糖百府 (Closed)

星期六放工兩個人到西貢海邊走走, 岩岩秋風起, 行完海邊就去左糖百府吃個甜品!對芒果情有所鍾, 所以點左芒果秋香~芒果味好濃再加上碟邊既西瓜粒~感覺好fresh!好味!份量有好大, 足夠兩個人食!另外點左一個紅豆沙豆腐花(熱), 雖然看似好普通, 但係豆腐花好滑, 紅豆沙亦好足料, 果皮味濃, 喜歡熱食既朋友可以一試!食完甜品再踏出門口一陣海風吹來, 別有一番滋味!

這個名字真的很有趣，真不知道何解這種類似雪粑的食品會叫作秋香，可能是一點吸引人注意的招數吧！所以也要來一個試試。原本想要紅豆抹茶的，但因為售馨，所以轉換成咖啡味的。外觀很有繽紛，很像小朋友食品，一點不像咖啡的形象。而味道則算是可以，咖啡味不算濃，而在夏日吃這食品又真夠消暑。

好久沒來西貢走走 所以今天下班後要來散步看看只可惜到達時 天色已經開始暗了 太陽正在下山周圍的風景都變得黑黑的 只看到大大小小的燈火沿著黑麻麻的海邊長廊 緩緩的散步著有些人在釣魚 有些人在聊天 也有些人在跑步各人都在這繁華的城市裡 找尋生活的趣味而我的趣味之一就是吃甜品啦 哈哈XD這次我在西貢選擇了吃《糖百府》一間吃”綿綿冰”很有名的甜品店 終於來吃了因為天氣冷 我沒有點”綿綿冰” >0<(1)楊枝金露豆花 :: 賣相好好看 感覺好好吃最特別是店員用芒果汁做成了一個心型的圖案 XP整個甜品的芒果味很濃香甜 西米脆脆的各種柚子的肉很鮮甜 完全不會苦苦澀澀的!!!(2)麻甩 :: 名字怪怪衰衰的 但味道是非常的好耶它本來是平常的糖不甩 但整個都用了黑芝麻在做就變得完全不一樣了 裡裡外外都充滿了黑芝麻的味道感覺沒那麼的膩 只有黑芝麻的香味 焦焦的味道麵團的口感不會太黏牙 一點綿綿的又有一點嚼勁 很好吃!!

同女朋友周年紀念，去左西貢浪漫下，食完飯見到碼頭小巴站有間糖百府，女朋友話想食糖水，成日食西貢出哂名既X記，都想試下新野，咪入去試下。舖位細細，但記得可以坐到30人左右，仲有一個半開放式既廚房，坐近廚房的話，可以見到佢地做緊乜。員工有D有著印有店舖嘜頭既圍裙，有D無，都唔係好知邊個係員工邊個唔係，不過，眼見都好有禮貌，招呼好好。牆上有寫住是日沽清了什麼，起碼唔駛估乜野有得食，乜野無得食。餐牌有相有字，於是又唔駛估嗰D係乜野嚟。普通既糖水例如紅豆沙、綠豆沙、芝麻糊、喳咋都有，燉野又有，起碼照顧到不同既需求。最後，因為心大心細，咪問邊個係店長，等佢介紹。就係咁，女朋友揀左心太軟配雲呢拿雪糕，我就揀左芝麻糊。因為心太軟係熱既同埋應該都幾甜，呢度配雪糕食都幾夾，雪糕係用Drey字頭既雲呢拿味，無其它味道，都OK因為配埋朱古力味既心太軟，唔會變得咁膩! 一個人既份量啱哂女仔食，食完都幾滿足架! 店長話芝麻糊係自家磨製，食落又真係覺得超滑，肯定唔係開水沖，真係唔錯。應該會再同女朋友去試埋其它野食!

去西貢睇月全蝕,點知有意外收獲，喺西貢專綫van站落咗車等埋D friend落船；百無聊賴見到個新招牌咪行近d 望望,幾企理， 天高氣爽老闆話要潤一潤、甜一甜。諗下返咗成個禮拜工用咗咁多腦汁，不如補一補叫咗碗合桃露，哇點知...超滑呀! 唔似食開嘅乜記物記果ロ感，果種滑溜嘅感覺真喺未試過。老闆就叫咗creme brulee, 個面好如履薄冰燒出來而形成脆ト卜嘅焦糖面冇火槍, 下面是又香又滑嘅燉蛋，蛋味濃郁，甜度唔會功高蓋主，外脆內滑配合得簡直天衣無縫 like 壓軸係老板娘推介嘅"糖不甩 & 麻甩" 即叫即做即食，夠熱夠軟塾...正爆！正到連相都唔記得影，可惜得兩條"冷"試唔到其他推介，有機會一定要再試！

去開西貢，竟然見到糖百府，幾個朋友一齊入去試下。可能係下午時分，無乜人，唔駛等位。因為天氣凍，無叫雪花冰，反而想試下焦糖燉蛋，等左5-6分鐘有得食! 單看外表就好靚啦，原來入面都有驚喜~最頂嗰層係脆既焦糖，下面先係燉蛋，焦糖部份甜，而下面無咁甜，啱啱中和番，好味~ 推!