三星台菜食堂 (新城市廣場一期) (Closed)

回想一下感動味蕾旅程，就是去吃台灣美味佳餚，跟最好的朋友到三星台茶食堂，吃著源自台灣的傳統～很棒之一夜呢～推薦正宗牛肉麵是我們非常易吃到的正宗味道，整個之牛肉麵味道不但令人有台灣的感覺，而且據說做法是店主先生和奶奶之秘方。感謝他們將心目中台灣最好的味道帶來，不會過熟或味道太濃厚，沒有味精的。一碗碗用心做出之牛肉麵，不能急，享受一下，品質相信能保持好喔。海膽魯肉飯魯肉飯這個東西，是台灣人由小吃到大，這個味道充斥著很濃厚的感情。加上有「海底黃金」之稱的海膽之魯肉，實在不可以錯過，海膽魚生迷必食，而且絕對是個人最愛的食物之一，尤其是味道甜如日本新鮮即開海膽，棒～油菜味道相當好，清新甜～不可不說是飲品及甜糖水，實在非常好，甜度也適中*

今日同朋友係沙田行街，朋友知我鐘意食台灣野就帶左我黎食海膽魯肉飯{好特別} 原本以為海膽夾魯肉飯味道會完全唔襯, 但食落有別有一番風味 多層海膽三星花雕麵湯底有得畀我哋揀(分別有紅燒, 蕃茄同麻辣), 職員都同我地講花雕配紅燒會夾d.一黎到就聞到好香花鵰酒味 ~~Good真的好蝦捲薄切蘸以酸甜醬同吃，香口彈牙但蝦味刨冰刨冰分別有幾款配料選擇, 我就揀咗五款!有芋圓, 紫薯圓, 蘆薈,仙草, 紫米。。。雪到好正

新城市一期最底嗰層多餐廳就係人都知，今次去嘅呢間三星台菜食堂係傅珮嘉開嘅，所以我都有啲期待～等咗一陣位就有得入座，一見到menu就覺得必叫海膽魯肉飯 $158，友人因為唔食牛，所以另外叫咗個阿嬤魯肉飯 $52，今日都幾肚餓，所以叫咗幾款小食，滷豬耳 $46、蒜泥白肉 $48、第一鹽酥雞 $58，飲品想叫芝士綠妍，但賣哂😖 所以就叫咗超級水果茶 $36，同埋玫瑰纖檸冰茶 $29。日台fusion嘅海膽魯肉飯啲海膽份量超多！有兩款唔同種類嘅海膽，而且仲有成兩層🤤 食落完全無腥臭味，非常鮮甜，份量多，質素又高👍🏻 個飯仲有半隻溏心蛋，同埋魯肉既入味，又半肥瘦咁。鍾意食海膽嘅人必點☺️友人嘅阿嬤魯肉飯好特別，原本以為只係少咗啲海膽，原來真係多一份阿嬤味👵🏻～佢多咗酸菜同紅色嘅唔知咩嚟🤦🏻‍♀️ 應該係呢到獨有嘅配搭，好特別！之後小食就到了，鹽酥雞比想像中大碟，而且同平時見嘅有啲分別，呢到size係一口一粒咁，同埋配有蒜蓉同九重塔，超like！味道夠，size又夠方便！大推！滷豬耳夠入味，煮得外淋內爽，有兩重口感👍🏻蒜泥白肉份量都唔少，配上多多嘅蒜蓉，食完個口勁重蒜香，好爽啊！我揀嘅飲品係玫瑰纖檸冰

在人來人往的商場，我選擇了三星台菜食堂 的雞排滷肉飯滷肉飯很好吃，雞排好大塊好抵食👍🏼還有半隻糖心蛋，好滿足😋是飲品用紙杯，感覺有點不環保🥺而且在繁忙時段只能用餐1小時如果想跟朋友坐久點，建議非繁忙時段才來吃🥳

約咗朋友喺沙田食飯，問朋友想食乜佢話想食台灣野，我就帶咗佢嚟呢間三星牛肉麵試吓啦朋友叫咗芋頭奶茶，我自己就叫咗熱嘅珍珠奶茶，佢話芋頭香味好濃，我自己杯珍珠奶茶少甜啱啱好，重點係比我發現左入邊有唔同嘅珍珠，咬落去個軟硬度係有分別！覺得佢好有心呀！而且佢個價錢係平過街邊啲珍珠奶茶店㗎糖心蛋入邊真係有流心效果我自己叫咗花雕酒麵，成件事好夾之餘仲幾有新鮮感，有少少似醉雞嘅感覺不過厚厚嘅牛肉朋友叫咗個三星牛肉麵大家都同意牛肉好嫩滑，而且份量都好大碟，見之前有啲食評個湯唔夠熱，唔係喎我哋叫兩兜都出晒煙炸花枝丸新鮮滾熱辣炸起，第一啖有少少偏鹹，入邊有真正嘅魷魚，口感好豐富蒜泥白肉鍾意食蒜嘅朋友一定好鍾意呢一味餸，蒜蓉多到好似唔駛錢咁，我自己就大愛侍應服務態度好好，買單嘅時候仲問我地覺得點，基本上你望一望佢佢已經即刻衝過黎問你有咩需要，係一間想做好嘅餐廳

睇openrice 話係傅佩嘉開嘅三星台菜食堂會多人排隊就早少少黎食 6點幾黎到唔駛等位 但陸陸續續開始多人叫左紅燒三星麵 入面有牛𦟌 牛筋 牛肚 （除紅燒湯底 可揀番茄或麻辣）啲料燘到好腍 好入味 麵都有質感唯一美中不足係紅燒湯底偏甜 （視乎個人口味 我朋友覺得個湯底ok)另外叫左個期間限定小食 冲繩炸魷魚 配沙律醬同甜酸醬 不錯不錯整體黎講覺得$82 有呢個質素嘅牛肉麵 性價比都高 會再幫襯*題外話 佢啲餐具好有質感 雲石紋設計好靚😍

到底近二百蚊碗牛肉麵係咩玩法？今次終於有幸見識到，其實又真係物有所值✨成碗牛肉麵根本就係一個表演，首先炙燒面層兩塊肥牛，果兩塊唔係差嘢，油脂紋理都好靚，燒至半生熟入口惹味又嫩滑，炙後灑蒜粒再輕燒爆香，最後再燒著威士忌等酒精揮發咗再倒入湯，成為色香味俱全嘅高級牛肉麵✨當然佢用嘅唔係普通威士忌，而係由台灣釀造仲要拎哂獎果隻，而所用款式sherry cask屬於入門之選，甜得嚟帶堅果味，入口圓潤舒服，就算唔鐘意飲酒嘅都覺得好容易接受，不過雖然係好甜，但個酒味都好勁下，以滴酒不沾嘅我唔係好敢飲啲湯，不過淨係個酒湯掛上麵已經夠哂香，而且三星麵本身都幾有驚喜，因為響首店開張時試過啲餸料感覺一般，所以一路都係食魯肉飯，今次食返發現進步咗好多，牛𦟌牛筋牛肚每一樣都煮到好腍好入味同時又保留到彈牙感，好高質❤️至於其他嘢都保持一貫水準，係個新出炸魷魚有啲失望，雖然入面都彈牙但炸得比較濕，層皮好油唔夠乾爽，另外黑糖冬瓜個味好淡可以再濃啲😌

是日同媽咪係沙田搵野食，因為我地早食而又唔太肚餓，就決定試下依間新開既台灣野。我地叫左兩個魯肉麵，炸大腸，鹽酥雞，油麥菜。佢每樣野食都係4-60左右。點左好快就到，個魯肉麵唔錯，因為我地本身飽飽地食唔落飯，改麵都不失為一個選擇。份量適中啦！油麥菜個汁甜甜地幾好味，大腸夠脆同埋個汁唔係平時甜醬黎，係咸咸地咁既幾特別。不過反而係個雞變左雞粒？味道都ok啦！埋單3百零算係咁食到好飽。不過當日係好涷而佢地居然比涷水我地，要叫先有熱水飲，幾個小朋友侍應唔夠主動企係度圍埋傾計🙄 好似忽視客人需要。

今天行過新城市，天氣凍又想食熱野，就選擇左三星食堂。店鋪設計特別，用了不少線條形狀，色調柔和，外觀討喜。店員有禮貌，打招呼夠精神，亦夠耐心向人介紹餐廳食品，有甚麼招牌菜，圖上食物是哪一款，食物可否兩溝等，一一解答。店員又貼心安排甜品放到最後先上，客人說飲品太甜太熱又會主動應對，服務態度真係值得一讚。食物我選擇了三星牛肉麵， 鹽酥雞同埋甜湯。三星牛肉麵選了粗麪，牛肉份量倘多，包括牛，牛根，及牛肚，每樣都大大件，牛肉味濃，牛筋入口即融，牛軟硬適中，牛肚夠煙韌有咬勁，再加上層次分明的湯底及酸菜，不到五分鐘已吃完一整碗。鹽酥雞，炸得香脆香口，加上蒜蓉及像千層塔的香料，非常惹味，相當不錯。甜湯雖然用了街知巷聞的黑糖，但相當清甜，甜度適中又有一陣冬瓜的凊香及味道，加上qq彈牙的粉圓、芋圓及大大粒紅豆，以及現在甜品優惠半價，很抵食。走前店員還很有精神地大聲說再見，害我嚇一跳，但我就不討厭，至少比其它店舖店員死氣沉沉更好。總括來說是值得一試的台菜，但在沙田新城市廣場的最入面，專門來吃就有少許不便，但人在附近的話就值得一試。

對於新界人的小胖子🐷來說，沙田是一個有好多舖頭可shopping 又有多野食雲集既地方🧚🏼‍♀️係新城市廣場1樓發現開左間台灣餐廳⍟三星台菜食堂⍟岩曬我啦~~近排好想食台式野唔知你地有冇諗過魯肉飯同海膽飯係可以мιχ埋一齊食呢😏小胖子🐷就無諗過，喔間 “三星台菜食堂”好有創意呀！日式加台灣風味一次過呈現出來😝海膽魯肉飯 $158海膽有2款，份量亦有好多，最中間係平時食開海膽既ѕιzє，第2款可能稱得上巨大呀🤩大塊好多🤤仲有啲三文魚子和半隻溏心蛋，整體好鮮甜❗️而台灣風味既魯肉肥瘦均勻...無諗過兩者可以咁夾~~紅燒三星麵 $82原本係諗住叫珍寶嘅，店員好好呀☺️佢提醒我哋珍寶材料既兩培份量。由於我哋叫咗個海膽飯所以建議我哋唔需要叫珍寶....湯底叫咗鮮茄，有好多蕃茄粒😍鍾意食蕃茄嘅人唔可以放過阿，湯底食落都係會有少少辣嘅，所以唔食得辣嘅人是要注意喔⚠️叫左冬粉因為未食過覺得幾特別!牛筋、牛𦟌、牛肚，每樣都大大舊黑糖冬瓜 $22加多$5要蘆薈，飲落嘅時候會有啲趙口，而且好鍾意食蘆薈😆叫左少糖走冰，飲落去都有甜味，冬瓜味濃刨冰有4、5、6、7款配料和八寶刨冰🍧選擇我就叫左刨冰🍧5款就$58配料係自

喺沙田新城市廣場見到呢間三星台菜食堂，即刻畀佢門口張poster嘅海膽魯肉飯吸引住 😍😍😍今晚要食你!!!😂 入面環境都寬敞而且坐得舒服👌🏼侍應哥哥好笑容好好服務，見我拎住個大袋，專登擔張凳畀我放😁麻辣三星牛肉麵 -- 牛嘅份量十足，有牛展牛筋同牛肚🐮全部大大嚿，又淋又入味😋不過都真係幾麻幾辣，唔食得辣嘅朋友可以叫番紅燒或者番茄湯底🍅海膽魯肉飯 -- 碗飯一上嚟嘅時候簡直可以用閃閃發光嚟形容🎇海膽嘅份量多到鋪滿成個飯面😲完全遮住左啲滷肉飯!上面再加咗三文魚子，全部都勁新鮮晶瑩剔透😍😍冇諗過喺台式餐廳都可以食到海膽之餘亦都冇諗過滷肉飯同海膽竟然係咁夾。兩款海膽全部都大大件，入口即溶，超鮮甜😋😋現炸沖繩大魷魚配咗泰式酸辣醬同埋蛋黃醬。炸到金黃色又唔油超好食❤超級水果茶👍食完都仲意猶未盡，最後再加多個半價嘅甜湯，總共有五款自選配料，簡直係完美嘅happy ending😇

老公一向都係台菜迷 每次見到台式餐廳都唔放過 今日路過沙田區搵食都唔例外 去到門口店員都好熱情坐低仲介紹佢地嘅主打菜愛酒如命嘅我望到有個三星花雕麵即刻心心眼 對碗麵第一觀感係好足料 先試一啖湯 帶微辣 香濃花雕味充斥口腔之內香蔥酸菜杞子辣椒作配料 牛肚牛筋牛𦟌補滿面層 牛筋軟綿綿 入口即溶 牛肚爽口有彈性牛𦟌口感實而不韌 麵湯滲入肉內 咀嚼牛𦟌同時享受到牛肉麵湯底👍🏻老公就試新菜式海膽魯肉飯 半板海膽加上三文魚籽 下層係傳統魯肉飯海膽鮮甜毫不帶腥 顆實嘅三文魚籽晶瑩通透魯肉肥瘦均勻 油香與飯香 配合兩小片醃黃蘿蔔 成就一碗傳統混合日式嘅魯肉飯小食我地追加滷大腸同埋炸甜不辣大腸滷透有嚼勁 而且被處理得非常乾淨沾點生蒜進食更惹味 炸甜不辣外層脆香 內裡煙韌 令人不其然食無停口 甜不辣控必點飲品就試手搖系列黑糖冬瓜 黑糖香甜冬瓜清涼消暑 雖然依家係冬天 但冬瓜確實一年四季都啱飲我就最鍾意水果所以揀超級水果杯吸一口就食到香橙肉同熱情果茶味濃郁 水果香與茶香相輔相成飯後消滯最佳之選 如果有興趣試創意台菜不妨試下呢間唔會令你失望

尋晚走到沙田新城市廣場嚟幫襯一下「三星台菜食堂」，餐廳是由歌手傅珮嘉開設的。嚟到梗係必食「三星麵」，有牛腩、牛肚同牛展再配上粗麵，果然係好麵，麵質彈牙，湯底甜有濃厚牛肉味，牛腩、牛肚同牛展都夠腍同入味， 的確很不錯。小食就點了第一鹽酥雞、燙青菜及大腸就是狂，份量十足，而且味道都很好。第一鹽酥雞，炸到好乾身，沒有油笠笠，不太鹹，食到啖啖雞肉。燙青菜，不油夠脆綠，而炸大腸就比較乾，不過唔會太肥膩，都ok既。飲品就叫了水果茶及土鳳梨茶王，味道比起台式飲品店都差不多，水準很不錯。

牛肉麵 $75牛肉麵配番茄湯底和粗麵, 暫時是我的最愛。牛大大件, 肉質軟腍之餘亦有咬口。番茄湯底濃郁味美, 加上酸菜增添層次。酸菜 $8還記得三星開業時, 酸菜是免費任食的, 不知是否太受歡迎, 現在卻要花費追加, 對食客來說是一個壞消息。溏心蛋 $15溏心蛋質感滑溜, 蛋黃軟綿綿, 味道不錯。椒鹽四季豆 $46與其說四季豆是椒鹽的, 倒不如說是蒜香的更為貼切。四季豆尚算嫩, 沒起渣, 配上大量香蒜, 香口之餘, 味道亦相當不錯。

台菜除左茶木之外，我真係好少去，但係食完呢間又覺得水準ok喎！鹽酥雞超級出色，炸粉超薄，平日我都不喜歡炸物 天婦羅都不喜歡，但這個炸雞一小口再加上超薄炸粉，每一口都是juicy的雞肉，有質素！😍😍鹵肉飯半肥瘦，不會太膩，沾上油光，好看也好吃😂配上酸菜也是很很很開胃~最重要的是糖心蛋很好吃！豆腐皮蛋滑溜的豆腐，沾上甜甜的醬有種開胃的感覺,令人一食想再食。我朋友說皮蛋更出色~三星牛肉麵有三種牛的不同位置可以吃，牛肉湯味道也很天然，應該是沒有落很重味精，我覺得牛肉湯香味沒有那種很化學的味道，不錯喔~仙草奶茶有一種茉香的味道，令奶茶多一層味道，加上不太甜，讚！😍最後，我們太愛糖心蛋所以叫了兩隻，大滿足😂如果在沙田新城市廣場食飯，這一間的性價比算是不錯的~