翠灣漁港

Open Now

Now Closed

今晚放工同同事喺附近食飯，識咗咁耐，真係未試過同佢去酒樓食飯！而朋友就向我哋推介呢間翠灣漁港。環境好光猛，感覺好衛生，而且店員都好殷勤。生劏大龍躉（兩食）古法蒸頭腩肉質爽脆而清甜，魚味濃鬱。上面鋪上肉絲、菇絲、雲耳，撒上葱花及淋上熱油，味道鮮美。碧綠彩虹炒球魚味濃郁，肉質嫩滑，且少細骨。配以爽口的西芹和彩椒，十分適合一家老幼食用。XO醬乾炒牛河河粉抄得夠鑊氣，牛肉Juicy，河粉也沒有斷開一截截，加有香葱、韭黄提升口感。食完仲有紅豆沙送，值得一讚！

翠灣漁港今日經過舊居，去返以前最鍾意飲茶嘅地方，好似轉左老闆，成間酒樓光猛寬敞，座位好闊，舒適感爆燈。白灼海蝦我同老公食咗一斤蝦，好爽甜又大隻，豉油如果再加多少少辣椒🌶️就一百分。😬😬😬珍寶蟶子個名真係冇改錯，好大隻，估唔到160幾蚊竟然有四隻蟶子，自己買都買唔到。有蒜蓉同埋豉椒揀，我揀左蒜蓉，加埋粉絲真係唔使食飯。正😋😋皇花膠海味什菜煲有好多蔬菜，味道都唔錯，花膠雖然唔係好厚肉，但係都合格。👌🏻👌🏻如果我仲住喺舊居，相信都會半個月幫襯一次。😚😚

雖然住响東區，但都比較少幫襯附近嘅酒家，朋友提議今晚試吓宏德居嘅翠灣漁港，話啲嘢幾好食佢哋做緊啤酒推廣，細枝藍妹都係$12一支，仲抵飲過超級市場自己買聽講呢度啲燒味都出名，首先嚟一份厚切叉燒皇，Order咗半肥瘦，嚟到都符合要求。上枱嘅時候仲有微暖，而鹹甜味適中，唔會太硬，唔錯好耐冇食片皮鴨，叫咗一隻，呢度嘅切法係會連埋少少鴨肉，我反而喜歡呢個做法，因為咁樣可以食到皮脆油脂香連埋鴨肉嘅口感，一次過滿足哂跟住係一份大龍躉兩味，包括西蘭花炒球同埋古法蒸班頭腩：兩味嘅份量都唔少，西蘭花炒到好翠綠，而之前應該用上湯喂咗啲味入去，唔會淡茂茂。魚肉都炒得有鑊氣，唔錯而古法蒸頭腩就放咗啲豬肉絲一齊蒸，令味道層次豐富咗。魚肉亦都蒸到啱啱熟，口感嫰滑雖然已經飲飽食醉，但店員送上紅豆沙糖水，落料足，甜度適中，又食咗一碗店舖主打街坊生意，所以質素算唔會差，咁先會有回頭客。以呢個價錢算唔錯，最低飲就係藍妹啤酒🤣🤪

前權發舊鋪位，轉手後飲過兩次茶，今次係第一次一家🏡四口來呢度食晚飯。整體質素普普通通。清湯焗波士頓龍蝦🦞伊面：$238豉椒炒蟶子：4隻$144炒得啱啱好，5樣海鮮中，算整得最好。龍躉斑翅：$288待應阿姐極力推介，話好抵食。之前權發都食過呢個招牌菜。當時覺得幾正。但今次試，發覺除了份量的確十足，但其他一無是處，條魚🐟應是雪了一段長時間，完全冇魚味，海鮮質素不佳，點整到唔會好食得去邊。果皮蒸南非鮑魚：2隻$96同樣比想像中細隻，味道不過不失。蒜蓉粉絲蒸扇貝：4隻$120配角豉油及炸蒜🧄味道調較得幾好，粉絲亦較多，但主角扇貝較細隻，失色。4人連飯及飲品，埋單$1100，我相信有更好的選擇。

最近有朋友問我柴灣有咩好食其實呢個地方只要細心發掘都有美食上年年尾有間新開嘅茶樓值得推介！裏面有齊我喜歡食嘅點心同埋廚點。正值下午時間非常之多人排隊，好不容易終於等到位，立即嗌咗個排骨飯試試佢，見到佢價錢尚算OK應該有返咁上下質素。另外有啲傳統野例如鴨腿湯飯呢度都有得食！仲點咗好多點心：鵪鶉蛋燒賣、魚肉釀尖椒、蝦米煎腸粉。原來幾好食加少少豉油同甜醬麻將夠晒地道。最後甜品仲食埋個芝麻卷，呢啲傳統野已經買少見少上面仲有金箔添！

這間酒樓在柴灣比較有名氣，很多街坊無人不知，要食即製新鮮點心，這間絕對不能錯過現今，大部份有幾間分店既酒樓，點心通常都會在工場製作好再運送各分店酒樓，食物質素和新鮮度已經大打折扣， 但這間酒樓堅持即製即蒸，沒有依靠工場，點心足料並新鮮十足，水準連貫穩定，很多街坊熟客經常來幫襯，我屋企人亦是熟客的其中一份子平日中午12點來，已經坐滿7成客點心多選擇， 亦有午市套餐，煲仔飯等等蝦餃 皮薄晶瑩剔透，餡料鮮蝦夠彈牙臘味煲仔飯 足夠2-3人份量，臘味外皮焦脆，惹味香口，最愛飯焦香味，水準之作灌湯餃 高湯香濃，大大粒，餡料真材實料，我至愛，每次必食香煎蓮藕餅 即煎熱辣辣，豐富肉汁，食得到內裏爽甜蓮藕粒，香脆可口鮑汁鳳爪 香濃鮑汁，鳳爪炆得夠軟腍入味最近酒樓店門外大排長龍，被很多街坊包圍，因為疫情關係，酒樓地層專賣兩餸飯外賣，除了點心出名外，小炒亦是受街坊歡迎，下次我會試一試

翠灣漁港開咗幾個月，起初劣評如潮，但後來試過雙餸味道有改善，決定放假期同太太嘗試早市茶點。可惜大失所望。雪山芋泥包表面香脆，可惜芋泥太甜，甜味覆蓋晒芋頭嘅香味，食完感覺好膩龍蝦鮮竹卷一上枱見到個樣有啲奇怪，紅色糊狀，食落口有酸味。自己都好懷疑係唔係唔新鮮，老婆食完覺得可能落咗蕃茄。但成個配搭好唔match蝦餃蝦算大隻，可惜裏面竟然有沙。連續兩隻都食到有沙！第一次食蝦餃食到有沙！脆蝦腸粉中間夾住一層類似油炸鬼嘅脆脆，但上到嚟已經淋晒最經典係個茶，基本上茶葉正常就好難fail。但佢茶葉落得太多，斟到出嚟已經苦哂好耐冇share openrice, 今次真係太失望，要同大家分享

如果想食傳統點心，基本上唔需要幫襯呢間傳統點心無乜選擇，點心質素個人覺得一般，但重點係服務態度更一般叫完個菜無菜心唔講，上菜先講話無，直接俾個生菜你之後無啦啦黎個滷水雞腳，同佢講黎錯，佢收個陣睇都唔睇成盤啲汁淋哂落枱，好彩閃得快，差啲淋落我身到，但啲野食係哂滷水汁，道歉都無句走左不會再黎幫襯

柴灣街坊飲茶好去處 下午茶時段嚟到 竟然爆場 勁多街坊等緊 同啲姐姐傾偈 佢哋話 以前每台坐滿好多 而家疫情有限制算少啦 而且整體都幾抵食 記錄下呢間茶樓.🔥筍尖鮮蝦餃$26.8晶凝通透 蝦爽 飽滿 蒸出嚟食啱啱好👍🏻檸蜜炸蛋散$17.8呢個比較少見 鬆化 但肥肥👌🏻杞子桂花糕$17.8好食 但常見 有花清香👌🏻香茜叉燒腸$20.8一般 皮算厚👍🏻陳皮蒸牛肉球$16.8半肥瘦 口感嫩滑👍🏻醬皇蒸鳳爪$18.8好食 入味 花生底👌🏻鶴鶉蛋燒賣$18.8近年覺得難搵左 但原來幾多地方都有👎🏻黑松露粉果$18.8粉果來講幾好食 但冇黑松露味👍🏻香菇燒賣 $18.8 小小菇香 蝦大粒 其實我個人幾鐘意酒樓燒賣 好過某會成日推介既燒賣小食店👌🏻薑蔥牛百葉$18.8爽口 清清地 薑蔥香 唔重口味👍🏻蜜汁叉燒瀨粉$23.8 叉燒半肥瘦 瀨粉爽彈 湯夠味👍🏻棉花雞 棉花咬開爆汁 雞肉都霖 仲有菇同蟹柳🤔下午茶超值套餐 呢個餐算平 平時一碟伊麵都$50up佢加多兩個點心都係$78 幾抵食👌🏻金菰炆伊麵 大碟 可以三個人分 伊麵炆得幾霖偏健康 少少蔬菜配料.#hkfunfoodrecord窮遊香港#hkf

港島區嘅我今日嚟到柴灣搵嘢食 同朋友呢都呢 名廚主理嘅翠灣漁港酒樓啲嘢食好有質素, 佢哋下面嗰層做咗外賣呀三餸飯, 非常新聞貼地可以食點心呀小菜咁樣.我就今日嚟買啲外賣小菜 返屋企唔使煮咗個醬茶鴨半隻其實第一次食唔知係咩嚟, but好入味好juicy 好送飯嗰啲醬搽 好入味送飯一流.揚州炒飯好足料有蝦米翠玉瓜咁好有鑊氣, 有蟹粉 扒豆腐唔使拆肉 蟹粉好多啖啖蟹粉真係好滿足 , 好滑好餸飯 好有禮貌幫我跟嘢食 值得一讚員工 仲有主打係啲新鮮海鮮,my favourite, 我下次再嚟過啦

柴灣是我比較少踏足的地方，今日來探朋友，佢帶我來咗呢間柴灣的酒樓。呢度係傳統酒樓格局，地方大，檯和檯之間有一定距離，感覺安全D。可能因為咁，都好多人，差不多坐滿晒啲位。意外見到有川味小食，咁就叫個來解吓饞，呢個小食叫夫妻肺片，內有牛脷、牛肚、牛肺以及其他配料，鮮香麻辣够刺激。 但唔可以樣樣都咁刺激嘅，咁就有鮑魚蘆筍餃，以點心來講，鮑魚都唔算細隻。百花釀魚肚，魚肚多件又够腍。鵪鶉蛋燒賣，鵪鶉蛋呢D唔係好多地方可以食到。薑蔥牛柏葉亦是好滋味。仲叫咗個豉汁白鱔煲仔飯，有白鱔嘅煲仔飯當然係人都鍾意啦。

今日同媽媽去柴灣行吓，行到中午唔知食乜好。媽媽想飲茶食點心，於是上網搵吓附近有咩酒樓，見到呢一間翠灣漁港嘅點心比較有特色，於是就去試吓。脆皮鮮蝦腸，皮薄餡靚，脆卜卜，好好味！明爐燒鵝(例牌)，例牌已經好大碟，光亮嘅外皮，豐厚的鵝肉～香煎蘿蔔糕，抵食夾大件～筍尖鮮蝦餃，鮮味嘅大蝦加上筍嘅香脆，正！龍蝦湯鮮竹卷，鮮味嘅湯配搭鮮味嘅肉，不錯！鮑魚蘆筍餃，每一粒上面都有隻鮑魚仔，看得出的高大上～咁豐富嘅食物，食到媽媽同我都好飽，要去散下步先～

今次外賣4個餸，豉椒炒蜆啲肉極薄極少，全部殼咁滯，味道又唔係豉椒炒蜆咸味，好甜好奇怪味道完全唔夾啲蜆豬紅啲味道又係核核突突，都講唔出咩味，勁奇怪涼瓜又奇怪，又係偏甜，師傅係咪以為啲糖係鹽？落錯一碟就算啦，碟碟都落錯？辣子雞啲雞柴到爆，係夠味夠辣又如何，搞唔掂最最最差係啲飯，又乾又散，唔知點解咁差都做得出，話哂都酒樓吖，認真啲得唔得呀？之前試過堂食晚餐做節，啲野一係冇味，一係勁咸，咩事，原來以前權發都已經算係好......今次諗住再俾機會佢試下外賣，唉，仲衰以後唔會再買唔會再試，勸大家都唔洗試，除非你地like怪味野

屋企附近開咗新酒樓，叫做翠灣漁港，聽聞係三姐開嘅。😁👍餐廳環境幾開揚，夠曬光猛，乾淨企理。座位好多，所以唔使等位，下午茶時段幾抵食。✔️鮑魚蘆筍餃。一籠三粒，每一隻上面都有隻鮑魚仔，皮 夠煙韌，裏面嘅蝦好爽口。✔️叉燒腸叉燒腸幾滑溜，裏面嘅叉燒餡都好豐富。✔️叉燒包鬆軟美味，裏面嘅叉燒甜甜地。✔️蝦餃大大隻，蝦肉爽口。✔️菜心苗 菜心苗新鮮，白灼夠健康。✔️脆皮燒腩仔囡囡指定菜式，她大讚脆卜卜，肉質軟滑。 ✔️杞子桂花糕甜品清新，桂花清香。

最近發現很久沒有和友人一起去飲茶，因此這天我們選擇了在茶樓裏享用我們的午餐。這次選擇的餐廳位於柴灣的，該餐廳名為翠灣漁港。一進到去便感受到傳統酒樓的氣氛。從食物方面，當天我們選擇了喝鐵觀音，點了一個名為五寶自選組合，內選了滷水豆腐，楊州炒飯，香煎芋頭糕，陳皮牛肉球和手磨薑汁糕！楊州炒飯相當足料，牛肉球夠彈牙，薑汁糕也相當香口，而且味道濃郁。我和朋友都認為這個五保自選組合的CP值相當高！除此以外，我們還點了幾份點心，當中有幾款想向大家推介的。首先想向大家推介香菇滑燒賣，菇的味道很濃郁。另外陳皮牛肉腸粉的腸粉很滑，而陳皮我個人嘗試過後認為是來自老年陳皮所製造。最後我想向大家推介紫醉金迷流沙包，不但賣相漂亮，流沙餡料也很香滑而且奶黃味道確實不錯。誠意推介大家來這間餐廳和朋友敘舊😍