麵屋豚豚拍子 x 辛味屋 (Closed)

我和其他客人在門口想看看下午茶menu，有侍應拿了兩份放在門口玻璃display櫃上供我地參考，由於2點半才有下午茶，大家都在門口研究餐牌中。突然店舖收銀員衝到display櫃前，一手一張把我們正在看的餐牌搶走，並喃喃自語說「都未夠鐘，做咩攞出黎！」我和另一客人當堂嚇呆，未能反應，收銀員回到收銀枱後叫來給我們下午茶餐牌的侍應大罵，指「未夠鐘，做咩攞出黎」。侍應表示門外有客人想看，收銀員又大喝「咁都唔駛攞出黎，都未夠鐘！」從未見過由客人眼前搶走餐牌的店員，不管我們是否光顧，是否都不讓看未夠鐘的餐牌？這刻我和另一外那名食客都失去興致，相繼走人🤷🏻‍♀️

拉麵篇 豚豚拍子豚豚拍子都係新都 ， 一到星期6， 日午餐都要等陣， 咁佢餐牌都有唔同種類set lunch , 同埋價錢都係幾合理， 又坐得舒服 但我就麻麻想食飯， 咁睇哂啲餐牌諗左 幾分鐘都係想食拉麵多啲 🤣🤣 啲選擇困難症係呢個時候就會發作， 不過定左係拉麵之類就好快楝到就係楝正黑蒜油拉麵 ， 覺得下午茶黎講 一碗拉麵加杯野飲 ，買單都超抵每次食拉麵都係可以加到蔥就算加錢都ok, 因為拉麵配埋青蔥 唔知點解個味好夾 ，同埋米線都係， 講番呢間啲拉麵湯底正常， 係價錢抵食， 下午茶圖一就無加蔥， 有加蔥就係午餐， 午餐足料好多 ， 麵同湯都正常 ， 一試無妨

📍 麵屋豚豚拍子x辛味屋📍 將軍澳 • 寶琳 • 新都城中心2期 (MCP CENTRAL) 2樓2003-5號舖位於寶琳的新都城中心商場，新裝修後還是第一次到訪。不同的店鋪都按照種類集中在某個區域，例如食肆區、服飾區、化妝品牌區，非常方便想要集中選擇的客人！這天來到了這裡的食肆區，看見這家佔地很多的《麵屋豚豚拍子x辛味屋》，門面已經很大了，吸引路人視線。店面很大，座位很多，大部分客人都可以選坐卡位位置。雖然餐廳看似由《麵屋豚豚拍子》和《辛味屋》合作而成，但我看座位沒有分成兩個區域，食物menu也沒有說明兩家餐廳的分工～豚肉壽喜燒鍋定食 ($68)Pork sukiyaki hot pot set- 配烏冬 w/ udon這個超級吸引，價錢相宜，加上天氣轉涼，最適合吃火鍋！火鍋是壽喜燒湯底，味道比較清甜。肉類選了豚肉，鍋裡還配有蔬菜如金針菇、鴻禧菇、娃娃菜、紅蘿蔔、豆腐等等，還配白飯或烏冬～配搭自由，可以追加不同火鍋配料👍牛肉片 Beef slices (+$20)泡菜 Kimchi (+$10)熱柚子蜜 Citron tea (定食 +$5配熱飲; +$8配凍飲)晚市自選拉麵套餐 (

近幾個月返工實在太忙，放工只能在附近商場吃一餐便飯。下班後，都會想找一處舒適的地方，靜靜的吃一頓兩個人的晚飯。這間餐廳環境寬敞，有唔少卡位，夠晒私隱度～晚市推出了不少套餐，價錢相宜。牛肉壽喜燒定食$75壽喜燒湯底充滿豉油香，亦帶一點甜味。配料豐富，有草菇、蔬菜、牛肉份量也不少呢！配上讚岐烏冬， 是惹味經典自選。另外追加金菇$8😋😋黑豚拉麵$84男友對黑蒜油湯底情有獨鍾，便點了這一份拉麵。湯底散發着淡淡的蒜油香味，鹹甜適中。拉麵軟韌度及粗幼恰到好處，個人不喜愛吃太軟身的拉麵，這裏正合我的口味！可以選一款小食追加了一份炸雞肉這份小食很有驚喜呢！炸雞炸皮鬆化，雞肉超多汁超juicy!另外點了一份燒牛舌$45燒牛舌加上檸檬汁，簡單味美。好快就俾我哋清空了。😋喺度特別要讚賞餐廳的侍應服務殷勤，很有禮貌！忙碌過後，可以這樣靜靜地舒服地吃一餐飯，真的簡單又滿足。

今日黎到新都城商埸，知道佢呢排商場已經有聖誕節既裝飾，所以專登去打下卡。打完卡就順手係商場入邊食野。今次我地就入左2樓既麵屋豚豚拍子x辛味屋 ，見佢門口show出黎既日式食品款式到多，所以就入去坐底食野。今次叫左2個set，一個牛肉壽喜燒鍋定食加多份牛肉，一個漢堡奄列咖喱飯，小食就叫左北海道南瓜炸薯餅同炸魚柳。牛肉壽喜燒鍋定食跟左一份烏冬及一隻雞蛋，湯底係濃湯底，又可以改為蕃茄湯，岩晒唔同口味既人。今次我就冇轉湯底，因為我地覺得壽喜鍋配烏冬係最夾。漢堡奄列咖喱飯，咖喱汁係日本咖喱，好香咖哩味道，但一D都辣，漢堡奄列，漢堡肉質鮮嫩，咬落去肉汁流晒出黎，唔會死實實。炸魚柳同北海道南瓜炸薯餅都炸到外脆內軟，魚柳肉質嫩滑，薯餅口感仲軟綿好味道添。

今日下午行過新都城二期商場，見到有間叫豚豚拍子x辛味屋日本餐廳，之前聽朋友講過話好好味，今日有幸經過，一於入去試吓 😄我們二個人，每人叫了一個套餐 :白豚拉麵，配料很豐富有木耳，竹筍和蔥，豚肉很嫩滑，拉麵又彈牙，湯底濃郁，非常美味👍日式麻婆豆腐花，比較上海麻婆豆腐有少少分別，味道較甜，好有和風味道，豆腐加肉碎配埋白飯一齊食，食落口好滿足😇另外一個套餐，拉麵加叉燒炒飯，日式叉燒和廣東叉燒味道有啲分別，冇咁甜，不過都好好味，炒得很香又有鑊氣，好食到唔停得手，食完一啖有一啖.......😄加埋個日式煎餃子，一邊煎得香脆，另外兩邊又有少少煙銀，涵料很豐富，食落口入邊仲有少少肉汁，真係好正☺️配埋杯凍柚子蜜，夠晒清新 🌴☘️

一人晚餐，就決定食拉麵🍜方便又快捷。餐廳好大，座位都幾闊落，有好多唔同種類嘅食物，咖哩牙，壽喜燒嗰啲都有。叫咗一碗赤豚拉麵🍜加多份燒牛舌。拉麵水準都唔錯，濃底小小辣粉，唔算得上辣，仲食得到豬骨湯底嘅味道。麵嘅軟硬度係我鍾意嗰種，唔太硬但又夠淋掛到汁。豚肉反而有小小偏乾，木耳絲幾爽口，夾埋麵食口感會豐富咗。燒牛舌牛舌無乜太多嘅調味，滴幾滴檸檬汁上面更加好食，燒得幾好，入口吾韌。仲有就係店員好有禮貌。

個人好鍾意一餐入面可以食多啲唔同款式嘅食物，見二人餐有好多選擇，2款主食加3個小食都只係208蚊，好抵喎。赤豚拉麵，有兩塊好大嘅豚肉，仲有好多木耳絲，湯底幾濃郁，食到豬骨湯底嘅味，好微嘅辣。鰻魚飯，鰻魚好滑，厚身，汁嘅份量啱啱好，食落口唔會好濟。小食方面，牛舌，薄切牛舌，小小鹽味，都有咬口，吾錯。炒燒魷魚，口感好爽，有啲蒜片同薑絲炒，香口我幾鍾意食喎。自家製餃子，啖啖肉，皮薄，煎得幾香口。2個人夠曬飽，相當抵食

佢開張冇耐果時 人影都唔多隻既時候本住冒險精神去試試佢我記得 果次係真心難食連老公對食冇要求既人 都話好難食就證明到 佢有幾難食今日 我地又抱住冒險既精神 比個機會佢再試試佢啦 今日lunch time時段去到 見到8成滿座我地都好快就安排入座店員態度幾好 值得加分講返食物先啦叫左個午市自選拉麵套餐赤豚拉麵 + 自家製餃子拉麵彈牙 唔會煮到好淋果種湯底濃郁 不過唔夠辣餃子熱辣辣 涵料唔會細細舊不過就真係太遲黎 仲有個吉列豬扒咖哩飯日本咖哩既甜味 豬扒鬆脆不過不失比起第一次食 真係進步左好多

來寶琳和朋友晚餐，選了這間價錢親民的麵屋豚豚拍子 x 辛味屋。這裡是兩店合併的，所以拉麵和咖哩都可以選擇喔，另外也有定食和鍋物，種類繁多。我們點了一個$208二人餐，有兩款主食和三款小食，性價比不錯。點了自家製餃子、燒牛舌、燒雞翼及燒雞軟骨各2串、燒肉飯和另加了$15改點豚軟骨拉麵。豚軟骨拉麵很滿料，有豚軟骨、糖心蛋、木耳和蔥花！豚軟骨煮得入味又軟淋，軟骨也很易咬開，加了木耳吃起來很有口感拉麵的良伴就非餃子莫屬了，可以一口一顆牛舌薄薄一片燒得乾身，爽口有嚼勁，可以加點清新的檸檬汁來吃串燒是燒雞翼及燒雞軟骨，有驚喜！燒得鹹香有致，非常惹味另一主食是燒肉飯，豚肉加洋蔥，簡單好吃非常好下飯新都城住户平日更有九折優惠，真的抵上加抵～

今日下午到了新都城買傢電、足足選了一整個下午、順道在商場晚飯。發現新開了間豚豚食堂、有拉麵、蛋包咖喱屋、定食等、選擇蠻多的、而且價錢親民。黃豚咖喱拉麵 $84是我喜歡的幼麵、豚骨湯底伴以咖喱汁更加濃郁惹味！ 若果豚肉更加軟嫩會更好~小食選了炸豆腐、炸得好香脆内裡軟滑、有四大件好抵食。蒲燒鰻魚定食 $88 麵豉湯不過不失、鰻魚好大條、蒲燒過後好香、性價比挺高。另外點的燒魚餅 $45幾彈牙、跟薑蓉一起吃、味道不錯啊！

今日夜晚同朋友諗唔到食咩，見呢間日式餐廳有好多款dinner set，就決定試一試啦🥳。.自選二人套餐（$208）我地兩個人所以呢款套餐最適合，除左兩個主食之外仲有三個小食😍。.滑蛋豬扒飯（大）：豬扒炸得脆之餘蛋亦好滑身😜。.鰻魚飯（大）：我一向都好鍾意鰻魚飯，而呢件鰻魚好大件，份量十足🤤。.自家製餃子：餃子係自家製，好有日式風味😋。.芝士年糕：日式芝士蛋糕好特別，咬落淡淡都有芝士爆出黎🥳。.北海道南瓜炸薯餅：雖然係薯餅，但係南瓜蓉甜甜地更加吸引😍。

疫情期間，這店讓我吃得安心，因為地方比較寬敞。 人多的時候，我不會堂食，會堂食的時候都是人不太多的時候😁，有時可以一個人坐卡位呢! 今次介紹一下拉麵。這個招牌牛油拉麵， 有蔥花、筍、粟米、海帶 、叉燒 ，當然少不得一大片牛油😄! 湯底不是普通的味噌湯底，乃加入了大量豬骨及其他材料而熬成的，所以湯底比一般的味噌湯底較濃郁，對我來說就鹹了些少。麵條是用粗麵，煮得比較軟身，正合我口味 😊!雖比較軟身，卻仍爽口。叉燒不肥，較腍，味道可以啦! 麵條的份量都幾足，能飽肚😆😆。午餐可跟小食一款，我要了燒多春魚。很久很久沒有吃多春魚，燒得剛好，魚身沒有燶。味道一般，比較淡。另一次就叫了普通拉麵套餐。湯底跟招牌牛油拉麵一樣，只是少了塊牛油，海帶份量多少少。 可能少了塊牛油，味道就沒有那麼鹹，但整體味道都是差不多。普通拉麵套餐一定是跟自家製餃子。餃子脹卜卜，餡料足，味道可以。 送到來時剛好可以入口， 放涼了就不好吃喇!記得趁熱/暖吃。

見裝修都Ok，下午茶價格又差唔多，睇菜單都期待，但食物真係偏鹹，但又未到鹹到要洗腎，拉麵質素只能說好一般，差過屋企自己煮，食兩啖已經無胃口，如果正餐價錢又貴好多，真心不推價，

家住將軍澳，這幾天和太太放假，早上跑步，跑畢後到附近的這餐廳食午膳。午餐提供多款套餐定食，有飯和麵的組合套餐，也有便當套餐，亦有咖哩類別，更有壽喜燒鍋定食，選擇性特別多，要花點時間才能選定食什麼。豚肉壽喜鍋燒定食平時很少選壽喜燒鍋嚟食，今次做完運動特別肚餓想食肉，眼見鍋上的食材由冷冰冰一路被湯水滾起的時候，好想快啲食咗佢，豚肉薄切不用煮得太耐，我個人喜歡加了些蒜蓉醬和七味粉，令豚肉的味道添上了豐富層次口感。這個定食最啱入了秋涼的日子，食完會暖笠笠。炸雞燒牛肉便當炸雞送上來時仍然很脆口，點些沙律醬很美味，牛肉伴著洋蔥亦不錯，送飯一流。雞翼拼雞軟骨串燒最緊要滴一些檸檬汁，酸酸地，胃口更好。餐廳最大特色係選擇性好豐富，有很多set lunch選擇，整體食物質素不錯，座位亦舒服，而服務員能在較多人的午市時間都保持到一定的良好服務，值得一讚。