Treats (Closed)

約左朋友係太古城睇戲+食飯，但係對於我呢個唔係經常去太古城嘅人來講真係唔知食乜好，於是就問下住喺附近嘅表妹有咩好提議，佢話係food court裡面有個好好食既黯然銷魂飯！雖然黯然銷魂飯只係叉燒煎蛋飯，望落好平平無奇既配搭，但真係幾好食！叉燒份量都算幾多,有六、七件，而且半肥瘦得叉燒燒到有少少燶邊好好味～加埋甜豉油汁真係送飯一流。督穿個煎蛋仲有流心既蛋黃，好正！food court食物黎講質素都算幾唔錯👍🏻

雖然只係Food Court，但其實我bookmark咗呢個黯然銷魂飯好耐啦😚黯然銷魂飯其實即係叉燒煎蛋飯 🍚叉燒+煎蛋+白飯，再淋上甜豉油，簡簡單單已經夠好食😆叉燒都有六、七件，都算厚身😝而且我呢碗嘅叉燒係有點燶邊嘅半肥瘦叉燒，食落肉質好軟腍🐷煎蛋係脆邊太陽蛋，又煎得幾靚喎🍳督穿蛋黃，然後將蛋汁同白飯撈勻😉.食食吓會覺得有啲過咸，可能因為佢哋嘅叉燒都偏甜偏重口味，加上個飯又有淋甜豉油。不過食落都係幾滿足，喺太古城$42呢個價嚟講我覺得絕對收貨。如果我住附近或者喺附近番工，就一定會encore吧😛我本身大食，食完大概係7成飽🙈😹

小秘書今日又嚟「Treats」食lunch，見「麵麵店」當時唔係太多人，諗住簡簡單單食碗「茶仔麵」，之後可以行吓街先返工。今日叫咗個「四餸車仔麵餐」，我揀咗油麵、牛腩、魷魚、酸齋同雞翼😋患有選擇症嘅我，每次到揀餸嘅時候都好煩惱，所以通常都唯有照跟... 前面果個揀咩、我食咩🤤 查實喺師傅夾啲牛腩落碗果刻，我已經覺得唔對路，貌似牛肉片嘅牛腩🙄咸到嘔🤮 我仲好順手將成碗麵、餸連湯攪勻... 唉！今次真係自成其果喇👉🏻👈🏻 好在我喺店店麵拎咗啲免費菜脯入嚟送吓口😕不過因為碗麵實在太咸，跟餐果杯「紫背天葵」又太酸😪好少嘥嘢嘅我... 今日居然食淨大半碗🍜 好浪費呀

在太古城中心揾吃，突然想吃燒味，好在food court 有得吃。Food court 佔地頗大，前身是酒樓。好多店舖各佔一個位置。可以在窗口見到燒味，今日燒鴨幾靚。下面在煎太陽蛋。睇岩就去買飛先，用電子付款。今日我叫义燒燒鴨飯，好想吃义燒。Food court 好多人，冇位，我叫了外賣。其實好多選擇，有黯然銷魂飯！買好等野吃～燒鴨好靚呀！c fu 仲要俾脾我！脆皮厚肉新鮮。义燒就..肉渣咁..所以我只影燒鴨算了因為附近食肆愈來愈不街坊，呢間價錢已算抵吃

天氣炎熱，假日都會在冷氣開放的大型商場流連。午餐後到太古城中心逛逛，臨近暑假，中心多了很多小朋友的歡樂笑聲。Treats 內有很多食肆，中、西、日式、點心都有。新式購票方法，長輩可能未能一下子懂得，唯有年輕人負責買囉。香港人都比較鍾情燒味，以义燒為主，家人都選雙拼不同其他肉䫋。今輪就試咗燒味和意粉。义燒唔錯，味道對路。义燒燒鴨套餐份量十足，有浸菜、白飯、例湯。义燒燒鵝飯，燒鴨皮脆過燒鵝，鵝肉比較靱。义燒貴妃雞飯，貴妃雞肉尙算嫰，唔鞋。溫泉蛋卡邦尼扁意粉，混和溫泉蛋吃，意粉滑溜很多，又creamy，合格有餘。龍蝦湯，色澤似，但無乜味。

太古城上年裝修後的快餐廣場，經常加入不同的pop up小店輪流作推廣，有阮小儀加持的麵麵店就是其一，而且此店也是pop up中維持最耐的.麵麵店在最早期位佐敦的時候,我已經偶有幫襯,當時在附近上班,便會叫外賣。可惜面面店的老闆不繼續經營了, 903 DJ阮小儀便出資接下了生意，繼續經營，可能阮小儀也覺得如果結業十分可惜。果然,小儀的決定是正確的, 之後搬往附近另一新地址繼續營業,生意更加是一直越做越好。首先，到購票機器購買三餸車仔麵或者四餸車仔麵，然後，到他們檔仔面前排隊，交飛之後，選擇要什麼麵底。我每次幫襯，我都是吃他的幼麵，記得不要說成油麵啦。然後他會有三餸車仔麵及四餸車仔麵給你選擇。然後，你就可以選擇放在你面前的餸，不過不要太晚去幫襯，因為很多餸有時會很早便賣光，之前最高峰的紀錄，是晚上七點已經全部售罄要關門了。我自己個人喜歡的,有冬菇,厚身大隻又夠味,豬紅,非常超級甜的蘿蔔,雞翼,仲有甜酸齋但就一時一時，他們的招牌咖喱魷魚，好味大腸等等等等。可惜叫不了咁多....仲有飲品送，可選紫貝天葵。今次有冬菇，豬紅，甜酸齋。取餐的時候，旁邊會有辣椒配菜自行拎，大家記得攞少少試吓， 10分

太古搵食越來越唔容易, 雖然餐廳多, 但始終人多, 唔想等位快快食, Food Court都係一個唔錯既選擇!太古城Food Court選擇唔算多, 一於點個去骨海南雞飯餐, $56咋, 響太古食飯呢個價錢點搵呢~話明去骨, 真係一粒骨都搵唔到, 岩晒鐘意淨肉既人! 薑蓉; 甜鼓油醬; 辣汁等等都係點鷄調味既好配搭; 伴碟既木瓜絲調味得好好, 如果可以比多d 我食就好啦, 哈哈! 至於個飯, 比較硬, 粒粒飯, 我個人就麻麻地; 果碗冬瓜湯唔掂, 唔熱架囉, 可能放得太耐吧...

今天屋企冇人煑晚餐，一支公出咗去太古城搵食，行到去food court,是但叫咗一個去骨海南雞飯（$56）加多$有杯百事可樂，不算貴了。內容有去骨海南雞、一碗飯、一碗冬瓜湯、一碟醬和羌蓉。雞肉很嫩滑，有雞味，點醬汁和羌蓉是十分配合口味的，油飯就有點兒硬，要加一點湯就好些，冬瓜湯是涼的，可能不是用來喝，還是淘飯？這𥚃是自助取餐形式，要自己找坐位，繁忙時段用餐人很多，怱怱吃完，發覺已經有人站在桌旁等候你起身，還有戴食物那金屬銻盆很難看，覺得很cheap！

星期二係太古城中心行咗一陣，我和朋友都想食個下午茶餐，但係又唔想食得太貴，咁啱見到Food Court TREATS 有個小儀嘅紙牌，睇真啲原來係佢間麵麵店，有個特選優惠，特價三餸麵餐，有豬皮、蘿蔔、豬紅，配一杯凍無糖烏龍茶/涷紫背天葵特飲，都只係$28，如果轉飲涷豆漿就另加$3，於是我哋都趁有呢個優惠，試下呢間嘅車仔麵。我就揀咗粗麵，朋友就揀幼麵。總括： 太古城中心food court環境都算唔錯，下午茶時段坐位都好夠坐，唔算多人，而今次我哋食嘅下午茶嚟講，份量都唔細，豬皮好入味，豬紅都好好食，麵餅都唔細，飲品亦好大杯，個人覺得紫背天葵特飲略甜，如果淡啲會好啲，所以我都係寧願飲無糖烏龍茶，至於蘿蔔亦好甜，不過唯一比較可惜嘅係蘿蔔塊皮有渣(附圖)，如果啲皮刨深少少就會更加好，整體感覺都唔錯，有機會一定會再幫襯過。

太古城treats 真係冇咩好食，同以前food court 冇得比，在冇咩選擇情況下，選擇這間麵麵店。這裡要先在電腦上買票，由於沒有帶八達通，又沒有paywave 的信用卡，所以要行去casher 付現金，再回到麵店俾票店員落order 叫了3餸麵，米粉，牛腩，雞中翼，辣蓮藕$42元，旁邊有辣醬，自已加，辣醬好香。牛腩偏瘦，入味，都有3，4舊辣蓮藕夠爽口，有辣味，不過不失雞中翼不入味，可以說沒有味，肉質較實跟餐紫背天葵特飲，太甜，我唔識欣賞

this is one of my commonly-selected lunch sets in my work days. It costs $48 in tai koo reasonably, which can definitely fill up your stomach. The soft bread together with the stir-fried egg are satisfactory. The lobster soap is rich in taste, it would be better if there is macaroni, instead of spaghetti.

太古城內嘅Food court，座位比較舒服，選擇都算多，我左簡右簡下決定試下食呢個：價錢同出面食既差唔多，唔算特別貴，所以小妹就簡左佢黎食雞夠滑，整體份量偏少，我自己都可以食晒，男士食可能要叫多飯先夠飽*午飯時間1300-1400會有好多附近返工嘅人過黎食，搵位較難

今天到太古城逛街，看看商店大減價。累了，就想找個地方飲返杯，休息一下。在英國大品牌的扶手電梯上來，看到這家Food Court Style的地方，好奇之下，入去探索一下。　飲品部／水吧櫃內排列整齊的飲品中，有杯啡色的東西，但没有標上名稱。向職員了解，原來是奶茶！只是18個大洋，價格OK。付款後，到High chair就座。　　冰滑奶茶視覺：無冰，不會溝淡。無分層結構，奶和茶相溶。　　手感：奶茶凍，但不冰，持杯不會覺得辛苦。而且杯邊不會形成水珠。可能是天氣乾燥的原因吧！　　口感＆味道：　滑，没有鞋口感。　吮一口，茶味由上咢衝上鼻腔。再吞下去時，口腔都充滿茶味。個人覺得是茶餐廳奶茶的二倍的濃度。　18蚊好抵飲！如果是熱奶茶，可能仲正。　　雖然茶味足，但不知這是使用真牛奶？還是人造植脂奶？　可能美心集團會比較清楚。　　BODY REPORT：晚上眼光光，杯茶都好勁下。

開張只有一兩年嘅時間，環境OK,但可以選擇的食物是零！ 下午茶餐沙嗲牛肉麵餐同埋炸雞髀餐難食到不堪，大家樂同大快活都好食過佢好多價錢都平啲。燒鴨河粉下午茶餐未到3點3 已經售罄！😵裏面有一間Minh &Koh 越南菜D食物都好咸！只有小儀麵麵店叫做OK啲，但其實服務態度都麻麻。😞以前3/F foundcourt 雖然唔係咁乾淨，但係起碼食店多人幫襯! 老實講而家太古城真係冇嘢好食😓 請太古城的管理公司反映一下咁大個屋苑竟然冇啖好食

After I had the very pricy authentic 暗然銷魂飯，a friend told me there’s a cheap version in this food court, and we were in a hurry so we went to try, obviously the quality of the bbq pork is so different as this one is not so tender and soft but acceptable, with this price tag I think it’s alright. The problem with this place is too crowded and always so hard to get seat.