泰地道 (文苑樓) (Closed)

搵食想搵附近停到車的，於是嚟左八文樓一帶。老婆做完運動想減肥食得清淡啲，但見周圍都燒烤，咁就不如求祈喺泰國或越南菜館搵碗湯粉食就算。於是路過文苑街，見到呢間「泰地道」新新地，就行左入去，總好過又食老趙。老板娘見我地初嚟報道，用心推介左個三文魚沙律當頭盤，我地見呢道菜同減肥無咩衝突，又價錢適中，就欣然接受建議。我同老婆都點左個 BB 辣，好開胃，令到減肥中嘅老婆破戒食埋屬於我嗰份嘅肥美三文魚。我食親泰國野都通常飲椰青，呢度個椰青滿分！蒜蓉包香脆，無話太多硬「 掘掘」嘅包皮，夠哂蒜蓉。今次純粹路過，有驚喜，值得返轉頭。

好味地道泰國菜👍🏻 好地道，真Yummy! 🙆‍♀️ 大部分待應、廚房都係泰國人 😍 用料新鮮👍🏻 好食，有如身處泰國 （止止曼谷癮 😆）🕴🏻 泰式奶茶一流 👍🏻中午過黎食晏，好多時一過中午12時門口都排滿長龍 ❤️ 午餐套餐好多選擇，冬蔭公湯河、青咖哩雞、海南雞飯、滷水豬脾飯、辣椒炒肉碎飯 、泰式湯河 都係心水推介。而且試過同食素朋友仔嚟，都好貼心幫助將青咖哩改為素菜青咖哩 ^^ 晚市嚟比較小d人流，可以慢慢享受美食同傾計。小提示：逢星期三休息

今次光顧的食肆，是位於佐敦渡船角文苑樓的泰地道，泰式菜館，店子雖然不大，但裝修有誠意，感覺舒適，當我進入菜館時，老闆充滿親切笑容的一句 :歡迎光臨，感覺令人舒服，服務員服務態度也很好，很親切，值得表揚。我們一行四人，點了幾個菜式 : 柚子大蝦沙律， 青咖哩牛腩配蒜蓉多士， 泰式拼盤， 沙嗲串燒， 泰式青炒椰菜苗， 蟹肉炒飯。食品水準絕不俾任何高級泰國菜館低，其中柚子大蝦沙律$88, 以新鮮海蝦炒至半透明，配以帶有少少酸味的柚子，再加上炸魚仔，蝦米，自家制辣汁撈勻，味道可口，開胃，是餐前絕佳小菜，另一推介是泰式拼盤$148，以炸蝦餅，春卷，魚條，豬頸肉混合上碟，口感鬆脆，味道亦佳。 最後推介亦是我認為最值得一試的是蟹肉炒飯$88，雖然只是以雞肉及蟹肉炒飯，材料簡單，但飯粒爽身，一點都不油膩，陣陣蟹肉香味，充滿誘惑，絕佳好味。

甫入餐廳，並無待應，靜候良久，方見一位侍應妹妹由廚房步出，侍應妹妹示意我坐梳化位，我坐下梳化位細閱餐牌之際，老闆娘由廚房步出，見我坐在梳化位，一手指著門口位置，大聲吆喝：「先生坐嗰度！！！」面對突如其來的指責，其他客人無不轉頭看看。其實顧客大多都尊重餐廳的安排，犯不著用上如此態度喝令顧客。食物方面點了得香辣肉碎煎蛋飯，雖然不辣，不過質素尚好，接近本地口味，另外附帶餐湯，凍飲加7蚊，點了檸檬茶，味道像泰國茶，收費中價亦可接受。

中午黎食叫咗個海南雞飯。先上清湯味道唔錯。海南雞味道一般，雞肉唔算好滑，油飯欠缺香氣。總括黎講OK，唔算話好差！哩間餐廳飲品偏甜，熱檸茶同熱檸水都預先加咗糖。建議餐廳唔好加，因為唔係人人都鐘意咁甜嘛！

午餐時段去食，set lunch有湯有野飲。叫了海鮮冬蔭功湯底金邊粉，小驚喜係五十幾蚊都有2隻青口仔，幾有誠意，金邊粉唔會好易發漲變唸，起碼食到最尾都唔係一夾就斷野飲叫了熱奶茶，糖係佢幫你落埋，如果走糖就要早d講啦

第二次來。一樣咁失望！環境裝修👍🏻. 有冷氣。但午餐時間，一定要combine table. 三個人都同單人併。送的例湯好重味精。無飲。海南雞真係一D都唔滑😞。好在個sauce都好食。以食物質素來說，收費比較貴。有其他選擇，應該唔會再來。

泰地道啦.....原來餐廳廚師係泰國人，唔怪得知甘有泰國風味啦！雖然餐廳細細但都坐得好舒服寬敞，環境氣氛不錯。食泰菜一定要配椰青好冰凍清甜解渴。泰菜我都係鍾情冬蔭功湯，嘩....第一淡飲落去仲以為自己去左泰國，酸酸辣辣仲有香茅味好香濃醒胃，一睇就覺得真才實料。泰地道燒雞，燒雞有陣陣香茅既香料味道，燒得好惹味同埋好入味，基本都唔使點醬料。泰式蝦醬炒通菜，炒得不錯。黃咖哩牛腩配埋蒜蓉多士，黃咖哩可以再辣番小小，牛腩好淋，多士好脆口。泰式香芒椰汁糯米飯，一個係班蘭味一個蝴蝶花味既糯米飯好有特式加埋椰汁同芒果一齊食好味。

今天好朋友和我吃生日飯，我選擇了這間餐厅，因我很喜欢泰國菜，我们一入到餐厅，服務員笑容親切安排我们入座，一坐下他们的員工推介好幾道招牌菜，我喜愛是生蝦刺身，蒜蓉飽，燒牛肉，柚子沙律，三文鱼沙律，值得一提是燒牛肉，肉質嫩滑，食落juice同5星級的扒房有得揮，我本人建議原味吃一片先，才加醬汁，因为原味才吃到牛肉本身的味道超正！泰式三文鱼沙律都幾特别，醬汁辣辣哋是员工介绍的，但我比較喜欢柚子沙律，最失望是無我最喜爱的木瓜絲沙律好彩有柚子沙律，全程晚餐員工好親切，每一道餸上枱都會解释一次，幫我们分菜，又會提我们有些食品一定要熱食，這種服務真是好窩心！

開心大發現，終於可以喺香港食到置身於泰國一樣的味道，搵暈九龍城都找不到一家好像呢間咁有風味，仲要地點方便，可以喺柯士甸西鐵站一出行3分鐘就到，戀泰既粉絲們可以去佐敦試一試話說平時去九龍城聚腳點食泰菜，不過不失因爲大多數已經變成泰國野香港味道，誰不知上星期朋友提過佐敦渡船街開左好多新野食，去到文苑街附近發現左一間「泰地道」入去試下，見到全部都係泰國人既招呼已經有種興奮，點不知打開Menu發覺佢同一般泰國餐廳既食物完全不一樣，好多新款既做法最貼心既係職員講廣東話介紹菜式

在圓方商場看完戲，唔想食太離地的餐廳，行咗過佐敦搵嘢食，兩個人無無聊聊，冇預算之下行左入去食泰國菜，星期日客人不算太多，可能因為地區問題。餐廳餐牌上有好多選擇，但因為得兩個胃唔食得太多，我跟朋友各人叫一杯紫色飲料（唔記得左叫咩名），豬頸肉沙律，哈哈！原來係生菜包豬頸肉，好好味呀！加埋山菜冇咁油膩！Fresh 馬拉盞炒椰菜苗，好味，椰菜苗煮得啱啱好唔會太硬！半隻燒雞，真係有燒嘅味道啦！不錯總括嚟講，冇嘢令我失望！價錢也相當平民，埋單$340。有機會再試

好耐無食過泰國菜，亦都好耐無試過咁大班人一齊去食，哈哈! 真係好開心。Lee間食店唔係旺區，真係朋友介紹先會嚟試，個朋友自己食過話好"正"，果然無介紹錯！今次真係叫咗勁多嘢囉，試咗餐牌上好多唔同嘅美食，整體食物都係好新鮮。湯類："冬蔭功湯" 辣辣哋夠鮮味，唔會過辣，最鐘意就係D秀珍菇吸晒D湯味，真係忍唔到食咗好多添，Lee個湯"掂"。"椰汁雞湯" 啱唔好辣既朋友仔，椰汁香滑，不過我個人就一般，辣湯啱我多D。主菜："泰式鹽燒魚(盲曹)" 好特色嘅菜，個皮用鹽燒方法變得好厚好脆，好容易打開就食到入面既魚肉，肉質滑幾鮮味，真係清晒，一D肉都無晒。"香辣豬肉碎生菜包" 與一般泰國菜嘅味道一樣，肉碎帶點泰式香料味，加上新鮮生菜包起一齊食，好味，而且小朋友都鐘意，可以一邊玩一邊食。"泰地道燒雞" Lee個燒雞，我哋大家都一致好評，燒得乾身啱啱好，好香，調味亦都啱啱好入晒味。"泰式海南鮮雞" 一向愛好海南雞飯嘅我，Lee個整得都OK，係我鐘意嗰種，不過剛好我食嘅係雞胸部位，減咗小小分，因為我鐘意雞脾肉多D，有雞味，唔係hea食評，係唔知點形容好，哈哈！"炭燒串燒 (豬、牛、雞)" 串燒肉質燒得啱啱好

機緣巧合下嚟到呢一間新開無耐嘅泰式餐廳食晚飯。環境裝修舒服，氣氛幾好，服務唔錯，職員好nice！😉兩個人就叫咗一碟特色拼盤（$148），同一碟菠蘿海鮮炒飯（$88），其實已經夠飽。首先會有一碟醬料盤，左手係秘製甜酸醬，食落去偏甜，中間係泰式酸辣醬，好似麥當勞雞翼嗰個醬咁，右手係佢哋秘製惹味辣醬汁，各可以隨自己喜好配唔同食物。☺️一定要讚呢一碟泰式特色拼盤，其實都算抵食！雖然製時二十分鐘，但每款食物嚟到都係熱騰騰！炸得啱啱好，夠哂香脆滋味！拼盤有蝦餅、魚餅、雞中翼、豬頸肉同雜菜春卷，樣樣各有特色，真係好好味！😋另外個菠蘿海鮮炒飯，都唔錯嘅，夠大碟。菠蘿就味道怪怪地，但勝在呢個炒飯有好多唔同配料，例如提子乾，令到呢個炒飯出色左多元化，幾過癮。但下次可以炒乾身啲。整體來講，如果間店係附近，應該會成日去食，係比較適合香港人嘅地道泰國菜。👅

同朋友黎試新開既泰國菜，個人覺得好讚，店員推介左燒牛肉同三文魚沙律，其他我自己揀:5成熟燒牛肉，因為怕羶味，平時好少食牛肉既我都試一舊，竟然我最後係食左3舊，燒牛肉食落一啲都唔羶，面都胡椒好香，肉好juice，點埋佢個汁真係絕，三文魚沙律我都係第一次試，原來泰國汁配三文魚都幾好食，平時食多幾舊會覺得好膩，新配搭好好食，再黎食個梅子肉碎蒸魚，啲魚肉好滑，啲汁好開胃，生菜包，肉碎唔肥炒得好香，生菜夠新鮮，燒肉炒椰菜苗，燒肉我覺得有啲肥(我鐘意食瘦肉多啲)，椰菜苗好爽脆一啲都唔老，最後既甜品，梗係要食芒果糯米飯(我每次去泰國都會每日食一個，店員一早話幫我留定，因為好快賣晒)，真係好特別，佢既糯米飯係溝左斑蘭同藍蝴蝶，好香，椰汁好濃又唔太甜，差左少少係因為店員話芒果唔係季節，所以唔夠甜，整體黎講好滿足。

7點到已坐滿幾枱客，好在早已訂位，去到即時有枱。環境坐得很舒服，服務一流，侍應和老板娘都好nice, 主動介紹菜式比我們，4個人幾乎食咗8人份量，因為乜都想試，特別係泰式燒牛肉和泰式三文魚，都encore 咗，呢度除咗主菜新鮮，就連配菜都係新鮮，份量很多，感受到廚房對每道菜都花過心思，價錢唔算貴，但食到高質素，好快會再來