Video
Read full review
2021-03-23
443 views
位於纜車站旁嘅呢間特色cafe，每次上山頂都話想嚟試吓，今次一個人上山頂行山，的起心肝留肚落嚟試吓佢。呢間有啲歷史既建築物外牆用麻石切成，幾層高好有英式風格。裏面既裝修簡單得嚟又具心思，木色為主用色好warm。大約兩點，人流好少，座位頗多，可以揀到睇纜車既最佳位置。睇咗若干個食評都話佢啲食物麻麻，為免中伏，要認真揀下食乜，最後選咗個朱古力muffin同Latte。可能真係冇乜期望，反而覺得幾好食，比Starbucks 好少少。不過有個位覺得可以改善，就係全店用上紙餐具，呢方面真係較為失色。一邊食一邊睇靚景，真係好有旅行feel。每10分鐘左右一班纜車，你可以無限打卡。間餐廳重有室外陽台座位，同纜車有更近距離的接觸。我幸運地遇上員工午膳時間，又無乜客，可以自由遊走於餐廳不同角落狂打卡。趁而家無遊客真係建議大家嚟chill下，當去咗咗短旅行。相信第時遊客回歸就一定唔會咁清靜了。環境10/10服務7/10食物7/10衞生9.5/10
呢間有啲歷史既建築物外牆用麻石切成，幾層高好有英式風格。裏面既裝修簡單得嚟又具心思，木色為主用色好warm。
大約兩點，人流好少，座位頗多，可以揀到睇纜車既最佳位置。
睇咗若干個食評都話佢啲食物麻麻，為免中伏，要認真揀下食乜，最後選咗個朱古力muffin同Latte。可能真係冇乜期望，反而覺得幾好食，比Starbucks 好少少。不過有個位覺得可以改善，就係全店用上紙餐具，呢方面真係較為失色。
一邊食一邊睇靚景，真係好有旅行feel。每10分鐘左右一班纜車，你可以無限打卡。間餐廳重有室外陽台座位，同纜車有更近距離的接觸。我幸運地遇上員工午膳時間，又無乜客，可以自由遊走於餐廳不同角落狂打卡。
趁而家無遊客真係建議大家嚟chill下，當去咗咗短旅行。相信第時遊客回歸就一定唔會咁清靜了。
環境10/10
服務7/10
食物7/10
衞生9.5/10
Post
