Treats (Closed)

『暗然銷魂飯』，睇戲就聽得多，平時就少啲食。但其實市面都越泥越多燒味食肆，用呢個菜式泥做招睞。咁啱公司樓下既呢food court TREATS有賣，就即管試下！熱辣辣既白飯，上面鋪上半肥瘦叉燒，再係上面加隻太陽蛋，菜心伴邊，最後加埋醬油，『暗然銷魂飯』就上碟喇。老實講，味道係還可以的，用醬油蛋黃撈飯食，簡直係人間美食。不過叉燒既質素略嫌有點飄忽，唔係成日遇到全半肥瘦。不過food court質素，預左！Overall: 7/10

辦公室生活離不開Food court，因為午飯時間人多而時間短。有時我慶幸太古treats依間food court。性價比與其他food court比，十分出色。今日叫左個50蚊既沙嗲牛肉麵餐（常餐）個人認為算係比較出色既常餐，牛肉食落口感細滑，絕對唔會豬肉扮牛肉，而且分量不小，十分飽肚(稱得上肥仔餐既上品。而面底亦可以加錢轉出前一丁，但個人認為佢本身跟餐既公仔面口感已經夠彈牙，因為佢唔會煮到太熟，至少我外賣拎到上去都唔會軟淋淋。最後要讚一讚外賣包裝有誠意，treats the taste之餘，仲賞心悅目。

嚟到太古唔知食乜好於是行下就入咗嚟呢間food court, 呢間food court嘅餐廳同平時食開嘅大食代唔同，周圍行咗個圈見有間食意粉嘅好吸引咁，於是我就決定咗跟朋友食意粉 我地分別叫左和牛肉醬意粉同埋牛肝菌pesto醬意粉呢到嘅意粉全部都有跟蒜蓉包嘅。先講吓我碟意粉先，賣相就吸引啦，雖然話叫和牛肉醬但其實食落又唔覺同其他肉醬意粉嘅牛肉有咩分別 始於個醬我個人就覺得酸咗小小而且有d水， 隻溫泉蛋係好食但好似九唔搭八我唔見得撈埋d肉醬一齊食會好食咗我試咗小小朋友個牛肝菌pesto醬意粉，呢個又幾好食喎，意粉係幼麵嚟，d醬有落忌廉汁，有牛肝菌香帶小小pesto味，食落好creamy好啱我口味，早知我都叫呢碟始於飲品呢因為我喉嚨有啲唔舒服所以叫咗杯熱檸蜜潤下喉，杯嘢好香蜜糖味，檸檬我只係篤咗咗幾下濃度啱啱好 好好飲

坦白講，我對food court既印象係超級多人，既要搭枱，食物質素又好一般，冇咩絕對唔想食既快餐。今日過到泥，我有少少改觀喎呢度係客人自己篤售賣機落單埋單後等取餐。之前經過好多次，永遠都唔會坐滿人，心諗係咪甘難食呀，原來並唔係甘睇下幾靚仔半肥瘦叉燒x8件，飯x1.5碗，菜幾條，煎蛋脆邊，再加甜豉油。呢個價錢交足功課啦，係叉燒冇咩蜜味，其餘好滿意囉好誇張，d扁意粉有好多，軟硬度同調味適中溫泉蛋滑嘟嘟，蒜蓉包勁多蒜蓉又香脆奶茶合格。總結：如果唔係趕住去睇戲，唔去得遠又唔食得耐，唔會有機會泥，估唔到好過預期甘多😂 大家去MOViE MOViE睇戲前可以泥食個快餐btw green book好好笑，可以睇下開心下😂如果你鍾意我今次既分享，請你馬上立即宜家就俾個♥️同關注我😬按我個頭像然後按「關注」🙇🏻‍♀️

食完「康怡廣場」地下的美食廣場，裡面那間日本雪糕店「MXXk Top」分店之後，我首先折返「太古」港鐵站，再沿着港鐵站另一個出口，前往位於「康怡廣場」旁邊的著名大商場「太古城中心」去。恰巧「太古城中心」商場裡面，都有一間集團式連鎖美食廣場，廣場的名稱叫做「Treats」。「Treats」的門口有一檔車仔麵店，店名叫做「麵麵店」，但是太古分店的「麵麵店」暫時在「開飯喇」未有資料。所以，我想寫太古分店「麵麵店」食評的話，暫時就只能夠依靠「麵麵店」依附着的美食廣場「Treat」，來作為今次食評的食店對象了。「麵麵店」跟其他在「Treat」裡面的食店一樣，都是可以使用信用卡、八達通或者其他點對點支付平台系統進行網上付款安排。不過我就選擇了最原始的付款方法，自己拿着單據去公眾收銀櫃檯好了。關於「Treat」的公眾收銀櫃檯，因為「Treat」收銀櫃檯跟大部分美食廣場的櫃檯都差不多，所以我亦懶得再為「Treat」的收銀櫃檯再拍攝多一次，預留圖片空間給食品吧。適逢「麵麵店」的下午餐餐牌價目表裡面，有一款平價的下午茶車仔麵，包括有蘿蔔、豬皮跟豬紅，全部是很廉價，很下欄的平民食材，所以價錢亦便宜得非常之厲

黯然銷魂飯吾係周圍都有得食，估吾到喺太古城嘅food court會搵到，第一次膽粗粗試吓叫，價錢都算平， 所以冇乜太大期望，點知試第一啖就愛上左，叉燒係半肥瘦，而且好淋，隻蛋煎到有燶邊，仲keep住中間係流心，配埋個豉油汁，真係冇得頂

尋日啲野未整完，今日又要過黎繼續整埋佢。整野整到唔知時間，晏左落去食飯，人山人海，又心郁郁想試埋尋日麵麵屋個豬紅，結果又返去 Treats 到食。（其實係四周圍都要等餐飽）今日食左碗豬紅滷水雞翼豬大腸咖哩魚蛋米粉+無糖綠茶。滷水雞翼堅，keep 到，超入味！佢地啲滷水野真係幾出色！豬紅幾 firm 下，都好味。豬大腸夠乾淨，like!咖哩魚蛋就失色少少。今日加埋佢個辣醬，味道更好！主力推介滷水雞翼，食一次讚一次。

今日過開嚟太古城整野。晏晝食飯到到都好多人，簡簡單單走左去 Treats 到搵下，睇下有咩岩食。之前都簡單介紹過 Treats，因為係到食過早餐。不過之前好早黎，其他咩野都未開門，想試都無得試。今日一於試下佢嘅車仔麵 - 麵麵店。麵麵店係正 log on 門口，好易搵到。今日食左碗豬皮墨魚卷滷水雞翼牛腩米粉 + 無糖綠茶牛腩好瘦，不過無咩味。滷水雞翼超級正！墨魚卷好彈牙。豬皮唔夠入味同唔夠林，煮耐啲會好啲。見到隔離啲人碗豬紅好似幾正，搵日試下先。

眾所周知，太古城中心嘅大家樂係萬人空巷，早餐難求，座位都係難求。所以如果想唔同人迫，舒舒服服食個早餐。上一層嘅 Treats 會係一個唔錯嘅選擇。繼昨天食左個豬扒雪菜肉絲米，見到其他人叫嘅沙嗲牛肉煎蛋公仔麵好香，隔離飯香嘅關係，決定今日黎食埋佢個公仔麵😂沙嗲牛肉煎蛋公仔麵+凍檸茶少甜禁對比起個豬扒雪菜米，呢個沙嗲牛麵就濃味同好味啲。唔係好洗同人迫，舒舒服服食個安靜嘅早餐，價錢又差唔多。就係呢幾樣都值返晒。

Treats 其實係一個 food court 黎，入面都有好多唔同類型嘅野食，壽司，車仔麵，燒味飯，扒餐，沙津，麵包，點心。當然，禁早去到，入面好多間鋪頭都未開門做生意，淨係得近溜冰場門口嘅早餐檔開左門（好似係屬於美心，一定係，除非唔係😜）。禁佢嘅選擇其實唔算多，不過要有嘅佢都有。今日叫左個豬扒雪菜肉絲米+凍檸茶少甜叫完之後排隊去拎，望到人地個沙嗲牛公仔麵好似好好味，不過叫左，唯有聽日先叫。個雪菜豬扒米都算幾清，要自己加少少辣椒油就好好多。

Foodcourt多數都係趕時間先食～唔到最後都唔揀,但呢個太古嘅foodcourt又唔係咁嘅感覺～開左好耐先第一次黎食,原來環境都唔差😯座位幾舒適,某d位有梳化位添🛋位與位之間又唔迫。朋友呢日想食燒味～燒鴨皮脆肉嫩,肉厚,唔係得舊骨嗰隻...叉燒肥瘦適中～比快餐店還要好,係意料之外呀不過飯就少左dd😅 常餐控嘅我就試呢個啦❗️🐮沙嗲牛麵份量都唔少,可惜唔似茶記嗰種,冇咩沙嗲味～醬汁一般🤔。牛肉份量頗多...唔韌～都幾嫩滑❗️炒滑蛋就一般⋯唔係真係滑溜溜嗰隻🍳。最正都係塊多士🍞麵包本身都有甜味,好似美心隻牛奶包咁搽埋牛油烘底真係好好味

見同事買外賣回公司當午餐見得多, 這次親身去到位於太古城中心內的foodcourt-"TREATS"現場堂食. 此店開幕初期本已想去, 奈何緣份未到至今才有機會一試.很多同事都說過它很抵食(以太古城價錢才說性價比很高), 更有不少同事說份量夠飽肚, 叉燒又夠香夠滑......但這天我吃的又不是那回事!! 飯碗看起來不大, 那塊煎蛋看相片也能知道是比較熟了, 沒剩多少蛋汁, 而叉燒肉質只可勉強算是嫩, 味道很鹹. 帶甜豉油份量反而剛剛好, 菜亦不過不失. 最值的一讚的是它的飯, 真的像蝦仔飯, 有咬口. 還好吃畢後是夠飽的, 這一點有點出乎自己的意料.同行的兩位同事也說, 不像他們早前吃過的好味, 不知是否我跟它的緣份還差一點點, 或許要再找天去多吃一次才知能曉.

前排見到黯然燒魂飯又再興起仲有人推介太古城food court既呢碗叉燒煎蛋飯經開就一於試試賣相都唔錯啦，不過味道就唔算好標青隻蛋係加分位，燶邊有蛋汁叉燒全瘦，太乾身，味道只帶咸味，少左蜜味飯底係普通，但尚算粒粒分明鼓油有微甜味，撈飯唔錯$43黎講都可以接受，此終food court都唔會期望太高

之前因為返工成日會去大角嘴，時唔時都有食開個邊個間麵麵店。但因爲呢幾年都無行開個邊，就算掛住d菜脯同辣醬，都無特登去食。前幾日經過太古，唔知食咩好，就入左food court望下有咩岩食。入到去，竟然見到麵麵店有分店，就緊係咩都唔好講，即刻排隊買黎食先！ 我叫左米粉同清湯底。配菜就叫左辣蓮藕、豬耳、春捲同咖哩魷魚。辣蓮藕絕對係必食！！豬耳就正常水平。魷魚其實本身係浸住係d咖哩醬度，但放左入車仔麵度，比d湯沖稀左，變到一d咖哩味都無。。。所以個人覺得叫湯麵要咖哩魷魚就有d曬氣。春捲都正正常常，無咩驚喜。 最後一定要加大量菜脯同辣醬，基本上呢個就係個車仔麵既靈魂。。。每啖都加少少菜脯落去先食得開心d！

前排去咗太古有function, 下午好肚餓，就去咗填下肚😊 太古城廣場太大～ 所以就腳就去咗佢既food court 叫 treats! 都幾多野食，下午茶都幾抵下, $30-70不等👍🏻👍🏻 我叫咗下午茶3寶飯都係$36咋，好抵呀❤️ 有野飲👏🏻👏🏻👏🏻好正！ 賣相都好好，佢用盤放住，好衛生！已經好加分👍🏻 雞好嫩，加豉油好到味，又好滑！有驚喜🤣叉燒有蜜糖味，不過就韌左少少，咸蛋一般，飯份量夠女仔食，不錯不錯👍🏻 下午茶之選🤣