繼 (Moved) New Location

每過一段時間，繼既餐牌都會搞搞新意思，保持新鮮感。今次就食左佢既lunch omakase $880，分別有前菜、沙律、蒸蛋、刺身6款、肉眼薄燒、壽司6件、海膽蔥吞拿魚飯、湯同甜品。佢個omakase之前就咁食刺身壽司(大約$680)，而家個新餐牌就加左肉眼薄燒同海膽，食晒成個set之後真係滿載而歸🤤作為蛋迷既我，真係好鍾意食繼既蒸蛋，一如既往咁滑咁好食。刺身方面，首先上水八爪配熟吸盤、熟成1日既深海池魚同埋用備長炭燒既梳子魚，跟住再上池魚同稻草煙燻鰹魚，最後有紫菜包炙燒帆立貝。上完刺身之後，有一客肉眼薄燒作為間埸。肉眼薄燒入面係預先炒好既蒜片同蔥，有肉汁，蒜片仲係好脆，唔會話好膩，作為間埸都唔會搶左刺身/壽司個fo。一開頭都驚會好有飽肚感，就食唔落所有壽司，不過份量啱啱好。壽司方面，按次序有赤貝(肉質好爽甜)、銀鮭配左d黑魚子、鯖魚昆布漬(酸酸甜甜咁)、赤身、有d煙燻味既中拖羅醬油漬、炙燒鱈魚配芝麻醬。最後就上埋海膽蔥吞拿魚飯，雖然賣相唔吸引，但好有層次同口感，海膽都好甜。甜品係咖啡奶凍加紅豆，貌似純牛奶布甸但原來好重咖啡味，唔想食甜品既可以叫咖啡或茶。總括黎講，會繼續去。遲d再去食

太耐冇去日本， 唯有食啲高質嘅日本菜用舌頭嚟懷念日本嘅味道。Omakase是由廚師發板嘅意思。 廚師細心地問我prefer 食邊一類嘅食物繼而決定俾啲乜嘢我去試。今晚已經唔記得咗食咗幾多樣嘢，樣樣都好新鮮、特別， 令我對魚生有一個新觀感！首先廚師安排咗一個醒胃嘅魚子無花果前菜， 呢道菜有淡淡的柚子味道， 酸酸嘅味道打開咗我個胃口！之後嘅魚生，包括有秋刀魚，肥美嘅吞拿魚，左口魚，海膽，魚精， 墨魚，牡丹蝦，生蠔，及貝殼類嘅食物。 以上嘅魚類，基本上對唔食魚嘅我，從來都唔會接觸到。每一件，都好新鮮，肥美，難以用文字來形容！最深刻嘅有秋刀魚， 廚師一開，有一浸怪味撲過嚟，但經過佢處理之後，加上適量嘅配料，放到上碟， 出奇哋冇晒怪味同口感一流， 魚肉肉質爽口。 另外， 魚精， 左口魚配海膽和牡丹蝦等等， 將前面食嘅清新爽口感覺， 完全推去另一個極端， 食完門口有濃濃嘅濃郁味道， 呢個味道喺口裡停留咗好一陣子！呢間Omakase 質素極高， 魚生新鮮特別，雖然價錢偏高， 但質素亦極高， 同朋友耐唔耐嚟食吓好野， 係人生一大樂事！

今次嚟食結婚紀念日飯，本來想食Omakase 但係full咗，食鐵板燒啦，叫咗個2人set，本來對鐵板燒冇乜期望，但係估唔到鐵板燒都可以咁好食，佢哋食材新鮮，師傅好用心煮同每道菜都有講解，活鮑魚好大隻，好咬口，厚切和牛牛柳大粒，調味啱啱好，令到我哋2個食到停唔到口，中間佢比粒柚子啫喱清新下你個口，炒飯好靚，係略嫌乾咗d，但係都好好味，最後我揀咗要益力多雪糕，鍾意益力多味嘅會好正大讚，總括今次黎講經驗好好，會再黎。

聽朋友講呢間鐵板燒幾好食就去左試晚市～$700 的一餐都真係一點都唔平但望住師傅係眼前用心煮每一道菜又覺得都真係要呢個價鮑魚同大蝦都好彈牙☺️魚就略咸左點牛肉粒比想像冧身☺️其實食材係唔錯但就唔點解覺得味道有點簡單😆😆試過一次就夠了

很久以前常聽朋友提及深水埗有間位於舊工廠大厦的餐廳食鐵板燒好好味，但一直無機會去。結果趁生日飯食好少少就去左一轉。餐廳店名單丁一個字：繼。店內環境簡潔，都是一般圍繞著燒爐的吧檯設計。有可能是被吹捧得太多，自己是抱很大期望去的。但整體上，個人感覺是沒有十分特別。海鮮類食物是新鮮的，活活的龍蝦及鮑魚是吸睛的，只是食物加了太多鹽及調味，未能食出食材的鮮味。此外，所有食物純粹燒熟了上檯給客人食，都總是欠缺了甚麼似的，可見廚師的心機有可進步的空間。有心的食客總是要求高，吹毛求疵的。。。

今天預約下午1:30食鐵板燒同朋友慶祝生日，點咗4個餐，原本尚算可以，但當師傅煮完所有嘢後，我哋仲食緊菜時，佢攞咗一堆魚骨魚什入嚟，冇問過我哋就成堆响我哋面前燒，啲魚什舖滿鐵板🤮🤮🤮🤮🤮🤮，場面核突，仲一大陣腥臭味。同職員反映，佢淨係話會向公司反映，連對唔住都冇講一句。😡😡😡我哋之前都幫襯過覺得都尚算可以所以才再光顧，但而家又加咗價，價錢貴咗超過百份之十，服務又咁樣，以後都唔會再嚟。😞😞😞

之前未食過鐵板燒，有朋友介紹位於荔枝角d2二期商場內的繼，餐廳位於商場3樓，門口裝修簡潔，好有日本feel。 這間鐵板燒餐廳，我都要提早一個月訂位先可以訂到心儀的日子。我們一行六人，六個人分別點了lunch set的松 x3，竹 x1，梅 x2。溫室野菜沙律：溫度適中唔會太凍，味道酸酸地好開胃。銀雪魚：魚皮煎得非常香脆，魚肉細滑多汁，但略嫌唔夠油脂。法國鵝肝：鵝肝好厚身，外表煎得香脆，配上麵包食用令人沒有油膩感。大蝦：爽滑彈牙，蝦膏味非常香濃。北海道帆立貝：新鮮juicy，可以飲埋啲湯。焦糖多士：香甜脆口，好食。肉眼溥燒：生熟程度剛剛好，配上蔥花及蒜片食非常之夾。美國特級牛柳：點了五成熟，好重牛味及好多肉汁。炒飯：用日本生食級數雞蛋去炒，蛋味香濃，飯粒炒得好乾身。炒野菜給麵豉湯：冇咩特別。紅豆奶凍 ：有淡淡的奶味配上甜甜的紅豆好夾。總括而言：是次鐵板燒午餐體驗非常好，價錢平食物又有質素。師傅控制上菜速度剛剛好，再加上師傅會和客人交流，絕對值得再幫襯。

今次第一次去荔枝角 D2 place 食晚餐。呢餐係朋友補同我食生日飯，所以佢選地方。如果不是朋友介紹，真係唔知荔枝角也有咁高質 omakas 餐廳分兩部份，一邊主要是鐵板燒、另一邊的是食廚師拍板 。由於朋友帶路，所以全程我只負責食。我和朋友先點了一支酒凍飲，然後師傅很細心，先問我們有沒有什麼不吃的。職員為我們上了酒之後，接著就開始我們今晚的美食旅程了。師傅每上一度食物，都會介紹一下名稱、獨特之處、或者這款食物建議食法。例如可以加上少少山葵、可以沾醬油、或不用沾任何便可。最欣賞整個過程中，師傅會同我們交流，而且又會講解某些食物，如何以特別方式處理。令我們更了解食物的特色。由於美食當前，而且有些魚名從未聽過，所以今次未能夠一一記下。最後，尾聲是再來一碗香濃魚湯，同埋日本雪糕甜品，就正式完結今晚美食之旅。十分好的體驗，一定有下次。

之前經過，覺得這間餐廳頗神秘，隨口說了想試一試。男朋友居然記得，仲特登book左lunch帶我黎食。如果大家想食，記得要預先訂檯，因為佢分了幾個timeslot！當日我地係食1:30個輪，安排到師父係我地面前燒！佢menu都有好幾個combination，因此，都多選擇。我地都對鵝肝特別有興趣，所以就選了「松」的套餐！（$298）🌟溫室野菜沙律蕃茄仔加生菜加方形的蒟蒻，酸酸甜甜，非常開胃！🌟法國鵝肝師父會用牛油烘麵包，然後再放鵝肝上去非常好味！雖然好肥，但值得俾個quota佢！🌟銀雪魚本身冇咩大期望，但見到餐廳有特別用心去處理食材首先，佢分開了魚皮，煎乾了魚皮，非常惹味！魚肉亦一束束，非常彈牙！🌟美國特級牛柳肉汁並沒有流失，非常有口感，4成剛剛好！！🌟肉眼薄燒師父事先炒好蔥及蒜再用肉片包住，所以除左肉汁再有前兩者的香口！好味！！！🌟炒飯用了蘭王蛋，飯粒炒得粒粒分明！亦不會太鹹！🌟炒野菜以芽菜為住！比起椰菜同蘿蔔絲，芽菜更好味！！🌟麵豉湯 🌟甜品：紅豆牛奶布甸好重奶味！好味！另外，我地亦叫了刺身（$98）一共三款，每款兩件！當日係左口魚、魷魚及池魚！都新鮮！師父更加送了砂糖多士！好味啊！

早兩個月係元朗分店吃過,午市真的非常划算!趁有空就來荔枝角店再試試啦~覺得比元朗更好呢今次叫的餐跟上次一樣 都是"松" $298+1/位座位不錯 沒那麼大油煙先來客野菜沙拉 不錯 喜歡有蘆薈銀鱈魚 一樣會把皮剥掉 煎得脆脆 這次魚質素很好 很多魚油 肉質鮮嫩鵝肝多士 份量比元朗店多一倍!!!!!鵝肝油脂豐富  口感紮實綿密 很不錯肉眼 入面包住炸蒜&青蔥 口感和味道很有層次牛柳 點了五分熟 入口軟軟的 很好 很淋炒飯 一如既往的好 只是 真的太飽 只吃到一半再來個麵豉湯 以及 醃瓜 解一解膩炒野菜焦糖蜜糖吐司咖啡奶凍作結尾

今日有人死都要拉我哋去D2 place 食omakase. 有D抗拒，覺得食omakase 唔係去茘枝角… 不過佢話好早已經book 咗位同埋係食家朋友介紹就去吓啦去到早得滯要响門口等…好彩有櫈坐，如果唔係大人會發脾氣….我今日揀咗omakase 12件壽司, 大人揀咗鐵板燒餐, 然後另外兩個揀咁omakase 會席料理. 師傅一開始揀魚生,揀好先整Omakase 12 件壽司(好似係$390）師傅今個揀咗間八，右口魚, 池魚仔, 帶子, 八爪魚, 牡丹蝦,赤目魚, 鯖魚, 中toro, 海膽(超超超超甜),銀鱈魚同埋一樣唔記得咗乜(定係佢比漏咗?! 下次一定要數住 )…. 每件處理手法都有D唔同,但又食到魚嘅鮮味…. 鐵板燒餐(好似 $278) 有銀鱈魚，帶子，多士,蔥豬肉卷…炒飯…份量足超好食… 主人讚不絕口… Omakase 會席料理 (好似$680) 有以下:1） 螺2）深海池魚+野生油金魚(獅魚) +鰹魚3）梳子魚+toro, 4）帶子紫菜5）Sushi 6件:右口+牡丹蝦+鯖魚+ 中toro+銀鱈魚+海膽6）Toro+安鱇魚肝飯所有餐都有沙律, 麵豉湯, 咖啡/茶/甜品…

今次已經係第二次到訪啦因為佢既lunch set 真係抵💥加埋一$300有交易仲平過元朗🤣🤣🤣就帶埋對寶貝感受下鐵板燒佢地當然好興奮啦有哥哥係面前煮野食沙律我無影😁普通野菜沙律甘我地一家人就分別叫左蝦。鵝肝。帶子試晒佢🤣🤣🤣🤣蝦好爽。用d 蝦膏炒香埋。正鵝肝都算厚切。老公好滿足帶子就第一次甘連d 汁水食原來fresh 好多wo仲有我期待既鱈魚。好滑。小朋友好鐘意焦糖多士我呢就覺得上一次黎果陣個師傅整得好d 今次唔多夠脆之後到牛我地一致都係鐘意厚切多過薄切既可能因為我地麻麻地食蔥炒菜。係以椰菜芽菜為主炒飯。好有蛋香但其實已經好飽再加埋湯 甜品真心飽到痴左線好彩爸b 幫手執晒d 手尾😁

聽聞呢間鐵板燒好 full, 所以早兩星期前預約…都只可以約到平日，如果星期六或日要更早預約！ 早一天前職員會致電 reconfirm 能否出席，好有交帶。餐廳午市分兩個時段，一是中午12點至1時半，或者是1時半至3點！我兩二人被安排坐一間容納7人既房間，7人圍著師傅…一邊吃一邊欣賞師傅廚藝，師傅很健談，會跟大家講解食材及煮法，及建議怎吃樣會使味道更出！ 午市有幾個選擇，價錢由$270幾起至$380(另加一)不等，如要日本和牛及刺身就要分別加$300及$98，來到時已經揀好了，就是吃$298既『松』及$278既『梅』，每款均是八道菜，包括沙律、法國鵝肝或北海道帆立貝、鱈魚、美國特級牛柳或肉眼薄燒、日本黑豚薄燒或加$300改A5鹿兒島野崎和牛、炒飯、炒野菜、味噌湯、甜品或咖啡茶。我就加左一份$98有三款既刺身呢個午餐簡直飽到上心口，以大約三百蚊可以食到如此豐富兼有水準既鐵板燒餐，超值！

荔枝角依家真係越開越多唔同類型嘅食肆，連鐵板燒都有！搵食兵團呢次落重本，一齊去食好西😋 呢間鐵板燒認真誇張，要預早兩三個禮拜訂位。午餐有三款：梅 ($278)、竹 ($288) & 松 ($298)，另收加一服務費。三個餐嘅分別係梅 (帆立貝)、竹 (海老) & 松 (鵝肝)。其他食物就係一樣嘅，有沙律、麵豉湯、鱈魚、(牛柳、牛肉卷、豚肉卷三選一)、炒飯、炒野菜，最後甜品 (奶凍)或飲品二選一。食評：食物質素OK，師傅仔後生，但功力都唔差👍🏼 環境舒適，服務態度友善！以三百鬆啲呢個價位，可以encore😊

Came here the other night after having made reservations. As expected, the store is quite small, so even if you do make reservations it will probably be a week or so until you’ll be able to get a seat, since in total I don’t think this place seats more than 25 people a go.I’m not sure if the menu is online, but basically you can choose from a range of one person sets to two person sets. The cheapest one person set is around $800 HKD, while most of the two person sets in this place run between $2