翠苑甜品專家 (北角道)

Open Now

Now Closed

之前吃過， 糖水一般， 最為普通既糖水質素， 諗住方便就打電話去叫外賣, 都未講完食咩， 服務員就開始無耐性, 急急腳叫你食 合桃糊 ，本人原本想叫杏仁茶， 唔知點解要迫人食咁, 而且人品極沒禮貌， 個中年阿審語氣兇惡，講講下話餐廳好忙，叫本人不要打去叫外賣，想吃直接去店買， 未落完order 就 Cut 人線，以後不會再光顧...

🥢北角傳統老字號中試糖水🥢在港島區有五間分店的中式甜品店，來到北角呢便食飯，點可以唔試下呢間的糖水呢🥢蕃薯糖水湯丸$25蕃薯煮得熟透軟棉棉，入口即溶，應該經過長時間去煮熟，薑味不算太辣,個人鐘意勁薑辣的感覺，但呢個算剛剛好，湯丸皮質感好軟熟，整體來講很不錯🥢合桃糊燉鮮奶$22燉奶功力很好，上檯時非常彈熱辣辣，燉奶內充滿很多合桃糊，兩種味道溶合，是很好的配搭🥢見到這店在op 上有很多差評，都是來自服務，所以進店時心態上有少少調節，用去澳牛光速餐的心情去食，諗定食咩，坐低即叫，食完即走🥢當去到坐底時其實又無咩嘢，只是啲姐姐速度真係好快，快手落單，食完即閃，今次沒有不好的感覺翠苑甜品專家 網址: https://s.openrice.com/QrbS0b2y000~u1QEIAA地址: 北角北角道13號地下電話: 31041528

不知所謂嘅職員今晚去買紅棗桑寄生蛋茶外賣, 佢舀完之後已經覺得怪怪地, 多口問一句佢係有蛋喺𥚃面啊, 兩個阿姐勁串咁話’你叫桑蛋我地就俾桑蛋你, 你嗰個係$21㗎嘛, 有蓮子嘅係$25’, 返到屋企一開蓋, 說好了的桑蛋呢? 佢哋根本無俾蛋我, 打返去問佢仲要串咀地反駁話$21呀係唔係俾左蓮子你呀, 真係蓮你個頭, 得紅棗咋今晚如果唔係唔想行咁遠去天后買真係唔會幫襯就算以後成個炮台山同北角淨返佢呢間野都一定唔會再幫襯佢

北角呢間舖d員工服務態度差，掛住傾計，我同佢地講要拿走同比咗錢先轉頭去拿甜品，佢地收咗我40蚊找返我15蚊，當我去拿返甜品時，嗰位職員好大聲咁話我未比錢，要求我再比25蚊佢，我已經多次同佢講我已經比咗錢佢，佢緊持話我無比錢，我決定已後唔會再幫襯！

服務其實一直都不好，但因為近家所以才會光顧，今天找錢的時候，因為是給500元紙幣，他先給了我87元，但口中說100元，我禮貌地說了一句這邊是80元，大媽瘋了一樣一直罵我說我看錯什麼什麼，我忍不住回了幾句，又一直追罵我⋯⋯她在店內已經對好幾個客人呼呼喝喝，人家加單又罵人能不能一次性下單，沒說冷熱又罵，當客人不是人我出門口時有個男人安慰我別生氣，吃飯要開心，看起來這不是第一次發生的事食物無功無過

朋友問我吃過翠苑甜品專家總店的腰果糊沒有，那當然沒有，人生第一次嚐腰果糊，都是朋友帶我去吃的，當時所吃的那間是翠苑的銅鑼灣分店，第二次吃亦是銅鑼灣店。朋友說既然來到北角，就嚐嚐總店的腰果糊吧。翠苑的腰果糊只有星期六，日才供應，據朋友了解是因為人手問題，腰果糊生磨製作費功夫，所以只在周末，周日提供，今天正是星期六，正可吃到腰果糊。腰果糊19元一碗真的便宜，若光計算手工費也值回票價。腰果湖口感幼滑細緻，每口均吃到腰果的濃香，甜而不膩，十分溫潤，健康美味。

我同朋友七個人入去，場內得兩枱客，四五張吉枱。因為無大枱，所以問呀姐可唔可以拼一拼兩場細枱，講明食完會移返原位，但呀姐就立刻黑面，死都要我地七個人坐一張直徑一米既細枱，當下真係好想佢示範比我睇。七個人，我地疊羅漢呀？唔係好明點解場內四五張吉枱既情況下，係都要逼我地一班人坐，又唔比拼枱。如果唔係有外地朋友係度，真係想講句粗口走人。因為佢根本無當我地係客。同佢嘈多兩句，我地就唔理佢自己移枱。之後佢又唔gur咁，同另一個呀姐係咁催我地點糖水，澳牛上身咁，唔講真係以為你出面成村人排緊隊。但佢催我地點野之餘，自己又企埋一邊橋埋雙手，想叫佢過黎落單，又話你嗌啦我聽到。好喇，其實個呀姐最尷尬既地方係，佢有比澳牛過之而無不及既態度，但拍馬都追唔上人地既效率同技術。兩碗糖水拎過黎，一野就瀉出黎濺到朋友條裙，真係多謝哂。如果真係堅持要咁既待客態度，請係其他方面做得專業少少。講返糖水，我覺得呢間無近北角站出口果間翠苑咁好，味道偏淡和稀。不過可能係一肚氣關係，食到d野都唔同味啦。

下午5點幾，個肚又開始餓餓哋，想食番碗糖水暖吓胃，去咗翠苑，這裡已不是第一次來，下午茶時間食客不多可慢慢坐，今次點了杏仁糊加湯丸。杏仁糊加湯丸（$19 + $8）- 杏仁糊雖沒有太大杏仁味，口感尚算滑，不過甜過傑，湯丸是屬於軟糯而不是煙韌，皮算薄，黑芝麻餡幾香，整體感覺是一碗合格的糖水。這裡是傳統小店格局，沒有精美裝修，沒有殷勤招呼，賣的是付出相宜的價錢，換來對得住價錢的糖水，正正常常，穩穩陣陣。有時行到攰攰哋，只係想找個地方食少少嘢坐吓歇吓腳，這裡是最適合不過了（晚飯後糖水舖高峰期除外）。

市面上既新派甜品同糖水五花八門，偶爾都想食返家鄉嘅懷舊味道。合桃糊燉鮮奶 ($24)雖然食落奶味唔算特別濃，但燉奶整得非常幼滑。夾埋合桃糊一齊食就令到甜品既味道無咁單調，帶一點合桃既香味。整碗甜品的甜度適中，所以就算飯後食哂一碗都唔會覺得好濟好膩。椰汁芋頭西米露加芋圓 ($22)椰汁味香濃，芋頭同西味亦都落得好足料去煲，每啖都食到芋點粒粒好滿足。反而芋圓就比較失色，食唔出有用芋頭或者南瓜整出黎既味道，單純似係食緊唔同顏色無咩味既粉團。下次再黎會想試下比較特別既腰果糊，其他糖水舖都好少見到。

I maybe easy to find good chinese style dessert in other part of Hong Kong but not in HK Island. The problem is that the rent is too high for a desert shop so HK Island doesn’t have much choice. Even if there is one dessert shop, it always is a western style / modern fusion style. We finally found one we like, one with history. This shop has been running for ages , probably before i was born. The made the dessert/ soup with raw material in a traditional way. Food is a big part of chinese medicin

來北角探朋友，吃完午餐，轉個場再來下場吃個糖水！胃的空間不多，就來吃中式糖水吧！糖水款式好多，花多眼亂，主打的是傳統的糊類、腐竹類、桑寄生、燉鮮奶等，最新推介還有芋圓類。還有介紹各種糊類的功效，吸引力大增！心大心細，於是問店員姨姨可否兩溝，原來可以喎！於是貪心的兩個人要了芝麻溝合桃糊、杏仁溝合桃糊。原本以為是會溝到太極圖案咁，但現實係我地諗太多了，兩溝就是好求其咁兩種糊裝在同一個碗內，哈！可以加點想像力，想像成雲石圖案，咁都幾靚既…至於味道，唔算太甜，正正常常，兩溝的話合桃糊的味不算太出，芝麻/杏仁味出啲，平平地都幾抵食既。

發覺香港愈開愈多西式糖水, 反而中式糖水愈來愈少。其實中式糖水很博大精深，除了味道之外，大部分糖水都有其藥用價值的。例如:桑寄生蓮子蛋茶可以行氣活血、強壯筋骨、降血壓、潤髮、潤膚之效，配合營養豐富的蓮子，更有補脾止瀉，清心養神的作用; 黑芝麻糊由於含有大量維生素E，會讓肌膚保持光滑柔嫩。 翠苑係其中一間有連鎖店的傳統的中式糖水店，簡簡單單的裝修 幾張枱 。我們二人點了芝麻糊和湯圓。芝麻湯圓 湯圓皮薄少少煙靭不黏牙, 芝麻餡一咬～流沙湧出。至於糖水其實是薑汁蕃薯糖水 但薑味略嫌太淡和太甜, 有點失色。整體來說都有3.5/5 芝麻糊 這個看似簡單其實很考功夫的一糖水，但個覺得非常失望, 芝麻糊質地傑撻撻 像漿糊一樣，幸好芝麻味都足夠。食落像雜貨店買的芝麻粉沖水出來，百佳買的現成芝麻糊還好吃。整體只有1/5

約了幾位朋友慕名前來光顧，最後一肚氣，想要多一隻碗仔與朋友分享所叫的甜品，店員竟然拒絕，說是老闆規定，以免洗多咗一隻碗！最後唯有付費購買一隻外賣碗，不可思議啊！哈哈😄！連快餐店大X活、大X樂....等都不如，一定不再光顧！

冬天食糖水都係食中式糖水最好，暖胃得黎又好味，係冬天一大享受！今次同朋友試咗三款糖水。合桃糊燉鮮奶/芝麻糊燉鮮奶 $22 燉鮮奶就食得多，燉鮮奶裏面有合桃糊/芝麻糊係好少見，師傅用方法將合桃糊/芝麻糊注入燉鮮奶當中，讓食客可以同時有雙重享受。燉鮮奶夠滑嫩，甜度適中，奶味香濃，令人想一啖接一啖！至於合桃糊同芝麻糊，合桃同芝麻磨得非常幼細，口感柔滑，果仁味香，feel 到係真材實料，唔似得某些店舖用澱粉濫充其數嘅劣質甜品。燉鮮奶本身已經好好食，可以根據個人喜好選擇合桃糊或者芝麻糊。（注意：非常飽肚，如果係食飽飯去，最好同朋友share）首創健脾補腎腰果糊 $19剛好係星期六晚， 能夠試吓呢個星期六日限定嘅甜品，健脾補腎一下。原本以為腰果糊剩係得腰果一種材料，但食落口發現有浸藥味，帶點微酸，應該係有放藥材同腰果一齊磨成粉製成甜品，至於係咩藥材就無從得知， 有興趣知道者可以問吓店家。哩個甜品口感柔滑，甜度適中，正常發揮。至於係咪可以健脾補腎就見仁見智啦。

雖然這家一直都沒有很喜歡，但因為最喜歡的都不在家樓下附近，而我媽也蠻常買它外帶，所以這次就來一碗黑芝麻燉蛋。原意是吃黑芝麻糊，只是害怕不好吃，像別家我吃過是非常油跟難吃，所以便配燉蛋，就算不好吃，也不用吃太多哈哈。然後它的黑芝麻燉蛋很特別，是燉蛋中間注入了一些芝麻糊，蠻新奇，也很好吃。不過就覺得小小的一碗就要22元也真的太貴了！明明從前的中式塘水是大概10元就有交易了！（暴露了年齡了嗎XD）