靠得住粥麵小館 (Closed)

自從某次在灣仔駱克道食過'信得過'既黃沙豬膶粥就一試愛上，黃沙豬膶獨特既口感真係非一般豬膶可比美但由於信得過太遠了，位置又差，在灣仔銅鑼灣之間，兩頭唔到岸，有灣仔地鐵站行過去遠到死，所以有時想食都只好放棄。剛巧今年屯門又開了間'靠得住'，兩間店名字都相似，唔知係咪同一公司分支，就好似海天堂同大家姐咁，唔理咁多，一於去試下，呢間舖最吸引我既食物就係白灼魚皮同黃沙豬膶粥，第一次去可以叫到白灼魚皮~的確好爽口又唔腥，價錢又唔貴，另外叫左一碗黃沙豬膶粥，真係黃沙架，果種軟綿既口感真係好正，心諗真係好喇，以後唔洗去到灣仔先有得食，因為好多粥店都話自己係黃沙膶，但其實就唔係，包括屯門碼頭一粥麵都唔係，我聽人講黃沙膶唔係咁易有貨，因為係病豬肝黎，所以唔知係咪因為咁，供貨咁唔穩定，跟住我第二，三次去食黃沙膶粥，已經唔再係黃沙膶兼無魚皮食，由於佢都要50幾蚊一碗，而且環境唔係好，成日有烏英飛來飛去，d人態度又唔係特別好，如果50幾蚊一碗普通膶粥，我係舊式粥檔都食到，價錢平一半有突添。

模範主婦, 總愛到新飯堂試菜, 市中心的港式飯堂不多, 大愛韾居以外, 這間也是不錯的選擇。多元化的選擇, 港式小食、小菜、粥粉麵、還有燉湯, 很好。光顧過兩次, 是可以再來的飯堂之一(一)港式冰鎮奶茶那管它是否抄襲別人, 這個做得不錯愛這奶茶的人, 不用為奶茶而光顧太x了(二)燉湯每天都有1-2款選擇, 重要的是惠顧其他食品可以優惠價加購燉湯足料, 味道很不錯, 值得加點(三)咖哩牛腩飯咖哩汁香濃, 飯有咬口, 不錯(四)豬潤豬潤灼得恰到好處, 潤香滲進綿滑的魚香粥底中(五)灼黑柏葉這個食材本身就沒什麼味道, 老公勸我不要點選, 結果中伏之前光顧的一次還點了蒸魚, 蒸魚火候剛好, 非常鮮美, 可以再encore鐵板叉燒則一般般不過, 此店有個美中不足處, 味精略多, 所以我還是較愛馨居但也不失為開飯好去處

星期六晚入到屯門, 人生路不熟,朋友介紹之下試吓呢間粥麵小館. 三個人點了白灼魚皮、珍珠蠔、白灼生腸、雞煲、鱔球豬潤粥、油條、美極蝦、最後還加了一杯咖啡. 食物上枱速度算快, 一見碟白灼魚皮已經很興奮, 魚皮食落十分爽脆, 好味!!朋友話唔係時時有得食, 所以特別開心.鱔球豬潤粥及油條均很有水準. 鱔球及豬潤均是"厚切", 各有各的鮮味. 油條雖然貴了一點, 但咬落有質感, 不會得個油字.店員服務態度亦算好，會再考慮光顧.

夜晚同老婆行開屯門市廣場，經過一番血拼後，肚子餓餓地，周圍睇下有咩好食，之後決定去「靠得住」食番餐。食飯時間人一定多，間間舖都要排隊，「靠得住」亦都唔例外，等10分鐘先入得！我地一共叫3個餸，分別係豬潤浸菜心、油浸荀殼魚、皮蛋瘦肉粥、一碗白飯。皮蛋瘦肉粥就相對一般，太甜。不過皮蛋夠爽口、瘦肉亦唔。總括黎講食物質素ok，服務、價錢合理！

未到晚飯時間，不用等位就入座了。環境都不錯，叫了的東西，好快就上菜了，而且熱烘烘感覺很好。面很彈牙，份量也很大碟，這個價錢配這個水準，的確難怪是米芝蓮推介了。面是同上，雲吞的蝦有一點兒不是很新鮮的感覺，不過都可接受。這個腸粉味道都不錯的，很熱烘烘上台，如果配粥就一流了，腸粉本身也很滑另外還叫了買一送一的湯，料不是真的很多，跟menu上的相差很多，但味道都是很不錯。

上次星期六來到，很多人，要等了20分才能進去，今次是平日的下午茶時段，不用等就可以直接進去，下午茶有炒飯炒面配飲品的，但沒有點，因為我要食上次食不到的鹹肉糉， 我要了水餃面加鹹肉糉，不包飲品。先來鹹肉糉，裏面有綠豆，經過調製的鹹肉和蛋黃，綠豆十分腍，糯米已滲透了肉和蛋黃的香味，應該是煮了很長時間的結果，點上少許醬油，十分好吃，果然是名不虛傳。再來水餃面，份量適中，有4粒水餃，裏面有蝦，豬肉，雲耳，可惜其中一隻水餃的蝦是梅的，要扣分。面的本身彈牙，沒有鹼水味，湯味不算特別鮮甜，但也不錯，裏面加入菲黃，更加香。

1) 拆肉泥蜢粥，好鮮味，有水準，但泥蜢肉很少HKD 33 2) 菜芯豬潤煲，黄沙豬潤剛好熟，好味，菜芯也夠嫩口HKD 573) 油浸荀殼魚、外脆內滑HKD784) 加十八元有個燉雞湯，感覺好似無味精，又夠料整體感覺幾好，二人卡位舒適

事發經過。。。一心去試下，大約晚上八点半到，無咩人等位，我地兩公婆攞左飛，只係等一張枱，平時行過係有好多人等，所以只係行過未試過，今次以為好好彩只係等一張，等左一陣已經叫上一個號碼入座，而且亦多左好多人黎攞飛，呢個時候見有其他人離開，我地相信係到我地入座，但係估佢唔到，個位叫飛姐姐跳過我地而直接叫下一位入去，係呢位時候，我老婆立即上前理論，佢只係講左句無人應佢行開左，佢只能等一陣先再叫我地，而我就選擇唔食走人。首先我兩公婆由頭到尾無行開過，相距只有十步。另外佢一定無叫過我地號碼。我唔知点解佢跳過我地啦，可能係熟客啦。食物係点就唔知，但係服務就差。

聽朋友說這裡魚粥好食, 屯門又開了新分店, 男朋友又發緊燒, 所以就來試下。環境環境都幾好, 好多人等位, 不過甘岩昨天比較晚, 所以先沒有人等.....我們一去就入了。佢地安排左我地係卡位坐, 係我地卡位同另外一邊走廊的卡位中間是通的, 因為MENU就放係個度...設計得好好。MENU有2個, 一個小菜一個米之連, 我不嬲對米之連推介的都係麻麻, 今次可以試試。呢D就係佢地推介。食物男朋友好唔舒服, 佢CHOOSE左粥, 我都跟佢:。拆肉泥鯭粥 X 2。油菜 拆肉泥鯭粥之前都有聽朋友說份量小, 不過男朋友的粥來的時候又唔係覺得佢太細碗。到自己個碗來的時候, 發覺入面肉好少, 好像都是雜碎甘, 一舊舊的肉只有2至3舊, 唔通係溶左 ? 不過味道就真的幾好味, 好鮮甜。 油菜份量小的可憐, 數埋唔知有沒有3整條, D野真得貴到甘, $18碟都唔平......味道一般, 冇特色。整體上太過少唔抵食, 味道都係OK的, 不過米之蓮的, 就係甘, 味道尚可但不抵食。

屯門有間米之蓮食肆開咗一段時間，今晚睇完戲去幫親下，好彩一去到就有位，裝修簡潔，都坐得舒服。我地只有兩人，睇完戲諗住食少少野，見到個餐牌有鎮店之寶，分別係鹹肉糉及鯇魚皮，都幾吸引，點菜之際個侍應話賣完，有點失望，可能時間太晚，有些想食的也沒有，就點了白灼生腸、炸醬麵及灼菜芯。白灼生腸夠爽口，無異味，有時生腸會有異味，但呢碟就無呢個問題，真係米之蓮食肆水準，而炸醬麵味道亦出色，醬汁味道不太濃，仍然食到豬肉嘅味道，豬肉偏瘦，但唔鞋口，麵質亦煮得剛好，係一碗水準之作。菜芯就一般，有點老，但還可以。下次要食鎮店之寶或其他想食嘅菜色，要早d嚟先得啦！

屯門新開的, 據聞是米芝連推介店, 故對此店充滿期待~ 不過自開業以來, 一直都很多人, 故未有機會嘗試.剛好今日經過不算多人, 等了約15分鐘便可入座有午餐餐牌, 老公點了梅菜扣肉飯 + 熱奶茶, 而我則點了雲吞炸醬撈麵 + 菜心 飯餐有餐飲, 但奇怪麵餐卻沒包餐飲, 要另加錢. 最先來的熱奶茶, 我沒試飲, 但老公說還不錯等了約20分鐘, 仍未有食物送來, 連坐對面比我們遲進來的食客的食物都到了, 再追單之下, 才來了梅菜扣肉飯梅菜扣肉不太肥, 但感覺很乾, 沒有汁, 而且送來的時候是暖的, 不是熱的, 並不是剛做起的, 那為什麼要等20分鐘?我點的雲吞炸醬撈麵仍未送到, 又要再追單. 再多等10分鐘, 麵才送來. 炸醬做得不錯, 微辣帶點酸酸甜甜. 雲吞較細粒, 感覺上似食蝦, 很少豬肉. 麵普通, 不算彈牙.還有跟餐的菜心未到, 結果又要再追單, 最後又要多等5分鐘才送到. 菜心有點渣, 甚至有點"鞋"口~坦白說郊外油菜很難做得差, 但這裡竟然連油菜也做不好!!

靠得住原鋪位於灣仔克街, 自於2009年由原鋪主Peter 哥易手給太興集團主理後, 因質素每況愈下已沒光顧多時, 友人提及此店於屯門開此分店, 小弟只有一回應: "靠得住靠唔住ga wor", 但本著求真精神, 也要試一回當天一家三人order 了數款食品, 以下一一點評:原店當年其中一道名物, 現版本粥底尚可, 但泥鯭肉少得可憐, 約只有十五件肉粒, 加上欠缺陳皮吊味, 實只有粥味, blind test 可真不會知道在吃泥鯭粥, 失敗作也...家人光顧上環生記多年, 每每於十一時半前入座, 為的是一大碗魚鮫魚骨及弟粥, 因為太遲就會缺貨...曾有懷疑這邊的魚料會否不新鮮, 幸好材料尚算新鮮, 與粥底亦能配合, 但同行人士又有令一投訴, 魚粥為何沒薑絲...個人認為此行之最失敗作, 粥品事實上就是及弟粥加上一件魚腩及一件雪藏大蝦, 內臟料可能過度處理令其更爽口, 反而沒有了食物原味, 加上上菜時材料太生, 雪藏大蝦也會出水, 最後粥變成水狀, 稯則表過不提, 反正就是太興中央廚房出品, 無甚特別最後一道, 雲吞炸醬麵. 算是比較滿意的, 雲吞材料足, 蝦與豬肉比例好, 炸醬選用現代

難得一早黎到就入去試試，下午有餐 set 感覺抵 d！其實兩點左右去到，唔算等位要位得耐，都 ok 快就有得入去一黎就叫左個粥加粽 ge 餐個粥比較稀，好似水咁，泥“猛”同得兩粒仔，無咩泥“猛”味，唔知係咪餐平，所以要將貨就價，雖然個粥係幾甜同香，但好多魚骨，食都要好小心！之後打包左隻咸肉粽返屋企食，之前已經黎過，四點幾已經可以話賣晒，搞到今日先有機會試到。其實都幾好食，佢 d 料真係唔錯，本身完全唔鐘意食入面 d 綠豆，因為覺得好硬又難食，但依間果 d 係又軟又香，所以幾好。但整體黎講，覺得價錢較貴，同個粽成日都食唔到，平時等位又耐，所以覺得只係一般！之前仲試過佢個炒麵，成$14一個，但份量只有“事”油碟咁大，兩、三啖已經可以食晒，又唔夠熱，又太軟，所以扣左唔少印象分！

最近屯門又有幾間新間食肆，係時候出動去感受下。今次試既係標榜米芝蓮推介既 “靠得住”午市開十一點，開門未幾已滿座，未知是否與新開有關。午市有多款套餐選擇冰鎮奶茶都有絲襪奶茶Feel 白灼豬腰ok滑，冇怪味“全港最正咸肉粽”其實同出面個d差唔多炒面唔油雲吞面一碗有5粒雲吞，都唔錯，而且入面D蝦夠爽，肉蝦比例都幾好紅豆冰味道同出面完全唔同，唔會太甜，飲得出唔係溝水，紅豆夠淋又夠多腸粉得個樣，冇咩特別其實很失望，没有服務可言。落左單，但張單可以完全無左。其他枱既食客都紛紛叫Check 單，因為等得太耐。而以上食既野，其他只要去d比較好既粥粉面舖都食到同樣效果，真的是“米芝蓮推介”？