台南•台男

Open Now

Now Closed

今日去開炮台山經過呢間小店，即刻就俾呢間店舖嘅名吸引住，望住Menu嘅我苦思到底食咩好？平時都會食到滷肉飯啊鹽酥啊照燒雞等等，所以我並唔打算食呢啲平時就食到嘅嘢，於是我嗌咗特色烤肉飯，就等我睇吓特色烤肉飯有幾特色啦！返到屋企打開飯盒一望，已經見到精心鋪排嘅食物引誘我快啲去食佢，見狀我當然係先比我嘅手機大人食咗先啦🤣如果唔係點同你哋分享呢？首先，講吓佢個面，食落去有啲似幼身版嘅烏冬。跟住飲咗一啖佢嘅湯，湯底係較為清淡嘅豬骨湯底。再嚟講吓佢嘅特色烤肉，選用咗連骨豬扒，食落更加有味道！微微嘅辣加上麻油嘅香，深深地衝擊住我嘅味蕾，豬扒烤得啱啱好，唔會好柴好乾，亦都唔會燒得唔夠喉，真係好正啊！用嚟裝飾嘅菜呢就略微遜色有少少苦澀，不過通常啲人都唔會食㗎啦🤣係影相嗰陣時靚啲啫🤣最後就係個糖心蛋，對我嚟講，真係完美嘅糖心蛋啊！蛋黃冇熟到蛋白就熟晒Perfect！如果俾我煮一定會成日煮過頭啦🤣呢間舖頭值得我比10分裏面嘅9分！（好難要我俾到一間舖頭10分🤣）依家我就將呢間咁好味嘅舖頭推介俾你哋希望你哋會嚟試吓啦！呢間小店值得更加多人知道！

如果唔係有人介紹，一定會錯過咗呢間台灣小店！原本唔知行入內街有呢間小食店！鹽酥雞新鮮即叫即炸，拎上手都感受到陣溫度，同出面街預先炸定嘅完全唔同！一啖咬落去！外脆內肉嫩！又超大份！味道岩岩好，唔會太咸，既食到外皮嘅咸香，又食到多汁嘅雞肉！口感好好，炸粉厚度岩岩好，唔會厚到好似食脆皮咁；調味粉亦均勻沾滿，唔會一啖好咸，另一啖又冇味聽講手抓餅都好好食，下次一定會叫嚟試吓！！好可惜自己冇留夠肚去試食埋😹

台男滷肉飯 $48滷肉肥瘦相間，配上熱騰騰的珍珠米，口感一流。每碗滷肉飯更配上台灣香腸、小青瓜、滷豆腐及流心蛋。美味而且份量充足，值得一讚！鹽酥雞小食拼盤 (鹽酥雞+台灣腸+甜不辣）$60小食拼盤更令人驚喜！鹽酥雞名副其實，酥脆可口，即使隔了一會兒再吃也不會影響口感。甜不辣外脆內軟糯，非常出色！台灣腸味道正宗，與台灣夜市相比也不遜色。這間台灣小店食物出色，價錢相宜，絕對值得推薦！👍下次再來會試試其他小食😋

滷肉飯足料，一碗價錢都有曬台灣腸，豆腐小食拼盤超驚喜，鹽酥雞好酥脆，仲好食過台灣啲夜市正宗台灣人主理，所有食物用心製作，價錢十分合理第一次寫食評，因為唔想呢啲用心小店再比啲連鎖垃圾集團搞到消失曬，唔好食嗰啲又貴仲要屹立不倒希望多啲人認識同支持下呢間小店🫶🏻

第一次幫襯，結果有驚喜。我外賣自取左個set（鹽酥排骨飯÷炸花枝丸+蜜桃烏龍）。一望個飯盒，d食材鋪得幾靚，各樣配料係明顯有心思地擺放。個排骨飯配料有肉燥.溏心蛋.豆腐.台灣腸.青瓜，而且碗中的 「排骨」，並非我想像中茶餐廳切成一粒粒的排骨，其實係一塊帶骨的鹽酥豬扒。最欣賞係塊豬扒切得好好，條邊骨同塊肉係切開左的，咁吃肉時就真係啖啖肉，而吃骨的時候也很方便。至於炸花枝丸，好香，入面食到花枝肉。而個蜜桃烏龍，係罐裝飲品，蜜桃味香甜。呢餐好滿意，也好滿足，絕對值得再次幫襯。

最近聽說有新開的台灣便當店，身為在香港的台灣人當然要去支持一下，菜單算是經典的基本款，充滿台灣元素的滷肉飯、牛肉麵、鹹酥雞各式小食通通都有，點了一碗滷肉乾拌麵，看起來味道濃郁，而且份量十足，本以為擔心會吃不完，沒想到吃入口卻挺清爽，有嚼勁的麵條掛上香濃滷肉，還有糖心蛋跟青菜轉換口味，讓本來味道樸素的拌麵，一口接著一口，簡單卻又乾淨，吃的不是一餐飯，也是一天的好心情，很久沒有吃到這樣的台灣口味，下次肯定再來試試其他不同的餐點

公司附近新開嘅台式小食店，見有好多選擇: 滷肉飯，鹽酥雞、排骨, 紅燒牛肉麵，都係地度台灣美食。價錢也非常之抵。點咗鹽酥雞飯, 配菜有半隻糖❤️蛋, 豆腐, 滷肉, 青瓜及用珍珠米。炸雞係新鮮炸、鬆脆肉汁鮮嫩，非常美味。水準非常之高的小店, 店員友善又有禮貌。午餐外賣又多一個好選擇。一定會再幫襯。推薦！

lunch time 諗食咩係一件少少難嘅事 唔知大家有冇同感🤣 見到呢間台灣野價錢都算合理🙂💁🏻‍♀️鹽酥雞排骨麵 $58 + $2 道地蜂蜜綠茶🐝💛排骨炸得好香脆🤤 而且仲保留到少少肉汁 份量都唔少 開心🤩 麵質有口感 唔會太腍 溏心蛋都唔錯 仲有幾條菜👍🏻 食落冇咁膩👍🏻 等咗10mins 就有 唔算太耐 絕對會再encore 下次會試下佢地啲小食😛

住係炮台山一排，試左好多間台灣野食，今日就去試新開嘅「台南，台男」，我見有幾張枱凳，可以係度堂食就試下先。叫左個「「台男滷肉飯」$48，賣相都幾好，有半粒蛋，豆腐，台灣腸，酸青瓜。滷肉好淋，好入味😍😋😋+珍珠米🥰仲有一份「香口鹽酥雞」，外脆內嫩，肉質滑，咬落去之後，有汁😍😋😋平時唔寫食評，但見佢地open rice 一張相都未有，就寫下先😂😂簡簡單單嘅一間鋪，店員服務態度又好好，又有份用心製造嘅廚師，好想推介俾大家👍🏻👍🏻👍🏻

平時放lunch公司附近食既餐廳都食到厭，行行下發現新開左間台灣食店，係門口睇下有咩食既時候老闆娘走出黎介紹，話新開張試業，我見都有人等緊外賣，咁就試下啦！食台灣麵要試一定試食紅燒牛肉麵，我只可以話，好彩有試到，有驚喜佢個台男番茄紅燒牛肉麵湯底真無好濃好好味，D牛肉又好淋好入味！誠意十足 一定要俾下意見支持一下小店 係喎 送左一份小食唔記得影相，地瓜條真係好有地瓜味 即炸又脆又熱 我下次一定會去試試其他野食 哈哈