Tram View Cafe

Open Now

Now Closed

特登嚟到呢間cafe chill下，周圍都有靚位可以打卡，真係可以坐足一個下午☕️唔知係咪地理位置唔算方便去，Cafe比想像中少人，一直都有位坐如果想望到/影到纜車，最靚嘅位當然係呢個窗下面嘅位，有時可能要等下先等到呢個位環境好舒服，有啲覺得自己去左歐洲咁😂門口仲有D香港本土文化嘅飾物、文具等可以買食物嘅選擇唔算多，味道ok😋雖然唔係話好好食，不過價錢算抵，而且望住靚景，簡單食一餐都已很不錯總體來說，都值得一去😊

位於纜車站旁嘅呢間特色cafe，每次上山頂都話想嚟試吓，今次一個人上山頂行山，的起心肝留肚落嚟試吓佢。呢間有啲歷史既建築物外牆用麻石切成，幾層高好有英式風格。裏面既裝修簡單得嚟又具心思，木色為主用色好warm。大約兩點，人流好少，座位頗多，可以揀到睇纜車既最佳位置。睇咗若干個食評都話佢啲食物麻麻，為免中伏，要認真揀下食乜，最後選咗個朱古力muffin同Latte。可能真係冇乜期望，反而覺得幾好食，比Starbucks 好少少。不過有個位覺得可以改善，就係全店用上紙餐具，呢方面真係較為失色。一邊食一邊睇靚景，真係好有旅行feel。每10分鐘左右一班纜車，你可以無限打卡。間餐廳重有室外陽台座位，同纜車有更近距離的接觸。我幸運地遇上員工午膳時間，又無乜客，可以自由遊走於餐廳不同角落狂打卡。趁而家無遊客真係建議大家嚟chill下，當去咗咗短旅行。相信第時遊客回歸就一定唔會咁清靜了。環境10/10服務7/10食物7/10衞生9.5/10

🍳🚂疫情不能出國 就來個香港遊吧👏～ 山頂可以說是個好去處⛰ 知道鄰近山頂纜車站起點有間打卡cafe 就決定來潮聖一下☕️🔻🔻🔻🔻🔻✨芝士火腿雞絲奄列配茄汁豆 吉列魚柳 牛角包 ($80)超超超豐富的全日早餐 性價比很高呢 質素也不敷衍 奄列放了很多芝士和火腿 沙律也很新鮮 吉列魚柳很大的一塊😂 牛角包就還好～✨Rose Latte ($42)這杯玫瑰拿鐵令我有點意外 是意外地好喝🤣 可能是不太多地方有這味道選擇 喜歡玫瑰的你不要錯過🌹🔺🔺🔺🔺🔺小店內外滿佈打卡位 很有心思 一起來發掘一下吧😛 附上兩張在山頂拍的照📸-📍 Tram View Cafe (半山)🗺半山䌫車徑2號地舖-

同朋友專程黎到位於山頂纜車附近嘅一間café — Tram View Cafe，係一間出左名，黎到要坐窗口位置打卡嘅地方，皆因窗邊位置剛好會有纜車每隔大概15分鐘經過一次，係呢個moment大家就記得要禁多幾下快門影多幾張相LABlueberry Muffin 藍莓鬆餅 ＄25我同朋友都分別叫左小食同咖啡，就等我講下我叫嘅鬆餅同埋咖啡LA估唔到佢地呢度整嘅blueberry muffin為我帶黎左驚喜！muffin嘅味道好有童年回憶，我以前每朝早番學之前一定要食過媽咪整嘅blueberry muffin先得，食完整個人充滿力量～藍莓香甜又juicy，令蛋糕有藍莓嘅位置濕潤又甜絲絲，muffin面層滿滿嘅牛油香，入口又即化，唔會乾，焗到剛剛好嘅程度。Flat White ＄40咖啡烘焙味較濃，但係唔會澀口，入口香滑，再配埋個小拉花，細細杯，可以慢慢同朋友坐係度閒聊一番。整個餐廳都溢滿住咖啡香氣，入到黎要飲杯咖啡先得～總結，Tram View Cafe除左係一個大家都會黎打卡嘅地方，仲係一個食物飲品有質素又價格相宜嘅café。記得，如果黎到呢度坐窗口位置打卡都唔好太耐，好讓其他客人都有機會

經過幾次，今次行完山便想和朋友去試吓飲咖啡。看看個餐牌，有下午茶餐，我 點了個炸泰式餃子連薯條，如要其它咖啡便要加錢從$18 - 24. 單是這set 也要$52 再加一杯Americano 加$20. 這樣便要$72. 本來都有些期望，但去取食物時，薯條份量很少，泰式餃子一咬下去一些泰式味道無！！！食物質數(這一款）我覺得不合格呢！咖啡平平。唯一好或可讚便是餐廳內的情懷和佈置，很舒適，寧靜。如一個人想睇吓書，飲杯普通的咖啡也可以。ie 去打卡。

【 山頂纜車迷必去｜半山隱世英式纜車 Cafe 】上個週日專程帶仔仔來這間纜車Cafe，估唔到真係可以咁近距離欣賞到纜車，Cafe同纜車只係一路之隔，仲要係可以無限次任睇，大人小朋友都勁開心呀！仔仔係Cafe門口已經俾啱啱落山的纜車吸引住，全間Cafe最靚的影相打卡位係室內的窗口位和露天茶座，我哋真係好幸運，竟然可以坐到室外的打卡靚位，勁開心呀！一坐低已經狂影相，每隔10分鐘就見到一班纜車，每次纜車經過仔仔都勁開心，所以你地見到既相，有纜車出現仔仔係唔會望鏡頭架，結果得一張成功俾纜車入鏡，好珍貴。其實唔止小朋友開心，媽媽我都好鐘意呢種古典懷舊的感覺，Cafe環境低調優雅，一邊飲咖啡一邊影相睇纜車，真係好享受呢種悠閑的氣氛。講番Cafe的餐飲都唔錯，價錢唔貴而且份量幾多，我地點左兩份主食，有芝士牛肉漢堡包配薯條，牛肉漢堡好厚好多汁，好好味。另一份卡邦尼煙肉意粉配炸蝦，炸蝦好大隻，卡邦尼意粉大人食就比較淡味，小朋友食我覺得啱啱好，再加多杯凍朱古力咖啡，非常滿足！相信小朋友一定會好鍾意呀！呢間咁靚咁有特色的纜車Cafe係【 Tram View Cafe 】，位於中環花園道纜車路軌旁，真係喺正

老實說為了拍攝纜車打卡照而前往呢間cafe，所以對食物部分沒有抱持太大的期望，咖啡方面確實意外的有水準，同埋價錢都非常之平易近人，我覺得好值得推介，係度拍拖cp 值都高。餐點方面，我同朋友一個揀黑椒薯仔牛肉意粉一個揀豬扒包，因為疫情關係所以店舖使用免洗餐盒，所以d野食唔會似網美打卡店咁靚，睇落就似飛機餐多d，至於個味道，牛肉意粉系ok嘅缺點芡太多了，唔係我鍾意嘅質地。豬扒包就有d火花啦，可能係新鮮整出黎，雖然普通但係一啖一啖停唔到口，想減肥都難啊

是日太古廣場睇完聖誕裝飾 再在廣場對出巴士站搭新巴23號去呢間餐廳 下車後先發覺餐廳就起纜車站口上果幾步路 一啲都唔難揾😂下次步行就得啦🔸常餐A $80龍蝦忌廉湯火腿通粉：小馬克杯裝 湯圓妹可以直接自己食好方便 而且湯頭惹味有誠意炸薯餅 香 ；茄汁豆 慣性全數騎劫煎蛋 牛角包🥐亦新鮮熱辣🔸芝士焗肉醬長蟹柳闊條麵 $74諗住都係肉醬意粉🍝既朋友 誰知有驚喜 唔係口乾又漏既茄膏 而係相對口感清爽既肉醬🥰份量出乎意料的多🔸卡邦尼煙肉燴意粉配炸蝦 $74炸蝦🍤有水準 炸粉調味香 蝦熟度剛好 意粉份量多 汁亦夠😉🔸冰滴咖啡 $70用餐期間 基本上大部分人都有點這個 又真係值得一叫既😉 樽仔再加個杯子 質感上已歡喜 味道又真係好呀🥳🔸玫瑰鮮奶咖啡🌹☕️ $24飲過最喜歡既TOP3 雖然用紙杯 但很欣賞紙杯的紋路 有助隔熱呢🔸泡沫鮮奶 $24唔係度度有得叫babyccino 呢間有 湯圓妹即話要 較預計大杯 亦不錯喝食完看看餐廳的小商品 再在門口看看纜車上落 就信步返纜車站口 再轉戰香港公園🥰

自從在網絡上看過一張 #纜車在餐廳旁經過 的相片，一直念念不忘，決定點都要去一次🥰Weekend打算輕輕鬆鬆行下，就決定去呢間餐廳➕閒遊山頂🌿這間位於半山，有獨特景緻的 Tram View Cafe餐廳面積不大，#熱門打卡位 是玻璃窗旁位置📸 但能否坐到就要看看運氣，我們今次超級幸運可以坐到 #戶外位置，可以 #看到纜車經過 呢🚠纜車約15分鐘一班，想與纜車拍照要好好掌握時間❗️🍔食物方面，想不到價錢竟然頗大眾化，之前看食評都是不過不失，我們點了好評度蠻高的 #肉醬意粉 及 #牛肉漢堡，賣相同味道都唔錯，有驚喜呀😋因為環境太舒服，之後更追加 #香蕉船，大滿足的一餐，夾夾埋埋都唔使$300，實在值得一試💖

果日涼涼地，同老公坐室外。纜車大概每10至15分鐘一班，坐室外與纜車更親近，更貼近去呢間餐廳嘅目的。 卡邦尼煙肉燴意粉配炸蝦（＄74）足料大大碟，咸度適中，炸蝦係平價雪藏貨色。芝士牛肉漢堡包配薯條（＄70）漢堡唔算太乾，加埋醬汁好味好多。薯條都係平價雪藏貨色。 另外叫咗兩杯飲品。熱抹茶牛奶（＄40）奶香咖啡（＄38）。雖然用紙杯裝，但都有拉花，可見心思。味道中規中矩。 總結係，對食物就唔駛太大期望，但呢個體驗全香港，甚至全世界係得呢到感受到。日落後招牌著燈更迷人。

在一個悠閑假期的早上，我哋決定向藍天白雲進發 — 山頂 ⛰ 上山之前當然要醫肚身! 沿著半山山頂纜車旁的纜車徑，經過凹凹凸凸嘅石板街便到達了充滿英倫氣息的Tram View Cafe!Tram View Cafe顧名思義就係一個可以欣賞到peak tram! 而cafe正中心就有一個大窗，打卡一流! 我點了早餐Set B ($80) — 火腿奄列配沙律及茄汁豆，跟炸蝦或薯餅或炸魚，再跟牛角包或多士，咖啡加跟餐再加$18。食物一般，亦不用多介紹，但勝在環境舒適。而且如果你諗住去山頂，不仿到這裏作為起點/終點。簡簡單單食個早餐就出發去山頂! Peak tram cafe > 搭纜車上山頂 > 由芬梨道落山

點咗個卡邦呢炸蝦意粉，叫咗杯凍榛子咖啡。意粉還可啦，杯咖啡一般啦，我嫌佢偏酸，咁個人口味唔同，如果鐘意酸又無不可。但呢間餐廳，最正係個裝潢同景色。佢位於peak tram 站旁，每次有車經過，都好好feel，鐘意打下卡影相又正，朋友一齊坐下次下水都好好feel。有個大玻璃窗，不錯不錯。所以，即使食物一般(其實都係接受水平之上的，個意粉都熱辣辣），都因為個景個feel 加乘而好味咗。而且價錢合理，d餐加飲品，都係七十、八十蚊之間，一去可再去的聚腳地。

半山路上纜車站的一間小小cafe, 午間是附近學生的聚腳地。其他時間會是一個悠閒的打卡位。地方不大，入口處有一個小小禮品販賣區。輕食、飲品為主。有一個戶外的小區，還有一張小韆鞦。有著英式咖啡小店的情懷。

去金鐘政府合署辦理文件，順路到山頂纜車站旁的 Tram View Cafe ; bookmark了很久還未有機會一試，今天終於到來選擇由堅麗閣巴士站往下走，一過馬路就見到；下午時分人少，輕易找到窗邊位置，一邊看着纜車上上落落，一邊享用簡單的下午茶，有彩蛋，門前大樹有野生鸚鵡遛達，幸運的今天見到牠們出現眼前走過的纜車很快會退役，幸好在退役前還能碰上室內環境裝修成歐洲書房模樣，木色裝修為主，加上虛疑火爐，昏黃燈光與天然光交疊，配合着寧靜的環境非常寫意點了咸牛肉芝士蕃茄飛碟及Iced blew coffee "Yirgacheffe"，味道濃郁馥香，黑朱古力與檸檬味在舌上回甘，比較喜歡趁着冰涼的口感一氣呵成炸泰式餃子新鮮即炸，有點燙口

【靚到要不停打卡📸半山全港唯一纜車景超正café🚃】無意中發現半山原來有一間超靚既café，係正纜車隔離，每五分鐘左右就會有一架纜車經過，超級興奮啊😍仲要好似唔係好多人知依個地方，週末既下晏去都仲坐到窗邊位🌟店內外超多打卡既位置，牆身係用石仔鋪成，加上醒目既紅色纜車主題，好有feel，café仲有一個後花園🏡，放咗一個歐陸風情既鞦韆，入到去真係好似離開咗香港咁阿😆依度既咖啡都係$30-50一杯☕，就可以坐係一個咁愜意既地方一個下晏，同姊妹吹下水影下相就過得好快😎依度亦都有好多野食賣，例如小食、意粉、漢堡等等，不過我地去個日就淨係坐低飲野咋🤘🏻—《 #Iced Caffe Mocha 》$45 ⭐⭐⭐⭐💥《 #Flat White》$38 ⭐⭐⭐⭐💥原本為個環境去，對咖啡都無咩期望，但係個咖啡就驚喜地非常香濃好飲🦸🏼‍♀️，叫咗一杯Mocha 同一杯Flat White,兩杯都沖得非常好⏳每隻杯上面都貼咗佢地logo既貼紙，好有心思💗