靠得住粥麵小館 (Closed)

快到Lunch time，人唔算多，都唔需要等位。坐底後見餐牌有精選套餐就點咗一個心肝寶貝粥配咸肉糭，起初見到成＄78食隻糉加碗粥好似好貴咁，2個人Share唔算貴既～～加上送到上檯又覺得合理價錢呢！～隻糉SIZE並唔係出面大大隻個啲，比平時個D細3分1左右，咸肉糉入口黏糯，配料以比例嚟講都多既，味道都唔錯。碗粥就真心唔錯，粥嘅份量細左啲啲，但比較下料夠足！配料有豬潤同帶子，帶子入口仍然食到少許鮮甜味道，豬潤真係要比，爽。滑。彈同無渣，粥底綿滑，D粥好似用魚湯淆過咁，食落味到更鮮。其實坐底時比左壺蘋果茶我地，到落好單先知要收3蚊茶介一位，不過又OK既～因為個茶都幾好飲如果一個人食個午餐個人感覺貴咗啲，唯有留下次晚餐再食過啦

叫咗個乾炒牛河，又炒得幾好喎，幾香牛肉都幾大塊，味道剛剛好加啲辣椒醬食好惹味。皮蛋瘦肉粥煲得好棉，應該冇落味精，個鹹肉糭好正，糯米同綠豆吸晒啲油香，鹹蛋黃又大個，我會加豉油同埋砂糖一齊食，鹹鹹甜甜好好味。冰鎮奶茶，茶香奶滑，冰鎮唔會將啲奶茶溝淡左又夠凍。

近期喜愛清清淡淡口味，自然愛上吃粥。今天午餐時間約定了好友到「靠得住」品嚐靚粥和糉。很久以前也曾到過靠得住，今次再來，想重溫一下這裡的粥品。打開餐牌，確實有不少選擇，粥麵不在話下，還有各款油器和飲品等供應，粥品以海鮮為主，而麵食則為大路。鮮蝦雲吞麵。賣相精徵，雲吞相對比預期中細，不過不打緊，只是吃落就沒有那麼的彈牙，蝦仁也較細了一點。麵條幼細，長長的，吸收鮮蝦湯汁下，滋味無窮。鹹肉粽。這是在下久未吃過的粽了，而且又是今天想吃的。粽子以綠豆及糯米以七比三的比例製作，故此綠豆有其豆香，糯米也是軟腍，當中的饀料以肥豬肉和鹹蛋黃為主。老實說，肥肉不是在下的杯中茶，所以不吃蛋黃不是想像的油脂豐富，但仍不乏鹹香味道。混醬腸粉。這是我最喜歡吃的口味，這裡腸粉夠淜麻，粉皮薄透的，加上自製的花生醬甜醬香醬油，使口腔內有著不同的層次，加上辣醬，就多了一層辛辣的味道。手撕雞王粥。我朋友喜歡吃手撕雞，故不加思索便點來。這粥綿綿的，加上雞絲的嫰滑，不靭也很好吃，雞肉啖啖好滿足。雖然是簡簡單單的一餐，卻帶給咱們豐足的一餐。

開左好耐都無去食, 今日終於食左｡我去果時已經係晚上9點幾, 所以唔使等位｡不過個經理好搞笑的, 明明有位唔叫人坐, 話要擺好餐具先入得｡叫左豬軟骨, 第一啖覺得酸的, 醋落多左,不過食食下又覺得夾飯食都好食｡個雜菜煲68蚊, 但就份量細, 唔抵食,不過入面的蝦乾都好食的

服務態度極差，尤其是帶位的甚不專業。當日帶位帶了客人入內，發現坐位未清理，已要求侍應轉到其他的卡位（當時是有幾個卡位的），但該帶位要求客人要再往門外光等着。給客人感到差極的服務態度，不值得再光顧。

星期日，到處等位是常識吧！好在2個人等幾張枱，由於㙮枱所以都幾快有位，叫咗3樣野，咸肉棕、混醬腸粉同珍珠蠔仔粥😋咸肉棕真材實料，有2隻蛋黃喺入面，腸粉好滑，蠔仔粥勁多蠔仔，又唔太細粒，又唔算好腥，所以ok！

以為食「靠得住」就真係靠得住？少年，我太年輕了😫先講下呢碗細蓉，其實整體嚟講的話叫過得去既，但啲麵欠缺爽口，湯底極之普通3粒雲吞內有蝦但無咩蝦香蝦味，可惜😔以價錢$34嚟講，唔值。雞翼煎炸得好乾好乾，乾到似食肉乾咁，SOSAD而且！最重要係！凍冰冰的！大佬，呢幾隻雞亦都唔平架唉 灰晒心 扣晒分冰鎮奶茶真心幾好飲，幾順口環境都算不錯 下午茶時段少人 都幾好 食下野傾下計咁「靠得住」係一間都算出出地名既連鎖食店，但確實比想像中更普通

今朝好想食粥，行過見到有粥食就滿心歡喜走入去，叫咗個皮蛋瘦肉粥+糭，好快有得食，來到見個買相都算唔錯，充滿期待放入口。。。。。。。超失望(>﹏<)個糭凍既，啲粥勁多豆粉，好似食張糊，又勁多味精，食完勁頸渴，即去7仔買野飲。仲話係連續5年米之蓮食肆，睇嚟無下次。

早前生病咗好耐未好,阿媽有時番大陸小住，一個人不會煮飯，通常在外面解決，靠得住在屯門開了2年,初期好難揾位,而家過了新開時間，已經好少人等位,上星期走去吃晚餐，因為生病影響胃口，我只叫了豬潤粥(38元),價錢有些小貴，我覺得豬潤只是一般,口感有些小鞋,粥係米水比較多,我覺得普通啦,環境不錯,服務就一般啦,靠得住是一間知名食店 ,比想像中一般味道:豬潤有些小鞋,粥真是水多過米,味道都OK份量:十分大碗，幸好吃得晒環境:地方都大,座位坐得舒服服務:一般價錢:38元,有加一收費番吃:有時間再來試下其他推介指數:並不會特別推介給身邊的人,大家想試,可以一試

似煎蛋餅多過蠔餅，一大個嘅餅，只有幾粒蠔仔！！其他食品味道亦只是一般，炒飯有飯蕉得黎又好濕。服務又差，有枱又唔叫入，攪到好多人等位好似好好食咁。粥就細細碗，豬骨粥直情係難食添！！

一早跟媽媽出街便到這吃個早午餐, 因為想吃清少少, 所以想吃下粥!! 有餐的價錢比散叫平少少又可以吃多點, 所以叫了兩個~~~個人最喜歡吃"皮蛋瘦肉粥"~~因為下火之餘, 我很喜歡皮蛋, 尤其精瑩通透的部份!! 而且加埋瘦肉, 少少咸味, 清熱捱夜一流...有粥當然要配上"油條"~~很久沒有吃過, 真的是新鮮炸起的, 很脆很好味, 又唔覺得太油喎, 配粥實在太美味了!!!有吃個"豬軟骨撈麵"~~豬軟骨蠻淋的, 但略覺得調味咸了少少, 如果淡返少少較好...但麵的軟硬度很好, 湯也不錯~~~出名的"咸肉糭"~~~料蠻多的, 也很入味, 吃完也不會太膩!! 而且長年都有, 不用等到端午節先吃到~~跟媽媽簡單的一餐完成!!

再與好友相約屯門吃飯，今次想吃粥，一於試下「靠得住」，估唔到閒日都要等位，都幾旺喎。入內裝潢不錯，基本上除左粥，腸粉之外，好多中式食物都有得吃。我們選了：豬潤粥加肉丸粥底綿滑，豬潤份量都不少，我自己很愛吃蔥，不過好友很怕吃蔥，若忘了叫走蔥都幾麻煩，建議店內蔥用匙羹另上會更貼心，肉丸不過不失吧。混醬腸粉齋腸配麻醬甜醬芝麻，即其實是普通腸粉，不過與街邊買的比較，這裡當然一切都整齊企理啲啦，不過食落我覺得差不多，沒什麼特別。炸醬麵這個睇落以為好多地方有得食既麵，原來係好難搵架，好多麵檔都無做架。難得呢到有，緊係要試試啦，其實一向我都只想要啲醬既辣味撈麵，我一啲都唔鍾意啲肉絲，因為多數都好「鞋」，唔好食，結果如我所料，真係「鞋」的，但汁的香辣度做得不錯，撈麵很好吃。最驚喜是竟然不收加一。

見佢總店拎米芝蓮，分店唔會差，點之今餐叫左蒜香椒鹽鮮魷，D鮮魷比好厚粉去炸，又炸到過左火，又冇蒜香味，抄菜心重差過我自己抄，唉........唔會再食，差差差。。。。。。。

閒日放假，約了早上身體檢查，約10時15分搞妥，早一晚查了10時55分UA有戲啱睇，故即走去找地方醫肚跟著買戲飛。途經靠得住，見有西式早餐而又未幫襯過，故便入內，店內坐位很多，剛有卡坐便快快坐下點餐。西式早餐選擇看似頗多，其實粉麵只有火腿通及雪菜米，火腿，蛋及腸仔。本人選了C餐加$3要冰鎮凍奶茶，$33。冰鎮奶茶7.5/10~夠凍，茶味濃，未夠滑，但質素算幾好。7.5/10~多士暖暖，附一粒Anchor牛油自己搽，本人當然全粒搽盡佢!一路搽一路見牛油溶化，口水在心裏流 ，新鮮多士當然入口外脆內軟，正!炒滑蛋看賣相就知夠滑，而且半生熟有蛋汁，要挑剔的是預先調了味。6.5/10~好夠熱，有不少火腿片及大量生菜絲，湯㡳是一般清雞湯底味，味道也不錯，通粉份量適中。早餐$33在屯市來說是抵吃，卡坐位也舒服好坐，早餐唯選擇較少。

雖則未到端午節，但路過回家時看見是米芝蓮推介的，心郁郁之下便決定買只回家當晚飯，一嚐是否真的如此好吃。鹹肉粽 $22一小只索價22元的鹹肉粽價格不算貴，粽相當夠味，所以吃的時候只需加少許豉油便足夠，內裡配料簡單，肥鹹肉，綠豆和鹹蛋。綠豆粒粒分明，間中夾雜著鹹蛋蛋白，中間是鹹肉和蛋黃，這粽即使不加豉油都可以很夠味，不過不知是否味精略多的關係，吃後不久都急著找水喝呢。