屯門咖喱屋

Open Now

Now Closed

見網上啲人話屯門好出色既咖哩，特地走去試下有幾出色。6點幾已經過到去，可能未到食飯時間 唔洗等仲有得揀位。餐廳環境有小小暗叫左個二人套餐 有小食，湯，二款咖哩，白飯，烤餅同野飲 $185咖哩唔太辣但好香，撈飯一流咖哩同飯都清晒小食都幾香口，算不錯無食過真係正宗既印度咖哩 唔知呢間係咪正宗 但感覺良好幾好食🤙🏻

🚩屯門🥘屯門咖喱屋-位於置樂, 性價比高既印度咖喱餐廳!!! 午市呢段時間都多人, 所以都等左10至15分鐘先入得, 不過侍應會係你入之前問定你食咩, 減少等待美食時間👍🏼整間餐廳嘅侍應都係印度人, 感覺好正宗xd-🥘精選午餐 - 咖喱雞 $45只係$45, 就可以享受湯, 蔬菜, 薯條, 飯, 咖喱, 烤餅, 餐飲, 勁扺食!!!✅份量, 種類都好多! 咖喱微辣好惹味, 雞肉都大大舊, 餸飯餸薄餅一流, 自己更喜歡吃烤餅, 同咖喱係perfect match. 薯條係M記薯條嘅粗版, 雖然口感無話好特別, 但滿滿的碳水, 所以食完係勁飽勁滿足!!!❎湯係普通茶餐廳例湯, 冇咩特別. 蔬菜個部份都比較求其, 係粟米豆蘿蔔😂餐飲其實想要拉茶(好似雜技將茶拉到好遠嗰款), 但叫咗奶茶, 結果好水, 幾難飲, 下次試吓拉茶-整體性價比高, 份量同咩都有d完勝. 勁岩大胃王同澱粉控去食嘅餐廳!!-

屯門置樂一帶小店林立，其中一間我已經食了十多年，味道品質始終如一，不時還會回頭回味一番！咖哩屋位置雖然遠離屯門市中心，人流卻不少，幾乎滿座（主要是學生）；餐廳是地鋪，但空間其實不大，典型的印度咖哩店設計，帶些許異國風情，氣氛頗為悠閒。餐枱有不少方便多人的大枱，加上人流不少，若只有一兩位，搭枱機會不少。午餐咖哩牛舌飯 ($45)首先有雞肉餐湯，味道偏咸，但可以接受。主菜看到第一眼就是大，銀色的金屬碟，堆滿了咖哩、飯、薄餅、薯條和雜豆。咖喱味道香濃，略有辣味，牛舌煮得夠腍，而且鬆化入味，薄餅是預先製成的，所以不算熱，偏腍，不過加錢可以轉成煎餅；份量非常足夠的，十分飽肚，抵食！咖哩有質素，而且價錢超值，即使價錢由十幾年前的二十幾逐步增加到現在的四十五元，一直都是抵食之選。即使在區外，特地前來一試也值得考慮，推薦！

成日都聽屯門人講要試呢間咖喱，今日終於試到啦。餐廳侍應全部都係印度人，但用廣東話溝通完全冇問題😂👍🏻👍🏻一點半嚟到，都唔少人喎，好彩唔洗等位☺️我叫咗咖喱牛，牛腩嚟，煮得啱啱好👍🏻有咬口，但又唔會話咬唔開。咖喱辛辣度對我嚟講啱啱好，又好香。唯一唔好就係薯條唔夠熱，有啲淋咗，冇咁好食。份量超級大，有飯又有餅，我最後都食唔晒啲飯。如果唔係太大食建議叫少飯，唔洗浪費。價錢唔貴，份量夠大，味道又幾好，一定會再嚟食😋😋😋😋

好多人講呢間店係正宗印度咖喱，我就未去過印度，所以好難斷言是否正宗不正宗，因為自己都無從查證。埋位坐低時，Staff已順手地擺低例湯，跟住我地邊飲湯邊睇餐牌，呢種體驗幾好。唔會話落單之後，一炮過出晒湯同飯咁，所以我都幾認同呢個做法。講返個湯係雞湯，飲到底會見到栗米粒，難怪碗湯咁清甜我order呢個係咖喱牛，如圖所見好大碟，有飯、薄餅、薯條，一次過滿足三個願望。薯條係比較遜色，可能習慣食茄汁關係。薄餅點咖喱都唔錯，不過見朋友加錢轉手抓餅，頓時覺得自己蝕咗...事關手抓餅係再焗過，鬆軟得多！至於個飯撈汁食好好，雖然牛肉只得3舊，不過相當夠味，至少自己唔會覺得被搵笨。註：落單時我用英文講，印度既staff會用中文覆單，感覺好好笑。

屯門咖喱屋位於屯門置樂附近，呢間餐廳係印度人開既，佢地都識講少少廣東話，所以溝通吾成問題！店內燈光偏暗，坐位簡陋，環境不過不失啦，都有種似係印度當地食野feel,我order左咖哩魚，個碟大到呢。。同朋友一齊食，兩個碟加埋長度仲大過張枱，而食物份量好多，有飯有薯條，有印度薄餅，有湯，咖啡魚配薯仔，份量真係比個like味度方面，咖哩都偏辣，一路食要一路飲野去解辣，但味道好正宗，真係好正，所以非常滿意今餐

年初一這天，要跟媽媽在屯門置樂附近解決午餐，很多餐廳都沒有營業，差點想去快餐店，心想來屯門咖喱屋碰碰運氣，來到看到餐廳有開，lunch set比快餐店還便宜，便立馬進去就座。lunch set 連湯及飲品，才$45！印象中的印度湯都是用豆煮成的，有香料味，但這個卻似茶餐廳例湯，白透的湯內沒有其他料，有一兩粒雞肉，應該是雞湯吧。有點後悔沒加錢換拉菜，這奶茶普普通通。咖喱雞lunch set，好大一碟！有齊naan，飯，薯條，份量十足！咖喱微辣，Naan麵粉味好香，熱辣辣，蘸汁吃一流，媽媽大讚！就是蔬菜部分頹了些😅。我加了8蚊要咖喱牛，是牛坑腩來的！咖喱顏色比雞肉要紅一點，也再濃味些！足以令我們清晒所有飯餅及薯條！😋吃完，飽到夜晚都唔使點食野，好抵食！

读书时常常来吃这个印度料理，可以說是中學時代的回憶，，今日再次試吃味道果然一點都沒變，畢業了五年回到這裡，感覺又回到了中學時代，這家店大概有10年了吧。還有表演拉茶☕️哦😍😍👍

平日lunch都帶開飯，見今日無帶要出街食，諗左兩秒就決定去食屯門咖哩屋，因為食過覺得好味又抵食！今日過左最多人既時間，不過點半入去都仲有唔少人，但就唔駛等位。一坐低都唔駛諗就叫牛脷，其實平日唔太鍾情牛脷，不過就係鍾情咖哩屋既牛脷，覺得佢質感同味道都幾好！唔會太腍有d口感！一黎就飲碗湯先！次次飲親都係熱辣辣，今次都係，有雞肉的足料湯！飲到尾聲既時候主菜就差唔多送到架喇！牛脷既咖哩汗汁同雞既咖哩汁唔同，牛脷橙d，雞肉黃d，不過個人就鍾意依隻橙d既咖哩多d！之前食無咁辣，不過今日食就覺得辣左d，唔知係今日重手左定調整左以後都咁辣呢？不過我本食都食得下辣所以依個味道仍舊「正」呀！$45包湯包野飲..仲要咁大碟，重點係味道夠正宗！我係唔鍾意d豆豆姐..同埋薯條有時新鮮但亦有試過係凍左架，但就今次黎講，薯條係新鮮架！開心開心😃送上午餐餐牌一個😂

已經好耐無黎過屯門咖哩屋~平日既夜晚黎到連位都唔洗等~黎到兩個人就嗌左個二人餐有雞球有湯有菜, 兩款咖哩, 飯, 炸餅再加野飲咖哩係可以簡幾辣既 所以都唔怕會太辣~不過下次會嗌埋煎餅撈咖哩食!~

☆正宗咖哩☆屯門人必食#屯門咖哩屋 #正宗拉茶☕這間咖哩屋位於屯門置樂，由正宗印度廚師烹飪，吸引到好多人慕名而來！我自從食過一次，已經認定依間係我食印度菜既首選。 我趁早7點左右到達，到8點離開時外面已經大排長龍！ 晚餐2人$215(免加一)首先有炸物贈送每台客人先墊肚子，有兩款汁可以自選，我比較喜歡紅色酸辣口感，另外綠色味道清淡。套餐中鐵板雞作為前菜，用多種香料醃製後油炸，食落口不油膩而且肉質嫩滑。 加些檸檬汁更有更一番清新香氣。主餐我點左咖哩牛(+$7) 同埋咖哩雜菜。 咖哩牛既汁超好味，有濃厚既牛肉味，加上配有辣椒既紅咖哩，用來撈飯就係一啖接一啖，不經不覺就清空。咖哩雜菜中都有紅咖哩，但係吾辣，反而有香濃既椰汁味，入面有紅蘿蔔，青豆，豆角，蕃茄，椰菜，岩晒素食人士。套餐中既栗米雞湯十分清甜，食香濃咖哩後飲一啖，可以清清喉嚨同埋令個人暖笠笠，係依種秋涼天氣最岩飲!套餐附送既蒜蓉椰菜，醬汁加上不同香料，不會太咸而且有蒜香味，非常開胃。食咖哩點少得既係印度烤餅同埋正宗既印度拉茶☕。印度烤餅都係人手製作同埋烤制，加上咖哩牛既汁特別有印度風味。 我最最最最最最最愛食，人手製作係最特別。仲有

個人好鐘意食薄餅配咖哩，屯門咖哩屋的確有質素保證，而且好扺食呢個係薯仔薄餅同咖哩雞，味道值100分💯開頭見到兩樣野都好細份以為會唔夠飽，個其實佢一碗咖哩入面已經有4-5件雞，薄餅可能因為mix左薯仔，兩個人食都要將其他野食打包🤔

由中學開始食屯門咖哩屋，以前食學生餐先係2,30蚊。比起香港同日本咖哩，我最喜歡印度咖哩！一路都係食午餐，夜晚食過一次，但lunch set抵食好多！lunch set 40幾50蚊包餐湯，咖哩，雜豆，薯條，飯，烤餅同餐飲！餐湯係雞湯，有d咸但係講唔岀既好味😂咖哩我通常叫咖哩魚😋同埋唔食雜豆既，可以叫佢轉囇做薯條烤餅可以轉煎餅，如果2個人食，可以其中一個轉再share☺️2個都好味！最近轉左粗薯條，覺得以前幼個隻好食d！如果食得哂所以有野，係一定飽到上心口😂屯門中午必食👍🏻👍🏻

屯門人唔會唔識既 #屯門咖哩屋 🥘由印度人主理，要用英文溝通晚市2人餐好抵 $185 #免加一 有小食🍤湯🍵、有菜🥗、自選兩款咖哩🍛、飯及烤餅、2杯野飲🥂#咖哩雜菜 🥗有薯仔、青豆、豆角、椰菜花🥦等，都煮到林哂 唔會好大草青味👍🏿呢個咖哩椰汁味較重，唔辣 易入口😋#咖哩羊 🐑（要加$8）羊肉都幾多！煮得入味又稔😍但又保留到羊肉味😍愛羊既我真係食唔停口！呢個咖哩味較重 有少少辣 #鐵板雞 🐔雞用左大量香料整，雞件好滑，雖然係鐵板但唔會乾爭爭👍🏿一坐低 店員就攞黎比我地既炸物 說實話唔知係咩黎😂類似薯仔加麵粉😂套餐仲有#是日例湯 好搞笑😂中湯咁 好似淮山豬肉湯😂😂但又幾好飲既主食方面有#naan 四大舊 同白飯仲包2杯野飲 叫完唔洗5分鐘就有野食，服務態度亦好好除左香港人 仲有好多印度人黎幫襯美中不足係只收現金

屯門咖哩屋 Set Dinner HKD95。男朋友去屯門醫院interview完食啲咩好 一於去試下我一位屯門朋友推介嘅印度菜😙😝。一個餐包咗雞湯 串燒雞件 炸咖哩球 任何一款咖哩 薄餅同白飯。所有食物嘅味道認真唔錯 雖然呢個係一人餐 兩個人分嚟食都食得好飽😂 所以一份印度菜九十幾蚊 兩個人食飽實在唔太貴。就算係平時lunch好似都係三十幾蚊有交易。chicken soup真的很chicken 有啲似喺鄉下餐廳煲出嚟嘅中湯感覺 係真材實料嘅雞味唔係濃湯寶。加咗少少粟米粒 所以似粟米肉粒飯味道？？lol。其中串燒雞件味道 有啲似燒烤場已經醃咗嘅雞肉lol 不過係脆卜卜好多嘅版本 而且配埋檸檬汁更多咗一陣清新嘅果香酸味。 我同男朋友原本以為炸咖哩球係炸燒賣 個外表真係神似🐤🐤 咖哩味唔濃 炸至金黃色嘅嘅一口炸物 配上青檸醬同燒烤汁 味道認真唔錯 係一個令人幾滿足嘅前菜。牛脷有三塊 咖哩唔使多講 就係嗰種又鹹又甜又重香料又有層油喺面嘅食物 無論係配上印度薄餅定白飯 濃味食物配上白紙都係相當合適🐄。薄餅內部柔軟 層次分明 帶有明顯嘅麵粉味 隨意撕出合適自己嘅大小 用手去拎著件薄餅點咖哩 先係