔錯，便入去試下。老闆話最新推出了不同類型嘅一人晚餐，好抵食，而且一至日都有得食。我哋一人叫咗一個餐，價錢由50多蚊至108蚊，選擇好多，豐儉由人。我哋叫咗四個餐一齊食，一個係炭燒安格斯牛肩扒，一個係醬燒豚寸骨，呢兩個價錢好抵，一個76蚊，一個64蚊，配埋烏冬，啲烏冬非常之彈牙，食落好有口感，豚寸骨燒到好香，聞到都流哂口水，而個牛肩扒就夠瘦，又好有肉汁，啱我呢啲注重健康嘅人士。其他兩個，喺出面嘅日本食店唔經常食到，一個係拖羅蓉海膽丼，雖然價錢最貴，108蚊，但係物超所值，啲拖羅剁成蓉，配埋海膽，個樣有啲似鹹蛋肉餅飯，拖羅蓉撈埋飯同海膽，食落啲肉汁滲哂喺啲飯度，飯同魚嘅鮮味都出曬嚟，食完會上癮！下次嚟，都一定要再食！最後一個就係炭燒海鮮拼盤，睇個餐牌真係想像唔到係乜嚟，不過都即管一試，原來呢個最抵食，平時一個鯖魚套餐都要50幾蚊，而家78蚊有鯖魚, 虎蝦, 帆立貝和墨魚，仲燒得好好味添。

今日食呢間店係位於觀塘翠屏道新開張既，所以吸引咗好多街坊幫襯架！重點係裝修靚又乾淨，等位又唔會好耐，做到野呀！今日食咗個好吸引既奄列蛋飯，佢d蛋整得岩岩好又唔會太咸，仲有d蕃茄汁呀，唔係hea你亂吱架，好多架！入面個飯一開始以為係白飯原來係炒飯！特別好食既有蟹肉薯餅配沙律醬，入面真係滿曬蟹肉，真係啖啖肉呀！另外，帶子雖然數量唔多，但勝在夠新鮮！但個鰻魚飯就麻麻地，因為石頭鍋但又冇汁所以成個飯好乾同冇味。。日本菜系列：富田

最近放工同同事經過翠屏邨, 入咗呢間日本餐廳, 諗住試吓新野！諗唔到有意外驚喜!我哋先叫咗煙鴨胸伴凱撒沙律，啲菜好新鮮，個沙律汁好好味，有黑椒粒淋面，非常特別再叫咗個椒鹽風味本菇, 熱辣辣外脆內軟, 入口鬆化即溶食埋個鹽燒香魚，魚裏面有好多魚膏， 食落好香, 芝士焗蠔就冇乜新意，最後食埋個九州拉麵，仲可以轉麻辣湯底意想不到係佢個凍奶茶，非一般茶餐廳可以飲到的花茶香味, 好似午後紅茶的味道，飲完之後有齒夾留香，正

係屋邨有間唔係大集團既日本食店，咪支持一下小店，結果究竟有驚喜，老闆熱情招待，刺身夠新鮮，燒物又夠味，值得推介👍🏻好彩無信之前既食評，明明好味既小店都寫到差到不得之了，唔通大家以為只可以食D大型連鎖食店，真心唔想以後都無呢D小店

住在翠屏邨咁耐, 難得有一間日本食肆, 梗係要入去試吓，個餐牌一打開啲價錢起碼平出面10至20個percent， 而且食物質素好, 性價比高!嗰晚同屋企人入咗去叫咗一盤刺身， 最好食就係三文魚腩同活赤貝, 另外仲有鮑魚, 賣相非常吸引, 試埋個豬軟骨烏冬同辣海鮮烏冬， 我最鍾意食。雖然地方唔算大, 但係勝在老闆招呼好, 對待客人非常有heart, 見到佢哋仲有無障礙通道。食埋天婦羅同串燒，全家人吃飽飽， 每位都係二百零蚊。

超級差評🤮🤮🤮🤢🤢🤢🤢😡😡😡😡😡🤬🤬🤬🤬🤬冇一樣野係滿意。1:服務態度極差  啲服務員叫十世都唔應 2:野食圖文不符得誇張  啲野又難食  3:價錢唔公道  性價比低👎🏿  4:冇學生餐但死話遲啲有  𠱓住啲客  5:衛生極差  明明新開但邊邊角角位極多塵埃  6:跟餐送嘅菜蜜味如水  揾鬼食咩🙄🙄🙄😰  p.s.最後埋單個陣個呀叔唔肯收5毫  本身冇咩野  但愈諗愈嬲（態度極差）所以就翻轉頭揾佢 ，問佢點解唔收同想換翻$1 一開始佢支支吾吾拖拖拉拉唔肯換，後尾係我態度強硬追問，佢先話係因為銀行收手續費 ，我心諗關我咩事  就話收費同你收唔收5毫有關係？佢就死死地死話換比我地（其實係咪真係咁着緊個5毫嘅重量？梗係唔係啦大佬 純粹係唔gur 佢）。真係一啲都唔滿意  冇一樣滿意😡😡p.p.s我地四個學生妹去 佢地睇我地林善所以先踩住上😡😡👎🏿👎🏿👎🏿

今晚年初二…同仔仔落街揾嘢食，見有間新開日式餐廳，響翠屏邨呢啲舊屋邨…睇環境都尚算過得去，門口有餐牌，睇落已經覺得有啲貴，仲要收埋加一服務費，不過… 抱住不防一試嘅心情，都照行入去。可能係新裝修關係，地方都算係整潔，但係無日式餐廳果種感覺！好似入左一般茶餐廳咁！入左去…由一個50後著住套*老西*似係酒樓部長/經理同埋一個70後著住*好隨便*便服睇落似大排檔企堂嘅帶埋位，一個著左日式圍裙90後嘅新晉女侍應俾左兩杯凍開水，就開始睇牌點餐。菜單…係好普通過普通嘅嘢！但價錢同名牌 *不相伯仲* 我兩仔爺點左 前菜…小食…壽司…燒物…主食落單後都等左一段時間 開始覺得出菜有啲慢，呢個時候聽到隔離檯出聲投訴等左好耐都無嘢食，已經俾足時間和忍耐，好氣憤咁起身埋單 … 一路俾錢一路嘈！！另一檯單身客又投訴…等左差不多半粒鐘都無嘢食！ 唉… 佢隔離檯遲過佢嘅都成檯嘢食左一大半！！我卒之有嘢到，不過唔係前菜！唔係小食！唔係壽司同燒物！而係主食 麻辣牛肉拉麵！碗麵睇落唔熱…飲啖湯試下，暖暖哋…唔夠麻…唔夠辣…得個咸字！夾注拉麵試下…霖Bet Bet…煮過左龍！撤底失敗！失望！跟住 壽司到 … 睇落好袖珍 ,

情人節又過年行完花市諗住同屋企人食好d，5大2小攞7位飛，等時話大枱第一張，等咗半個鐘3歲小朋友瞓咗要抱，10個月大BB只可手抱，主動話唔介意分枱座，派飛姐姐話可以泊3張枱6人位我哋都唔介意...轉頭見最入單邊卡位有4人空枱，淨隔離一個婆婆食緊嘢，諗住俾我哋，問可唔可以俾小朋友入去先，或者我哋部份人入去先叫嘢食都可以，有個高級d男人話唔得，等婆婆走嗰度坐8位，前面有2張4人枱走咗，我哋話分開坐又唔得，男人話近門口有張枱埋咗單俾我哋，以為係一張現坐8個人，用4張2人枱泊埋嘅位，再等10分鐘見嗰枱人仲食緊，又話有嘢未到，再問先知原來係門口超窄6人卡位，現坐3人做開食肆無理由唔知小朋友其實比大人用得更多位，全枱食物熱茶對小朋友好危險，何況係坐6個人都有難度嘅超窄卡位要坐7人所謂第一張大枱等到2~4人枱已經反超前過咗8個no，門口已經無乜人都堅持只俾張超窄卡位，唔知算唔算歧視小朋友食唔到嘢嬲到即走

d位置好迫，兩人位好似坐緊走廊杯茶上面係有層油漬d壽司1x蚊兩舊但細細粒而且一大一細d野外觀唔好睇，但又收既價錢唔平一個麵要67蚊，我行去隔離魚米食，都係3x蚊唔覺好味過人地好多無下次