唐記包點 (港鐵大圍站)

Open Now

Now Closed

其實我食唐記咁多年來，都只係食菜肉包或者麥皮饅頭。昨日返工做嘢做到好肚餓，因為疫情第一日六點後不能堂食於是就出去行吓睇吓有咩好食。見到唐記都仲有人買外賣於是就行埋嚟睇吓心血來潮買咗馬拉糕，燒賣。估唔到馬拉糕可以做得咁綿密香甜，而且不會太假甜同好難吞，真係有驚喜喎。另外試埋個燒賣，鮮蝦都爽口同埋豬肉部份都做得爽甜。覺得連鎖店都有如此質素實在令本人覺得十分驚喜，呢排返工諗唔到食咩都唔使煩惱了因為我見到佢定時都有出啲新嘅嘢去吸引顧客個人覺得幾好

食品：珍珠奶茶包價錢：$7評分：7/10.最近唐記出咗個珍珠奶茶包！即刻買一個嚟試吓先！記得上年出奶茶包嗰陣都好想買返個，不過成日都好快就買曬！一直都試唔到，今次終於買到嚟試！我係喺12點左右去買嘅！.一切開個包就聞到好香嘅奶茶味！非常吸引！個包入面嘅質地啱啱好，唔會太流心搞到食到好論盡。珍珠亦都好煙韌，唔會外面淋入面硬！.中意珍珠奶茶嘅人可以去買嚟試吓，我個人唔係咁中意蒸包，所以應該唔會再買多次。

臨返屋企阿媽打黎話今日唔得閒煮飯,得琴晚D冷飯。唐記食佢D蒸包就食得多,今次一於買D點心返去加餸。每一間唐記的Menu都有小小出入,大圍呢間點心類全部$19買咗秘製金錢肚,豉椒鳳爪,山竹牛肉球秘製金錢肚非常厚身,彈牙而不靭,而且非常入味。豉椒鳳爪-完全係地道酒樓的水準入口即溶,好多骨膠原啊~山竹牛肉球-牛肉球口感較實,私心希望山竹可以大片D~(笑)北菇雞飯-蒸飯香綿配上滑雞非常滿足,而且白飯份量夠亦足夠兩個人share。試過之後原來唐記其他出品亦有水準,無論早餐或小食,正餐都是平民的好幫手!!

最近很多時探病後，回到大圍都已經很夜，想親民價錢吃些飽肚的熱食都沒太多選擇。最近火車站開了唐記包點，讓我可以多一個選擇。之前舊公司附近也有一間，偶爾也會買蒸飯做午飯。全部蒸飯及糯米雞$27，點心$19，蒸包$8，價錢算親民。我自己最喜歡是鳳爪排骨飯/豉椒排骨飯，有肉有菜大大盒又不太油膩，吃過好幾次都覺得排骨的肥瘦適中，調味不會太鹹，飯也不會太軟或太硬。想環保點的話，記得自備食物盒，店員很樂意幫你用自己食物盒去裝呢。2個人吃的話，就會點多1-2款點心、蒸包 ，最常點的便是燒賣，個人覺得鵪鶉蛋燒賣比普通燒賣好吃，可能因為我喜歡蛋，而普通燒賣相對亦偏鹹了點。而他們的蒸包不只有熱食，更有凍包供選擇，方便隨時想吃便可加熱。這次我要了一個熱沙嗲牛肉包，另外4款凍包做早餐及下午茶，沙嗲牛肉包真的很香又惹味。菜肉包的菜肉比例剛好，餡料也不少，口感夠juicy ，榨菜菜肉包比菜肉包惹味一點，蔬菜香菇包絕對是不想吃肉時的好選擇，有菜絲、蘿蔔絲和香菇絲，口感味道豐富，香芋包加熱時已聞到芋香，味道不會太甜。值得一讚的是唐記包點的蒸包，自行加熱後包皮也一樣鬆軟。現蒸包更是優惠價$7.5個，大大個很抵吃呢。

唐記而家既分店開到周圍都有～好似7-11咁總有一間係左近，特別係地鐵附近，差唔多個個大站都會見到佢～平時朝早唔想食西式面包既話，都會買個熱辣辣既中式蒸包食～感覺好似健康d,冇西式面包咁多牛油同埋會飽肚d,唔係空氣包～今日我就肩負住安排全家人早餐既使命，黎到唐記～唐包熱辣辣既蒸包相信好多人食過，但其實仲可以買凍包～凍包水滾隔水蒸8分鐘就食得～可能你會諗咁麻煩去買熱辣辣個d食好過啦～但有時真係一起身想慢慢嘆埋個早餐先出門口，凍包就幫到手！因為要買哂全家人既早餐，所以我都買左6個凍包，包括兩個菜肉包、叉燒包、香芋包、奶皇包、黑芝麻包～味道都唔駛點講～真係充料又好食～但甜包我就略嫌佢太充料，哈哈，太多餡仲有叫左個鳳爪排骨飯，仙竹卷同白豆漿～個飯都幾乾身～配埋豉油同菜，有菜有肉先27$ 真係幾抵！仙竹卷就19$ ，咁就一定係冇酒樓咁好食，但過下口引都唔錯～白豆漿：$9唔會太甜！岩哂我！一落火車就買哂早餐都真係好方便～不得不提店員服務態度200分！非常好！

今日收工食自己屋企樓下又冇乜野好食途經大圍就決定買點心返屋企食😂呢排成日食唐記/唐包點因為真係好方便完全可以滿足到鍾意食點心嘅我仲要啲包又唔差點心都唔差前後揀咗四款點心包括係牛肉球、雞扎、燒賣、鮮竹卷總覺得食點心唔可以淨係買一、兩樣情願食淨夜啲再食或者留嚟朝早再食都係唔錯嘅選擇😂所以飲品都買咗兩樣呢度嘅豆漿同奶茶都幾正又唔太甜奶茶都幾滑豆腐亦好香唔會太甜👍🏻👍🏻👍🏻唐記真係懶人之選😂

好耐無食過唐記，健康又飽又經濟實惠🤣如果夜晚買多了，當早餐都係一個幾好嘅選擇✌🏻-小編至愛👇🏻👇🏻👇🏻香滑奶茶 $12最令人意思不到，味道的確唔錯，合乎價錢，尤其是熱天飲，單點都正呀～章魚肉餅飯 $27飯量都很足夠，一個人食絕對夠飽，圓圓一塊章魚肉餅，小編們就嫌太細了🤦🏽‍♀️一啖飯一啖肉也快無。對於食慣濃味嘅小編，覺得淡味咗啲，不過學似健康人士話齋，食咁濃做乜🤷🏽‍♀️沙嗲牛肉包 $8沙嗲牛肉好入味兼惹味😋馬拉糕 $8你會好清晰見到，一層層，好鬆軟😚-唐記包點p.s. 大圍火車站開咗新店哦!過咗7-8pm..必食推介都賣光光了😫同埋都好多人排隊，想買嘅都耐心等候吧🙈

今天來個健康又抵食的蒸飯餐，三個人叫了兩個飯加一個點心就足夠了，朋友怕說不夠飽，也叫了個唐記名物菜肉包。唐記的菜肉肉比其他包店的更好食，不知道是不是它的肉比較滑身，份量也足夠，所以比較好吃。我們亦叫了鳳爪排骨飯及北菇雞飯。鳳爪排骨飯有兩隻鳳爪再加上六七舊排骨，飯的份量不算多也不算少，所以這些餸的份量其實也已經足夠了，北菇雞飯的雞很滑身，而且雪味不算很重。另外可以叫店員給多一點菜那樣吃上來好像比較健康。點心我們叫了一個鮮竹卷內裏有很多不同的配料有菜有肉及一點蝦，蠔油味足夠，味道也挺好吃。完成了一餐健康又便宜的午餐。

一連OT咗幾日，慢慢OT攪到午餐也冇心情吃。 下午吃唔飽夜晚又OT，放工之後好似冇晒電，只想著要吃飽一些。放工路過聞到好香食物味，見到唐記就在附近，一於買多一些外賣吃過痛快。蒸排骨飯排骨份量十分多，醃得夠味肉也夠嫩，飯吸收了排骨精華變成有味飯，加上加入了菜，一盒排骨飯也令人有暖胃感。雞扎好大扎，用腐皮捲住肉蒸，吃起上來味道較清淡。山竹牛肉大大粒有肉味，質感也彈牙。菜肉包真材實料，肉菜份量平均，包質也鬆軟。

鳳爪排骨飯。$27蒸飯的皇道就是鳳爪排骨飯，無論去茶樓或是外賣店，鳳爪排骨飯都是我的首選。鳳爪最好要有兩隻，要有一點辣椒帶出味道，豆鼓味要適中，排骨要有肉有骨，骨肉分明，飯不可太濕。說起來好像理所當然，但做出來卻不易。唐記總體來說也算做得不錯。雞扎。$19雞札有芋頭，豬皮，豬肚，雞肉。雞肉很滑，雪櫃雞也有點雞味，沒什麼雪味。豬皮比較淋，芋頭正常，豬肚不是比常雞札有的，有驚喜。奶茶。$12奶要滑，茶要濃。唐記奶茶不算完全港式，茶沒港式般濃，但比台式日式好。奶味也有而且香滑。對比一般，罐頭奶茶好。