麵屋豚豚拍子 x 辛味屋 (Closed)

呢度平日都幾多人排隊㗎，食晚餐嘅我地大約等咗15分鐘有位😆嘅拉麵種類都幾多㗎，想食拉麵又想食小食嘅可以食套餐～ 2百幾蚊有成3樣雞翼同雞軟骨都係即整咁好香脆 而且分好咗骨，都幾細心😚熱騰騰嘅餃子肉汁鮮嫩，係必點！睇啲色澤都知佢幾入味，加咗啲醬油同蒜去炒，不錯不錯豬軟骨拉麵🍜肉係幾淋同入味嘅，但係個麵底同湯頗為普通呀🤧黑醬油味好似會濃味啲～但都係冇出面個啲咁好食🤨以呢個價錢係不錯㗎喇又有成3個小食，食到飽飽❤️

Lunchtime突然想食咖哩飯，就諗起辛味屋，食過其他分店都係正路之選新裝修夠光鮮，又坐得幾舒服炸雞塊奄列咖喱飯（午餐） $58呢個咖喱飯已經食過幾次，雞塊唔會炸得太乾，仲幾淋，之前幾次都好滿意，但今次咸左少少，奄列蛋皮夠嫩滑，唔會死死實實燒雞扒奄列咖喱飯（午餐） $58朋友叫咗燒雞扒，估唔到個雞扒真係有好香嘅燒烤味，個皮燒到焦香夠晒脆口，唔錯喎個咖喱汁仲有少少蔬菜粒$58包埋麵豉湯同粟米粒沙律，仲可以儲印花換coupon，我覺得都幾抵食

依排想睇既戲，全部Popcorn間戲院都滿座；已經連續2次要去新都城果邊睇戲啦。今次左行右行，越睇越唔夠時間食飯；就入左間外表好似都OK既日式食店。點知，一行入門口就覺得伏啦；因為入面完全係茶餐廳格局，入面既入物都係呢。好彩睇下餐牌，價錢都係茶記級別姐。睇落都多野食，而且都平既。熱飲唔駛加錢仔叫的，極難食麻婆豆腐2個炸物定食，就冇乜點，炸豬扒重幾好味添。不過講真，如果係屋企樓下幫襯多D都冇所謂；如果要特登搭車去食的話，就一定唔會揀佢囉。

真係睇餐牌，斎睇都睇咗好耐。喺呢間餐廳，你可以食到既野包括：札幌風味拉麵、九州風味拉麵、日式咖哩、丼、便當、仲有壽喜燒。真係包羅萬有。我食壽喜燒，女友食便當。幾豐富滿足。新開的商場舖來說，價格不貴。食物質素來說，我會說性價比高。地方寛敞，卡位幾好坐。服務質素方面，上菜速度很快。待應態度，係今時今日的香港地算不錯。認真覺得而家香港地人多競爭大，吃個飯都好艱難，無咩選擇。呢間野幾有heart, 比好選擇客。走個時埋單，仲有一張印花卡，儲夠可以換優惠券。

四個人一起等位，就在餐厅面前，叫枱時四人都在，没有人聽到那女的叫，她是叫了，可是誰能聽到😒？還把枱給了別人。之後態度很差，仲眼啤啤，兇神恶刹的，還幾個人一起罵，不吃是一回事，他們還罵人，差評。

午市經過餐廳外面望到好多人食，而且餐牌望落都幾吸引又多選擇，就入左去試下。🍴午市自選拉麵套餐 - 白豚拉麵 + 芝士年糕小食 hkd69拉麵賣相同味道都好普通，唔值得試。芝士年糕就炸得香脆，好味。🍴弁當午市套餐 - 照燒雞扒+漢堡扒 hkd68賣相不錯，但同餐牌唔同，薯仔沙律變左芝麻醬粟米，而雞扒就好淡無味，唯一可取係漢堡扒份量都有兩大舊，配上酸甜醬汁好開胃。🍴自家製餃子(小) hkd32一黎到發現同餐牌唔同，俾少左1隻，後尾店員都有補番。餃子煎過但係唔香脆，味道普通。

新城城2期進行小規模的革新，舊有的舖頭不見了，卻換來了更多的新氣象。市場的需求有著時間性的熱潮，當自由行初起氾濫的時候，金行藥材店開得成行成市。然而自從我國的蓬勃發展，經濟起飛，他們再不放眼在香港這彈丸之地，要掃名牌包包，何不親赴歐洲搜羅第一手期間限定？要欣賞風光名勝歷史古跡？石屎森林的香港更非為一個拋開繁鎖放鬆心情的好選擇。加上本土主意的推波坐瀾，把國內旅客標纖作「蝗蟲」，更以一波又一波的行動打擊掃蕩，於是自由行的熱潮便漫漫退卻，結果當日鋪天蓋地的藥房金行相繼結束營業，租金下調，漸漸地本地生意再次騰昇。這就是自由市場無形之手的自我調節。這一陣子，咱們在街上見得最多的便是台灣茶店，為了分一杯羹，連那些歷史悠久的中國茗茶也加入行列，紛紛推出被受市場歡迎的甜茶凍飲，及至糖水甜品都投入競爭，在「滿記」咱們也可發現她們推出疑似健康的桃膠果茶。於新都城2期的大商場，賣這些冰茶的店子居然也有三、四家。雖然明知冰茶的利潤甚高，可是加盟店往往需付出龐大的加盟費用與相關開資，更要與總公司攤分利潤。這樣的無限供應，端的有那麼多的需求承接嗎？不過時到夏日，加上甜茶均有糖上癮的誘因，相信這個曾經興起沒落，再捲

繼上星期食完之後，今日同朋友一家大細黎食，試多啲口味，儲多啲印花！而且地方闊落坐得好舒服，真係好岩有小朋友的一家大細黎食！今次終於有叫到餃子，餃子煎得十分香而且鎖住左啲肉汁喺入面，超好味，而且香口野小朋友特別中意食，食完一碟仲追加多一碟！上次試左飯今次試拉面，湯底多辣，唔係得個紅字，义燒又好味，面質偏淋但都唔錯，反正本人係中意食淋啲嘅面。咖哩燒牛肉飯燒牛肉好香，日式咖哩汁撈飯一流！最後仲同老公交換左個拉面😂😂😂朋友們叫左個海老拉面，咖哩雞扒蛋包飯同燒牛肉定食，都話唔錯！個面仲好受小朋友歡迎，3歲人仔就食左大半個拉面！

今晚去到新都城二期搵食，周圍想食既餐廳都爆到hihi ，眼睇前面哩間叫”麵屋豚豚拍子X辛味屋”有大量吉位，咁就姑且試吓佢啦，我估唔睇埋個餐牌都未必知係食乜...😅一坐底職員已經放底2杯水、餐牌，服務態度唔錯 👍🏻 跟手再睇下佢有乜食，基本上佢有啲2人餐、4人餐...拉麵、蛋包咖喱飯、定食加啲小食類...但由於我2個人都唔係大食，所以散叫左個拉麵定食同鰻魚定食試試佢首先黎個豚軟骨拉麵加個炸雞粒沙律小食，先飲個湯底...老老豆豆唔好咁大期望囉，啲豬軟骨可能味千都不如🤦🏻‍♂最後連隻流心蛋都變左實心蛋 omg 🌚到左鰻魚定食，哩個就正常番小小，幾廿蚊貨仔唔可以要求咁多啦，不過如果大食既朋友仔，可能一個唔係好夠飽 😅Btw 應該冇下次 😅😅😅

約朋友行將軍澳這商場，經過此新餐廳，大家見到門面的食物模型幾吸引，再望下餐牌價錢唔貴夠實惠，所以決定晚餐係依度品嚐。餐廳不算大，坐位空間卻夠闊坐得舒適，裝修新，夠乾淨整潔，而且一店兩食，可以同時食「味屋豚豚拍子屋×辛味屋」兩者食物，啱晒三心兩意嘅朋友。餐牌選擇都幾多，有拉麵、定食、咖哩同烏冬，拉麵都有成10款揀。見肚仔餓，我決定食【網燒雪花牛扒定食】$118，定食有飯、味噌湯同粟米。連叫order等左一陣就嚟齊小食同定食，有效率。塊牛扒size都算大塊，燒得香口，肉質嫩有啃勁而油脂不多，牛扒份量剛好食到一碗飯，田園沙律用來墊底，乾身得濟要點沙律醬就醒胃啲。味噌湯不太咸，ok。【炸豆腐】另外叫的一款小食【炸豆腐】，此小食易學難精，我在家整到豆腐散晒，而餐廳此款豆腐外面炸到金黃而入面滑溜溜，口感不錯。餐廳整體食物質素唔錯，仲有得消費儲印花，對於我朋友呢啲師奶仔係好吸引，而且佢住呢區夠方便，隨時食嘢儲著數，真係持家要有道，慳得多就係好婦道。👀👍🤣

星期六晚同家人👨‍👩‍👧‍👦晚到將軍澳麵屋豚豚拍子食拉麵🍜，因為新開而且之前喺其他分店食過有好印象🤩，所以便來此分店encore。間舖特別之處係餐廳入面分兩邊唔同裝修去區別味屋豚豚拍子屋同辛味屋，其實可以同時揀選兩者食物😚，一心想食拉麵，所以睇下有乜選擇先，拉麵種類多，另外便檔🍱、蛋包飯🍳🍚、咖哩飯🍛都有得選擇。我哋見到2人套餐幾抵食，其中有個2個主食 × 4款小食 × 2款飲品套餐$268😋，感覺唔錯，所以決定叫這個餐。燒雞翼兩串🐥及燒雞軟骨兩串🍢燒雞翼外皮香口👄，肉唔嚡又咬口，雞軟骨夠啃勁，加擰檬汁🍋夠醒神。餃子🥟餡料不錯，唔咸，咬落去淋淋地，唔係硬身那種，點醋更惹味。🥢吉列蝦🦐size 適中，掌握炸的時間不錯⏰，外皮金黃，咬落去蝦肉還滲出絲絲飄煙💨，証明剛炸起夠熱。蟹籽沙律🌱不過不失，不錯。豚軟骨拉麵🍜豚軟骨🐷的肉同軟骨比例剛好，有得咬有得啃，也很入味，拉麵彈牙有口感💋，湯底幾濃👍，但唔會太俗，加上糖心蛋🥚、荀絲、蔥粒同木耳絲等配料，整體不錯。鰻魚飯🐟鰻魚飯分量夠多，鰻魚肉嫩，個汁甜甜地好味，鰻魚汁💦剛好包著飯粒，但嫌較少冇得撈再低啲嘅飯，不過有其他小食來送飯就食到成盒飯。套餐2

見《豚豚拍子》在附近新開張約兩個月，終有機會光顧了。由於最近該店向附近住戶派發了$60優惠劵，平日晚上7:30 都需要等候約十五分鐘。餐牌厚厚的，照片中的食物令人目不暇給，頗多選擇，有咖哩飯、火鍋、定食、拉麵、烏冬等。海老拉麵 $87，全幼麵製作，麵尚算彈牙、夠滑兩顆明蝦質地較硬，非彈牙，不覺有蝦味。至於湯底雖是豚骨湯底，但大量細細粒的海老令湯底變海老湯底，較鹹隨拉麵附加 $10 的自製餃子，底部有煎過，但外皮卻似蒸過的，饀料是豬肉與菜絲，不過不失吧燒肉定食 $78，一大碗白飯、一大堆燒豚肉、沙律菜和麵豉湯小弟發覺該店餐牌相片與實物，頗有落差。麵豉湯都算不錯，一大塊昆布在內。沙律菜和粟米都頗新鮮，可以接受。但燒肉卻太乾身，更何況質地有點硬唯一好處是洋蔥夠多

👭麵屋豚豚拍子 x 辛味屋 (將軍澳)👭廣島炸蠔咖喱飯 (午市套餐) $49前菜係一碗粟米沙律加左小許沙律醬，食落夠晒凍🤗酸酸甜甜幾開胃😋不過個麵豉湯好鹹，飲晒成碗變得好口渴😥炸蠔外皮炸得酥脆，咬開一半見到隻蠔都大隻，食落蠔味幾出，係不錯既炸物👍🏻咖哩就好普通，屬於偏甜既日本咖哩，如果有返dd辣味就好！分量亦都好足夠，38食完一個就飽晒😛值得一提既係呢間餐廳其實將兩間唔同brand既餐廳combine左一齊。所以入到黎坐低會同時收到兩個餐牌😆環境係超級寬敞，坐得好舒服！推薦度：6.5/10🏠將軍澳貿業路8號新都城中心2期2樓2003-5號舖🕐11:30am-11:30pm

平時係將軍澳呢邊覓食都好難揀，因為太多餐廳，將軍澳、坑口、寶林都成堆，我地見呢間幾多人食就試下～佢係日本餐廳嚟嘅，兩間舖一齊crossover，所以你可以係一間餐廳食齊兩間嘅嘢食，所以愈多人嚟食就愈抵玩😋燒牛舌第一樣上到嘅菜式，呢碟有驚喜，本身諗住連鎖餐廳應該都係普普通通，點知個牛舌一啲都唔韌，薄薄地，腍身得嚟咬落去有肉汁炸豆腐係日式餐廳成日會嗌嘅小食，外面會有層炸粉，入面就係滑溜溜嘅豆腐燒雞翼兩串及燒雞軟骨兩串燒雞翼外面燒得香脆，而肉質係嫩滑有肉汁，而雞軟骨亦唔會太硬或者好難咬～味噌拉麵我自己幾鍾意食呢款拉麵，個麵條彎彎曲曲，食起嚟好爽口彈牙。個湯底個味噌味唔錯，唔會過鹹叉燒炒飯呢個炒飯外表平平無奇，但食落去好夠味！叉燒粒亦不吝嗇，每食幾啖都有堆叉燒粒食物質素絕對對得住呢個價錢，如果想方便係附近就食到日本風味嘅餐廳，就可以去呢到啦～

間舖頭好特別, 一入去分開左兩邊唔同裝修, 但原來兩邊D野食都共通。入到去坐低見到個餐牌有個二人餐, $200就有兩碗拉麵+3個小食好似幾抵咁。因為其實本身出面D拉麵店, 閒閒哋都成一舊水一個麵, 仲要冇得食我最愛既餃子。最後就揀左黃咖喱拉麵, 黑蒜油拉麵，加埋吉列蝦、餃子、牛舌。等左5分鐘左右, 拉麵同小食就已經上晒枱, 都算幾快。我試咗幾啖我個黑蒜油面, 覺得係幾有水準!雖然款式普通. 但絕對唔似我平時屋企自己煮果D。我再試一試阿媽個咖喱拉麵湯,  一試, 不得了!!!個湯超正, 唔係出面果D湯還湯, 咖喱還咖喱, 再溝埋一齊。佢係真係「一個」濃厚嘅咖喱湯, 好好味! 食完一啖即刻想食多第二啖, 直情想同媽子交換!!另外我本身好喜歡食不同既餃子, 每次去到唔同舖頭都會叫。呢度個餃子, 一口咬落去好有滿足感, 完全唔似樓下超市D咁。D餡料好多, 唔係得個皮, 味道岩岩好, 加上少少醋就very good。個吉列蝦亦都炸得啱啱好, 得三隻完全唔夠喉。總括嚟講百幾蚊食到啲咁嘅嘢真係完全超晒班, 出面日式舖頭完全唔係呢個價, 期望下次黎到試埋其他小食。