翠苑甜品專家 (Closed)

大良燉鮮奶 $22.我覺得翠苑好抵食又好食 所以次次我都會叫燉奶 佢整得好好 食落好滑同同濃濃奶味 不過其他糖水就.......椰汁香芋西米露芋圓 $24.食左幾年芋圓 我先發現原來會咁樣分開上😹.西米露水到不能 完全冇味又勁少西米 芋圓又好粉好淋 一啲都唔彈牙 可以唔使試 唔怪得咁平啦 食返燉鮮奶會好d..

傳統糖水舖，想滋潤下喉嚨，係唔錯既選擇。呢間舖我欣賞佢有好多款式選擇，諗到既中式糖水應該都會搵到，平日夜晚都好多人食，今次我比較早黎，唔洗等位，唔洗搭枱👍🏻叫左2款糖水，杏汁蓮子燉雪耳 （$23）唔選好大碗，份量適中，唔算好甜，多雪耳。👍🏻再叫左木瓜杏仁燉銀耳 （$21）木瓜味道一般，唔係個個都鐘意陣木瓜味，糖水唔算太甜，整體普通。

星期日，食完晚飯經過sogo後面，想食糖水，諗起附近就得翠苑同義順，但今日想食傳統糖水，唔好想燉奶，然後見翠苑都開左咁耐，雖然門口唔吸引，格局都唔吸引，我諗應該都唔差既，所以諗住試下啲比較零失敗糖水啦，點知今次真係中伏，勁中伏，我點左白果腐竹，同楊枝甘露。由於太難食，相都冇影就掉左。白果腐竹，啲白果灰黑色，成個糖水真係糖加水，甜到暈，食左2啖，可一不可再。然後諗住試下個楊枝甘露，點知，食左一啖就完左😑氣水怪味楊枝甘露🤮以後唔會再食👎🏻👎🏻👎🏻👎🏻👎🏻

自從發現桑寄生茶對腰酸背痛、肝腎虛弱有幫助，現在每逢經過糖水店，都會查看一下有沒有桑寄生茶。今天行經寵物店，發現旁邊有一間傳統的中式糖水店。這家糖水店售賣的甜品有三十款$17-$30，除了燉鮮奶、蕃薯糖水外，還有假期限定的腰果糊。最重要的，他們還有供應桑寄生蓮子蛋茶，這款糖水在坊間是比較少見。桑寄生蓮子蛋茶$25桑寄生蓮子蛋茶的桑寄生味道幾濃郁，有一種甘口的味道，而甜度也只是輕甜，再配上紅棗的天然甜味，甜度就剛好。蓮子十分鬆化可口，而且已經去芯，味道香甜粉糯。雞旦完全不入味，旦白部分仍然保持白色，味道和烚旦差不多，而旦香也欠奉。以$25這價錢，也不作太多要求，整體味道是恰如其份。楊枝甘露$21楊枝甘露口感香滑，既有淡淡的芒果味，亦帶有柚子的味道，而且稠度適中。雖然配料唔多，但味道是ok. 以今時今日的物價，而且位處鬧市銅鑼灣，而味道也對板，這兒的糖水是幾抵食。

傳統中式糖水主打的舖頭，其實是值得支持。桑寄生茶是店舖最健康和最值得一試的，因為夠濃夠熱。焞蛋是永遠無貨，今個月問了2-3次了，番薯糖水亦經常缺貨。不過不接受八達通、人民幣和$1000紙幣都諒解，但睇碗碟來計數，容易出事。幾位90/00後女生，7-8人坐一檯有人將碗碟放在一起堆疊，又分一些給別人，引起樓面姐姐不滿，經理又呱呱叫嗺埋單入客。在新移民經營和年青一代觀念不同，即時看見。如果有客人在門前排隊，嗺一些已經食完和只有一啖未食的客人，不要吹水玩手機，其實都可以諒解。但經理在水吧呱呱叫，令幾檯客人都聽到，不知道是否生意的策略，使客人盡快埋單？今時今日，有關網上食評都是為了一些小小不滿而大大批評，我見我食糖水短短20分鐘，已經這樣的情況。不如先將入場規則，一次過用張A4中英對照，每個餐牌夾一份。因為店裡一時一張箱頭筆寫字，又有些紅底黑字的加價的物品食材，重印餐單和過膠通告的價錢，一碗糖水價錢已經可以清楚整理店鋪的秩序。我被呼喝不可等人，我當然可以忍一時，但實際上，忍不到的客人多的是，銅鑼灣飲食文化越來越不求質素，只求翻檯入座已經不是新聞，但是現在香港旅遊和飲食大陸化是大眾面對的現實。原因

唔知由幾時開始，#小秘書 每次同呢班朋友出嚟，除咗要影合照之餘，仲一定要互相舉杯祝福🥂 就連食 #糖水 都唔放過🤣🤣 住港島居嘅朋友應該都會認識 翠苑甜品專家，灣仔、北角、筲箕灣都有分店，#小秘書 反而無留意到 #翠苑銅鑼灣店 裝修過後又從開👀天氣凍凍地，最啱整碗熱辣辣嘅 #甜品 暖吓個胃🤤#小秘書 最鍾意食 #翠苑 嘅 #芝麻糊燉鮮奶 🍼🥛 #芝麻糊 就藏喺濃濃嘅 #燉鮮奶 當中，每啖都有兩個口味，相當匹配🤩 最緊要係價錢夠貼地，我鍾意呀👍🏻👍🏻

行經就食個甜品啦。燉奶都係廿蚊咋，香港地居然有咁平，唔食都對唔住自己，飽飽都要即刻食碗薑汁燉奶，朋友就食杏仁糊加燉奶。因為係牛奶，唔係雙皮水牛奶，所以唔夠滑，但質感好豐實，好飽肚。薑汁味剛剛好，食完暖晒。加左杏但糊都係多兩蚊，所以杏仁糊唔多，但加左就多一種味道，無咁寡。碗燉奶都幾大碗，抵食呀～ 下午茶或宵夜可以食下。如果我減肥要保持營養同蛋白補充，食呢個囉😂😂😂 雖然我明明唔會咁減，繼續食食食，先可以為大家推介更多美食❣️

-補腎合桃糊（$19）： 合桃糊外表一般，但絕對係 “實而不華”，食得出入面有一粒粒嘅合桃，食落口就已經覺得補喇。大家行過、望過，都絕對唔好錯過。 食過之後包愛上，每次行過都會心思思想食返一碗。 店內亦都有其他各款中式傳統甜品可以供選擇。例如：燉蛋、杏仁糊等等都係唔錯嘅選擇。------------------------------翠苑甜品專家 地址：銅鑼灣景隆街26號地下

冬至唔食湯圓好似爭咁少少野🤡翠苑既腰果糊得星期六日先有得食⋯琴晚經過即時食一碗😍·🥣腰果糊加湯圓（$19+ 湯圓$4@1）超細滑⋯味道好香濃😍完全食得出落左唔少功夫去磨成糊💓主角湯圓超！好！食！$4一粒都抵俾～外皮好QQ..內餡濃濃芝麻湧出黎😍😍推介！🥣大良燉鮮奶（$22）爸爸講話必食～偷食左一啖，好滑～🥣合桃糊燉鮮奶（$22）又偷食左家姐一啖🤣🤣🤣合桃糊都係我最愛糖水之一💓加埋燉奶 成件事唔會變稀左！都幾夾

一向我都少食中式甜品由細到大都淨係食一款中式甜品就係芝麻糊所以個日食完晏話想食中式甜品就記起翠苑既芝麻糊係最好食既所以就推薦食呢間啦價格定位都係係17蚊到25蚊之間係最近係東區同灣仔區入面食過既甜品店最平個間黎既一碗芝麻糊就19蚊正常飯碗size既芝麻糊芝麻味好香好濃郁亦都磨得好幼滑一d都唔稀係好杰身既最正係唔太甜以前試過食一間甜品店個芝麻糊甜得滯食完覺得太漏唔舒服仲嘔翻哂出黎跟住搞到我對芝麻糊既熱愛情度減少咗好多但今次食完之後重新燃起翻對芝麻糊既喜歡回頭度：10/10

今晚約咗朋友食完晚飯，直落再去按摩，按完摩之後發覺好肚餓，於是去咗翠苑度食糖水，舊式糖水舖係香港已經越來越少，仲要係咁貴租金嘅銅鑼灣見到更係難得，而家D甜品店一碗中式糖水平均都起碼要賣$25，翠苑真係良心店收費好合理，最平個款糖水都只係$17。我最鍾意食紅豆沙，見有芋丸於是叫咗個蓮子百合紅豆沙芋丸，紅豆沙唔係好甜，而芋丸又好煙韌，好味😋

要說性價比高的中式糖水鋪非翠苑莫屬，以前他們未有分店時，便經常去北角朝聖。最喜愛頭三名糖水包括腰果糊、杏仁糊及芝麻糊，質感細滑而略帶微甜，十分適合追求健康的都市人。當中腰果糊更是假日限定，只有星期六日才供應。近日秋風起，手腳容易冰冷的我便點了另一款傳統糖水-蕃薯糖水。甜度適中略帶微薑，身體頓時變得和暖，所以說薑真的是女人恩物，哈哈，扯到題外去了。有驚喜的反而是兩粒芝麻糖圓，糯米皮做得相當煙韌，大大粒口感豐富。店內環境簡單整潔，只是服務有點像澳牛，最好還是在門外想好食什麼再入店內較好。

今日與媽媽出外走走, 我很喜歡舊式甜品, 之前經過發現這點經已一試愛上, 今日又途經這裡, 當然要 ENCORE!平時夜晚黎係要等位, 但因為今日係下午茶時間, 可以不用等!我叫了我最愛既腐竹白果, 另外老闆娘推介只有星期六日才有既腰果糊!腐竹白果足料, 好多白果, 但佢地既腐竹係沒有溶開那種, 相信有D朋友會喜歡溶開哂那種, 但我就無咩所謂!腰果糊吾會太甜, 做到好杰身, 正!最重要係即使在銅鑼灣, 但價錢依然杷當便宜!

開OT開OT日日都要開OT⋯⋯真係攰到冇朋友。晚晚開OT開到九點幾十點想約朋友食餐勁嘅都冇時間仲邊有胃口食嘢吖。經過呢間傳統糖水舖，不如叫返碗糖水潤潤兼醫下肚啦！我叫咗個番薯湯圓糖水又真係幾好味，番薯夠林夠香，芝麻湯圓又大粒又好味，連個糖水嗰個薑味都恰到好處辣辣地甜甜地，正啊。$24又搞掂一餐，今日有甜品食獎勵下自己，都算辛苦中都有一點甜呀吖

在總統戲院看完蟻俠2:黃蜂女現身後，朋友指著斜對面的翠苑甜品專家，問我有興趣吃腰果糊否，我當然有，這麼特別的糖水。朋友說腰果糊只有星期日才供應的，今天正好是星期日，所以我有機會一嚐。一入店內，我和朋友都跟店員阿姨下單要腰果糊，她問我們要熱的還是凍的，朋友說不是只有熱的嗎? 因為他在北角店吃的只有熱的，沒有凍的供應。雖然有凍腰果糊，我們仍要熱的，主要我們都被大雨淋濕，想吃熱的暖身。熱呼呼的腰果糊立刻送到我們眼前，腰果糊看起來非常細滑，即使我用匙羹不斷攪拌，仍然保持光滑。當我嚐第一口，超滑溜的腰果糊，味道濃香，沒有渣滓，相信下了不少功夫才這麼滑，甜而不膩，只賣18元一碗超便宜呢。