峰壽司魚屋

Open Now

Now Closed

之前食開覺得好好食，又有服務質素，諗住今次又黎幫襯～點知超失望，以後唔會再幫襯。唔知你地係唔係轉左廚師，點解可以差！？刺身同單件壽司都仲未有問題，只是覺得無以前咁好食，覺得三文魚刺身冇咩味。。。件壽司還算ｏｋ，整體算普通。。。但一見到加州卷就呆左，同張圖好大出入，定係你地趕落場？咁既賣相都可以比客食！？三件都好似係賣剩左，入面ｄ料仲未包得實，好空。。。同埋好似貨尾？感覺麻麻地。。。圖果然靚好多，我都知唔可以同餐牌一樣。。。但我果碟野真係好樣衰。。。出面ｘ鮮仲靚過佢，而家尼間店仲要係我之前幫襯有質素既店。。。。好大衝擊。。。問過職員後變成咁。。。其實唔知有冇"加料"，但都唔緊要啦。。。問過後裡面豐富左，佢加左牛油果冇咁空，外貌算好左。。。。。。但牛油果有ｄ酸味。。。冇下次，咁樣趕客。。。

峰壽司一向既質素都唔差，食過幾次都繼續會黎。而且佢有d特別既期間限定款色，每次去都總有新意。今次春之限定係三文魚，三文魚配搭唔同既食材，更加吸引視覺和味覺。紫蘇白飯魚三文卷，白飯魚簡直點緻了整件三文魚，紫蘇味又減低三文魚既膩，好食！雖然全部都係三文魚，但鍾意食三文魚既絕對唔會嫌太多太悶，因為件件都有驚喜！另一個限定菜式係炸蝦餅，雖然細細件，但真材實料，好有蝦味又彈牙。配埋沙律醬同特色醬料有雙重既味道。龍之卷，吉列蝦配鰻魚，新鮮即燒即製，好食其他款色同樣出色，但略嫌今日d壽司飯比較鬆散，一夾已經散開幾份，依度略為扣分！ 而且閒日晩市等位都等得比較耐，今次等左半個鐘有多，但眼見門口其實唔太多人等位，如果假日更加要早d拎定位。

唔打咁多，食過2次真心高質好食又多選擇，三文魚超級靚咩料都十級新鮮！不論壽司連炸物都好好食，甜品食左雪糕大褔真係好屈機，不過都幾旺想食唔想等就早d去拎飛啦：}}

我平時好少食日本料理，最多都係食速食類如拉麵、沾麵咁，因為覺得食日本料理，逐件壽司點，有d 似搭的士跳錶一樣 🤣 點一件，價錢貴/升一點，仲要一件一件點，感覺好似食少少食少少唔會飽咁。（奇怪的想法吧😅）今晚之所以食「峰壽司魚屋」，係因為見到餐廳外的食物模型好吸引，壽司盛盒好似不錯，同埋一次過點，不怕”跳錶”呀嘛！最後選了”吞拿魚壽司盛”，”三文魚盛”同埋個清酒煮蜆，盛盒感覺好豐富，同埋實物同出面個食物模型有九成似，絕對唔係設計”圖片”只供參考嫁。哈哈！😆

🍣 呢間係我經常去幫襯嘅壽司店, 價錢雖然唔稱得上便宜, 但食材絕對會令你覺得物超所值, 每款魚類同蝦類除左夠新鮮, 仲好夠肥美添, 每次食都好享受 今日職員安排左我地坐吧檯, 可以一路望住師傅整壽司, 一路食 店舖採用電子落單, 最後我地 Order 叫左玉子壽司、腐皮壽司、人氣盛 (三文魚腩、帶子、千尋海老)、長腳蟹盛 (長腳蟹、磅蟹羔醬、長腳蟹碎)、峰鰻魚壽司、軟殼蟹卷、三文魚腩壽司 & 魚背壽司｡ 

呢頭食肆越開越多。但食壽司嘅鋪頭就相對比較少。今晚呢度未夠7點就已經排長龍。我地肯坐吧枱就唔使等咁耐。環境：幾好。雖然人多，但座位與座位之間好闊落。大家都有空間。服務：幾好。雖然忙碌，但眼見大家都行快步，盡力做。完全無黑口黑面。食物：很好。全部食材都好新鮮。我地坐吧枱，眼見全部嚟一客，整一客。軍艦嘅紫菜全部都仲係脆嘅。飯粒依然有一點微暖。白菊醋份量剛剛好。相比嗰D迴轉壽司好好多。下次一定會再幫襯。

今日要過荃廣，又突然想食壽司🍣，咁就去峰壽司頂一頂癮先啦~峰壽司有多款午市套餐供選擇，價錢都頗相宜。😉午市套餐 B SET 壽司盛：8件壽司🍣都算新鮮，三文魚🐟好肥美，可惜鰻魚汁唔夠，飛魚子有微微鹹鮮味，口感清脆，油甘魚🐟反而無咩味，海老🦐味道鮮甜，但海螺🐚就唔太新鮮。天婦羅手卷件炸蝦🍤整得好酥脆。飯🍙入面嘅醋味適中，飯團夾起無散開。🥗最陰公係沙律，粟米🌽無味無道，罐頭粟米都不如。總結：如果怕唔夠飽可+$18加碗拉麵或烏冬🍜，另外亦可+$7加飲品🥤。中價位壽司🍣不過不失，加上坐得舒服，算係一個唔錯嘅選擇。

每次返工放lunch，同事成日都話要食呢一間壽司，每次我哋都會叫＄68嗰個壽司盛，真係好滿足好飽㗎，有時雖然好飽，但係點都要叫過龍之卷黎食，因為真係幾好食！小食方面，佢哋嘅魷魚同埋炸紫薯餅，都係唔錯嘅選擇😋😋不過都試過佢哋嘅午市時既三文魚飯，所用上嘅三文魚係接近皮位，所以我覺得都幾腥，食到一半已經想停🙈😖*除咗午市外，晚市我都試過幾次，一樣都係咁好食🤗我哋叫咗個三文魚盛，有正常嘅三文魚壽司，輕輕炙燒過嘅蔥三文魚壽司，另外有類似花之戀嘅壽司，上邊有小小柚子，個人覺得三文魚配柚子唔係幾夾。*另外，佢哋嘅炸蝦沙律手卷都係值得一試，炸蝦炸得好脆好香，配埋蛋黃醬食，成件事又係超肥既😂*除咗壽司手卷外，我哋都點左一個胡麻醬豆腐沙律，上面有好多木魚花，不過我覺得太多了😂豆腐都幾滑，配埋胡麻醬食都幾好食㗎！龍之卷真係must點item🤗😂😋 外面係鰻魚，中間係天婦羅蝦，上邊仲有好多蟹籽點綴，食落係好滿足好好味！而且佢有輕輕燒過，所以食落特別香口！每次去峰壽司我都會點黎食😋*另外我哋都叫咗芝士炙燒三文魚壽司，燒帶子壽司等等，全部都幾好食✌🏻😁*去荃灣唔知食咩好嘅時候，不妨試吓峰壽司，的確係一個唔錯選擇，

諗唔到晚飯食嘜就會諗起食日本嘢，light得黎又多選擇，熱又得，凍又得。峰壽司真係我私心推介，但一定要食有魚屋兩個字既分店麵豉湯係我地必叫既，湯料足，味道濃飛魚子軍艦有啲咸，但我鍾意，紫菜係仲脆香蔥吞拿魚手卷紫菜脆，吞拿魚多都食到最後一啖都有魚肉季節限定如果想試新嘢，可以叫佢地啪季節限定，又新鮮，又特別今次仲埋魚生添每塊都好厚

Had lunch with my colleague today. Ordered sushi set B.Including miso soup and a salad. The soup wasn’t hot enough and salad didn’t have enough dressing.There’s total of 8 sushi and 1 sushi cone, but for a set lunch of $58, the quality isn’t too bad.

Went for lunch today, the sushi is good for the price. Cannot expect to be very good for this price point. But overall the restaurant was clean and the set lunch was good portion for a light meal.The meal I ordered came with 8pc sushi and one fried tempura handbill, it also came with a salad and a miso soup. For 68hkd + 10% is reasonable for the type of sushi I was getting.Taste wise, it wasn’t something that “wow” me but it’s the average sushi.

當唔太肚餓但又想食日本菜嘅時候峰壽司- 我的top list今次食左玉子壽司三點盛:三文魚腩、帶子、海老火炙蟹柳和火炙三文魚沙律是我們每次必食之選火炙三文魚沙律簡直係大美食 非常推介！！！**不同分店的壽司款式會有不同**

好食好新鮮嘅壽司雖然比元氣板長貴但物有所值㗎大大塊三文魚好正帆立貝大到遮住舊飯象拔蚌超爽口彈牙海膽好fresh一啲都唔腥燒魷魚好chewy 軟殼蟹啱啱炸起熱辣辣好好食油甘魚又厚又肥美

午餐，点个鳗鱼饭定食，不是优惠的午餐限定。鳗鱼好多骨，甜姜很老都是丝，米饭硬，味噌汤连条滑菇都没有，海带只一片，漂着腐皮丝和生葱调味。绿茶在壶里泡太久，又浓又苦又涩，为不浪费，简直是恶梦般吃下，没下次。

星期日夜晚吾知食咩好最後揀左峰壽司食每次都好多人排隊好好奇好吾好食原來真係吾錯今日同男友兩個叫左幾樣野*兩人前壽司*炸三文魚丸 (期間限定)*蟹羔軍艦*日式燒玉子加加埋埋都係312蚊吾錯吾錯特別推薦既係炸三文魚丸同蟹羔軍艦炸三文魚球啖啖三文魚肉加上醬料真係一流外脆內軟值得一試蟹羔軍艦本身諗住蟹羔會有死咸果隻味道點知比我想像中清新再加上青瓜呢個配搭反而有種新鮮清爽既味道真係意料之外