靠得住粥麵小館 (Closed)

之前已經幫襯過好幾次，不過晚市就第一次試。去到第一時間點隻招牌鹹肉糭先，食落依然係咁足料，咁好味，可能因為太餓，竟然唔記得影相😅跟住叫咗兩個小菜，魚香茄子同菠蘿咕嚕肉，好壞參半🤔魚香茄子真心麻麻，唔夠香之餘，更得好小肉碎，冇下次😭好彩仲有菠蘿咕嚕肉，真係做到外脆內軟，咬落多肉汁，而汁嘅酸度適中，十分好‘餸飯’。😃值得一提係每次幫襯，餐廳總會俾我環境舒服同好衞生嘅感覺👏🏻👏🏻

好奈無食靠得住，甘入到去叫左個魚香茄子煲，今次食完有少少失望，覺得佢啲茄子冇乜魚香味，又冇乜肉碎粒，味道又唔夠，真係麻麻哋，反而佢果杯茶就真係值得一讚，好香，應該係蘋果茶嚟嘅，最好味反而您。你杯茶😂

管理一定出大問題，人手不夠，經理又冇能管理情況。上下不知如何。不再光顧。可惜。好一間食店就這樣。I look around and the staffs are not helpful and the kitchen not sure what they doing a ice mile tea took 30 mins to delivery and not only my table and I saw a lot other customers too.

下午茶價錢不算貴，但有加一服務費，粥算足料，份量還可以，有兩條完條的魚，粥底不差，不會好稀，中等，會食到有泥鯭魚既香味。油條熱上，如果剪開上會比較好。整體來說不差，但下午茶較划算。

有乜理由8:45分入去坐低點餐，9:15先有個蛋，吹幾次先得。執枱既只執枱，傳菜既只傳菜，落單既就只落單，你幾多人都唔會夠用，你坐底之後，你見到有員工，叫佢點餐，佢可以完全唔理你，咪又係喺度等，舉住隻手得人黎落單囉睇好多其他人寫既食評，都係彈既多，食物有水準又如何?服務唔得已經死得。管理層睇到，就諗下辦法改進啦!再咁落去，我連住樓上，我日日落黎食，我都已經唔想黎，我寧願行遠少少，我喺第2度食完，喺靠得住都仲係等緊個麵咋.....

以前是常客，裝修後態度差到不得了，少了光顧，今日偶爾再光顧，叫下午茶。我媽媽告知門口接待三大一小，侍應只點頭低頭不回應，一直等，直到我後來到了，再講一次才安排，完全無任何溝通。入座後我告訴侍應不用茶位，原因是上一次侍應告訴我要告知要或不要茶位，否則照計茶位錢，今天我告訴侍應不要茶位，她停了兩秒，然後回答我 “唔洗你講我都知唔計”. 我錯愕，竟然可以這樣無禮的服務態度。

個腸粉好滑 特別想提係個花生醬 超香👍🏻👍🏻👍🏻👍🏻細蓉雲吞就咸左d🙈🙈🙈🙈🙈🙈正整唔錯😏👍🏻👍🏻👍🏻👍🏻👍🏻希望保持水準同價錢平民抵食

真心覺得難食，雲吞麵雲吞唔靚，湯底咸，魚腩粥粥底太"結", 又重味精，只岩長者口味，混醬腸粉d醬而家要自己落，咁個名叫淨腸粉算吧！抄面就過份油，可能我地口味偏淡吧！不過任何食物都落味精就真係名不副實。

一放假就病！真係食乜都無晒胃口！同老公為有係附近睇完醫生，就揾左呢一間餐廳食下反D清淡一點！但呢到平時長期都好多人排隊，所以咁耐以黎都未食過！點解呢到咁多人食，是因為呢到連續多年拎到米芝蓮推介今次經過出奇地不用等位！皮蛋瘦肉粥，粥底非常綿，入口香滑，沒有味精。艇仔粥，同其他的艇仔粥材料是不同的，材料十足，呢到是用魚湯粥底，煮到勁軟綿綿。（掛住食都忘記影相）混醬腸粉，個腸粉好香滑，醬油係自己加入。仲有個炒麵，炒得好乾身，唔太熱，𥚃面有少許芽菜同蔥，個人覺得麻麻地，份量不多！

無心聆聽叫落單一句～等等其實可以叫其他服務員幫手服務有待改善啲餸煮得幾靚睇得乳鴿最好味豆腐蛋白炒得好樣靚魚湯粥味鹹🐟少啲鹽好啲煎豪餅非常鹹我就食唔到叫兩飯兩粥嚟左3飯1粥叫左一只雞嚟左半只 👀點睇可以再試希望下次有進步餸菜要淡味啲會好味啲有需要才會再去食飯總括嚟講味道太鹹唔適合環境舒適衛生佳有蘋果茶這個不是普通茶葉～好傳餸的服務員💁‍♂️男孩子同我哋講慢用～有禮我哋全部飯餸食曬沒有半點浪費食物

成日都係屯門搵食，次次都經過呢間都係未入過去食，見到佢幾次套餐都幾抵食就試試佢入到黎先知道佢係米之蓮粥店嚟㗎🍲唔知佢啲嘢食質素係咪同佢店名一樣咁靠得住呢😋我就叫咗個《香菇滷水雞翼菜飯》$58佢有兩個香菇，兩個香菇勁大好似變咗種咁😂兩舊香菇都炆得好淋好入味～雞翼都相信係滷左好耐滷水味浸晒入去😍菜飯都整得好味，唔會係乾爭爭，菜同飯比例適中👍朋友就叫咗《梅菜扣肉》$60冇諗過會係成砵咁上！！扣肉勝在夠多肥膏，入口即溶，邪惡之選！ ！食完就真係知點解佢會係第一更獲得米之蓮嘅粥店😋

一入到去坐低已經無人理我地，啲阿姐愛理不理，等候野食時間平均10分鐘先黎一碟餸，唔發火吹佢地都唔得。食物質素的確唔錯，特別係揚州炒飯同及弟粥。然後最大嘅問題係最後佢地打張單打錯哂，亂哂，計錯哂我地張單，搞左幾耐先走得人，真係靠唔住。

夜晚去食，晚餐時段人多，不過等大概10分鐘就入得。叫左套餐，有蒜蓉粉絲蒸蝦配白粥+芥蘭，另外叫左個心肝寶貝粥同鹹魚蓉芽菜。個白粥好綿，蒸蝦好多蒜蓉+粉絲，開邊蒸方便食，好惹味。心肝寶貝粥有帶子同黃沙潤，帶子唔多，不過大大粒又好有鮮味，而且夠熱，冬天食岩曬~芽菜爽口，有鹹魚蓉一起食，幾香，可以送粥。店員服務好，姨姨好有笑容，仲吹左陣水，坐好耐都無比人趕。食左2百幾左右，唔平，不過d質素抵番，無邊到有咁大粒帶子😂。份量岩岩好，唔會食唔曬。

今天抵受不了寒風，我決定午餐在市中心吃，在商場內總好過在街頭店舖吃飯，我不想新年前後再病，一定會病很久。我簡簡單單的去靠得住吃個糉，吃碗粥好了。靠得住的蘋果茶果香清新，暖烘烘的讓人精神為之一振，尤其剛被寒風摧殘的我喝上一杯，身體瞬間暖起來，驅散寒氣。我最愛這裡的靠得住鹹肉糉，故肉丸魚腩粥搭配精選。為何我這麼喜歡吃靠得住鹹肉糉? 主要因為它蒸得不軟爛，鹹肉中肥肉份量恰到好處，亳不膩味，瘦肉味帶鹹香，糉內的綠豆蓉更集鹹肉，蛋黃的好滋味，非常可口。至於肉丸魚腩粥可堪稱真材實料，粥裡有兩塊肥美碩大的魚腩，肉丸也有四大顆，配料給得不小氣，而且粥都盡吸魚腩滲出的精華，鮮甜無比，入口綿密。魚腩嫩滑細緻，甚少魚刺，對於不喜歡啃骨的人來說是一件好事呢。肉丸口感彈牙，製作亦絕不馬虎，添加比目魚粉提味，更能嚐出其鮮香，同時亦擄獲我的味蕾。

靠得住都真係靠得住，除咗粥粉麵，仲有小菜㗎，晚市門外多數都會出現一條人龍，但好彩每次都不用等好耐。一坐低，待應就會遞上一壺蘋果茶，好喜歡呢個茶好香好清，試過去吉之島搵過，只能搵到同牌子，但就是搵唔到呢款蘋果味，所以有時嚟呢度食都有點是為咗飲蘋果茶先講蒜茸開邊蒸蝦，蝦上面放滿蒜茸，底下鋪了粉絲，粉絲吸盡蒜茸同蝦嘅味道，簡直係成碟餸嘅精華所在，粉絲就成了這道餸嘅主角了另一叫了砂鍋雲吞雞，先講個湯底，用了金華火腿、豬骨、雞去煮，味道好濃，亦有火腿嘅咸香味，雲吞內蝦同豬肉比例剛好，蝦又爽口，至於雞肉好軟熟好嫩滑，可惜只得1/4隻，略嫌少一點，如果有半隻就好喇