靠得住粥麵小館 (德福廣場2期)

Open Now

Now Closed

平時都有食開靠得住，呢日去開德福廣場，呢度有間靠得住就決定去食！始終食粥好似食嚟食去都係靠得住最穩定，一係就係啲小店 但係小店又唔識搵喎，去到一個陌生嘅地方又冇做資料搜尋之前食過大師傅好味唔好味，酒樓嘅都一間間，如果想食雜粥就梗係去返靠得住！份量同埋成份都估得到 價錢唔算太貴，不過如果食套餐加個小食都要成$90 㗎而家及第粥加個白灼豬腰豬潤 走油今日冇食早餐，嗌咗勁多嘢食，同埋前一日食完打邊爐嘅椰子雞覺得唔夠喉，因為佢冇乜椰子水味見到呢度有椰子雞，唔算太貴就嗌一煲試吓本身上台覺得嘩咁細嘅，但係原來入面極速秒，都有成七件八件雞，仲好多雞肉，竹笙同紅棗份量都唔少 仲有少少杞子 椰子雞湯好清甜好正 啟發咗阿媽以後可以整呢味嘢雞肉都幾瘦㗎，又有雞翼雞鎚嘅位置，瘦肉又有多少少脂肪嘅肉都有 包羅萬有正一上枱覺得咦今次嘅顏色好似偏黃喎 食落去都OK好重味，不過唔知關唔關事食完呢餐有少少口渴一開頭攪勻啲蔥同埋材料之後就就咁潷，令到佢唔好出水好澀好濃郁，今次仲有少少底嘅蕉 我勁鍾意勁香一嚿嚿雖然未必個個都食 白灼豬腰豬潤唔算太大件，但係都令人滿足，計返呢個份量都係加大概$30 商場價算係咁啦如果抵一定係

呢鍋熱辣辣嘅羊腩煲真係好吸引！湯底濃郁，入面有嫩滑嘅肉同香香嘅香菜同配料，香味四溢。每一口都好有味，羊肉肉質鮮嫩，湯頭又醇厚但唔油膩。再加上腐乳醬，味道更加出色！無論同屋企人同朋友一齊食定自己享受，都係唔錯選擇，真係值得試下！

自從樓下間靠得住關左之後，已經好幾年無食過啦，好懷念佢既下午茶，今次同囝囝來到德福廣場呢間，叫左兩個茶餐，發覺食材水準都仲保持住，但價格就貴左成十蚊，以前好似係38-45元，依家最低都50起，加幅都幾大，同埋食物份量都少左，女士都係僅僅ok，男士就真係墊下肚仔啦！

早排喺另一間分店食左lunch set，今次都係因為貪方便食左佢既下午茶。大概下午5:30食既，仲係下午茶時段，抵過lunch set，但都係偏貴架相對其他下午茶黎講！乾炒牛河💰60送熱飲呢個乾炒牛河都算大碟，而且牛肉都多，所以食完可以當dinner咁，而且用下午茶既價錢，如果鍾意呢間餐廳既話，真係可以呢個時段黎食飲品方面，叫左熱既薏米水，一黎唔洗加錢，二黎懶係養生咁阿嘛。佢杯薏米水有薑絲，其實係幾好味，不過冇影相。挑剔小小講句：有D唔夠鑊氣，牛肉偏韌。

今日因為開OT，餓到幾乎往生的我，結果同同事係別無選擇之下，接近晚上9點，首次踩入*靠得住*。因為我係唔食肉既，於是點左價值32蚊既大混醬腸粉、本來諗住叫埋隻粽。 但眼利既同事話：有薑葱撈麵喎！我睇下張圖片，兩條菜心夾住一嚿麵餅，上面再灑上翠綠既葱絲，盛惠$48。 心諗好貴喎。 同事話：上司交低啲錢，你放心嗌啦。而同事就嗌左豬軟骨撈麵。 兩人再嗌埋壺蘋果茶。 連加一，total 163蚊。好啦，當大混醬腸粉出現係我面前，就未混帳既。我拿起花生醬、甜醬，醬汁亂飛。一碟大混帳腸粉，終於大功告成。我要吐嘈既，並唔係呢碟腸粉，相反呢碟腸粉係幾滑幾好食。真正既惡魔，往往都係壓軸出場。正當我享受緊碟腸粉之際，薑葱撈麵黎啦！果然係有圖有真相，實物係高度還原。同一時間，我係立即聞到一陣疑似坑渠味。我即刻望向隔離枱，心諗食咩咁臭？點知，我立即發現了疑似坑渠味的源頭！竟然係果碗湯！嘩！臭到丫！我再聞多下都唔掂, 即刻將碗湯擺係隔離空枱。無幾耐同事碟豬軟骨撈麵上黎，碗湯再次衝擊我既嗅覺………………

我本身唔係好鍾意食粥嘅人，但係靠得住嘅帶子豬潤粥真係好推薦！！！！！帶子鮮甜，豬潤爽口，最緊要粥底夠香，問完啲阿姐先知原來佢哋嘅粥底係用魚湯煲嘅！我仲食咗個咸肉粽，我本身都常食咸肉粽，靠得住嘅粽算係唔錯嘅，因為我本身比較鍾意食粽嘅糯米，但係佢哋嘅咸肉粽糯米偏少，所以未係好得我心，不過有嗰句講嗰句，粽嘅料幾足下，個咸蛋黃好好食，啲肉有肥有瘦，好香，唔似我係其他地方食嘅粽淨係得肥肉，咸蛋黃又乾。啲staff都好親切！特別係經理態度好好，問佢啲粥麵有乜材料都好有耐性答，而且可以傾得幾句，招呼好周到，可以睇得出佢哋唔係淨係為份人工，做嘢都好有熱誠，好有heart！

乾炒牛肉河粉 $63牛肉唔大塊但幾淋！河粉條條分明，炒得幾有鑊氣重點係唔油膩，推介～混醬腸粉（跟套餐）腸粉上檯時顏色雪白配花生醬，甜醬同花生碎入口好軟滑，配粥好好食～熱豆漿（跟套餐加$8配）少失望，又唔香又無豆味唯一可以讚嘅係夠熱

小食份量如:咸肉糭及炒麵比其他粥店略略偏少，啱哂不大食但又想揀多幾款的我。咸肉糭及炒麵味道不錯。油炸條即炸熱辣辣非常脆口。最驚喜是蠔仔粥，聞得淡淡鲜味，粥底已熬入蠔的鮮味，蠔仔也鮮咁小小肥。年初二晚上光顧。好彩不用等位。兩粥三小吃兩杯豆漿，人均一百元左右。原沒有太大期望，倒有驚喜。

今天到九龍灣的靠得住吃午餐，下午兩點開始設有下午茶時段，可選擇的款式也很多，而且可以加錢叫飲品，比較特別的飲品是薏米水，相信不是太多餐廳會有。我點選了雲吞麵及混醬腸粉，沒有叫飲品，但下次可能真係會試試個薏米水。(據說薏米水對皮膚好🙂)雲吞麵是普通size,食量不是特別大的朋友應該都會夠食。亮點是它有五粒雲吞！腸粉上碟的時候已附有鼓油及芝蔴，其他的醬料就在桌上可以自己調配，對我來說，腸粉加上花生麻醬已經是美味可口的食物了。🤩這間靠得住的裝潢很華麗，又有很多卡位，雖然只是吃很簡單的粥粉麵，但有這麼舒適的環境，感覺很好呢！

突然間好想吃雲吞麵，不過原來佢唔係好靠得住，但係勝在係下午茶有碟菜吃下～雲吞餡好奇怪...巧鹹..其他嘢唔知，不過唔會再試。不過一分錢一分貨，叫做食得飽。唔會要求咁多。有卡位坐都算舒服😌

呢晚 #小秘書 約咗朋友食飯，本來日頭就唔應該食太多嘢🤣 諗住skip lunch，早啲開餐就啱啱好。點知朋友突然話要遲啲先出嚟... 我個肚終於受唔住要投訴😅 #煎炸食物 我怕怕、下晝食 #火鍋 認真咪搞🤪 見前面有間「靠得住」、就入去食碗粥，應該都唔ok卦。原來呢度嘅 #下午茶 都幾多選擇，我叫咗碗 #艇仔粥 再配 #腸粉，粥底煮得好綿，不過配料比較奇怪，同我平時食開嘅艇仔粥有啲分別🤪 腸粉上面我加咗 #甜醬 同 #麻醬，絕配嘅味道🤤 不過無諗過下午茶都要收 #10%服務費... 坐抵之後服務員連水都無杯比我，冇諗過咁都要收服務費囉😉

晚飯時間到達門口、剛好有位、咸員幫我量過體溫便安排入座、我order左及底粥同咸肉粽、5分鐘左右就有得食😋　質素仍然很高、粥底綿滑、及第料非常新鮮。至於咸肉粽、有一小件腩肉、有綠豆、有咸蛋、味道剛好、我自己習慣係點糖、覺得點豉油太鹹喇～ 牛頭角九龍灣冇咩粥店選擇、而家有靠得住真係好呀！今晚人流都算多呀！其實佢仲有好多選擇架、以前喺第二間鋪食過有芽菜雞、雖然呢間冇、但佢就有白灼豬腰同鯪魚球。粥以外、佢仲有小菜同雲吞牛腩粉麵、我下次要再黎品嚐下先

因為胃脹氣 ，食唔落嘢，所以想 搵個地方食粥。 打開openrice地圖， 最近嘅都係 德福商場 二期。我去嘅時候大概十二點三，未算好多人， 不過侍應安排我坐埋一邊嘅雙人位， 佢話食飯時間， 要坐迫啲 。由於 唔肚餓， 我淨係叫咗一碗生菜鯪魚滑粥。 計落都等咗 差不多15至20分鐘， 周圍都好多人， 之後我碗粥都到啦。食落個粥底係幾 軟綿嘅， 雖然味道清清地， 但至少冇乜味精， 食完碗粥都唔使勁飲水。生菜同埋鯪魚滑， 都係質素以上的。住喺德福同埋淘大嘅朋友真係有福

今晚近近地過左德福既靠得住開餐，原先黎既目的係諗住食粥，但係見到隔離檯叫既蒸鱔好吸引吓，咁又改變主意叫一份加多一份蒸魚腩套餐。豉汁蒸鱔球，一碟六大件，豆豉夾葱花，托出真鮮味。鱔球先係進行去骨步驟，再用豆卜墊底承托着，鳝肉受熱時緊縮令其抓緊豆卜形成半孤形態，頂層既豆豉爆開後散發出惹味豉汁，大大件美味可口。套餐配菜飯感覺較為健康，一口菜飯再加一口鱔肉，越食越開胃。每一啖都係肥厚既肉，魚油豐沃，入口脆彈。

今日帶媽去九龍灣展貿中心睇完嘢後，就坐返車去德福廣場食晏。咁啱2點鐘靠得住就已經有下午茶餐，於是我哋各叫咗個茶餐。一個皮蛋瘦肉粥+混醬腸粉，另一個就雞粥+銀芽炒麵，分別都係$39（另加一）。大約等咗五分鐘就有得食，下午茶嘅份量都唔少，粥底好味，雞肉都好滑，不過皮蛋瘦肉粥嘅瘦肉就略為鹹咗啲，而腸粉都夠滑好食，炒麵就比較油。原本叫兩杯熱意米水，點知又話無哂，於是就叫個主管俾兩杯熱水，點知都要叫兩次至有，仲有態度如果改善下，生客都會食得開心啲。總结：食物水準都可以，下午茶餐就真係算抵食嘅，不過服務就一般啦！