靠得住粥麵小館 (MOSTown新港城中心) (Closed)

頭先我去食lunch，我哋總共叫咗一碗粥同埋一碟炒河粉。咁碟河粉大約10分鐘到就嚟左，碗粥再等多20分鐘都未到，於是我就催一催佢啦。星期六晏就店鋪多人我可以理解，我舉手示意位姐姐嚟，佢就話轉頭過嚟，咁我就繼續舉高隻手，費事位姐姐人多唔記得咗，因為我都舉咗成5分鐘先有人行過嚟，點知位姐姐就好惡咁望住我同我講：「小姐我已經認左你我會遲啲過嚟啦喎」，我即時火都嚟埋，本來碗粥遲嚟我可以理解，但咁嘅服務態度我接受唔到。其實我哋落單嘅時候，已經見到另一位姐姐好惡嘅斥責一位企係路中心嘅小朋友，小朋友有錯，但身為服務行業嘅員工，無論顧客咩年紀都好，係唔係應該用一種更好嘅態度對待客人？靠得住啲食物水準唔差，但麻煩員工改善下你哋啲態度，唔該

今日一個人去馬𩣑山千色店買電器，又不太肚餓就諗到食粥，見到呢間靠得住粥店己有好多分店但從未試過，一坐低就俾左萍果味紅茶,我見到佢小菜加$18可以有個粥，之後就叫左個碎牛粥加條上湯魚，碎牛好滑兩三下食曬，之後條倉魚到，明顯炸過先放上濃湯上加埋菜，呢餐好有營養！

今日兩公婆想去試試靠得住，男職員問我哋撘唔撘枱，我話唔撘！佢話唔撘就等等，我見最少有三張枱無人。大部分四人枱都是兩個人坐，我唔覺得佢哋係撘枱囉。五分鐘冇人理，問另一個女職員，同樣問撘唔撘枱，答案一樣是唔撘等等。我後面還有七個人排隊，無人問佢哋幾多位，撘唔撘枱⋯⋯總之就係唔理。最後女職員高聲唔撘枱過嚟，唔撘枱真係有罪，最後當然唔食就走！估唔到太興集團會請這種人，從未有在太興見到這樣人，應該是不一樣的管理人去管理不像樣的人！

星期日同媽媽食午飯 以前馬鞍山真係無野好食依家開始有返D野食 今次去試下靠得住去到見到條人龍都有諗過轉地方....最後因為諗唔到食咩 諗得黎都等到咁上下 咁就算啦好彩我地2個人都唔係話等太奈我地見左個鱔球粥 梅菜扣肉飯 腸粉 油條 凍奶茶除左碟腸粉係凍ge 其他都算高質 果然靠得住

星期六 1訓就訓到晏就1點鐘～洗個面換件衫就落街搵野食！呢間靠得住都開左一陣子～每次經過都見到人排隊～見今日得2/3個人排～唔系好長隴～就去食佢啦！一個lunch set 60蚊左右配野飲！我地叫左個獅子頭菜飯同水晶雞菜飯～朋友叫果個獅子頭好惹味～但就咁食就咸左少少～不過送飯就ok ge!! 仲有3棵小唐菜同有白菜墊底～d白菜吸哂d汁我叫嘅呢個水晶雞佢比雞脾位～肉質好滑～好好味～佢個菜飯系底～吸左d雞油～食落好知味！仲有佢個薑蓉，唔同平時食開果d～有少少沙薑味～好好食～平時唔食薑蓉嘅我都食哂d薑野飲就叫左杯熱左薏米水～飲落有少少薑糖味～岩哂女仔飲～美容又去濕整體黎講各樣野都幾好～難怪拎到米之連百幾蚊2個人～食到米之蓮級數～抵啦

下午茶想食碗粥，屋企附近又開左間靠得住，咁就試一試佢啦！下午茶自選粥麵跟小食我同母親兩人叫左一個粥一個麵再跟小食🤤魚片碎牛粥粥好綿，魚片鮮甜，啖啖食到牛肉碎，重有啲生菜絲口感豐富，好好味🐟🐂🐟🐂🐟🐂🐟🐂🐟🐂🐟🐂🐟🐂🐟和味豬手麵豬手夠淋，皂水麵爽滑，湯是一般雲吞麵湯，味比較濃。🐷🍜🐷🍜🐷🍜🐷🍜🐷🍜🐷🍜🐷🍜🐷跟餐小食叫左腸粉 同 油菜（可以揀菜芯、芥蘭、唐生菜）蒸腸粉軟滑， 識食一定混醬食甜醬 麻醬 加少少辣油 襯熱食！菜芯份量岩岩好，個蠔油幾好味下午茶三十幾蚊，質量唔錯丫同個名一樣靠得住！

見馬鞍山開左間新既餐廳，當然想試下沙漠中既米芝蓮。不過總體而言覺得呢間野無想象中咁好食。豬肺湯有質素，湯都幾濃味，同埋豬肺都幾多。芽菜雞就雞唔夠味，覺得普通。鮮魚浸時菜就比較淡口，平時食得清淡既人都覺得佢唔夠有魚味。總體來講一般，應該唔會再去。

今個月已經第四次食，今次無食到水晶雞， 因為得兩個人食，食唔得幾多。我哋今次只係叫咗牛腩撈麵同豬膶粥。坦白講，牛腩質素中規中矩，我認為醬汁偏咸，不過佢嘅鹼水麵，真係不得不讚，夠彈牙，鹼水味發揮得非常恰到好處，連我男友都大讚。至於佢個豬膶粥，閒角——粥就反而今次失準（上次水準好好，非常軟綿綿）。今次第一次食呢間餐廳嘅豬膶粥，佢嘅豬樣好食過深水埗名店多多聲，又厚又甜又彈牙👅食完真係舔舔嘴，一碗大概有五至六件真係食過會返尋味！晚市可以另加一種小食，價錢大概係單點主食加一至五元左右，非常抵！食個麻辣豬耳唔好食所以今次無叫到，叫咗紅油抄手，真係非常非常非常好食！皮薄餡靚，紅油夠辣，但係又唔會過份，一定會返轉頭再食！話佢平一定唔係平，但係間唔中一餐都OK呀

衝著米芝蓮的名銜去試一試，點知食到一肚火。想落單叫咗十幾分鐘都沒有人應，終於有個阿姐見到，只不過同佢講等咗十幾分鐘咁耐都冇人應，佢一句駁過來﹕咩吖，啱啱先見X到，邊有咁耐! 仲要落單時EE吟吟，態度極差。至於食物可圈可點，星洲炒米同干炒牛河都不錯，唔會太油，面夠乾身。招牌鮮蝦雲吞面(細蓉)雲吞大小夠正宗，餡料亦新鮮，湯底鮮美，味精唔大。另外銀芽炒面都好食，面體質量好，配魚片粥是一個好選擇。反而混醬腸粉就一般。環境尚可，坐位舒服，但是下午茶關係所以特別嘈，需要排隊入坐，唔派飛。不過他們的服務真心唔掂，個加一服務費絕對唔值!

新港城中心食嘢冇乜選擇，中午想清淡少少又入口濕濕地，唯有嚟咗靠得住。單點真係好貴，唔係好值呢個價，但有套餐選擇，加埋炒麵油菜之類，套餐價都OK。講返叫咗「心肝寶貝粥」，個名改到懶溫馨咁樣，聽到都令人毛管戙。仲以為係豬心加豬潤加帶子啦，見你改到個名咁型呀嘛，點知原來係冇豬心 ... 唓！餐牌細細個字寫住黃沙豬潤，結果呢？一啲都唔黃沙，仲要係薄切，好鬼孤寒，又煮得過咗龍咬落鞋鞋地。輪到碟炒麵，我明白佢用心良苦，用返最傳統最cheap嗰隻麵嚟炒，即係細細個去粥麵舖食，嗰啲好幼又乾嘅炒麵，感覺好懷舊囉！不過，值得一讚，同時係唯一今餐最好食嘅，就係隻糭，足料夠味好好食，所以食完先記得冇影相。留意番，間野成日拎住個米之蓮出嚟曬，其實只係灣仔總店咋，其他分店唔關事㗎！

馬鞍山新開的中菜餐廳，裝修都唔錯，幾乾淨。菜式就係典型中式菜，我地叫左一雞一魚，一份撈麵同腸粉，仲有個魚皮。雞湯味道都唔錯，有魚湯可以送下飯，所有菜式都幾好味，我覺得唔難食。不過3個人就食左$350，其實都幾貴下。我唔知其他中菜餐廳係咪都係呢個價錢，不過我唔識分邊D中菜好味唔好味，只係覺得價錢真係幾貴，返屋企食好過。

細細個已搬入馬鞍山住, 之前商場細舖位少, 所以食肆都無太多選擇, 最近新港城大翻新, 引入好多食肆及商舖, 所以開番個馬鞍山搵食記先.靠得住開張至今我經過門口都有條人龍，心諗真係咁好食？有幸星期三5：30左右經過無人排隊喎，即刻入去試下。袐製牛腩麵$42，麵質細夠煙韌，但無乜挸水味，湯底係好濃郁嘅牛腩湯，係會油膩咗d, 味道不錯就原諒自己一次咁多啦。今次只食麵，無配飲品或小食，但餐牌有部份加配飲品唔洗加錢嘅呢？真係㗎！

馬鞍山有新食店！馳名粥麵店靠得住在新港城開業兩個多月，是老牌粥店以外的另一選擇，人流一直興旺，由於不設取票，逢用餐時間總有長長人龍在門外排隊。今天時間充裕，前來一試。咸魚雞粒炒飯配奶茶，水準不錯，米飯粒粒分明，加入蛋絲炒得金黃，用料新鮮，雞粒醃得入味，惟咸魚份量較少，不夠突出，對甚愛咸魚香的我來說，是有一點點美中不足。不過身處美食沙漠，這樣的水準經已不可多得，下一次再試試粥品表現如何！

問攞杯水都問了幾次，都吾理你，最後叫你自己去攞，攞食物來時在你的頭頂過才放落枱。早餐粥拼炒面，艇仔粥是可以，但個炒面就吾好食，有油益味，奶茶就吾夠奶吾滑…………

呢間店係新註入塲，平日都好想一試。難得今早放假可以同家人一起嘆個早餐，試試標榜米芝蓮推介。坐底睇睇餐牌，晤錯！中西式都有，正合一家大細口味。正在考慮選擇時候，突然比人一手「炆」走餐牌😡曾經光顧無數食肆但從未試過比待應一手「炆」走我手上餐牌！我問佢點解，佢話夠鈡cut早餐⋯⋯😡,無禮貎，仲掛住個「主任」牌㖭!食物味道偏濃，重味精！日後都好想試一下米芝蓬菜式，但要考慮⋯⋯⋯⋯⋯