富山和食料理屋 (Closed)

食ｌｕｎｃｈ　ｗｉｔｈ　ｓｉｓｔｅｒ．２個人入左去．．．．睇好耐要左個蝦天婦羅海鮮拉面．有２個加ｘ卷．有一個大８爪魚，仲有野飲～同埋一個軟ｘ蟹天婦羅野菜定食．．．．有湯．有菜有漬物有野飲．軟ｘ蟹只有腳沒有身的．不過做配料的蕃薯好好味啊～！多人食，坐得幾好不過．．．．．亞妹杯茶一黎就無左一半．驚驚地

其實已經去過富山n咁多次架喇!總覺得呢度有d似和民，不過就抵食d!三文魚sushi、蟹子沙律sushi($9,$12) : 三文魚都係正正常常啦，蟹沙就唔得啦都唔夠沙律醬ge 好似得d料唔記得落醬咁~半熟吞拿魚salad ($42) : 燒過的tuna好好味加埋沙律醬好開胃，可惜既係只有5塊，2人share都只可以吃到2件，不過42蚊算係有交代架喇，個salad上面仲有d類似脆香米咁既粒粒都幾得意。"季之料理"入面既牛仔骨泡菜石燒飯$38 : 呢個又幾好味架喎，生蛋黃撈埋泡菜&甜甜地既牛仔骨汁，一撈埋就覺得好香，牛仔骨有3塊亦唔算"un"!飯加onion幾惹味，仲有少少飯焦tim !不過我覺得富山應該密d轉個"季之料理"餐牌囉，其實每季出幾樣新野應該唔係好難姐，但我發現佢差不多每半年先會轉囉!

呢間唔係話太平.....但係d野食都幾好食...但係你叫完....大約要等半個鐘先有....如果趕時間ge話最好唔好去!

d sushi 勁唔新鮮, 紫茶勁林, '慢'魚唔似'慢'魚, d 蝦好似死蝦, 銀雪魚勁細碟但好貴,味道ok,三文魚腩最ok,海膽又係唔得,總之d野食一d都唔新鮮!

晚上九點黎呢到食飯..估吾到呢個時間都要等位好在我們是二人台好快就有位我地叫了很多野食因為真係好肚餓..三色刺身拼盤--有三文魚,甜蝦,吞拿魚.這裡的刺身又厚又新鮮,甜蝦好大隻好似牡丹蝦咁大,吞拿魚不鞋好正,難怪好多台都叫刺身軟瞉蟹手卷*2 --隻軟瞉蟹好大隻同埋係即炸,但係好似元氣d醬正d曼魚炒飯--一定要有飯拉因為咁肚餓...但係真係好番同埋好食壽司要了三文魚,玉子同劍魚--d飯應該係手握魚生沙律冷面--面頭好多魚生由於呢個係最後先黎,食面都好飽所以食吾落,最後都係食吾晒.雖然好累但係都好開心係到要thank you我的衰佬係呢四日時間裡面等左我咁耐

星期日太太話食日本菜, 二話不說一家三口就來了富山, 6:15pm入席就是唔想排隊, 未到7:00pm已坐滿了.因日本剛發生諾沃克病毒事件, 故無叫魚生, 點了蒜片牛肉, 加州卷, 黑蜘蛛卷, 軟殼蟹卷, 燒魷魚, 燒墨魚咀, 大的國士無雙清酒, 食完唔夠喉再叫煎餃子及安哥蒜片牛肉, 牛柳真的鬆軟而無食粉(梳打粉)的味道, 上菜斟茶收檯都好快, 不像其他旺場餐廳人手不足叫極無人理, 大埔區日菜好選擇, 值得再去.

今年陸運會分開兩日搞,此食評為陸運會第二日午餐\食評...因為唔想好似上次咁,在m記排隊排好耐,所以今次唔去太和,就去左另一邊食...十二點幾,都幾多人食,但絕少學生,大部分都係在附近返工的文員...裝修都算唔錯,設有卡位,至於自己就坐近壽司師傅整壽司的位置...自己叫左一個午餐\...先黎的係兩件三文魚壽司,三文魚新鮮,飯有黏性,唔會一夾即散,但壽司師傅似乎落多左壽司醋,飯比較上酸d...之後再黎豬軟骨拉麵...豬軟骨d肉幾好食,唔\"un\",都夠淋,但軟骨就...雖然係咬得開,但唔軟...拉麵有咬口...d紫菜,粟米幾好食,筍又夠香口...個湯就...ok既...但d汁的味道似乎蓋\過左湯的本身味道,變得有d甜...隔離仲有d螺肉,酸薑,黃蘿蔔,同埋...螺肉係冷盆果種,幾好食...黃蘿蔔甜酸甜酸,酸薑夠酸同重薑味...仲有粒野的,果粒係維記出品的雪米滋,一般超市都有得賣,自己卻幾中意食雪米滋...服務就...其實都唔錯,好多侍應,都好禮貌,快手...埋單$40($1貼士)都ok,,起碼在呢度可以坐得舒服d.唔使咁迫...都可以清靜d...

13/11約了友人食飯。叫了個咖哩朱扒飯, 九州拉面, 雞軟骨, 帶子壽司2客, 三文魚壽司2客, 鰻魚壽司1客, 中華沙律壽司1客, 當然有我最喜歡的甜蝦刺身。其實這裡的壽司和刺身都不錯, 甜蝦都ok嫁。咖哩朱扒飯都不錯, 朱扒炸得幾食好。拉面湯都ok la, 但我覺得拉質比較軟身, 一般la。不過甜蝦真係好鮮甜。雞軟骨炸得好好, 又不油膩wo。這裡的侍應服務不錯的, 上菜快, 有禮貌(有笑容嫁), 勤加水。單埋$260。

富山係我屋企後面, 平時放工7點鐘左右都好多人, 撞正五、六、日晩仲排到出門口。之前6月同Mami黎過, 両個人食到飽飽都係百零蚊, 上星期六同個死黨行完山後食餐勁, 都係HKD220找數。我地order左好多野, 九碟sushi、蟹子沙律、唐揚(即炸雞)、薑汁焼豬柳、種仲両款唔記得左。好正、好飽、好抵食!伙記雖然全部後生仔, 個個話頭醒尾, 經常酙茶, 服務唔錯。胃食Tips: 最好係18:30之前入座, 否則一過19:00排隊排到七彩。

上年黎個呢度食lunch,都唔錯既,但價錢都幾貴最近行過,就同朋友入去食(lunch)一入到去,好快有位坐,但坐左好耐都冇茶....之後叫野食,等左好耐都未得手腳好慢..等左20mins左右,d野食終於黎啦我個飯係滑蛋雞肉,首先講下個滑蛋,一d都唔滑,係勁老!!雞肉又好"唉",又咸...30蚊一個餐,我寧願加多10蚊去大埔中心既和X食

今日午膳時與幾位同事在此店食飯,我就點咗個三文魚海膽刺身飯,以午飯嚟講,依款嘢收費都唔平,但可惜係比店刻意昆食客囉,事緣係當侍應準備放下食物時,由於個環境黑黑地,我地咪問個侍應係咩嚟,佢就話係我叫那一款食品,當我將食物接過後,撥開上層的三文魚尋找海膽時,卻遍尋不獲,只見到有三文魚籽,咁我咪叫咗個senior嚟囉,當佢嚟到時,我問他點解我碗嘢無海膽既,佢竟然答我話今日無海膽，嘩！放底個飯時你地又唔出聲話轉咗款，仲話到係我叫嗰款食物咁先谷氣嘛，而依位senior更加道歉都無句，當我問佢係咪會收平啲時，佢竟然話同價（註）：我揭開個menu一睇，發覺佢地用三文魚籽與海膽分別所做既產品價錢係有明顯差距的，咁咪即係擺到明昆啲客囉，加上同事既餐又遲遲先嚟，又要趕住返工，真係寧舍谷氣

較早之前已經想去食,上個月同男朋友去食,門面都幾靚,入到去我地坐係sushi出菜位格離,初初見到個凍櫃既三文魚果d都幾靚ga...各樣既魚生都幾好食,價錢又唔係話好貴...$138就有幾款魚生食!!望多兩望原來佢地既凍櫃度門係拎走左既....之後問佢地d海膽黎自邊度..佢地個樣話比我知佢地係唔識答囉..之後我仲聽到有幾個waiter係我地後面度笑,仲大大聲話(不如叫佢地自己問隻海膽啦)我聽完即刻好興,食埋之前叫果d野之後就埋單走左喇....我以後都唔會再去,都唔知咩野服務態度,非常之差!!!

即興晚飯. 食物賣相ok的, 似夏雪/@東京.餃子: 很涼, 好像丁熱後忘了拿來上檯似的. 味道ok. 黑蜘蛛卷: 最好味的一個菜, 餡為炸軟殼蟹, 每小卷飯不多, 一口一啖, 飯不會散收收.蒲燒鰻魚: 太咸, 滯上加滯.燒飯團: 不太香, 又有些放涼了, 麻麻地.環境: 和別人同坐一檯...且有一陣醬料味服務倒是不錯, 加水算主動且不趕客.

開咗咁耐終於第一次來食飯, 7:00pm唔使等位即有檯,後來7:15pm已經坐滿.叫了蝦皇飯卷, 牛油焗帶子, 墨魚咀, 粒粒燒, 香菇炒飯, 蟹子壽司, 大菊正宗清酒, 只有焗帶子無什味道(唔點汁的話), 因用的是日式熟帶子, 牛油唔入味, 改用白色帶子效果一定好得多, 粒粒燒的牛柳可以切細粒點會易咬點, 其他都有水準, 上菜收嘢亦快, 服務水平唔錯, 值得推薦.

之前都食過，環境就唔係太好，因為多人的話就要搭枱，而且大埔既日本野不多，所以通常都會唔少人‧但價錢唔貴，而且都幾大碟，都算抵食，如果鍾意食蠔，不妨點芝士焗蠔，好好味既!但壽司就麻麻地啦啦!