翠苑甜品專家 (Closed)

相信大家去到銅鑼灣....都會覺得係呢一區食嘢一定好貴....老實講....如果係呢一區食糖水我相信...粗粗地食碗紅豆沙都起碼要30-40元左右....點知今晚來呢間糖水店....真係平到你唔信睇過門面都係比較懷舊嘅糖水店...我相信係香港都已經買少見少啦...淨係睇到啲價錢....都已經覺得抵到爆炸好耐未食過唔使＄20嘅糖水仲要喺銅鑼灣呢啲地區叫左碗芝麻湯圓....雖然個糖水冇乜味道....不過啲湯圓尚算軟滑但係呢個咋喳就差左少少.....因淡而無味....而且好似放咗喺雪櫃好耐咁我老友就叫咗碗桑寄生茶...佢話都唔錯唔太甜...而且都幾足料

沒有最差既服務態度，只有更差！同朋友行完見到間糖水舖諗住黎試下，一坐底個店員就黑住面問你食咩，好似好趕時間，都明既始終都係繁忙時間。叫左碗西米露，同佢講話要熱，佢好唔耐煩咁答「涷啊」，以為佢問我係唔係要「涷」，就答返佢要熱啊唔該，點知佢勁大聲鬧返我「西米露得涷渣啊姐！」，我當堂嚇左嚇，心諗你一早講「得涷架」咪得囉，你又要簡化你自己既說話又要人明！個下心情超差，但朋友叫左既糖水又上左台面，想走又走唔到，惟有忍埋啦啦聲食完走。點知埋單個陣，同朋友計好數走去比錢個陣，另一個又係黑面既店員又話我比少錢，我心諗我對住張menu計都錯，就走去諗住拎張menu睇清楚個價，個店員仲大叫「唔洗睇啦，你係比少左就比少左」，當下火都黎，嬲到震，好似我想食霸王餐咁，成間店既人都望過黎，個種場面完全好𤓓好冇面！另一個黑面店員細細同佢講「你計錯人啦」，佢先黑口黑面咁收錢！連道歉都冇！我明，咁細間糖水店唔應該同佢講咩「今時今日咁既服務態度唔得架」，但都唔係好似個客爭你幾百萬既樣啊！我食野都係想放鬆下心情姐，唔係比錢買難受囉！我自己本身都做服務業，都明白你點對人，人就點對你，但可能佢覺得自己多生意，唔在乎人地點諗啦，

後生時，飯後甜品都想揀咗新奇、刺激、好玩的，唔潮唔揀。但人大咗，身體冇以前咁好，口味又變埋，宜家鍾意食番啲滋補的中國傳統糖水。今日銅鑼灣飲飽吃醉，但偏偏仲想吹多幾吓嘴先返家，就去覓食甜品。由於對銅鑼灣和甜品不太熟悉，朋友就推薦港島的老字號“翠苑”。養顏杏仁糊，冇錯，我又係揀咗杏仁糊，大家唔好睇錯，啡色果碗先係，點解？？因為翠苑是原粒杏仁磨成糊的，所以唔係白色囉。杏仁糊，水準一流，香、滑、正！！芝麻糊燉鮮奶，好神奇的燉奶，燉奶中竟然有芝麻糊，我們初初還以為是燉奶上放上的，！！呢款甜品的評價如何？？一試無防，食多幾次又何防

Was wondering around causeway bay with my friend after dinner, and looking for dessert. My friend recommended this dessert place for cheap but good quality Chinese desserts.We both ordered Walnut soup with milk pudding ($20). The milk pudding was not as smooth as I imagined, but the taste is rich. For the walnut soup, it tasted nice and thick, but I hope the portion is larger.

今日係拍拖3週年，話哂係拍拖3週年，食野又點可以HEA呢？食完個豐富的生蠔大餐之後就黎左翠莞食糖水喇！呢度的糖水款式都比較正路，我就揀左個杏仁糊，養顏丫嘛！女友就揀左個芝痳糊燉鮮奶，睇下邊個好食d！點知各有各好食！味分天下！！

同朋友J,龍兄食完晚飯, 點可以唔食個糖水呢本身覺得, 去銅鑼灣食糖水一定好貴啦, 地段貴, 人又多, 肯定又貴又要等啦龍兄果然係食家, 一問到有冇正靚正糖水介紹, 佢二話不說就介紹我地去利苑, 行過左SOGO, 轉個彎就到, 好方便.一睇餐牌, 真係幾平. 今時今日要搵十幾二十蚊糖水真係唔易我叫左芝麻糊, 食落去真係好香好滑, 食得出係真材實料, 甜而不膩龍兄叫杏仁豆腐花, 好滑, 配合得好好總結黎講, 糖水非常傳統, 平靚正

銅鑼灣食甜品有大把選擇，中英美法日再cross over既比比皆是，但要食番碗簡簡單單既糖水反而困難，因為租金昂貴，唔整色整水又點賣得起價喎，難得翠苑係銅記開分店，呢間野既糖水好簡單直接，花生糊丫、芝麻糊丫同埋相入面既合桃糊，全部都係傳統大家由細食到大既款式，絕對你係一睇餐牌就知佢咩胡蘆就係賣梗咩藥果款，但勝在真材實料，絕無取巧造作。好似呢碗合桃糊，甜度同糊度適中，入口順滑，合桃既堅果香味突出，反樸歸真值得一試。

現在糖水店越多越多，而且花款也越來越多種類。無論是中式的還西式的，已經演變得很多變化。現在傳統的糖水店好像已經不多了。這家翠苑在很多地方都開了分店，他們家價錢又不貴，最貴的大概20元左右。餐牌如下: 這分店開在銅鑼灣，跟朋友逛一下累了進去坐一下，他們的坐位不會太迫，聊天不錯的地方。腐竹薏米 $15才15元，真的好便宜。味道還算正常，不會太甜。蕃薯糖水湯丸 $23附上兩顆芝麻湯圓的蕃薯糖水，吃完身體好暖和。姜味好濃，不錯。

係銅鑼灣 約左朋友 點知條女遲大到 跟住附近行下見到呢間隱蔽糖水鋪🙈價錢超抵 10幾蚊一碗 梗係入去試下先講啦好多款糖水俾你揀 最平15蚊有交易最係又平又正 不過對於有選擇困難症既我 揀左腐竹雞蛋糖水👅👅整體來講有小小微甜 都唔錯架啦港島區居然有甘抵既糖水鋪下次會再光親😁🤘🏻

朋友生日.. 叫左我地去佢PARTY咁我就約埋其他朋友一齊上啦..有一個遲遲未到...係無野做情況之下... 我地就去左翠苑食個糖水喇..去到基本上又係滿座...同人搭枱咁當然唔緊要啦我地一坐低.. 叫野上埋野... 10分鐘姐姐問我地可唔可以食快d... 出面有人等5人位...真心有點無奈.. 即是.. 我地食完一定即走但都唔洗快到咁好.. 講返糖水...腐竹蛋糖水足料, 味道亦唔係好甜岩哂我但係.. 隻蛋就出左事應該煮得太耐... 硬左d...食左幾啖已經想停

銅鑼灣景隆街26號地舖 今日工作關係在銅鑼灣人頭湧湧的街上等人。那人又勁塞車，遲大到，怎辦？ How about 坐下飲杯coffee? 但我又不飲coffee, 咁點算？與其去茶餐廳，不如去糖水鋪⋯⋯ 在景隆街閃了入一間糖水鋪，這裡糖水都是十幾蚊，可以一路食一路等人，又好飲過D奶茶咖啡。 今晚約了個舊老板亦是客食飯，不敢食得太飽。 於是叫了碗桑寄生紅棗茶，都不敢叫蓬子同埋蛋，驚太飽。 嘻，就這樣坐了差不多一句鐘，等那位人兄到銅鑼灣。開會不到15分鐘，又要飛過去九龍塘。但我是很樂觀的，發生什麼事也可當沒事！ 但糖水鋪，真是等人的好地方，特別是遲大到那D。

There are many dessert places in Causeway Bay but there is not actual old school style dessert place. You know the type: red bean dessert soup, green bean dessert soup. None of those things added with ice cream, mochi or anything else. Just the way you mom makes it.Tsui Yuen Dessert is just such a place. A few years ago, they had a shop in Causeway Bay, near the Times Square tram stop where I would be tempted to have a bowl before taking the tram home. But rent increased and it closed and moved

第一次黎呢到食糖水，一入到去坐下發現位置唔太好就換第張枱，店員面口已經唔好，企係我隔離不停問食咩我叫左個桑寄生茶，佢話賣晒我再睇個餐牌，但由於糖水選擇真係太少，我又決定唔到食咩，個店員就開始黑面，但又企係我隔離唔肯走開，不停問要食咩過左幾分鐘，佢用好差的語氣再用手指不停敲枱問：［食咩呀！］我情急之下就叫左個腐竹雞蛋碗糖水入面d薏米好似仲多過西米露入面d西米成碗糖水仲［傑］過粥，我食左兩啖已經滯到不得了，最後返到去仲胃痛！絕對不會再光顧呢間糖水鋪！

約左朋友去massage，時間未到本想找家茶記飲杯野，點知行經景龍街原來開左間翠苑，二話不說即刻拉友人入去。翠苑的北角分店我已光顧過N次，喜歡他們的中式甜品夠傳統，實而不華。銅鑼灣店是第一次，依舊簡潔的格局，我點了桑寄生蓮子茶，友人點了腐竹薏米雞蛋。兩碗糖水黎到時都好夠熱，呢點對於我來就都幾重要，最怕點熱野唔夠熱凍野唔夠凍。桑寄生蓮子茶，有著淡淡桑寄生香氣，剛剛好唔會太濃，太重桑寄生就會帶苦澀，甜度剛好唔會死甜，蓮子夠鬆夠軟，飲完覺得好潤喉舒服。腐竹薏米雞蛋，我嘗了一點，成碗都有腐竹片，唔似有些店煮到好似豆漿咁。腐竹好香滑，薏米同樣夠鬆軟，好味。

我和VIC先生傾得意猶未盡, 於是我提意和他去吃甜品。來到翠苑甜品銅鑼灣新店。雖然西式甜品無論賣相, 品種和味道也較多元化, 較吸引。但也無礙我對中式糖水的熱愛。這間翠苑甜品是如其他分店裝修一樣簡潔。我選擇了令人百吃不厭的 芝麻糊燉奶 $20熱辣辣糖水迅間放在面前質感Q彈如昔, 蛋白比剝殼雞蛋更滑 , 白中透出一點黑勢力。吃過也清楚步驟先試蛋白, 再試芝麻糊, 隨後再將兩者混合。而黑芝麻香味撲鼻, 味道香而不濃, 棉棉的芝麻糊和滑溜溜的蛋白合而為一,直滑入喉嚨中, 且甜度適中, 名乎其實是 快, 靚, 正的中式甜品。