麵屋豚豚拍子 x 辛味屋 (Closed)

正值午飯時間，和朋友在商場內遊逛，看見「豚豚拍子」四字的大紅燈籠，非常鮮豔奪目，更被門外栩栩如生的食物模型吸引著，餐牌上的價錢相當便宜，環境整潔寬敞，決定進去試試。餐廳地方頗大，感覺舒服，坐低後服務員連忙給我們送上口罩袋，非常貼心，並提示我們午餐和茶餐其實大致相同，只是份量有少許差異，最後我選擇了黑豚拉麵(下午茶拉麵)$45，加配$3熱奶茶，朋友點了照燒雞扒(下午茶定食)$39配熱奶茶，另外加了三款小食，分別是自家製餃子(小)+$22、炸豆腐+$18和牛油炒草菇$45，人均消費$95，幾抵食！黑豚拉麵(下午茶拉麵)$45，以茶餐份量算多，湯底幾香，拉麵細滑彈牙，豚肉味道不錯，又腍又有肉味，配熱奶茶只加$3，價錢合理。照燒雞扒(下午茶定食)$39配熱奶茶，同樣抵食，朋友大讚珍珠米好食，雞扒又香又滑又大份，連配菜都食清光。小食：自家製餃子(小)+$22，餃子十分精緻，餡料十足，略嫌餃皮厚了一點點。炸豆腐+$18，外皮香脆，但內層保持滑溜，幾好味！牛油炒草菇$45，份量較少，但草菇炒得好香，加埋牛油味，更加好食。餐廳整體表現都幾好，環境、服務理想，價錢合理，午市/茶市餐牌選擇超多，有咖哩、奄

疫症期間 很多商場少了平日熱鬧。日日困嚮屋企自己煮公仔麵食 都食到悶。同男友出黎打算買外賣.寶林站新都城2期呢間 "豚豚拍子" 地方好有日式風格.環境好整潔光亮. 就入去坐低試試 .職員有禮細心.一坐低就遞上兩杯熱茶.另外又俾兩個膠袋仔我地擺放口罩用👍🏻呢間午市套餐 好抵食🤩一個主食+鰻魚細飯或小食連飲品. 先係幾十蚊客🤩我點咗個午市套餐: 軟豬骨拉麵 配北海道南瓜炸薯餅❤️個軟豬骨拉麵份量好大碗 . 豬軟骨煮得好入味.入面既軟骨又淋又滑勁好食.配料好豐富.有溏心蛋.木耳絲.竹筍等😍北海道南瓜炸薯餅 即叫即炸.入口外脆內軟香甜 .超好食呀！一定啱晒大人細路口味.呢個必食啦 。燒牛舌 吉列蝦 發揮正常水準。價錢低又食到好野 真係好大滿足感呀.下次要帶埋屋企人黎試吓先😚

今日我哋去咗位於新都城以其嘅團團拍子食日本拉麵，呢度嘅拉麵係來自札幌，係札幌嘅no.1我哋叫咗一個黑豚拉麵同埋赤豚拉麵，呢度嘅拉麵麵質比較柔軟同偏幼，非常特別，應該都係佢哋一帶嘅賣點，有新嘅麵條令到麵條更入味，黑豚有好香嘅黑蒜油味，赤豚偏向有少少辣香味，拉麵質素真係唔錯而呢一個拉麵套餐更佩三款自選小食，三個小息都非常出色，係雞軟骨拼燒雞翼兩串，炒魷魚鬚同埋煎餃子（大）雞軟骨粒粒脆口，雞翼都燒非常香但又唔係會令人熱氣嗰種，而炒魷魚鬚亦都係比較少見，因為魚鬚的位置比較罕有，小食可以揀佢當然一定要揀啦！然後呢度嘅煎餃皮薄餡料多，配上自家製餃子豉油，非常美味

近排肺炎之後冇工開，出去食嘢都揀啲平啲嘅，發現呢間餐廳價錢都幾平一於入去試吓。漢堡蛋包咖喱飯 ，咖喱飯非常香濃，咖喱甜甜地好下飯 ，不過佢嘅蛋包飯唔係同平時一樣啲蛋包住㗎，但係蛋皮簿簿地撈埋咖喱飯超正，仲要價錢唔貴$62。另外都叫咗鰻魚定食，大大條鰻魚，鰻魚厚肉，醬汁帶出鰻魚嘅鮮味，入口即溶冇刺。朋友叫咗牛肉壽喜燒鍋定食 ，75 元，價錢非常之實惠，牛肉份量都有唔少，質素好過吉野家，特別推介佢哋嘅讚岐烏冬，非常彈牙梳晒啲湯汁。另外追加左，豚肉片，一份18蚊，非常良心價。另外我哋都試咗牛肉日式麻婆豆腐飯，係日式嘅麻婆豆腐飯，都幾啱老人家食唔辣但係豆腐嫩滑，食落去另一個風味都唔錯價錢仲要好平$52咋。

之前有幫襯過一次，味道確實唔錯！咁岩經過見到佢有下午茶套餐，又幾多款揀下喎！👉🏿✨吉列咖喱豬扒烏冬 hkd 48 💸📌豬扒會另外上（貼心👍🏿/炸到好酥脆！仲會有埋沙律醬😙至於個烏冬好彈牙，咖喱唔會好濃好重口味，配埋烏冬食岩岩好～👉🏿✨炸魚柳 +hkd 22 💸📌佢啲下午茶套餐都可以加小食！呢個真心加得值😉入面係大大啖魚肉（冇骨/一啲都唔腥👉🏿✨燒肉飯 hkd 39 💸📌話就話係下午茶，不過份量同正餐一樣！食到超飽😂有湯同沙律，肉又俾得多，燒汁撈飯超正🥰👉🏿✨串燒雞肉丸 +hkd 25 💸📌佢除咗雞肉丸入面仲有啲軟骨係到😳特別得來又真係幾好食喎！

近年真系拉麵店越開越多 行開見到將軍澳開左呢間就去試下 因為比佢lunch同下年茶的價錢吸引左🤩 午市套餐就$69起一碗麵一個小食🙋🏻‍♀️ 下午茶系超平！三十幾蚊至四十幾蚊就可以有一個餐 仲要多種類😆 由拉麵去到咖哩飯或者親子丼都有😂 我地因爲好肚餓就決定兩者都要試下！豚軟骨拉麵就系豬軟骨 舊肉好入味好軟腍而且都有幾舊 上面仲有半隻蛋添👍🏻 另一碗就系黑豚拉麵👅 個黑蒜都幾香 有足夠的蒜味 所以惹味啲👀 塊肉就系平時的叉燒薄片 一樣夠腍 但冇咩口感 而我都吾系特別中意呢啲冇炙燒過的肉🧐 兩碗的湯都系豚骨湯 夠濃味😛 但系咪真系熬出來就吾知啦🙈 但就太油 食完隻匙系浮面😂 另外個麵都系幼身的所以就冇好索湯 亦比較一pat 軟硬度應該拿捏得好小小🤔 小食就叫左串燒雞軟骨同芝士年糕。雞軟骨燒得好脆 用啲鹽醃過所以鹹鹹地咁❤️ 每一粒都有啲皮包住軟骨好爽口🤤 另外的芝士年糕雖然都系炸返起 但熱辣辣外脆內軟 入面充滿芝士真系好好食😚 仲有個下午茶餐就叫左金菇肥牛卷定食 包沙律同湯仲有碗飯😌 肥牛卷就系你想像到的味🤣 但個汁有啲太鹹，旁邊仲比左沙律醬🧐 質素就對得住價錢啦 住附近的可以一試！特別下午

其實將軍澳都有好多好食嘅選擇，呢度嘅午市定食選擇不少，又有拉麵類，又有飯類😋更可以以優惠價錢換購小食😍😍午市set已包了沙律及例湯，如果唔想飲湯就可以輕餐飲👍👍 枱面都放滿了不少的調味料，任君選擇🤪媽咪好鍾意食酸姜❤️❤️今日係為咗食鰻魚飯嚟嘅，點了鰻魚蓋飯，熱辣辣送上枱，鰻魚上淋滿醬汁，鮮甜入味，甜度剛好，拌飯一流，重點鰻魚沒有碎骨，一啖鰻魚一啖🤟🏻牛肉蓋飯嘅牛肉份量好多，牛肉非常嫩也很多汁，配埋牛肉蓋飯的秘製醬汁，甜甜的，好送飯呢😝照燒雞扒奄列咖喱飯😋😋咖哩飯我愛到不行，非常香濃還帶有一點點辣度，不過日本咖喱發甜為主嘅👍👍照燒雞扒份量好多雞肉保持嫩滑😻😻奄列嘅蛋炒得啱啱好，蛋同咖喱簡直係相當配合🥳🥳日式麻婆豆腐飯第一次食，味道又幾特別喎，唔係平時中式嗰啲麻婆豆腐，真係好有日式風味❤️❤️

同屋企人去食晚飯而家外賣仲有8折添！不過一場黎到，就堂食啦～我地揀左蒜香牛柳定食，親子丼同列豬扒咖哩烏冬蒜香牛柳定食超香我特登講定唔要太熟店員都話可以盡量同廚師講👍蒜香味足淨食蒜片都夠牛柳都算嫩滑定食仲有粟米沙律同味噌湯，夠晒飽呀！媽媽叫嘅親子丼不過不失雞蛋都幾滑好好送飯妹妹揀左個吉列豬扒咖哩烏冬吉列豬扒幾香脆鬆化而且好大份下切成好夠件，大家都可以分黎食咖喱烏冬就夠香濃咖喱湯但唔會好稠好快就清晒lu

媽媽放一日假唔煮飯 所以去左食豚豚拍子～菜式選擇十分多🤣勁多小食都想食 所以決定每個category都嗌啲haha牛舌 $45 估唔到會有咁多塊 好抵食！肉質較實 口感同平時既牛舌有些少不同～炸雞肉 好juicy 肉質好滑 炸到好香口 熱食真係一流！蟹籽沙律 開胃前菜之選😋桃汁酒 原來係罐裝🤣係有4%既酒精 所以飲飲下都有啲feel haha吉列豬扒咖哩烏冬 湯底係稀身 唔係好杰個款 味道調較得好好 唔會過咸令到人好快覺得好膩！吉烈豬扒亦炸得好脆！$72黎計真係好抵食！蒜片雪花牛柳定食 $118 牛柳粒好juicy！食落唔會太韌蒜片超級香 襯埋食真係一流！

因為疫情的關係，大家都少咗出街，所以我有一段時間沒有約朋友外出吃飯，趁今日和同事一起當值，就一起吃餐飯聚聚才回家。之前也來過這間餐店，套餐的選擇挺多，所以是encore之選。門面和內裏的裝潢都沒有變，門口闊落，紅色的大日式燈籠、食物模式和幾牌巨型餐牌，都是它吸引之處。內裏裝潢滿有和風色彩，簡約舒適，地方又寬敞，最喜歡是間了多格闊落的卡座，枱與枱距離甚多，最適合不過。二人套餐枱上已放了多份精美的餐牌，選擇真的很多，有多款套餐和定食，仲有不少散點菜式。套餐定食包括有壽喜燒鍋晚巿定食、多款晚巿定食、咖哩晚巿套餐、奄列晚巿套餐、烏冬晚巿套餐、弁當晚巿套餐、蓋飯晚巿套餐、日式麻婆豆腐晚巿套餐、晚巿自選拉麵套餐、自選二人套餐等等….********************先揀了一份晚巿自選拉麵套餐 Flexi Dinner Set for 1($79)，包一款拉麵和一款小食。同事喜歡以大量豬骨、桶骨及豬手熬製而成的特濃豚骨湯底，貪佢骨膠原豐富喎，哈!就在六款中選一客豚軟骨拉麵Pork Cartilage Tonkotsu Ramen(+$5)，配料包括不少爽口的木耳和荀片、一隻溏心蛋、大量清香的蔥

今晚又番黎依度吃了！之前試過，覺得好抵食，環境又坐得好舒服😊😊😊平時都好多人黎依度食，興幸今日唔洗等位呢！小食：炒魷魚鬚🦑用左蒜片去爆香，非常入味，好好食呢！晚市自選拉麵套餐：我地叫左個雜錦拉麵，自家製餃子拉麵湯底唔會太鹹，適中😊😊😊餃子亦都非常好味，皮薄👍🏼👍🏼👍🏼豚肉辛味屋鍋定食：我另外加左牛肉片同埋生雞蛋！我自己就好鐘意生雞蛋，應該加埋d肉，你會食到佢既鮮味！不過最近非常時期，都係小d食為妙。唔好睇佢成個煲好似細細地，其實食落都非常飽！加埋d烏冬落去煮，勁入味，配埋牛肉、豚肉食，正😊😊😊😊😊

收工黎左新都城食個晚餐，想食快啲，就黎呢間餐廳食番個二人餐。二人餐，（$208），我揀左個鰻魚飯（+$10），朋友揀左海老拉麵（+$15）。小食揀左燒牛舌、牛油炒草菇、炒魷魚鬚。唔洗10分鐘已經上齊菜，果然講求效率。牛舌落啲檸檬汁都唔錯，口感爽口。草菇同魷魚略嫌炒得比較鹹。鰻魚飯塊鰻魚都唔細，食落係軟嫩嘅鰻魚，個醬唔算太鹹，飯量大概一碗半。就咁食可能有啲dry，所以配住啲小食食就啱曬。朋友揀嘅海老拉麵，除左蝦兩隻，仲有一塊豚肉，朋友話味道正常。最後埋單$256，前後先半個鐘，係食快飯之選！

包羅萬有日本菜@將軍澳天氣咁凍最適合烚下烚下，關東風嘅壽喜燒鍋有少少似打邊爐，但唔需要落咁多湯，味道微鹹帶點甜。依道嘅壽喜燒鍋有幾種唔同肉類，有雞肉、豚肉同牛肉，連埋飯或者烏冬都係 $80 內，CP 值好高。我見格離枱嘅咖哩飯都好吸引，咖哩味好香。牛肉壽喜燒鍋整得似模似樣，除咗牛肉之外，重有金針菇、冬菇、豆腐、胡蘿蔔同娃娃菜等等，配料都十分豐富。最重要就係唔少得生蛋，無論點咩都會變得香滑好味得多～ 我重點咗 ASAHI 生啤，食得盡興啲呢！因為日式壽喜燒用嘅鍋淺身好多，好快就煮熟啲嘢食得。娃娃菜同豆腐煮耐少少更加入味，甜甜哋。生雞蛋汁都係精華之一，蘸一蘸，牛肉滑順入口咁。熱辣辣嘅壽喜燒鍋配冰凍啤酒，實在嘅無得彈。食到最後就落埋啲烏冬，烏冬口感好彈牙且滑溜。拉麵係特濃豚骨湯底，再加上大量櫻花蝦，令到湯底濃郁中充滿海鮮鮮味，配料亦有兩隻海老呢。依個拉麵混合咗海老同豚肉，所以都有兩片豚肉叉燒～依道嘅套餐都有附送小食，不過我就加 $10 點咗炒韮菜豬肝，諗住韮菜香口啲，會適合佐酒多啲，哈哈。

麵屋豚豚拍子 x 辛味屋 (將軍澳)•記得中學時曾在這個品牌的分店打工，沒想到，多年後這品牌不但沒有消失，還有不少分店😯。-星期二晚上7:30左右全院滿座外，門外還有不少人在等位😏。•1️⃣ 金茹牛肉卷定食 $82 定食附有麵豉湯、前菜、白飯。牛肉色澤不錯，包著金茹，配上醬汁一同食用，不錯不錯🤣。-2️⃣ 燒肉定食 $78 燒肉份量超多😱。燒肉充滿日式的味道☺️。-3️⃣ 雞泡魚干 $55 魚干甜甜的，帶點煙韌，好味道😋。

喺新都城二期有間幾抵食嘅日式便當，拉麵， 定食好啱帶小朋友去。新都城《 麵屋豚豚拍子x辛辣屋》樓面好大，內籠裝修依然新淨， 好多卡位，坐得都幾舒服。檯面有嵌入式電爐， 可以即興來個壽喜燒鍋～小朋友最喜歡食拉麵， 就選了這款「雜錦拉麵」 套餐，札幌味噌湯底。 份量也頗大， 配料材料相當足。 味噌湯底唔算太鹹， 麵質一般唔係我喜歡嘅煙韌底， 豬軟骨醃得好入味還有大量粟米。日式便當（燒青魚加燒肉） 套餐 $78首次嘗試這裏的便當， 米飯甘香軟熟， 燒青魚皮 煎得脆卜卜， 魚肉夠香， 另一款餸係豬腩片 ， 味道唔錯不過稍為乾咗啲。 可添加中間嘅日式薑蓉汁，總覺得欠缺一些 漬物， 醃菜醃瓜之類。 套餐配日式例湯， 可加錢轉熱飲或凍飲。$25 追加雞骨腸皮好脆嘅雞骨腸， 肉質有啲似台灣腸，頗美味！芝士年糕（套餐加$10）年糕好軟熟煙韌， 裏面有溶岩嘅芝士， 口感味道都唔錯， 一啲都唔似番炸。再來一瓶波子汽水，夠曬爽！