翠華餐廳 (Closed)

喺翠華食晚飯純粹因為就腳，廢事慢慢揀。九點幾食，冇咩人都幾好坐。之前食過一次翠華海南雞飯覺得麻麻地，今次再俾多次機會佢。呢個海南雞味道唔係好正宗，似切雞味，但係啲雞嘅味道都幾好食，點甜豉油好味道。個飯食落似加咗雞湯煮，好軟熟。個湯好足料，好多香菜仔，好好飲。雞嘅份量唔算好多，不過個飯大，所以都夠飽。炒飯有唔同配料：三色豆、蝦仁、火腿、雞粒、蛋，賣相好好睇。食落係正常味，不過茄汁味偏淡。話晒茄汁係西炒飯嘅靈魂，如果有濃濃嘅茄汁味就正喇。另外，個飯份量真係好大，我食到飽，都仲剩三分一，拎返去翻熱，就冇乜味啦。見佢咁特別，蜂蜜檸檬茶，就試吓普通凍檸茶有咩唔同。第一啖飲落就飲得出蜂蜜味，篤多幾下檸檬之後就比檸檬嘅酸澀味蓋過咗。