篤篤船麵 (荃灣千色匯) (Closed)

係荃灣千色匯行街，見到一間篤篤船麵既泰國餐廳，主打泰式船麵。今次叫左一個抵食二人餐$188，份量算多，夠晒抵食。首先前菜簡左泰式鹹蛋木瓜沙律，好足料，除左有木瓜絲之外，還有生菜、蕃茄仔、芽菜、蝦乾和青檸。唯一鹹蛋味道唔太出，被青檸既味道蓋過了。作為前菜很開胃，健康之選。主食可以簡兩款，簡左紅咖哩牛腩。牛腩既肉質炆得很鬆軟，很入味，而且又唔會好多肥肉。紅咖喱亦都不會很辣。泰式海南雞有三種醬料，個人比較喜歡辣醬。雞件不會太過肥膩，啖啖肉。小食簡咗沙嗲串燒，牛肉、雞肉各三串。燒得惹味，配上特製沙嗲醬，更加美味。有泰式船麵同白飯簡，小編簡左船麵。麵既份量很多，湯底味道濃郁，有大量芫茜同炸蒜頭令到湯底嘅味道更為濃郁。轉配飲品+$12 ，簡左荔枝味蘭香籽和泰式椰子水 。

牛魔王船麵 $58泰式牛魔王船麵 名副其實係鍾意食牛人嘅至愛 一定要點呢個 有選擇困難症嘅都可以揀 因為佢入面包含咗牛展、牛柏葉、牛丸、滑牛肉。真係勁個出奇蛋，一次過滿足你唔止三個願望。咁當然仲有蘿蔔仲、芫荽、炸蒜呢d調味料啦，唔鐘意嘅都可以叫店員走！除咗有咁多款牛嘅配料之外面底都有五種 分別係河粉、金邊粉、米線、全蛋麵、檬粉。雖然佢有咁多野餸，但唔代表佢差，樣樣都見得人，好好食慢煮牛柳濃湯船面 $78呢個應該係promotion入面勁推介 所以就叫左一個黎試下 黎到嘅時候 碗麵嘅湯顏色同一船麵差唔多 一樣係咁濃 飲落去同啱食嘅牛魔王船麵湯底不相伯仲。食得出好重牛味用左好多牛骨煲嘅湯！餸方面除咗滿滿嘅牛柳 仲有牛丸。牛柳真係超淋超掛汁同入味，口感係輕輕咬落去就可以分開塊牛，牛丸都彈牙有咬口同有牛味！小食方面叫左一份雞串 有3串好有泰國風味用埋甜辣醬好似真係係泰國食咁野食方面今次叫左凍泰式奶茶同柑橘檸檬茶，泰式奶茶好滑甜到啱啱好唔會過甜，金橘檸檬茶酸酸甜甜，好開胃解渴

今晚去荃灣千色匯行街街，路過見到<篤篤船麵>，呢間泰國菜嘅餐廳，之前都嚟過一次，不過主要係以食泰式船麵湯河粉為主，今次見到佢哋個餐牌多咗勁多嘢食，除左船麵，仲有海南雞、泰式豬頸肉、泰式豬手飯、泰式串燒、泰式沙律，連冬陰功都有！！仲要全日免收加一服務費，價錢勁貼地，好抵食吖！！～最後我哋order咗最抵食嘅$188二人套餐。散叫都有好多其它選擇，全部都吾貴又抵食。<泰式咸蛋木瓜沙律>木瓜絲入口非常爽甜，味道帶酸酸甜甜的感覺，同時亦伴有柚子的清新香味，可能酸甜味道較強，咸蛋味道不算突出，不過個人覺得整體感覺都幾持別，開胃好食。<海南雞>海南雞勝在已經去曬骨，而且肉質非常嫩滑，入口啖啖肉。<沙嗲串燒>泰式沙嗲串燒有雞肉同牛肉各三串，串燒烤得非常惹味好食，仲配有特製花生醬，花生味濃香而微辣。<紅咖哩牛腩>紅咖哩牛腩嘅肉質非常鬆軟，帶有少少脂肪，而且炆得又香又腍又入味，紅咖哩味道突出而不會很辣，好啱吾太愛辣嘅我。<泰式船麵>泰式船麵用上嘅麵底係幼身金邊粉，金邊粉嘅麵質較為爽口，入口嘅感覺充滿質感，湯底

估唔到食泰國菜都可以咁平，雖然佢叫佢篤篤船麵，但係入面都係泰式居多，二人餐真係好抵食。前菜：泰式鳳爪沙律 (7/10）😍🤤一上菜就覺得好大份，啲鳳爪嘅數量都好多，味道酸酸甜甜，好開胃。秘製豬頸肉（7/10）豬頸肉嘅數量好多，另外再用火槍烤過，睇得出係有心機整，配上個甜酸汁，送飯一流。紅咖哩牛腩(8/10）估唔到紅咖哩配牛腩係咁夾，另外佢擺落去嘅薯仔都有煎過，紅咖哩唔係好辣，都幾啱我啲唔食辣嘅人。泰式生蝦 (9/10）成長覺得最抵食就係生蝦，一上數左有八隻，雖然蝦嘅大細係偏細，但係作為一個套餐入面嘅小食真係好抵食，食物嘅味道都新鮮，建議連埋蒜同辣椒一齊食。串燒牛(7/10）呢個就另嗌嘅，本來唔知道咁多所以另外嗌咗串燒，串燒味道都好正常。船麵(7/10）個套餐嘅主食，個湯底都幾濃郁。

今日同朋友去荃灣行街，行咗一陣想搵啲嘢食下，於是上OpenRice望吓附近有咩食，見到一間食泰國菜嘅食店好吸引，於是就去試吓。篤篤船麵 眾安街千色匯一期2樓 入到舖頭見到裝修都好有泰國風味，而且座位空間都好夠，坐得比較舒服。我哋叫咗個二人餐超級抵食 178 元前菜泰式酸辣無骨鳳爪 鳳爪酸酸辣辣非常開胃，而且好爽口彈牙，作為開胃前菜，真係冇得輸。主他可以選擇二個，秘製燒豬頸肉.香茅雞翼秘製燒豬頸肉 豬頸肉燒到微微焦香，加少少泰式酸辣醬，味道更加惹味，豬頸肉肉質爽口，而且仲係好Juice。香茅雞翼 雞翼煎到金黃色，味道好香，入口熱辣辣香噴噴，雞肉非常嫩滑多肉汁。泰式船麵味道好香，湯底非常濃郁，而且蘿蔔好入味，麵質爽口彈牙，一試難忘。泰式生蝦 生蝦非常新鮮，每隻都爽口彈牙，生蝦上面鋪咗辣椒片同埋蒜片，配埋泰式酸辣醬，味道好有層次。最令我有驚喜嘅就係杯泰式凍奶茶，茶味好香濃，入口又細滑，飲咗幾啖，愛上咗佢。冇得去泰國旅行，食返一餐地道泰國嘢，滿足下自己都好

中午有事經過千色匯，諗住搵間餐廳食個午餐先，咁啱見到呢間冇咩人又係泰國餐廳，於是入去叫咗碗慢煮牛肉撈檬。首先侍應拎嘢出嚟時見到我張枱上有隻烏蠅喺度飛，個反應淨係眼定定望兩眼就走開了🙄。跟住講返碗牛肉撈檬，個份量換咗係男仔就一定唔夠啦，單薄既然了3片牛肉鋪在半碗白灼檬粉上，唯一的一片番茄仲係爛番茄味既😤，講真如果唔係我淋上撈檬汁先至影相，睇個賣相已經冇晒胃口，可以話係史上試過既最難食㗎撈檬，一碗$78就係咁質素，絕對唔會有第二次。

每次來到荃灣千色匯廣場都會來阿布泰入貨，一個短暫嘅泰國旅行掃貨時光過去，又點可以唔搵返間泰國菜小店延續呢個泰旅😋上電梯兩層到達千色匯2樓的篤篤船麵。店內掛著聖誕裝飾應節，與店內的壁畫合體有feel，七彩木檯充滿泰國色彩風味，令人投入其中。Menu簡潔分類，好容易選擇湯底款式，湯底共有5款，麵款亦有五款，自由配搭DIY.泰式鹹蛋木瓜沙律 $36 推介:⭐️⭐️⭐️⭐️入門口被佢大大張圖片所吸引，賣相唔錯，一入口鹹蛋味道唔算係太出色，但鹹蛋嘅功效好明顯係一種後勁，令本身呢個開胃偏酸嘅沙律中和左一份咸味，整體爽口滋味，青檸味較為特出，健康之選。篤篤秘製泰式燒雞脾紅咖哩濃湯麵 $78推介:⭐️⭐️⭐️⭐️⭐️泰式風味濃湯船麵之一，佢比個長長名字吸引，上檯禁不住要打左兩張卡，香噴噴湯底誘人，以猛火爆炒鮮蝦海鮮，加入香濃紅咖喱、香茅、檸檬築、南薑，再以濃郁雞湯熬煮，選了金邊粉吸效果特別滿足，最讚係個秘製泰式燒雞脾，入味得後又惹味，絕對推介呢個香濃飽肚一款。泰妹蘭香籽 芒果味 $19 推介:⭐️⭐️⭐️⭐️⭐️冰凍上檯，本身好奇係一樽咩野飲，原來飲落咁好飲又有咬口，第一次飲蘭香籽加芒果味已深深愛上呢支飲品。小編食完呢餐之後不自

今日夜晚揀咗間泰國餐廳食飯，雖然舖頭細細，但係裝修擺設都幾精美。叫咗個二人餐，$188，可以揀一款前菜，一款沙律或者青菜，兩款主菜，可以有兩份飯或者船麵，仲有兩杯嘢飲，真係好抵食呀。前菜要咗生蝦刺身，有八隻咁多，而且每隻嘅size都唔細㗎，喺普通嘅泰國餐廳食飯，一份生蝦就可能要過百蚊，所以呢間野真係好抵食。主菜要咗海南雞同埋紅咖喱牛腩，海南雞肉質好嫩滑，烹調時間恰到好處。紅咖喱牛腩味道香濃，牛腩亦都問得好冧。最誇張嘅係跟餐船麵好大碗！呢個價錢真係超值。仲可以加多$38要個冬陰功湯，冬天飲暖笠笠最啱

荃灣食平價泰式二人餐【#篤篤船麵 】泰抵食二人餐 $188 前菜 泰式時蔬生菜一碟 冇乜特別 早知試吓其他沙律啦主食 秘製炭燒豬頸肉爽口彈牙 香口惹味 唔會燒得太窿 再配上泰式酸辣蘸汁 夠晒開胃泰式海南雞雞肉都已經起晒骨 所以食落啖啖肉 肉身都幾滑 點埋個濃味醬甜甜地揀咗一流 不過如果有多啲配菜好似青瓜咁就會更好啦小食 泰式肉碎生菜包新鮮爽口嘅生菜包住香辣惹味肉碎一齊食 肉碎唔會太油 酸酸辣辣唔錯店員仲會提供手套俾你地夠晒乾淨配 泰式船麵兩碗超級大碗 湯底非常濃郁 啲牛丸都好紮實兩個女仔食唔晒一碗都其實夠㗎啦追加 冬陰功湯鍋 $38喺個煲度keep住熱 飲極都係暖 啱晒冬天 飲落酸多過辣免加一篤篤船麵 (荃灣)荃灣眾安街68號千色匯I期2樓2031號舖

🇹🇭今日黎到荃灣既篤篤船麵，餐廳佈置同枱枱凳凳都好似去左泰國咁👍🏻👍🏻1️⃣慢煮牛柳濃船湯麵 $78湯真係好香好濃郁，因為係用牛骨牛肉熬出，而個牛柳真係超嫩滑，入口溶化好正呀🤩 麵既份量少d，但配料就好足👍🏻2️⃣泰式酸辣生魚片湯麵 $68黎到以為湯底好清，原來酸辣度好夠，生魚片係滑但略厭少d，揀左金邊粉，好碎要被扣分了😅3️⃣香茅雞翼船麵 $54呢個係招牌篤篤船麵，味道都好濃，但要比較還是慢煮牛柳濃船湯濃好多，雞翼煎到香脆，呢碗揀油麵份量出奇多😬4️⃣泰妹蘭香籽荔枝味 $19食完濃烈既湯麵，叫左呢隻荔枝味飲杯，有好多蘭香籽仲好清甜添呀👍🏻

泰抵食二人餐 188 蚊🍴前菜 泰式鳳爪沙律🐥用左生菜 紫洋葱 做底 鳳爪凍食好夠香辣 充滿蒜同辣椒香味🌶️ 好正既餐前小食🍴主食泰式海南雞🐥 夠嫩滑既海南雞 雞肉彈牙 有三種汁點 有葱油 甜豉油同辣醬 都好入味 點雞都好襯👍🏻秘製燒豬頸肉 🐖薄切但闊身既豬頸肉， 外面夠脆入面夠爽彈 點 d酸辣汁都唔錯🍴小食 四式拼盤 彈牙入味既 蝦餅 蔗味香濃既蔗蝦 好香脆既春卷🦐 仲有彈牙入味魚餅🦐 魚餅配白飯或船麵船麵有彈牙牛丸 湯底香料味香濃 有蒜同葱調味 帶 d肉同魚香 麵有 d似河粉 好爽口 同湯底十分 match加38 蚊 有冬蔭公湯 冬蔭公好多香料 酸辣味重 蝦肉夠新鮮 用明火興住 夠哂暖笠笠🦐🌶️#船麵 #牛丸 #蝦餅 #魚餅 #海南雞 #冬蔭功 #鳳爪 #沙律Score 平均分< 7.6/10>Taste 味道：👍🏻👍🏻👍🏻👍🏻Present 外觀：👍🏻👍🏻👍🏻Decor&Hygiene 環境衞生：👍🏻👍🏻👍🏻👍🏻Value for $ 性價比：👍🏻👍🏻👍🏻Service 服務：👍🏻👍🏻👍🏻👍🏻~~~~~~~~~~~~~#篤篤船麵荃灣眾安街68 號千色匯1 期2 樓

千色匯商場入面不嬲都開咗好多食肆，臨近月尾又未出糧就去咗呢一間價錢相宜嘅泰國餐廳食飯。叫左泰抵食二人餐，性價比真係好高，嘢食都好多種類。咸蛋木瓜沙律&泰式生蝦木瓜沙律真係好還原泰國嘅味道，酸酸嘅醬料再配上鹹蛋嘅鹹香，真係好頂癮！泰式生蝦好新鮮肉質鮮甜彈牙，配上佢秘製嘅薄荷醬汁好清爽好Fresh。泰式海南雞海南雞雞肉好嫩滑，有蔥油辣醬同甜醬油俾你點，不過不失。秘製燒豬頸肉燒豬頸肉真係要讚吓，外層燒到有啲窿邊好香炭燒味，油脂豐富一咬落去滿口肉汁。泰式船麵船麵湯底10分濃郁，用咗好多豬骨牛骨鮮雞熬製而成，飲得出加咗香茅八角肉桂等香料。湯底煮得偏厚身，令船麵掛汁一流！冬陰功湯跟餐加多個湯只需要加$38，真係好抵飲，入邊都好足料，飲落鮮辣鹹香，暖身一流！椰子水&泰式奶茶泰式奶茶好還原泰國嘅特色，甜得來奶香十足，可以用來解辣。椰子水係支裝嘅，清清爽爽椰味香濃。

係千色匯唔知食咩好 見到呢間篤篤船麵價錢唔貴又唔使等位就進黎試下餐廳唔係好大,但環境都ok唯一係佢仿照以前泰國食船麵用木凳呢點我覺得可以唔使跟足坐返軟身有pan凳會舒服d😂每檯都有set調味架,有砂糖,辣椒油,魚露,醋🍽牛腩船湯米粉💰$58朋友本來叫豬手米但是日售罄之後改左牛腩米個米粉d配菜都幾豐富, 有豆⺊, 九層塔,肉碎,芽菜,炸蒜,芫茜,辣椒牛腩分量都ok,有5-6舊個味道可以,但太韌朋友比左舊我試, 真係唔係好咬得開😐🍽豬頸肉船湯河粉💰$58湯底同配菜係同牛腩米一樣豬頸肉味道不錯, 如果再燒香d同入味多少少會更好🍽生菜包💰$48本人真係好鐘意食生菜包所以幾乎食親泰國野都會叫生菜包先唔講好唔好食,我無食過生菜包係加豆角☹️同無糯米碎其實佢味道唔係話好差,但絕唔係我心目中既生菜包😂 我會稱呼佢為味道正常既豆角炒肉碎生菜可以洗得再仔細d可以讚既係餐廳好貼心甘比左手套Overall,性價比OK, 想簡單快捷平食泰國野既選擇💁🏻‍♀️

今天突然好想食海南雞飯，所以上嚟OpenRice 找找，看到這間店，又有泰式船麵，所以同老婆走去一試。叫了一份海南雞飯，味道可以，雞肉鮮嫩，醬汁都做到位，但沒有驚喜，油飯、清湯都可以。飲品叫了一杯青檸梳打，用泰國出品梳打汽水，汽度無得投訴。另外點了一碗香茅豬扒扎肉船麵，油麵底。此湯麵的湯濃郁好味，豬扒都貼身的切件上，油麵彈牙，但忘記比扎肉給我，要查詢後才補回，這個係出餐上的小污點。泰式奶茶味道可以，但略甜，下次要注明少甜。總括食物可以，但老闆想多賺錢及人流，要考慮餐的定價要下調一點，荃灣區此店的價格略高，若果可以把平均價在45-55的價錢區，應該生意很好。老闆考慮下薄利多銷，西區隧道年年蝕錢，城門隧道由開始後2-3年已經開始賺錢，$5過隧道維持到現在都唔使加價，可想而知，價格定位係令你賺多好多。

篤篤船麵 (荃灣)荃灣眾安街68號千色匯I期2樓2031號舖泰抵食二人餐 $188前菜 （三選一)泰式鳳爪沙律無骨白雲鳳爪，白醋同糖腌製比例平衡，開胃！主食 （六選二)芭堤雅燒雞髀有驚喜🤩 雞皮燒得脆脆哋，雞肉燒得完全唔嚡唔乾！ 肉質好嫩滑！！仲幾大隻、啖啖肉！😋可蘸埋泰式甜辣雞醬～秘製燒豬頸肉豬頸肉燒得唔嚡唔乾！可蘸埋泰式薑蒜酸辣汁～小食（四選一)泰式生蝦溶雪做得唔錯！唔腥！小辣椒粒+蒜片，再蘸埋泰式青辣椒汁～好惹味！正！套餐奉送船麵或白飯泰式船麵，好大碗！ 湯底呈深褐色，入口味道好濃，牛骨味同藥材味重，飲完唔口渴！ 牛丸食落牛脂、牛肉味濃！飲品x 2 (可選汽水或熱飲)熱金橘檸檬綠茶仲有陣蜜糖清甜！勁滋潤！沙嗲串串 (牛) $28 三串