同德素食

Open Now

Now Closed

老公找素，黎左同德素食。呢度要自己將餸菜號碼寫落紙仔俾職員。阿仔今年開始寫字，呢個任務就交俾佢啦🥳芒果香酥豆腐$98好大碟，不過都俾我哋3個三扒兩撥清碟。芒果甜，豆腐嫩滑，皮又薄又脆。仲有個芒果醬好開胃👍🏻不愧為推介菜式菠蘿咕嚕肉$108「肉」係猴頭菇，甜酸汁味道同稀濃程度剛剛好。每逢去中式素餐廳有咕嚕猴頭菇，我都一定必點，成家都鍾意食😋竹笙如意扒素蔬 $118餐牌相片係西蘭花，但上菜變咗娃娃菜。原來菜係時令，下單時可以選菜。而d菇都唔係照片咁樣，全部都好碎😅有照騙之嫌⋯⋯ 同貴左d如果得咁少仲要係娃娃菜芋頭芝士焗豬扒飯個焗豬係炒飯底，有誠意👍🏻芋頭醬同芝士估唔到又幾夾👍🏻