Try My Bread (營盤街)

Open Now

Now Closed

早前見到一些朋友去食，很想去！終於有時間了，鬆軟的吐司再加上軟殼蟹的加持，配搭出來，真的十分之好吃！然後最好是朝早的時間，因為不用排很耐的隊，就已經買到了，熱辣辣吃最好。

呢間舖外表唔出眾，但食物用心出色！開業以黎最signature 一定係軟殼蟹吐司，食過超香脆，但今次就試另一款🫶🏻呢度嘅吐司係牛油多士，加牛油再烘勁香脆，奶油香令我諗起Issac Toast！🌟洋葱牛肉滑蛋吐司set 連飲品 $55 炒蛋份量好多而且超滑，餡料多到跌出黎，洋䓤同肥肉合乎預期咁夾，但略嫌鹹左少少，好彩有沙律醬嘅甜味中和返，吐司本身嘅牛油超香脆，呢個combination好難唔好食！跟餐係送一支yogurt/ 苿莉綠茶吐司size 比一般方包細，男仔應該唔夠飽，但女仔食連埋支yogurt 就岩岩好！非常滿足☺️味道：🌟🌟🌟🌟性價比：4/5

昨晚試吃牛油果蝦款式，首次試這間店舖，就說試試看看好吃與否。回家後開吃時，見到麵包頂端是2片麵包那樣，食物餡料有滿瀉狀態，所以就把麵包90度轉換角度來吃，怎料就發現麵包的底部是連接起來，在這時竟然發現麵包不是兩片那樣。多謝這小店叫本人第1次見識到麵包都可以起雙飛。餡料其實都很足，味道也不錯，麵包有烘底，但1塊麵包都省，感覺有點奇妙。昨晚叫了55蚊set，士多啤梨乳酪飲品，份量不夠吃。最後只好在家找來一片麵包，吃完才剛剛好。

因為麵包對我有情意結,所以好鍾意食三文治,我覺得裏面嘅材料,好豐富有口感！有一日經過營盤街,見到呢間店舖,當時未有機會買到三文治,捉知今日買到其中一份牛油果蝦滑蛋三文治,就咁望落去好豐富好多材料,面頭有牛油果同蝦,食咗一半就係菜沙律醬同滑蛋少許牛油果,因為分佈牛油果蝦唔均勻喺麵包唔同嘅位置,所以臨尾全部都係變咗菜and蛋治！如果個名叫牛油果蝦,係咪要將啲材料放得均勻啲,食到淡淡嘅牛油果,先至啱呢份三文治個名呢？慳皮啲咪攞牛油果醬搽兩邊,張少許嘅牛油果同蝦分佈響三文治唔同嘅位置,咁樣食落去咪開心啲,所以下次唔會試第二樣嘢,我唔想再食蛋治囉~

一間位於長沙灣的麵包外賣店，麵包款式多多，而我最鍾意就係佢嘅越南法包，食過一次就上癮！仲食到成身都係碎！——————越南法包 HKD101（戶戶送）雖然係外賣，但都非常好食！麵包脆身，酸蘿白醃得夠香，仲有肥豬肉片，芫荽配合一齊非常好食！包亦都比想像中辣，但辣得過癮！如果唔鍾意食辣嘅朋友，可能要留意下！青檸梳打清新，包裝良好，確保飲品唔會倒瀉！欣賞！———評價：❤️ 開心越南法包✅ 外賣able推介指數：❤️❤️❤️❤️（五個心心為滿分）

揸車經過有啲肚餓，買咗一個雞扒法包，包裝簡單，睇落正正常常，但一咬落去，非常好味，有一股清新氣息，面包，配菜，雞扒都excellent，一向唔寫食評嘅我都要讚佢幾句。

初初開嘅時候好hit嘅吐司🍞到宜家2022先試招牌係🥪脆炸軟脆蟹滑蛋吐司$50👌🏾正正常常，拎上手好細份，但原來食落都夠飽既~個軟脆蟹都炸得OK, 炒蛋唔太老, $50黎講都算係咁🍮法式焦糖燉蛋多士$40👎 呢個係臨時見到好似好正就試下..點知..睇相好正，但食落好一般，個包係冇烘過，就咁白面包加布丁我相信如果有烘過既話會好食好多~ 留意返呢間係冇得堂食架~ 淨係外賣, 買既話要諗定邊度食， 唔係炸野林左就唔好味架喇～整體黎講就未必會再食第２次了，試一次就夠

最近先後兩次外賣「Try my Bread 」🍞❤️，呢個軟殻蟹🦀️滑蛋吐司，我次次都嗌😋😋😋，厚切炒蛋加香脆惹味嘅軟殼蟹及微暖又帶點甜的吐司，真係超級美味，〰️正😋😋😋😋，不過今次的軟殼蟹嘅賣相無上一次咁靚😅，至於飲品方面，叫左充滿人氣嘅牛油果🥑沙冰（$45，味道偏淡）、芒果🥭沙冰（$45，朋友話似楊枝甘露），都幾大杯下，飲完都好飽肚😅⋯⋯如果怕熱氣，可以試吓牛油果🥑滑蛋吐司，一樣咁正呀❤️❤️❤️

第一次幫趁這間小店，門面地方少，看來主要做外賣。點了德國芝士香腸滑蛋土司套餐，跟yogurt drink ($50)。因爲土司是即點即做，等了5-10分鐘。見店内的圖片，土司上有很多mayonnaise，滑蛋也很濕，最初有點擔心打包後份土司會變得亂糟糟。但原來包裝很細心，keep到個shape，帶到返屋企，成件土司都仲係企企理理。烘過的麵包滿有牛油香，外脆内軟，夾著軟綿綿的滑蛋，睇落已經覺得好味。一向不特別喜歡香腸，嫌太鹹，但配上滑蛋和烘麵包後，平衡了鹹味又多了一份惹味，整體十分好。加上yogurt drink微微的酸甜，讓味蕾的體驗更加豐富，是意外的驚喜。

食完Try my bread我會形容係：「假如佢執粒，我會唔開心」既一間小店 (頭盔:唔係咒佢)點解咁講呢？1) 因為佢生意確實不好經常路過門面都冇乜人是日下午5點幾黎到，停留咗近廿分鐘，得我一個客。1個店員已經夠server，內櫳堂食位置少，我去當日得1個位可以坐。（睇相suppose應該有4個位?)2) 佢用料都幾足是日諗都唔洗諗，嗌最Signature既脆炸軟殼蟹滑蛋吐司套餐$60, 單價$55見到佢仲有bagel/法包同蛋糕，但覺得不甚吸引，pass。(事後先知, 呢間店既法包係老細其中一個「招牌」，又話飛去越南為求口味正宗云云…　反正看Menu不覺得吸引。）首先即嗌即整，等咗約8分鐘，店員用膠膜包好先入袋我外賣拎到返屋企影埋相都仲係熱既。成隻軟殼蟹橫切面齊全，估唔到入面仲有蟹肉沙律醬配厚多士，滿滿的油脂+碳水化合物，好難唔好食正正係呢陣沙律醬味，令我回憶起韓國Isaac toast(有人話似韓國另一間叫Egg drop, 但我未食過)。都係嗰種飽滿得黎帶油脂同香甜味既多士。多士本身已是用牛油多士，加牛油再烘，又香又脆。炒蛋都好厚好smooth，加上生菜碎，軟殼蟹既脆同蛋既軟，

早幾日口痕想食下午茶，同事介紹附近有一間個名好得意，叫做Try My Bread 嘅外賣店，話佢個軟殼蟹三文治吐司賣相超正又勁好味，於是乎成班人就柴娃娃叫黎 happy 三點三 😍脆炸軟殼蟹吐司軟殼蟹大大隻勁搶眼，炸得又香又脆，而且仲要一啲都唔油膩，就算外賣送到黎都冇淋到，中間仲有厚厚嘅滑蛋，一啖咬落去超滿足，中間仲有少少蛋黃醬，其實成份吐司唔需要太多嘅調味，蟹同蛋嘅香味配合得好好，食完之後真係勁想再encore多一份 😂呢度嘅選擇真係花多眼亂，我仲見到佢有洋蔥味嘅 bagel，然後仲可以跟軟殼蟹！😆 跟住個Menu利是，我諗我可以有好多好多個happy嘅下午茶啦 🤤

又出黎周圍搵下野食⋯見到呢間野比較特別咁，有軟殼蟹食😋就去試試⋯叫左主打：脆炸軟殼蟹滑蛋吐司。我仲加埋$25 煙肉粒芝士醬粗薯條，+20 椰子咖啡沙冰，結果係好飽🤣😂本身以為個軟殼蟹係唔會飽，點知食完都飽咗一半，仲有個吐司吾知係味焗住左個軟殼蟹好耐，都冧哂要一讚個係軟殼蟹真係原隻，好新鮮，岩岩炸起，好好味😋薯條因為我唔想太流，就叫咗佢走芝士醬，但都有蛋黃醬係度⋯煙肉粒同個醬都幾好食😋薯條就吾係果隻粗薯條😕有d失望還有杯 椰子咖啡沙冰 好好飲，係好細杯，大杯d更好。整體都幾好食，但都係偏貴，試一二次都ok既

小小的外賣店，專售爆餡吐司三文治和法包，款式種類算多，店內只有二人工作，忙個不停。法包價錢比吐司三文治平，但吐司望落餡料超豐富，亦比較吸引。*脆炸軟殼蟹滑蛋吐司*邊等外賣邊睇住廚房，原來軟殼蟹係即叫即炸，裡面有蟹肉有蟹膏，唔會得粉漿。滑蛋量多而且真係做到好香滑，唯一係size比較細份，兩塊方包比平日食開的細塊。淋上店家的醬汁，更加惹味。*香煎雞扒法包*法包相比之下比較平平無奇，好乾，法包內的醬汁唔多，肝醬做做惹味香辣，但可能始終量不多，整個包食起上黎好乾。雞似乎係雞胸位置，有啲柴，令本身乾的法包更乾。配菜多但雞唔多。雞肉好乾柴。

叫外賣速遞絕對會因為圖片被吸引嘅。今次吸引我嘅就係呢款軟殼蟹滑蛋吐司。外賣黎到時候，外觀幾好，無話亂哂嘅。吐司餡料頗多，好似想滿瀉咁。軟殼蟹都幾大隻，幾脆，炸粉唔厚，軟殼蟹本身就冇咩味，但係炸完就帶有少少鹹味，唔錯。中間雞蛋份量幾多，而且上半部分都幾滑，可惜放耐左啲，麵包嘅熱氣集中左係中間，令下半分嘅雞蛋焗熟左，食落就比較老。吐司帶少少燶邊，尚算脆口。牛油果沙冰絕對值得推介，非常濃郁嘅牛油果味，但沙冰又唔會溝淡味道，好飽肚。呢次外賣質素算唔錯。

人氣小店，成日都會心思思想去食，可惜地點對於我嚟講唔太就腳，不過都食過3次😂因為真係好好好好味😋十個推介呀👍🏻舖內只有兩個位，所以要堂食真係要俾啲耐性。每次都係食我認為皇牌嘅炸軟殼蟹滑蛋吐司🍞，先講軟殼蟹係一整隻，即炸好香脆😍另外滑蛋非常滑而且份量算多，仲有吐司好有牛油香味，外脆內軟，加埋沙律醬，成個配搭簡正絕配，十級推介大家👍🏻👍🏻👍🏻但其他我都未試過，俾唔到意見，希望下次會試埋其他。