翠華餐廳 (Closed)

過來灣仔整嘢順便食埋早餐$38 早餐set 都ok la, 唔叫貴，又坐得舒服。。沙嗲牛肉麵都幾好食，面夠硬身，沙嗲牛肉都足料同入味。。。炒滑蛋就一般般，唔算太滑。。。。

今天到灣仔的翠華，一心想來嘗試新豬肉的新餐牌，下單時指著素食餐牌，餐牌上本來是單點，跟侍應再次確認是套餐後，單上亦是寫上晚餐後不以為然。豈料等了半個小時後才到的食物上錯了。男侍應服務態度惡劣，不單沒有道歉，還要聲大夾惡指罵我們下錯了。還要抵賴自己沒有看錯當時指著素食餐牌 。

喺翠華食晚飯純粹因為就腳，廢事慢慢揀。九點幾食，冇咩人都幾好坐。之前食過一次翠華海南雞飯覺得麻麻地，今次再俾多次機會佢。呢個海南雞味道唔係好正宗，似切雞味，但係啲雞嘅味道都幾好食，點甜豉油好味道。個飯食落似加咗雞湯煮，好軟熟。個湯好足料，好多香菜仔，好好飲。雞嘅份量唔算好多，不過個飯大，所以都夠飽。炒飯有唔同配料：三色豆、蝦仁、火腿、雞粒、蛋，賣相好好睇。食落係正常味，不過茄汁味偏淡。話晒茄汁係西炒飯嘅靈魂，如果有濃濃嘅茄汁味就正喇。另外，個飯份量真係好大，我食到飽，都仲剩三分一，拎返去翻熱，就冇乜味啦。見佢咁特別，蜂蜜檸檬茶，就試吓普通凍檸茶有咩唔同。第一啖飲落就飲得出蜂蜜味，篤多幾下檸檬之後就比檸檬嘅酸澀味蓋過咗。

返工前我鐘意一個人嘆返個醒神套餐，不過灣仔周圍都好多辦公室，所以塔枱情況少不免。避免哩個情況，早餐我鐘意去翠華，因為佢有兩層，座坐多，所以8點左右人流都好疏落，坐得舒適可以慢慢食。翠華早餐味道其實好普通，最鐘意食係佢個沙嗲牛肉麵。麵質軟硬度適中，湯底除左好重沙嗲味仲加左辣油，辣辣地好食。炒蛋唔乾身，夠濕潤好食。不過奶油豬近幾年食都差左，豬包唔夠熱，而且好韌。唔知仲有冇機會食返脆卜卜既奶油豬呢😢。

我諗我都食咗好多間快餐店嘅晚餐，翠華都算係最貴嘅一間哈哈😄我淨係叫咗一個飯都要$75，已經冇加嘢飲，不過依家啲快餐店都係咁上下！呢個鮑汁玉蘭雞粒飯食落都真係幾好味！整得都幾香，我鍾意佢個鮑汁😊

餐廳係公司附近，成日都見到佢好多人。今日見帶充裕d時間就同細妹黎食番個早餐，餐廳嘅位置係位於商業大廈嘅地舖。門面幾好，裝修不錯，成九點鐘都仲有好多人係度食早餐。面積都幾大分上下兩層樓上樓底高又大，且座位數目眾多，空間感非常充足感覺比較舒適，而樓下樓底低，坐位比較少感覺有大壓迫。坐低睇下餐牌，發覺佢真係有好多選擇。佢早餐都有好多選擇，包類、多士，歐陸早餐等...細妹食腸仔煎雙蛋多士火腿通粉。我就食炒滑蛋脆豬同沙爹牛肉麵。滑蛋份量大大舊，不過佢個滑蛋唔算滑, 又唔夠香, 雖然話係用3.6牛乳去炒, 而且賣相好一般啦⋯⋯鮮油豬好味，完全溶化嘅牛油均勻咁分佈喺脆面，真的又脆又香沙爹牛肉麵,沙爹牛肉份量不多。牛肉比梳打粉醃過,沒有肉味...全靠那個濃香沙爹汁的味道。公仔麵夠爽口，湯底味道不錯...奶茶夠茶味...是日上午不用上班坐了成個小時先走...整體質素真係唔錯，加上裏面裝修都好有格調同一般嘅茶餐廳真係爭好遠

真係有超過 1 年無食過翠華嘅早餐了。。。點解、因為出品一般、無驚喜、選擇小又鐵板一塊缺人情味、係香港地鬧市區域基本上每個街口都有嘅茶餐廳下要突圍而出真係一D都唔容易、今早偶遇路過、好、一於俾個機會自己回憶一下久違了的味道。～ B 餐 沙嗲牛肉即食麵配嫩滑炒無公害雞蛋、牛油豬仔 （改厚多士）牛肉合格、罐頭沙嗲醬略為味淡缺小層次、即食麵可以、奶茶、炒蛋同厚多士都合格。整體加起來平平穩穩、同預期中一様無驚喜、無失場。。。

一入門口，服務員就叫我們到樓上坐，但不想行樓梯最後坐了樓下，但樓下是沒有冷氣的😑😑😑只有一些風😓😓😓。這裡服務員的態度是很冷淡，沒有反應的。🤔🤔🤔我們二人來食一個早餐，各選了一個早餐A及B，早餐A（牛油麵包煎雙蛋腸仔，加火腿絲仿鮑魚是通粉）的味道都是正常😝😝。但早餐B（奶油豬炒蛋，加沙嗲牛肉麵）的沙嗲牛肉麵，那個麵就很硬😑😑😑。總括來說比起以前差了，味道水平都降低了，有點失望🤦🏻‍♀️🤦🏻‍♀️

因公司在附近的, 多位食客已投訴,冷氣ㄧ係壞掉,ㄧ係長期不夠冷!令人ㄧ路食ㄧ路抺汗的!😒😒😒又不是大排檔價錢,但仲衰過大排檔!令人憤怒,簡直是趕客!不怪得越黎越少客了!

翠華係香港出名嘅連鎖高級茶餐廳，今日我哋一行四人去咗灣仔駱克道嘅翠華打算食個下午茶飲杯野。入到去就見到啲卡位同一般嘅翠華或者茶餐廳都幾唔一樣，有一啲係比較stylish 既感覺，又有一啲位係比較有私隱同空間嘅梳化卡位，成間個入面係用咗黑色嘅反光玻璃做主要來裝修，感覺比一般嘅茶餐廳更加似西餐廳。我哋叫咗一個綠茶雪糕紅豆冰，一個翠華mint雪巴, 仲有一個西多士。個西多士切左一個個正方形又幾好吃，仲送一個雪榚tim🤤🤤🤤大熱天時有得吃下冰又舒舒服服咁坐下，正啊！

曾幾何時，翠華餐廳的人潮多得很，成為一時佳話。始終價格比其他茶餐廳高昂，食物也沒有太大特色，現在已經風光不再。不過作為快快填飽肚子趕回到公司上班的上班族，價錢比較高也不是太大問題，最重要是上菜快和不要太難吃。我點了是日午餐（$68）- 雞扒青囗蕃茄汁配意粉。餐湯羅宋湯不酸但味道有點過淡。雞扒都頗大份，調味有點重，男仕也是勉強吃得完。青口大小和味道都正常。意粉不能保持微微的濕潤，口感有點硬。餐飲熱朱古力也是偏大杯。

翠華餐廳一向都是以高檔次，高品質的連鎖茶餐廳而聞名。今次它便因應成立50週年，推出多款50週年50元特別食品。有燒春雞，白汁海鮮飯等等。我便嘗試了白汁雞皇飯。雖然份量略嫌不足，但味道，質素不錯。Tsui Wah restaurant Group is renowned for its high quality service. To celebrate its 50th anniversary, it has launched many 50 special food products. I ordered a spaghetti with Chicken in white sauce (Béchamel sauce). Although the size is quite small, it tastes good.

好耐無食過翠華奶油豬，趁今日有時間食返個翠華早餐先。我最愛翠華早餐B，沙嗲牛肉麵、嫩滑炒無公害雞蛋，再加牛油豬仔包。翠華既公仔麵麵質好彈牙，有d似出前一丁，但沙嗲牛肉就次次食都唔熱，要自己將d牛肉&汁撈落d湯到浸熱。嫩滑炒無公害雞蛋，雞蛋真係炒得好滑亦好有蛋味，但係咪真係無公害就無人知😂，牛油豬仔包，翠華最好就係可以要求加煉奶，可自製奶油豬，好味但又好肥，做人真矛盾.....哈哈。最後加杯凍檸茶少甜少冰，豐富早餐，飽！

翠華茶餐廳出名貴，但以前貴得有道理，用材煮法都最好，但今時今日，只可以用垃圾黎形容😡😡😡😡😡😡😡今次去食整體感覺，員工個個好似唔想做咁，d地方又不清潔，仲有小小昆蟲飛來飛去😫

晚上9點多，還可在哪吃個便宜快捷的晚餐？結果我們走到翠華去。我有點飽，點了個不過不失的豬軟骨米線$42。好像有4件豬軟骨，入味而且軟淋。喜歡這米線的粗度，滑溜溜地進了入口。