自家製韓國刀削麵 (山林道)

Open Now

Now Closed

叫左個花甲刀削麵湯，好有海鮮味，麵質亦非常，係好食嘅，鋪入面menu韓國字，食客有一半以上是韓國人幫襯，好有種返左韓國嘅味道。不過以為係阿豬媽親自打理，但入面全部大聲純廣東話嘅男伙記，d韓國人坐低，大大聲叫qrcode, qrcode, 韓式味道，港式管理，有d似去左澳牛，有d 扣分。

📌牛骨湯刀削麵（$78）好大碗刀削麵，睇相湯底睇落非常濃郁，但係實際黎到係非常清，感覺牛骨湯名不副實，聽到隔離檯都嗌左牛骨湯刀削麵話好似粥水咁，但麵係大碗，唔錯的。價錢偏貴。評分：🌕🌕🌑🌑🌑📌豆汁冷麵（$78）朋友嗌左碗豆汁冷麵，豆汁唔係濃郁嘅豆汁，又係好水嘅湯底。評分：🌕🌕🌑🌑🌑📌雙拼餃子（豬肉同泡菜）（$58）非常好食！好大粒好足料，豬肉餃會有啲粉絲係入面，泡菜餃比較辣，但都好好食！如果食唔到辣可能唔建議食泡菜餃，如果嗌雙拼建議食豬肉餃先食泡菜餃！因為足料所以覺得呢個價錢都ok，走之前仲嗌左份外賣。評分：🌕🌕🌕🌕🌖總結：睇社交平台推薦麵控去，呢度唔建議麵控去，餃子控可去！

呢間係最近新開喺山林道嘅韓國麵店🍜入面環境佈局感覺都好地道🪑weekend lunch time 黎到🕛都排左三十分鐘先有位⏱️佢13:45左右就開始截龍 所以記得提早啲去呀🌟weekend 都有set lunch ($58)可以叫 包一碗麵🍜(有啲要+$20)餃子🥟汽水🥤🍜花蛤刀削麵 ($78)麵底份量好多 食到好飽 質底煙靭爽口😋但如果浸得係湯度太耐就會變得太腍👈花蛤就唔算好多 都新鮮👅湯底好清但有好鮮嘅花蛤味 🐮牛骨湯刀削麵 ($78)淡淡嘅牛肉湯底 可以用泡菜混埋一齊食🌶️入面嗰兩片牛就有啲鞋口🫢

//<自家製韓國刀削麵>小編平日七點去排隊要排一個鐘😑😑冇得攞籌要親自喺門口默默咁排🚶🏽‍♀️🚶🏽‍♀️店入面嘅裝修好有韓國家庭式餐廳嘅感覺🇰🇷🇰🇷——————————花甲刀削麵 $78麵嘅份量超級勁多🍜🍜 食落唔係特別煙韌，尤其是咁大碗食到尾嗰啲麵越嚟越淋😕😕 仲食到有輕微嘅鹼水味🥲🥲 花甲嘅份量非常慷慨～ 食到中間有幾隻有沙😬😬 呢款嘅湯底比較清淡👀👀 小編最後都食剩幾啖，飽到上心口🦦——————————牛骨湯刀削麵 $78牛骨湯嘅湯底相對上比較好飲，真係飲得出淡淡嘅牛骨湯味🐮🐮 麵質同上，但係得三四塊牛腱，唔夠餸咁🥹🥹 不過呢個價錢真係好抵食🤑🤑——————————大豬肉餃子 $58餃子超級足料，入面有菜、豬肉同埋粉絲，好有韓式風味😆😆 餃子皮偏厚，麵再加4大隻餃子完全係澱粉質嘅組合🤰🏽🤰🏽——————————去試一兩次都無妨，但係要排成一個鐘就真係不了🏳️🏳️評分：6.3/10地址：尖沙咀山林道46-48號運通商業大廈地下20-27號舖營業時間：星期四至星期二 12:00~14:30;18:00~22:00#自家製韓國刀削麵 #尖沙咀 #尖沙咀美食 #尖沙咀韓國菜 #香

食開韓國菜，多數都係泡菜、燒肉、部隊鍋、炸雞等等。。。。。。。。今次試下韓國刀削麵未入到去，首先要排隊，大約30-45分鐘排到，坐低後掃QR code 落單，原本想點泡菜餅，可惜售罄，希望下次去有機會食到啦最後點了花蛤刀削麵，送到面前個一刻，嘩，好大碗，真係好大碗花蛤：勁多花蛤，花蛤殼多到可以砌高，變成迷李山😆湯底：清清地，幾好飲，都飲了唔少湯，下次去試下加啲辣椒醬😋刀削麵： 自家制的刀削麵，食落好qq,下次會再去😌

見到網上有人推介 + 話新開所以黎試試差唔多去到6點 開門前已經有人係出面等入去入到去 鋪細細 空間有限2人 要搭枱食 叫咗 雙併餃子係好大粒 餃餡係好多 唔係少料個啲泡菜餃好食啲 豬肉餃就一般 正常餃子味係因size大大而係幾特別牛骨湯刀削麵可能主打 清牛骨湯？聞+飲落都唔係太重唔濃味嘅牛骨湯冇想像中咁濃郁係正常湯麵佢麵係應該佢自己自製冇話超彈牙 但算可以ok嘅麵冇得叫煎餅 因佢話新開 遲啲先推出食到賣單走都有人出面排隊等 但座位係有少少迫同唔方便嘅感覺職員係有禮貌但始終可能新開？唔算多選擇揀覺得都係試一次就算嘅感覺

📍自家製韓國刀削麵‼️麵控注意‼️佐敦又有新開麵店(ﾟoﾟ;;仲要係全港首間韓式刀削麵店!!仲要仲要係李家集團旗下，有晒信心保證😚店內位置唔算多，平日lunch time去都等左一陣～(其實星期三已經去咗一次摸咗次門釘🤧)平日午餐最平$68有交易，整體推薦推薦推薦XD私心最喜歡花蛤湯刀削麵($78)，鮮甜味🆙🆙🆙招牌牛骨湯($78)都唔錯，湯底需要自己加鹽或胡椒粉調味～刀削麵口感煙煙韌韌，爽彈好食( ̀⌄ ́)另外必食韓式餃子🥟起巨形！勁飽肚XD！📍自家製韓國刀削麵尖沙咀山林道46-48號運通商業大廈地下20-27號舖#BELLYwongs_jordan #BELLYwongs_korean #BELLYwongs—noodles

曾經係首爾旅行 -1x度 食咗碗熱辣辣嘅刀削麵 非常懷念 睇睇下OR 見到竟然係香港有韓國刀削麵食 一定要試下餐廳裝修係好地道嘅韓國小餐館 叫咗花蛤刀削麵 午餐比淨麵多10蚊 會跟大大隻韓國蒸餃（揀咗豬肉蒸餃）同飲品 加蔥花同辣醬都係免費 當然唔少得泡菜因為係韓國人整嘅關係 食物嘅份量真係唔駛擔心 花蛤都俾好多 應該有十幾二十隻麵條係煙韌q單 好好食 我係韓國都食過類似嘅texture 湯好好飲 充滿花蛤嘅味道 但絕對唔假 如果想再香口d 就可以加埋辣醬 都唔會好辣 餃子都好大隻 皮薄餡多 唯一有d遺憾係泡菜 泡菜偏淡口 問店主/店員 話係韓國廚師想配合香港人嘅口味 唔整咁重口味 但我就覺得可以辣d咸d就更好見到隔離食嘅牛骨湯刀削麵好似都好香 下次一定要試我覺得比起其他韓國餐廳 呢間嘅定價係合理水平 而且份量味道對得住 所以非常推薦 如果食嫌咗米線 又覺得拉麵唔抵食 一定要嚟試下

面嘅份量好足料 好大份 湯底好濃稠 加辣醬好食麵條係真係自家工場製造 然後送到嚟舖頭再用麵條機切蒸餃望落去好似好貴咁 但真係好大粒香港人應該鍾意豬肉餡多啲 泡菜餡一般般另外佢哋嘅泡菜都係新鮮醃製 同出面嗰啲唔同