Top Blade Steak Lab VS PPPP

Open Now

Now Closed

小編係食肉獸😈 呢度主打漢堡包同扒類就啱晒我！價錢有點兒進取，但一入到餐廳都滿座咁滯，睇完就知點解👇🏻👇🏻｜Just 漢堡 ｜$168一啲都唔just，打孖上嘅pork patty🐷👯‍♀️，仲要係純豬肉，嗰浸豬嘅膻香味都宜家都仲記憶猶新🤤 ，芝士都很是豐富🧀🧀，成個包好似好greasy咁 but I like it😈。今餐另一個亮點當然係 #任食薯條🌟，雖然係仼添唔嬲 但都完全冇揸流攤，refill咗兩次都係熱辣香脆🙌🏻個人覺得喺附近做嘢嘅打工仔，久唔久lunch獎勵下自己，或者happy Friday去整個burger，夠你做一日嘅精神食糧！

知道前排top blade steak lab喺中環開咗新店，個名仲要好搞笑🤓同平時唔同，後面多咗VS PPPP😂後尾check返原來個PPPP係代表Pig Pig Pork Pork🐽因為呢間分店係有埋豬嘅特別部位供應，等我下次試下佢哋啲豬扒先👅嚟得平民扒房，梗係食佢地最平民嘅嗰個Flat Iron $160啦🐮Flat Iron份量唔少，煎都啱啱好，加上佢切好咗一嚿嚿上菜，食起上嚟好方便🥩食得出牛扒係用咗黑胡椒、香草同埋鹽去調味🫙又唔會蓋過塊扒本身嘅牛香味，超正！另外唔可以唔提嘅最佳配角----焗蒜頭🧄佢個蒜頭超爆好食！蒜頭經烤焗一個鐘，嗰陣辣味已經退走晒，只留有香濃嘅牛油味🧈真係好出色，好食到一粒都冇淨😋等我返屋企又試下跟住整先！

本人對吃牛扒尚算有認識，除了著名的高價扒房外，平常也會去一些比較平民的餐廳「鋸扒」，這裡確實是難得一見價錢相宜，而食物水準也高的地方。先說說他們的是日特別版招牌平鐵牛扒，由於平鐵牛扒的牛筋部份分佈於表面、底面及中間的部位，所以又名「三筋肉」。不同的餐廳會採用不同烹調平鐵牛扒的方法，而這裡是日特別版招牌平鐵牛扒則選用三小時法式慢煮的方式，能夠充分把牛筋的部分煮腍，避免了「起筋」的問題。慢煮的方法亦能完美的保留牛的肉汁，達到入口即溶的境界。有別於普通薯菜，他們配搭以特製粟米蓉及香煎過的粟米露荀，增添了絲絲清爽的感覺，是一個聰明的選擇。如此花工夫以及時間炮製的菜式只是索價$248，實在划算。另外我也加了$60吃他們的沙律和餐湯。沙律菜新鮮清甜，內裡混有蟹肉以及藜麥，再以黑醋汁調味，絕不單調。自家製的蕃茄湯酸酸甜甜，兩者作為前菜開胃十分恰當。而這裡與某幾家高級扒房一樣，同樣無限量供應薯條。薯條屬幼長形，上菜時依然保持温熱脆身，加上均勻拌好的松露鹽，能夠媲美高級扒房的薯條質素。

呢間餐廳除左牛出名，仲因為可以任食薯條而出名呢日黎就係為左可以任食薯條我係lunch time 黎食既，所以係lunch menu 度揀左個burger 同steakUltimate Burger 🌟🌟🌟🌟🌟厚厚既漢堡，juicy 既漢堡排，加上邪惡既芝士，呢個burger 真係好足料Flat Iron Steak 🌟🌟🌟🌟🌟個焗蒜好好食，因為焗過所以無左平時生蒜既辣味只係剩返濃濃既蒜香，配上煎得剛剛好既牛扒，真係無得輸！黑松露薯條🌟🌟🌟🌟🌟到成餐既主角，任食薯條炸到熱辣辣既薯條帶著淡淡既黑松露味所以食落口感覺唔膩因為我食薯條好鍾意加mayonnaise,所以就麻煩職員比d mayonnaise 我啦我最後食左3 碟薯條

前排父親節 冇乜budget但係又想食好啲💰就諗到要帶爸爸嚟呢度食扒💡爸爸嗌咗個西班牙栗飼豬鞍架食🐷見到啲肉肥瘦都幾均勻 上面有啲香草增加風味 仲有好少見嘅焗蒜頭伴碟😳爸爸話豬肉味好濃郁 上網search先知原來西班牙栗飼豬鞍架豬隻喺生長過程中會放牧去草原比佢哋食栗子同橡果🌰唔怪得之肉汁咁豐富 唔知係咪心理作用 爸爸話佢仲食到少少橡果嘅果實味🤣 仲越食越滋味 最後仲索性揸住支骨大啖食 佢話美食當前 唔顧得咁多形象🥸另外我就食一樣價錢嘅平鐵牛扒 同樣都係有焗蒜頭伴碟🥩牛扒外層剪到脆脆地 而內面就啱啱好五成熟 平均切開咗五塊 呈粉紅色 唔鞋 易咬 爸爸都話唔錯👍🏻早知加錢升級多5️⃣0️⃣%份量share😫今餐父親節飯爸爸食得好開心 仲大讚話下次要再嚟試其他嘢食 見佢咁開心 都好欣慰❤️

上次嚟呢度試咗佢哋最普通嘅flat iron，雖然係最平嗰個，但係都好好食，記憶真係好深刻🥹所以今次回訪決定挑戰食個再貴啲嘅，果然冇失望，再次驚艷到我！！！🤩今次我試咗個只限晚市限量供應嘅是日特別版招牌平鐵牛扒 $248，價錢比起普通flat iron貴$90左右，不過質素方面真係食得出有分別嘅😌1️⃣首先賣相方面係比較精緻，取代咗普通flat iron嘅焗蒜，今次伴碟嘅係烤香咗嘅粟米、露荀同埋粟米蓉，仲有擺盤添架，當堂好似去咗high class扒房咁😍2️⃣份量方面就比較少，有3嚿，已經幫你切好咗，男仔未必夠食。不過一分錢一分貨，3️⃣肉嘅質素方面真係大有不同：今次食嘅呢款肉質明顯係比較腍同埋嫩，一啲都唔韌，直情可以用入口即溶嚟形容，不得不讚，真係好出色😭因為唔算話係好飽，所以同男朋友夾埋都食咗兩兜薯條，佢哋啲薯條都好好食架，食得出有松露嘅調味，唔hea架，好彩唔夠食可以refill😝😭因為唔算話係好飽，所以同男朋友夾埋都食咗兩兜薯條，佢哋啲薯條都好好食架，食得出有松露嘅調味，唔hea架，好彩唔夠食可以refill😝4️⃣至於飲品方面我哋一人叫咗一杯Iced Dirty；男朋友就飲lemon te

話說我同我閨蜜都係終極薯條控，果日放工即興約食飯，已經心有靈犀話要食Top Blade Steak Lab嘅薯條，好彩中環有分店！放工即刻狗衝去食！今次難得係幫襯晚市，所以我就嗌咗個dinner only嘅是日特別版招牌平鐵牛扒（$248）～呢款平鐵牛扒係採用咗慢煮三粒鐘嘅方法去烹調，所以肉質超級嫩口，啲筋都煮到腍晒，食落口口感一流！閨蜜今日唔feel like食咁大份嘅肉，所以就嗌咗Just 漢堡 （$168）嚟食。我哋之前嚟食都未試過呢度啲burger，一上枱果然有驚喜！個burger！超！級！大！佢有2層3Oz嘅純豬漢堡再加2層芝士，雖然邪惡但係真係抵抗唔到誘惑！最後我哋夾手夾腳完美咁K.O.咗呢大份burger～最後梗係唔少得我哋嘅至愛－薯條！為咗留肚去食佢，我哋今次仲特登冇加沙律同埋湯。一人一兜對我哋嚟講簡直係濕濕碎，淡淡松露香好有中毒性，係令到我哋每次返嚟再幫襯嘅原因～好味到升天！！！直頭覺得呢度係被牛扒耽誤咗嘅薯條點（笑死I will be backkkkkkk~

今天是我和老公的結婚紀念日 經朋友推介 資料搜集後看到這家餐廳價錢親民 評價也不錯 最後決定來試試看看餐牌發現這裡的選擇非常多 有不同部位的牛和豬 亦有漢堡包可供選擇經過一番苦惱後 我們最後決定點價錢最為昂貴的一豬一牛分享 擔心會不夠飽 於是也加配了沙律和蕃茄湯 店員給予了我們一份薯條 還細心告訴我們如果不夠吃的話可以免費任意添加USDA PRIME美國390日榖飼Prime約平鐵牛扒是最高評級的牛扒 當中不含人造激素或抗生素 可以放心食用廚師把牛扒烹調至三成熟 顏色呈鮮粉紅 剛剛好能夠品嚐得到最原汁原味的牛香 肉質非常軟腍 油花香而不肥 配以薯菜解膩 美味又健康而西班牙黑毛豬豬羽毛又稱「豬中和牛」 屬豬隻左右肩胛骨的珍貴位置 脂肪比例剛好 細緻柔嫩 風味濃腴 肉汁充盈 意想不到的是他們竟以蜜桃伴碟 甜甜的蜜桃與香濃的黑毛豬相輔相成 非常新鮮的一個組合整體而言我和老公都十分滿意這頓簡單卻滿足的慶祝晚餐 已期待下一次回訪品嚐其他的料理

正所謂獨食難肥😛 今日喺中環上完堂 自己一個人食lunch又唔想食飯麵嗰啲 靈機一觸覺得食扒都唔錯😆雖則係自己一丁友 但係都可以食得好有儀式感😌因為唔想食得太飽 就叫咗佢哋最signature嘅$160 flat iron食 加埋兜薯條同嘢飲就啱啱perfect池😎 佢地basic嘅flat iron係可以自己揀幾多成熟 我個人嘅preference係五成熟 因為可以食到啖啖肉汁之餘又唔會過生 一箭雙雕🦅 牛扒嘅調味雖然唔係啲咩花巧嘢 但係少少嘅香草加埋鹽就足以吊到牛肉嘅鮮味 有時就係simple is beautiful🤣牛扒同薯條雖然唔鹹 但係始終都想飲啲refreshing嘅嘢去「清理」口腔🤣所以飯品我就揀咗佢哋嘅特飲Iced Dirty Lemonade $55🍋第一啖飲落去 嘩 果然冇揀錯🙌🏻檸檬嘅味道好出 但係唔會過酸 細問之下先知原來店員喺榨汁前會先烤焗檸檬去降低個酸度 再加入焦糖去中和個梳打水base 個balance真係攞得好好 攞嚟送肉食解膩一流👍🏻爽到好似飲緊汽水咁呢度嘅真係可以話係性價比之皇👑$160就食到咁嘅質素嘅牛 飲品又高質 真係喺邊度揾到⁉️

中環午飯時間到處都人多擠迫，我與同事都盡量希望避開人潮，「快趣」吃個午飯就回到辦公室，所以便來到這家餐廳，點了兩個漢堡包吃， 快靚正～「飯氣攻心」，午餐不宜吃得過飽，我們點只限午市才供應的單層漢堡；分別是打扁漢堡（牛）以及Just 漢堡SE（豬），這個份量對於我們兩個女人來說剛剛好。雖然是「簡易版本」的漢堡，但製作也絕不馬虎；包體有稍為烘香過，散發著濃濃的牛油香；而兩個漢堡扒都是的部分都是他們新鮮自家手打的，十分足料； 經煎香後，肉汁牢牢地鎖在漢堡內，每一口都能嚐到滿滿的肉汁及自家秘製醬汁，不會感到「乾爭爭」。加上半溶的芝士以及解膩的蔬菜，是永恆不敗的漢堡配撘組合。吃飽，有氣有力，又要再回公司繼續博鬥。

嗰日約咗朋友去Top Blade Steak Lab食飯，一時唔記得咗朋友唔食牛，不過唔緊要，因為呢間餐廳都有好多除咗牛以外嘅選擇，最後決定陪朋友一齊唔食牛，就分別要咗兩份豬嘅菜式。因為朋友唔食牛，所以對其他肉類，尤其係豬特別有認識，就介紹我食西班牙黑毛豬豬羽毛 $268。之前從未聽過咩係豬羽毛，朋友解釋話豬羽毛其實係黑毛豬兩邊膊頭嗰個部位，每隻豬得兩件，所以好珍貴，難怪價錢比平常嘅豬貴。由於油脂比其他部位多、所以食落味道特別濃郁、特別多肉汁。果然好推介！而朋友就叫咗西班牙栗飼豬鞍架 $160，份量比我嗰份多，有兩大塊，我試咗少少，肥美但唔太油腻，幾好食。我哋仲加$60配咗一份自家靚湯同藜麥沙律，同埋分享咗一份任食薯條。

今日係Happy Friday 雖然今晚得我自己一丁友食飯 但係都唔可以求其食 要好好獎勵下辛苦咗成個星期嘅自己😤 左諗右諗之後 最後就決定去咗Top Blade Steak Lab中環分店鋸靚扒話明係要獎勵自己 所以一打開menu就嗌咗個最貴嘅USDA PRIME 美國390日榖飼Prime約平鐵牛扒😎 一睇牛扒肉質紅卜卜嘅色澤就知道係靚牛😳 唔好睇佢好似好紅好生咁 咬入口一啲都唔韌 亦都冇筋 呢個熟成度果然啱啱好 超級好食😋 擺盤一啲都唔馬虎 砌得都好精緻下見到佢地menu有同研香crossover新推出嘅「開心牛」特飲 見個名幾搞笑 貪得意就叫咗嚟試下 原來佢係開心果純素奶蓋加錫蘭紅茶底 個奶蓋可能因為係純素嘅關係 飲落去好輕盈 唔膩 仲有粒粒開心果 用佢比嘅羹不下不下 好快就清晒層奶蓋🤣 聽講數量有限仲要只限堂食 推介大家一定要嗌嚟飲👍🏻雖然係自己一個人食 但係鑒於我實在係太肚餓 所以都加配咗個藜麥沙律同蕃茄湯 同埋食咗兜任食嘅薯條🍟簡直係滿載而歸 非常滿足嘅一個Friday Dinner👅戈

今日老細話萬歲叫我地搵下食咩好，最後我地揀左公司附近既Top Blade，一行四人可以一次過叫哂餐廳既四大名物: 豬鞍架、豬羽毛、招牌平鐵牛扒同Just Burger😋乾式熟成西班牙栗飼豬鞍架 $180🐷大過塊面既豬鞍架上碟嗰陣好震撼，見到都流哂口水，一切開見到粉嫩既肉色就知正野，食落啖啖肉夠juicy❤️西班牙黑毛豬豬羽毛 $268🐷豬羽毛可以話係豬肉中既王者，係肩胛骨上既兩塊豬柳，好似豬有對翼會生羽毛咁，油脂豐富嫩滑，加上伴碟甜甜既蜜桃真係好夾👍🏻是日特別版: 招牌平鐵牛扒 (每日限定) $238🐮每次特別版Flat Iron既煮法都唔一樣，今次就用到法式慢煮既方式，咬落去既口感同普通Flat Iron唔同，私心推介比大家Just Burger $188呢個Just Burger用左雙層手打豬肉漢堡扒，不加入其他肉類，天然無添加💯上面插住把餐刀好搞笑，配埋仼食既熱辣辣幼薯條好滿足😍😍😍

想係中環鋸扒又唔想咁貴？咁就要試下呢間由何文田本店開到去中環、銅鑼灣同沙田既Top Blade Steak Lab啦🐷🐮店員推薦我地試下佢地既人氣之選: 豬鞍架、豬羽毛同特別版平鐵牛扒😍乾式熟成西班牙栗飼豬鞍架: 重量級既豬鞍架好大份，煎到靚靚格仔紋，容易切開，肉質腍滑💯下面加埋洋蔥絲同辣椒絲，非常惹味🐷西班牙黑毛豬豬羽毛: 豬羽毛呢個term真係好得意，一隻姓只有兩塊豬羽毛，夠哂罕有同矜貴呀，油花夠重，燒到五成熟好好食😋是日特別版: 招牌平鐵牛扒 (每日限定): 每日限量供應既特別版flat iron，今次係法式慢煮手法鎖住肉汁，煮到幾乎入口即溶🐮😍🤤

之前同事食過，個個都話飽到捧住個肚咁走，不過我唔食牛嘅😗之但係佢哋話餐牌都有一半係豬嘅選擇，既然講到咁，今日自己一個食，都黎試下啦🤭叫咗個西班牙黑毛豬豬羽毛$268，黑毛豬就食得多，不嬲都有品質保證㗎啦，但豬羽毛呢個part第一次試，肉質肉嫩多汁，好鬆軟，咬一啖豬油個股香係口腔爆發，但又唔係油膩嘅感覺，仲鬆過豬頸肉啊，配埋個伴碟烤桃🍑又真係幾夾。 🍟我就無同事們咁誇張食幾盤薯條，不過都無話係任食就亂咁黎，起碼盤盤薯條都新鮮炸起，又落order好快就有得食！飲品叫咗杯dirty lemon tea，特別在唔係普通茶餐廳嗰啲檸檬紅茶，而係用檸檬糖漿加鮮檸檬汁咁調出嚟，聽講係餐廳特色，可一試！推介係附近番工嘅朋友仔黎食下。😆