富山居 (Under Renovation)

平時都好鍾意食日本菜估唔到喺大埔俾我搵到大元街市美食廣場有一間融合西式元素的日本料理餐廳「 富山居 」 @toyamahk2021遠處已經見到餐廳大門以粉紅櫻花佈置富有濃厚的日本和風氣息除咗用餐、也是相機打卡必到的好地方而餐牌上嘅菜式圖文並茂非常吸引熱門推介是十勝厚切豬扒重點係食物價錢親民、優質及多元化是屬於大埔區隱世而有質素的日本親民小店呢❣️⊰⊹════════════════⊹⊱💬 ✎ 食後感 ：✨🍣 【 #壽司拼盤8件 】食日本菜點少得 order Sushi 呢拼盤包括有四款壽司分別是三文魚、油甘魚、帶子及蟹膏壽司當中的三文魚的條紋非常平均食落去富有口感味道仲好 fresh 呢另外帶子壽司的帆立貝好大隻爽爽嫩嫩的咬口同樣地食落去好鮮甜🍣 【 #火炙三文魚卷 】一份有四件大大件的卷物經過炙燒嘅三文魚魚油更香面頭鋪上一粒粒蟹籽配搭壽司卷內的蟹柳、玉子及青瓜餡料還有Creamy 嘅沙律醬添上多層次嘅口感而且不需要點豉油Wasabi已經好夠味🍱 【 #滑蛋惹味雞球定食 】估唔到呢份定食係相當有份量足夠兩個人食都綽綽有餘當中還包括麵豉湯、前菜螺肉及小食煎餃子用咗開胃簡直一流大大碗裏面的蛋

最近多咗空閒時間，所以終於有返啲時間可以上網搵好嘢食 😋 無意中發現大埔呢間日本餐廳竟然一個負皮都冇，所以今日就去試試，睇吓係咪真係咁堅。餐廳環境乾淨企理，而且非常寬敞。餐牌提供多元化菜式，應該可以講係融合西式元素嘅日本餐廳，而且價錢亦相當親民，所以搞到我諗咗好耐先決定食咩。🤔🍱 三文魚親子丼定食 ($108) : 跟餐配喬麥冷麵，柚子汁沙律，前菜。自己本身都想食喬麥冷麵，咁啱呢個定食有齊晒兩樣嘢，一個價錢兩個享受。🥘 鐵板牛油焗帶子 ($58) : 可以話係零失敗嘅菜式，帶子稍微煎至呈金黃色，再加入牛油及其他配料調味，最後可以加少少檸檬汁，令帶子嘅鮮味更加突出。🍤 什錦蝦天婦羅 ($58) : 每件炸物都大件得驚人，食材沾上薄薄嘅炸漿，口感酥脆而不油膩，油炸技術一流，呢個幾高質。

星期日去咗呢間大埔隱世日式餐廳， 呢間既厚切豬扒真係不得了， 又厚又juicy性價比超高！ 另外鯖魚定食， 亦都好推介， 魚肉好夠厚身， 魚皮燒到絕不馬虎，食落唔會有陣魚腥味！ 呢2 set價錢都係50幾蚊一份, 真係良心價👍🏻

朋友話係YOUTUBE見到有人食,話佢食個個餐 塊豬扒好大塊好有份量~黎到呢到.大元村D餐廳都好多,台式又有 邊爐又有.花多眼亂!我地又無咩話好想食 就決定去呢間野到試下LA我地食LUNCH,佢都好多野選擇~大家可以慢慢睇!!!我叫左個蕃茄豬扒手工面.手工面好彈牙 大家食厭左飯可以試下 ~ 好好味!豬扒真係好大塊同厚身 絕對唔係HEA你~我見佢仲有SUSHI、丼飯、鐵板好多款選擇~本身都想食 但唔太肚餓就無叫咁多啦講起都想再食呢個餐 HAHA  我朋友都話想再食呢間!!

其實早餐午餐食左好多次，就攞尋日晏晝食過鰻魚飯做個食評，68蚊鰻魚飯真係正，鰻魚厚切米飯飽軟口感好，仲有旁邊的配菜蘿白同豆角都好味，我個囡差唔多成碗食晒。我自己食既日本义燒拉麵，個豬骨湯好味濃郁，叉燒口感軟腍，唔好忘記佢只係58蚊，你响大埔中心或者出面基本都78蚊以上，仲有服務好好，見有小朋友主動比碗仔仲可以加飯，真係大埔帶住小朋友食日本野諗都唔使諗就嚟呢間。問過呢間係以前菁泉雅苑果間富山，唔怪得咁正。

發現大元邨平台開左間日本餐廳見位置地方寬敞趁屋企人放假一齊黎食新餐廳雖然開左一排但一直唔經過-一人一個lunch set媽咪大讚杯啡幾好飲如果以同類餐廳佢飲過既比較因為佢都好咀刁黎到發現份量好多😂😂但只係$55左右一個餐係勁抵食 絕對係糧尾之友或者學生朋友佳選-豬軟骨拉麵湯底算濃郁最緊要豬軟骨家人話味道幾好都大件厚肉唔硬身易咬-我食既煎餃我會鐘意佢煎更脆口燶少少😂餡料都好夠 鳥冬係我鐘意既口感埋單好抵 二人都係$113！！！

有一次同朋友午市時間行左嚟大元村，先發現原來呢度有間排隊小店😯，門面裝修又唔差，仲有一棵吸睛嘅粉紅櫻花樹。網上食評亦一面倒讚佢平靚正，深深吸引左我🙉。星期五晚7點前到達，當時食客唔多，但見到有唔少留座枱。直到8點離開，餐廳滿座程度一半都無。三文魚腩5切 $68 頂果兩塊係麻雀SIZE，第一次見刺身切到咁細😑。刺身約半吋厚，油脂豐富，夠肥美，味道正常，但性價比唔高。😐魷魚鬚唐揚 $55一客有5抽，每抽有4條腳左右，粉漿薄，有魷魚味，肉質彈呀，唔錯。滑蛋豬扒飯 $68呢款係人氣推介，以呢個價錢同質素，性價比真係幾高😯。我第一次食滑蛋豬塊豬扒可以咁厚，大約有3/4吋!!!😃 肉質仲幾嫩有汁，炸衣仲有少少脆👍，配埋嫩滑蛋，彈牙珍珠米，多重口感。唯一缺點係麻油落太多，蓋過醬油香。金龍蝦飯卷 $42一客有8件，SIZE一口一件。炸蝦脆身，雖然樣子沒有好澎湃，但以呢個價錢，絕對收貨。昭和香煎牛柳5成熟配紅酒汁$139+半邊龍蝦$10+磨菇扁意粉$15牛柳肉質好軟淋，表面燒到微微焦脆，再灑左少少黑椒，入口Feel到軟嫩加焦脆口味，但牛味偏淡。龍蝦瘦左D，而且燒到有少少乾，好彩肉質無好韌。薯蓉唔係滑身果

見咁多好評對呢間餐廳好高期望點知一入去無人招呼 無人安排座位😐我唯有自己坐入去 跟住等左好耐都無人俾餐牌🙁🙁唯有主動叫侍應俾餐牌睇餐牌唔夠兩分鐘 突然一個侍應過黎叫我坐去門口位😫😫😫調位我ok啊 問題係佢要我調去門口位我話唔想坐係個度☹️唸住佢會安排第二個位俾我啦點知侍應堅持我一定要調去佢指定嘅門口位😡😡🥲明明周圍仲有其他位置😟我一個人咋嘛點解唔可以俾第二個位我？野都未食就已經嬲到走人餐廳野食幾好味都無用 服務質素極度惡劣😞😞不會光顧了

考完試，同囡囡 周圍去周圍食，上星期去咗大埔一轉，經過大元邨，睇吓有咩嘢好食😋。見到呢間「富山居」舖面幾靚，囡囡又鍾意食日本野，所以就入去食 lunch。我哋點咗 和風汁燒牛肉湯拉麵🍜 配 黃金船壽司、特選壽司盛🍣。和風汁燒牛肉湯拉麵 $58 加咗$5 轉蕃茄湯底，湯底幾濃，燒牛肉汁混埋蕃茄濃湯幾惹味，牛肉幾軟嫩，食落無渣，拉麵嘅口感唔錯，軟硬度適中。隨餐配送嘅黃金船壽司，其實係腐皮粟米壽司。特選壽司盛 只係$88，但已經有齊9款壽司，仲有埋 和風沙律🥗 + 細冷蕎麥麵，真係好抵食！壽司🍣嘅質素唔錯，米飯唔會一夾就散，飯粒嘅軟硬度適中，刺身都幾新鮮，性價比好高！和風沙律加咗胡麻醬，用料幾新鮮。冷蕎麥麵甜甜地，麵質比較爽口，夏天食真係啱哂！

大元村平台美食廣場一直都係搵食好去處，當中最人頭湧湧就係富山居，日式居酒屋式既環境令人好relax，不禁就嗌左好多野食😋油甘魚四切 $68作為小小既開胃菜都唔錯，厚肉甘香，夏天食刺身係必然之選。軟殼蟹飯卷 $48醋飯繼續令人開胃，軟殼蟹香脆唔油膩，反卷造型唔會散收收，壽司師傅有功力。雜錦蝦天婦羅 $58新鮮熱辣炸起既天婦羅🍤 有齊海老、番薯、茄子、冬菇、南瓜，點少少蘿蔔蓉同天婦羅汁，最正宗既食法，$58黎講性價比甚高。板燒蒜片牛柳粒$68牛柳煎得十分香口，板燒醬汁帶d甜味，連蒜片都煎得脆身，食埋都唔怕。意想不到日式既牛柳粒會配搭一球軟糯既薯蓉，薯蓉吸盡晒醬汁既味道，食唔停口。九州拉麵$65諗住係填飽肚之選，但都不錯，麻油香氣充滿成碗拉麵，麵條煙煙韌韌。見到店外空間有個小型既日式生啤角落，唔知會否有貌似小型吧枱比客人邊食邊啤啤佢呢？🍻

最近同家人去咗大埔大元邨美食廣場搵食☺️呢到餐廳選擇都好多。其中一間門面有櫻花擺設🌸相當養眼。餐廳主打西日式菜單📋，有刺身、丼飯、鐵板、壽司等等...種類也不少👍🏻我同家人叫咗五品海鮮丼、鰻魚炒飯、金龍蝦飯卷、三文魚腩，好豐富🎉✪ 五品海鮮丼🍥 ⌫ 💲128丼飯上有海膽、牡丹蝦、三文魚、帶子、油甘魚、蟹籽、玉子、蟹柳，味道鮮美。加咗青瓜絲，感覺清新。✪ 鰻魚炒飯🍛 ⌫ 💲78呢碟炒飯份量好多。上面加咗木魚碎，增加鮮味。鰻魚切粒加入炒飯中，炒飯粒粒分明，仲有芝麻油香氣。✪ 金龍蝦飯卷🍣 ⌫ 💲42蝦卷比較精緻。炸蝦不算太大隻，但也算香脆可口。同蟹籽一齊食，更加脆卜卜。✪ 三文魚腩刺身 🐟 ⌫ 💲68刺身有5切。三文魚腩好肥美，有魚油油脂香，厚切，口感爽彈。

每次去到居酒屋🏮都一定會食甲羅燒😍呢度嘅蟹味噌甲羅燒仲配埋鱈魚乾‼️勁多鮮甜甘香嘅蟹膏🦀再加埋鹹香嘅芝士一齊焗🧀食落更加惹味✨再配埋香脆嘅鱈魚乾 口感更豐富🫶🏻

今日嚟到間日式餐廳，但我就冇揀到食刺身壽司，而係揀咗佢哋嘅豬扒飯😍上網睇到佢哋嘅豬扒非常之出色，對於好鍾意食豬扒嘅我絕對唔會錯過！餐廳其實有好多唔同類型嘅豬扒飯提供，我就揀咗一個平時少見啲嘅經典沙丹厚切豬扒飯😳佢嘅醬汁鋪到滿一滿，個精粹太陽蛋係留汁㗎😋加埋塊火腿片真係一流！食落係極之惹味，而且塊豬扒厚得黎唔會煮到老，仲係好嫩👍🏻佢個飯底仲有好多配菜食，配埋日本珍珠炒飯，真係色香味俱全啦！下次食埋佢個厚切豬扒蔥油撈麵先🙈🙈

【大埔• 富山居】@toyamahk2021————————————————————————食過午餐介紹過 今次到晚餐午餐選擇多啲 想食個啲原來都係午餐🍯｜十勝厚切豬扒｜HKD99 ✨推出咗社交平台優惠✨讚好page即可＋＄1獲板燒蒜香牛油燒龍蝦(半只）+$15可選配：蘑菇珍珠飯/蘑菇手工扁意厚切軟腍簡直係佢賣點 今次開心share相對冇咁邪惡洋蔥汁/牛肝野菌汁/黑椒汁/煙肉紅酒汁牛肝野菌汁係個冇咁濃味嘅醬汁 可更食到肉味本身個薯蓉都可加牛肝菌汁食 為了飽肚感 加了蘑菇手工扁意 強勁黑椒味 🍯｜大板燒醬油豚肉炒麵｜HKD68呢款炒麵有驚喜 麵底彈牙唔會太多油而且醬汁甜甜地 食落開胃 入面加了蔬菜 口感豐富餐廳環境：📸📸📸📸服務質素：😊😊😊😊食物味道：👅👅👅👅性價比：💰💰💰💰消費 HKD201 連加一。✨✨✨✨✨✨✨✨✨✨✨✨✨#nkiki大埔 #nkiki日本菜🏠 富山居📮 大埔汀角路10號大元邨大元街市美食廣場3號舖

滑蛋豬扒飯滑蛋略為老咗少少，豬扒亦都炸過火咗少少，不過份量非常之足，兩個人都食唔晒，最後要打包返屋企。三文魚腩一客有五件，每件都大大件，厚過我塊面皮，又香又新鮮，點可以唔食呀總結喺大埔都可以食到地道嘅日本菜，唔需要頻頻撲撲去尖沙咀同旺角，份量都相當足夠，你唔係唔食嘛！Pork Chop Rice with Scrambled EggThe egg was a little old and the pork chop was a little overcooked, but the portion was so generous that two people couldn't even finish all of it, so they had to pack it up.Salmon BellyWith these five fresh but greasy and thick meat from salmon's belly, I could not resist finishing them first before my boyfriend had them.Conclusio