翠灣漁港

Open Now

Now Closed

今日有空可以同個女去飲下午茶，早前見到翠灣有優惠所以即管試。下午茶宜家有優惠孖寶好抵吃，我地點了兩份孖寶 金絲香芋酥 芋蓉幼滑炸得夠好吃，炸雲吞的蝦好大粒夠脆，鮮蝦菜苗餃之前來吃一次好豐富，餡料又多蝦夠爽，今次也沒有失望。椰汁紅棗糕可能加了椰汁的關係，減少了腍糯口感得以平均不太甜。阿女點了燒腩仔瀨粉，燒肉和瀨粉份量都好足夠，可惜點了另一特價的斑蘭糕沒有來到。好耐無黎呢間酒樓，水準仍然保持沒有失望，有空一定再來吃。

同老人家擺酒食生日飯，點知佢哋允許其他客在房間吸煙，經理警告幾下當敷衍，D碗杯冇洗乾淨好油(仲要有漬）。俾幾千蚊唔係為咗食質素差嘅嘢，老人家食完都冇曬興致，食咗3個鐘頭就食足三個鐘頭二手煙。經理之後都冇再跟住隔離房食煙嘅情況，隔離仲要變本加厲，食得更勁。嗰個吸二手煙吸到頭都暈，香港有法律規定室內不可以吸煙，你酒樓都唔去制止，真係唔會再去食

同事家住柴灣，介紹呢間抵食質素高的任食火鍋。拍青瓜和雲耳餐廳只要有呢兩種小食，我都會食，冇諗過呢間竟然係最好食嘅。飲品🍸隨意享用，包括黑啤和忌廉，仲有仙草爽，絕對能夠滿足各種口味的需求。多種海鮮選擇：珊瑚蚌、蠔🦪、蝦滑……我朋友特別喜歡吃魚皮，我哋叫嘅鮮魚皮竟然係一大碟，滿晒好多嘅芫荽，好好味。隨便有安格斯牛、仲有好好味嘅滑牛，好味到呢😋😋😋鮮淮山非常新鮮且甜美，而油麥菜的新鮮程度也讓人驚艷。用這個價錢享受到這麼美味的食物實在令人意外。另一個令人驚喜的點是酒樓服務員的禮貌和開心的服務態度。很少見到這樣熱情地照顧客人的侍應，結賬時還叫我多坐一會兒。

今晚嘅食神之旅喺翠灣漁港開展咗！感覺正！🌟 由頭盤嗰陣就已經驚喜連連。姫松茸螺頭燉雞，每一啖都濃濃雞味，仲夾雜住微微嘅甜，湯底夠鮮郁，真係滋味十足。講到我下面的餐單，上湯焗龍蝦伊麵真係撈到心都化咗，伊麵吸足咗龍蝦嘅甜汁，又彈牙，絕對係夜晚嘅超級巨星！至尊燒鵝王更加係硬菜一枚，外皮香脆得嚟又唔肥膩，食落好過癮！來到甜品時間，桂花糕清新味美，令人喺繁忙嘅生活中搵到一片寧靜。而個芝麻卷，啖啖芝麻香，真係喺呢個涼快嘅夜晚帶來暖暖曬嘅感覺。得閒真係要再黎試吓其他菜式，今次食得好滿意，食指大動！👍🍰

今日去咗柴灣嘅翠灣漁港，店舖環境大，店員服務好。今晚2小時任飲任食火鍋，星期一至五晚上8點前都係 $218/1位，真係超抵食；另外可以加 $30 轉升級版，送埋特級手切安格斯一碟及珊瑚蚌一碟，特級手切安格斯：牛味濃郁、珊瑚蚌：珊瑚蚌，另外再叫多兩碟涼拌小食，有涼拌雲耳同手拍青瓜，口感爽脆有9款湯底選擇：清湯、香茜皮蛋、沙嗲、麻辣、藥材醉雞、澳門豬骨、奇味雞、川味烤魚、麻辣雞鍋，每款都好吸引，最後就選擇咗清湯+沙嗲鴛鴦鍋湯底，清湯鍋入面仲有配菜。飲品係自助櫃自取，啤酒、汽水、茶類、果汁食材有數十款選擇，包括有肉類：美國雪花肥牛、安格斯牛肉粒、羊肉片、雞件、豬頸肉...等等。海產類：水魷魚、鱔片、海生蝦、脆鯇片、珊瑚蚌、鮮蝦滑...等等丸類：魚丸、魚滑、蟹籽丸、龍蝦丸、海膽丸...等等。餃類：芝士腸、韭菜餃：餡料飽滿，夠哂爽口、魚皮餃、魚腐...等等。蔬菜類：金菇、玉子豆腐、炸魚皮：口感香脆、炸響鈴、生根、娃娃菜、唐山菜...等等。麵類：烏冬、粉絲、米線、出前一丁...等等種類多新鮮又豐富，真係食到停唔到，下次要約埋一大班朋友去先得

今晚同朋友去咗位於柴灣的翠灣漁港，試吓呢度推出嘅火鍋任飲任食放題。酒樓有寬敞明亮的環境，而且店員服務都非常爽手。這裡的湯底選擇多樣，我們選擇了皮蛋芫荽湯做湯底。這款湯底有鮮味的皮蛋和芫荽的，味道清新而濃郁。菜單上的選擇千變萬化，提供了各種類型的食材，從新鮮的海鮮到豐富的蔬菜，應有盡有。我特別喜歡他們的海鮮選擇，不斷追加鮮蝦，鮮蝦新鮮爽口彈牙，叫幾round 已經回本。肉類方面，我哋點咗肥牛、豬頸肉，同樣新鮮美味。打邊爐當然唔少得係丸類、餃子、炸響鈴同炸魚皮，任叫唔嬲。最值得欣賞嘅係有好多唔同蔬菜可以選擇！打邊爐我就最鍾意食唐生菜🥬！飲品仲可以飲啤酒，甚至乎有好多台灣特色嘅罐裝飲品，超級吸引！

在柴灣翠灣漁港食任食自助火鍋，每人平均消費250元，食材種類非常豐富新鮮，絕對物超所值。拍青瓜和雲耳兩種小吃調味特別，讓人垂涎三尺。飲品🍸隨意享用，包括黑啤和冬瓜水，絕對能夠滿足各種口味的需求。多種海鮮選擇：珊瑚蚌、田螺、白鱔、蟶子、蝦滑等等。滑牛好味到呢😋😋😋鮮淮山非常新鮮且甜美，而油麥菜的新鮮程度也讓人驚艷。用這個價錢享受到這麼美味的食物實在令人意外。另一個令人驚喜的點是酒樓服務員的禮貌和開心的服務態度。很少見到這樣熱情地照顧客人的侍應，結賬時還叫我多坐一會兒。

喺柴灣做完嘢肚餓要醫肚，同行友人話打邊爐，於是就嚟咗翠灣漁港，見到佢哋個價錢都幾抵仲要可以任食。可能時間比較早又係平日，所以唔使等位。諗住秋冬補一補就揀咗個藥材醉雞鍋，其後其他火鍋配料就不知不覺都點咗十多款，仲有幾款小食。小食點咗嘅包括：泡椒魚皮芥末魷魚鬚杭州蘿蔔涼拌雲耳手拍青瓜泡椒魚皮爽脆到好似食緊海蜇芥末魷魚鬚略嫌唔夠芥末，但魷魚好爽口涼拌雲耳、杭州蘿蔔同手拍青瓜酸酸地好開胃藥材醉雞鍋跟半隻雞，隻雞好新鮮，水滾烚咗8分鐘左右，雞肉好嫩滑，而且仲好香花雕酒嘅味道。其他火鍋配料份量好多，所以只係點咗一轉都食唔落了。

任食火鍋柴灣區唔算多，朋友話翠灣漁港質素唔錯，今晚就試吓正價時段每位218，但只要再加$30，就能夠升級，多咗好多海鮮揀。基本上我後邊揀嘅海鮮大部份都係升級先至試到，但係只加$30，肯定會加啦湯底揀咗豬骨鍋，上枱時有蘿蔔粟米仲有幾舊豬筒骨，淡淡嘅胡椒味唔會蓋過食物本身應有嘅味道等緊材料嘅時候叫咗幾個前菜試吓，都係加錢先至可以order嘅，分別係泡椒魚皮，微辣勁爽口，芫荽蒜落得好重手。芥茉魷魚鬚，芥茉味唔重，唔會太攻鼻，越食越上癮。手帕青瓜，酸酸甜甜好開胃。主攻海鮮，分別有海中蝦，瀨尿蝦，東星斑片，鱔片；全部都好新鮮。蝦仲勁爽口彈牙，連平時好少用嚟打邊爐嘅瀨尿蝦都食到，仲鮮甜味十足，食兩碟感覺已經返本另外加錢仲包咗有安格斯牛肉及珊瑚蚌，但呢個只係一碟冇得再追加。安格斯牛肥瘦相間適中肉味濃，珊瑚蚌亦都好爽口，可惜冇得追加之後再加咗啲美國肥牛同羊腩片，其實都已經非常飽。另外飲品方面都包咗啤酒可以任飲，簡直就係飲飽食醉，而質素亦都唔錯，應該會再嚟幫襯

今日星期六就同媽咪飲早茶，11點前仲有特價孖寶，就叫左2個孖寶食。酒樓太好生意！叫茶，喊普洱變壽眉，無所謂。孖寶。第一樣，葱花蝦米腸，有殼嘅蝦米腸寫食。第二樣，地瓜丸，暖笠笠，得4粒，ok好食！第三樣，燒賣3粒，熱辣辣，最好食！！！第四樣，上湯水餃，有5粒，菜鋪底，都幾好食架！唔洗100蚊！完👀

今日真係好凍，同女女落樓下食火鍋放題。呢間酒樓☀️🌟翠灣漁港專做街坊生意，之前都去過飲茶，第一次來食火鍋放題，幾抵食，每位200頭，食飽飽。🥤自助飲品有多款啤酒🍺🍻及汽水， 我揀咗黑啤，女女揀咗仙草。湯底都好多款，選擇了澳門豬骨鍋🐷，裡面有豬骨，🌽粟米及🥕紅蘿蔔等，味道清甜。火鍋配料叫咗雪花肥牛、滑牛肉及脆骨腩， 當中鍾意食🐟鯇魚脆骨，厚身新鮮。另外🥢韭菜餃都好值得食，大大隻，裏面有蝦同豬肉，爽口。

較早前試過這裏的中菜非常出色和抵食， 同時亦都見到唔少人幫襯這裏的任食火鍋， 心癢癢想過來嘗試。 今日就係機會喇。醬料及飲品都可以在自助區中自由發揮及享用。 強烈建議每人加大概30元就可以升級版享用更多優質肉類及海鮮。醬料區面向就是酒樓的海產類魚缸， 有部分海鮮食材例如海生蝦都是在這裏新鮮撈出來， 如果你選擇升級版， 更多的新鮮海鮮例如聖子仔， 東風螺及瀨尿蝦等都在這裏取出來新鮮上枱， 部分上枱依然生猛。 貴價食材例如星斑片都有 。由於新鮮只需簡單沾少少豉油已經十分好味。 肉類新鮮， 任食價錢包括的豬牛羊都全部 試勻， 肉甜味鮮。 而如果升級更可享用一份 特級手切安格斯， 齋看油脂比例已經令人垂涎， 淥過八九秒再放入口的甘甜更加時非 筆墨能夠形容。 其他的火鍋材料都能夠做到出色美味， 當中亦特別推介一款芝士 蟹柳和響鈴， 芝士蟹柳比較不常見，但估唔到兩者混合再放落去打邊爐原來是這麼美味的， 響鈴更加懷疑是自家製，豆味十足而且依然非常香脆。

柴灣永利中心內的翠灣漁灣酒樓是我從小吃到大，是一間有很多年歷史的酒樓，記得小時候經常與家人到酒樓飲茶🫖吃一盅兩件點心🥧最近天冷了便想打邊爐暖暖胃，想要吃的有營養，而酒樓推出了任飲任食兩小時火鍋🍲，更有啤酒汽水供應，決定進店試試看😋走上樓梯轉右便看到一望無際的座位，酒樓環境非常寬敞明亮，入口處更有新鮮海鮮觀看，在前面設置火鍋調味區，有蒜蓉、指天椒🌶️、蔥花、芫荽及乾蒜等基本調味料。我點選了鴛鴦火鍋，清湯及沙嗲鴛鴦鍋，當然不少得肉類，美國雪花肥牛🥩及羊肉片味道特別出色。肥牛充滿牛脂，肉滑溜醇香，羊肉新鮮羊脂重，充滿羊羶味，吃了更可以補體虛，祛寒冷，非常適合在寒冷的天氣食用～要稱讚一下，店員的服務態度非常良好，不斷替我們更換新的骨碟，善意地笑口滿面叫我們慢慢吃。酒樓都是充滿人情味的地方，看到店員也很開心呢🤣海產類方面，我點了脆鯇片，脆鯇片果然名副其實的爽脆鮮甜，肉質透亮有光澤。個人喜歡吃蝦🦐並不是每間火鍋店都提供蝦給客人，但這間酒樓有提供海蝦，加分👍🏻海蝦彈牙鮮甜，整頓火鍋餐吃得回味無窮😋😋

我最近去左一間超值嘅街坊酒樓打邊爐每人只係$218元就可以盡情享受任飲任食，無疑係一個非常吸引嘅價錢鍋底嘅選擇都唔少我哋就叫左「藥材醉雞鍋」有半隻新鮮醉雞湯底充滿了花雕酒嘅香氣，而雞肉肉質細滑，呢個鍋底真係好足料火鍋料嘅選擇都好豐富。美國雪花肥牛，脂肪比例比較重，食落好重油膩感，肥牛唔太建議食反而滑牛肉好有驚喜口感柔軟細膩，有好重嘅牛味，我哋仲encore多一碟另外唔係好多地方有鱔片打邊爐，呢度竟然有❤️每塊切嘅厚薄好適中，入口肥美有油香鍾意食鱔片的一定要order~~我鍾意食脆鯇片係因為其爽脆口感‼️鮮鵝腸裡面雖然有啲肥膏，但入口又唔會令人覺得太肥膩，其彈牙口感並帶有嚼勁，真係打邊爐嘅最佳食材❤️呢間街坊酒樓嘅任食火鍋真係價格親民，款式選擇一啲都唔少，食完好有滿足感

好耐冇過去酒樓食最傳統嘅港式火鍋，今日難得再回味一下，呢度嘅任食火鍋每位$218，每人加$30可以升級，食更多火鍋配料。我哋今日就試咗基本嘅$218。湯底都有幾多選擇，有鴛鴦鍋，麻辣鍋，澳門豬骨鍋，雞煲，烤魚等等。我哋怕熱氣，就清清地叫咗個香茜皮蛋鍋，下下火。個湯底有好多新鮮嘅芫荽，皮蛋都好香好靚。另外，仲有好多原粒嘅馬蹄，個湯底都清爽清甜。任食火鍋有幾款海鮮選擇，鱔片，鯇魚骨腩嗰啲都有，我哋就叫咗海蝦，海蝦雖然唔係非常大隻，中size，但係好新鮮，食落鮮甜爽口。我哋都追加左一兩次。肉類方面，雪花肥牛，羊肉片，雞件，等等基本嘅肉類都有齊晒。特別啲嘅有豬潤，好新鮮，口感爽滑。牛柏葉亦都唔錯。丸類方面除咗有牛丸貢丸，貴價啲嘅例如蟹籽丸，海膽丸同埋魚腐都有。蟹籽丸同埋魚腐幾好味。水餃餡料飽滿夠爽口。不得不提，呢度嘅炸魚皮幾好食，香脆可口，冇油益味。蔬菜我哋就食咗油麥菜，菜心，蘿蔔同金菇全部都新鮮同乾淨。飲品全部都係任飲，有多款罐裝汽水，啤酒同埋罐裝酸梅湯，冰糖雪梨等。酸梅湯很不錯。