屯門咖喱屋

Open Now

Now Closed

好多人講呢間店係正宗印度咖喱，我就未去過印度，所以好難斷言是否正宗不正宗，因為自己都無從查證。埋位坐低時，Staff已順手地擺低例湯，跟住我地邊飲湯邊睇餐牌，呢種體驗幾好。唔會話落單之後，一炮過出晒湯同飯咁，所以我都幾認同呢個做法。講返個湯係雞湯，飲到底會見到栗米粒，難怪碗湯咁清甜我order呢個係咖喱牛，如圖所見好大碟，有飯、薄餅、薯條，一次過滿足三個願望。薯條係比較遜色，可能習慣食茄汁關係。薄餅點咖喱都唔錯，不過見朋友加錢轉手抓餅，頓時覺得自己蝕咗...事關手抓餅係再焗過，鬆軟得多！至於個飯撈汁食好好，雖然牛肉只得3舊，不過相當夠味，至少自己唔會覺得被搵笨。註：落單時我用英文講，印度既staff會用中文覆單，感覺好好笑。