三星台菜食堂 (新城市廣場一期) (Closed)

已經唔止第一次去呢間食飯了，印象中都好似三次啦，其實一向我係好鍾意食台式野，但係平時只能夠去我樓下嗰間大型連鎖式，唔係唔好食嘅，不過份量太細，但係呢一間我覺得份量同價錢都好合理，味道又好味，最推介就係佢嘅小食系列，鹽酥雞，餃子就一般啦，入邊比較淡一啲，可能適合啲比較淡口味人士，另外佢嘅麻辣三寶拉麵簡直一流，湯底唔係十分之辣但係佢嘅牛腩非常之林，入口即溶，總括來講三個人食，叫咗四樣嘢，可以食得好飽，個人覺得非常之合理，仲有要推介佢嘅韭菜煎餅，好好味

首先今日食午餐，見到有唔同套餐，價錢都幾抵，包括有小食，主食同埋飲品。我同朋友每人揀咗一款牛肉麵一款係花雕牛肉麵，另一款係麻辣牛肉麵！我想講兩款的確都各有特色，花雕湯底絕對冇呃你真材實料食到濃濃嘅花雕香味撲鼻而來，好似又有少少藥材味，飲落好舒服。而且面係比較厚身同闊嘅，唔會太淋 而且大有煙un☺️牛肉perfect! 肥瘦適中，口感完美至於麻辣，辣到剛剛好而且非常之香嘅花椒八角，但同時呢亦沒有掩蓋過牛肉嘅香味！兩款俾我揀嘅話可能我會鍾意麻辣多少少🤏🏻但唔食得辣嘅朋友仔，簡原味或者花雕湯底嘅牛肉麵的確都係一個唔錯嘅選擇仲有嗰日見到有個小食係炸甜不辣，我超開心🥳因為真係好鍾意食甜不辣☺️唔係度度有得食㗎

今日係沙田想搵黃店食～其實沙田黃店既選擇唔多，因為沙田中心地帶都係大商場，自然大部份都係連鎖店多。不過，係新城市一樓，都竟然有黃店！一search 發現係藝人傅佩嘉開既台式野三星～位置係星巴克果層同附近，都幾易搵到。一入去侍應都要求要量體溫，令人比較放心。當日係下午茶時間去，叫左個刈包。個刈字真係唔識讀～不過幾好味，其實個包皮有d 似菜肉包個feel，但入面係夾蟹柳咁。飲品叫左珍珠奶茶，感覺一般。埋單$66 算偏貴，但沙田呢個位又比較少人黎講，都算正常。

今日自己一個人走咗去呢一間三星度食嘢，咁就叫咗去牛腩麵食，其實價錢我覺得就Ok，接受到，牛同面同湯都還可以，overall,我覺得整得都ok唔錯，如果行開呢頭肚餓嘅話可以試下。

朋友約食飯但又唔想食得太貴，便揀咗呢間半快餐式嘅台灣菜。除咗台灣菜最常見嘅牛肉麵、魯肉飯等，亦有唔少嘅炸物、涼拌等小食。野食好快就到了。先叫咗啲小食 share，個人就鍾意鹽酥雞同麻辣牛腱，鹽酥雞夠哂香口，而麻辣牛腱就絕對啱哂麻辣粉絲嘅口味。紅燒牛肉麵亦不錯，牛肉湯鮮甜而濃，當中有牛腱、牛肚同牛筋，牛腱煮得夠鬆軟。幾個人嗌咗幾款餸已食得好飽。惟餐廳服務員有啲冷淡，有少少感覺被人催趕，所以食完快快就埋單離開了。

窮遊香港-勁大份果糖芋圓刨冰今日講一間我勁鐘意既 台式刨冰（其實佢主打台灣牛肉麵）.⭐️古早味黑糖刨冰$48-$88視乎你選擇幾多個配料 價錢睇圖份量仲要勁多 大份既4-6個人食都得有時仲會再有優惠半價 不過就算正價都超抵食.先講大碗 叫左6樣配料⭐️三色芋圓 必點👌🏻紅豆有起沙ok 黑糖珍珠 都幾甜 重黑糖味👌🏻蘆薈 仙草 都係正常👍🏻雪糕收埋係沙冰入面 呢個ok 滑味道其實重甜 表面加左大量煉奶 同黑糖所以刨冰唔會冇味 如果可以都建議點小甜.而叫2個配料 都會細碗d 2-3人份量但感覺 芋圓量都多d 紅豆都多d而且見到芋圓 仲熱辣辣出煙 軟熟 建議食左芋圓先如果唔係好快比旁邊既刨冰凍到硬哂.仲食左⭐️花雕酒三星牛肉麵$88個湯真係小小 酒味 偏甜 加埋酸菜好開胃👍🏻牛𦟌 係重點 肉質勁軟唔痴牙👌🏻牛肚牛筋 ok 麵質都ok（🤔但以正價$88配料偏小）⭐️酸菜牛肉划包$32👍🏻都係包軟 都係酸菜開胃 都係果舊勁軟牛𦟌.總結 好評餐廳一間 建議食刨冰勁抵午市去食套餐 會抵食d都唔錯.#三星台菜食堂 (沙田)地址：沙田沙田正街18號新城市廣場1樓128號舖.⭐️評分：味道：4.5/5環境：4.5

今晚去試左一間台灣餐廳,餐廳係係沙田新城市廣場地下，近戲院既位。應該係疫情既關係，條街少左人，間餐廳都冇咩人，所以好快就入到去啦。坐底之後我地就叫左兩個主菜同一款小食，分別係三星麵，台式炸雞排滷肉飯，同埋蒜泥白肉。先講三星麵，三星包括有牛筋，牛展同牛肚，湯底好濃郁，係用左大量牛骨熬成既，仲有蘿蔔同洋蔥，d牛食落唔硬，配埋蘿蔔一齊食，一d都唔膩。最後個麵好有咬口，一路食一路飲下紅燒牛肉湯底，好好味！之後就係台式炸雞排滷肉飯，雞排烤到好似鹽酥雞咁香口，但係又唔係好鹹，配埋滷肉飯一齊食非常開胃，好似去左台灣夜市既感覺。個飯隻唐心蛋都係重點，十分好食最後就係蒜泥白肉，d肉好多好大塊，但就略嫌唔係好夠辣同堆d肉舊舊都有軟骨，食落要花d牙力！

通常食台灣菜都係食啲小店，今次試吓呢間連鎖店嘅質素如何🤪呢個巨大嘅珍寶三星麵足夠我地兩個人食🥰 除咗牛腱之外，仲有牛筋同埋牛肚食，牛腱同牛肚就正正常常，都幾腍，但係就冇牛筋咁出色喇🤤 牛筋腍得黎，帶有膠質，好好食而且骨膠原滿滿😍 湯底味道正常，唔係話好驚喜👌🏽 麵條都唔錯，粗幼適中😋刈包都唔錯，入面夠控肉幾好食幾入味，而且唔會好肥膩😌 配料有酸菜同埋花生碎，食落幾香口😛 可以一試～▫️珍寶三星麵 $148▪️古早味控肉刈包 $32

每次去旁邊的西餐廳吃午餐都很想來試一下這間台灣菜，難得同事這天也很想吃，我們等了一段時間終於可以入座。這裡主打牛肉麵等等的牛肉類菜式，不過我太舊沒有吃雞排，所以放棄了牛肉。台式酥炸雞排湯麵 $78湯麵的牛骨湯底非常濃郁又有甜味，和彈牙有厚感的粗麵是絕配，上面還有酸菜增加味道層次，個人是很喜歡，不過麵底不算大份，飽肚感未必足夠。至於酥炸雞排聞起來很惹味，但炸粉太厚，雞肉有很多脂肪，感覺像是吃炸粉般，這個價錢性價比偏低。同事吃的牛肉麵相對正常，下次真的要來吃，建議吃牛肉麵。

今日喺呢間沙田嘅三星台菜食堂同朋友食飯，叫咗個番茄三星麵，番茄湯底配牛腱、牛筋、牛腩。個番茄湯底非常惹味，有番茄肉令佢更加濃，好味到飲晒啲番茄湯。麵條都好有彈性，但份量有啲少，只係夠醫吓肚。牛腱同牛腩都冇乜特別各有兩舊都算足料，但牛筋做非常韌，好難咬。雖然價錢唔平但湯底同麵條令佢值得一試。

第一次食一間野服務差到要搵電話投訴 俾錢買難受 最後沒食走埋 我打呢篇野16:52都未食慢飯都要打篇野黎投訴首先講下食物入到去坐左最後面角落頭既位 初時服務態度ok 落單個男仔落單都好快 覆單呢d野已經唔追求 最後張單係沒落錯既我女朋友叫左碗牛犍麵 一杯芝士金宣烏龍 一個蒜泥白肉兩份食我自己只叫一個炸雞排魯肉飯 個牛肉麵湯底係甜豉油加杞子同花雕 沒牛肉味 個麵唔係一舊 但都幾難夾 牛犍睇得出係靚仔唔係endcut 牛肉味淡左d芝士烏龍有d杯牙topping 烏龍偏淡但味ok 但32蚊出去買會好d 重點來啦個雞肉排飯係沒食過 食左淡白飯就走左 14:22份落單 14:44都未到 我叫個女侍應問下係咪甩單 甩左就唔要 佢不停用炸野要耐d新鮮炸做理由 我再三話沒就唔要佢先去問下 其實我係問佢之前都有觀察其他檯 我格離遲過我落單 遲過我入來都已經食完 雖然係食麵 但係另一檯4位我落單佢都未入檯 已經食緊炸雞排魯肉飯個女侍應14:46分返黎同我講話差5分鐘 炸緊沒甩單我再講話唔要 dlllm佢又用炸野要耐d做理由之後行開左 我心諗炸舊雞40分鐘你仲洗仲生意? 我女朋友慢特登食慢d 14:59

我叫左兩個魯肉飯，一個牛肉面，一個豬耳限食一小時，結果魯肉飯要等45分鐘！豬耳最尾先到30分鐘我催過一次，我見45分鐘先再催第二次，差我媽老人家個份，佢好肚餓，個四眼瘦店員係佢耳邊講幾次，聽到都扮聽唔到幾次，魯肉飯洗唔洗45分鐘阿，我成程見到一堆炸既，煮既，蒸既出哂啦跟住我想加水飲，就同講唔該想加三杯水，跟住我就見佢隻手壓住個大水樽，係出餐個到同d 同事係咁吹水，如事者我等左幾分鐘，見佢"唔係好得閒" ，咁我咪自己出去拎個大水樽自己加水囉，一拎到埋位加加下水，佢又衝埋黎話佢黎佢黎，收到我地通知會做，而家我自己加又唔得阿？，等你黎我可能15分鐘都無水飲阿，你仲要咁得閒係到吹水，我咁啱坐佢後面，成程飯都經常望住佢，因為我無野食，佢成日就係到吹水，真係多野做唔緊要阿，我自己加水就得啦，咁小事，又即刻衝埋黎，慌死店長見到我未試過食飯咁鬼嬲，唔怪得咁多負評都係罵服務差，就因為呢個店員，我唔會再黎食我已經脾氣好都頂唔順咁既服務態度

我們一行2人，因為有Apps，所以就book這間，其實這間已經唔係第一次食，因之前都食過都唔錯，所以今次就同家人再食。我們分別叫了： 紅燒三星麵（味道都几好，麵質有口感，只係如果每款餸都有兩件就更加好😋）另外叫了麻辣三星麵（食得辣的朋友不妨一試，本人試了一些湯都几辣，而配料跟紅燒那款一樣），最後加了一款小食：蒜泥白肉 （這款都几好味，份量都合理，蒜溶好多好味、白肉肥廋均勻👍🏻）。整體而言：直得一試，味道不錯，價錢在沙田新城市來過差不多，服務方面就一般。

今日約左朋友去沙田行街，當然第一時間上黃藍地圖睇下沙田有咩黃店啦，本身想試七樓果間黃店既餐廳，但實在太多人等位，呢一間都係黃店，上網睇係傅珮嘉個老公開既，咁就諗住去試一試啦！整體黎講，牛肉面同埋飲品都唔錯，我覺得比小王同茶木好，朋友叫左個西冷牛配面，都唔錯吖！

朋友成日推介呢間三星牛肉麵終於約到一齊去食🤭唔講都唔知係歌手傅珮嘉開😁🧠即刻諗返起首歌"寧願滯留在此處 寧願這時間中止" 咳～🤭 都係講返野食啦~🔹紅燒牛肉麵$76💫推介湯頭牛肉味好重而且一啲都唔油膩👍🏼👍🏼牛腱大大件，食落有咬口一啲都唔韌，非常入味麵質係粗身扁麵👍🏼🔸第一鹽酥雞$58炸得非常酥脆，一啲都唔乾🔹蒜泥白肉$48好多蒜泥鋪面，但豬肉片就少左dd 食完好大陣蒜味🤣.💬紅燒牛肉麵好好食，湯頭一啖接一啖咁飲完都唔會覺得口渴😋，不過兩碟小食份量係細細碟，味道就唔算太特別