Try My Bread (營盤街)

Open Now

Now Closed

叫外賣速遞絕對會因為圖片被吸引嘅。今次吸引我嘅就係呢款軟殼蟹滑蛋吐司。外賣黎到時候，外觀幾好，無話亂哂嘅。吐司餡料頗多，好似想滿瀉咁。軟殼蟹都幾大隻，幾脆，炸粉唔厚，軟殼蟹本身就冇咩味，但係炸完就帶有少少鹹味，唔錯。中間雞蛋份量幾多，而且上半部分都幾滑，可惜放耐左啲，麵包嘅熱氣集中左係中間，令下半分嘅雞蛋焗熟左，食落就比較老。吐司帶少少燶邊，尚算脆口。牛油果沙冰絕對值得推介，非常濃郁嘅牛油果味，但沙冰又唔會溝淡味道，好飽肚。呢次外賣質素算唔錯。