Video
Telephone
29818877
Opening Hours
Today
07:00 - 16:00
Mon
Closed
Tue - Sun
07:00 - 16:00
*如星期一是公眾假期，順延至星期二休息，如此類推
Above information is for reference only. Please check details with the restaurant.
唔少人都相信好似我咁，為咗呢一碗沙嗲牛湯專程入長洲。如果遇上假期，仲有機會食唔到。所以我一去到長洲就即刻沖去陳通記嗌返碗試吓，果然湯底十分之濃郁，仲有一啲花生粒，而通粉同市面上嘅餐廳提供嘅不同，通粉呈長條狀，掛湯更容易。
continue reading
放假同👶🏻👶🏻去左長洲玩去完個張保仔洞探險👶🏻👶🏻竟然話要食嘢 即刻上網做功課見到好多網友都推介呢間陳通記好彩行得快😂😂 因為落完單無耐佢就開始閂門啦個陣好似先四點幾 所以如果大家去食要早小小── ✦── ✦ ── ✦ ── ✦ ──✦── ✦ ── ✦ʚ #沙爹牛肉麵 ɞ 佢個沙嗲湯非常濃郁 仲有粒粒小花生增加咗個口感 但因為個湯底太熱而家濃郁程度係比較難散熱所以個公仔麵好快會變林 牛肉都好林好入味 ʚ #沙嗲肥牛米通 ɞ第2碗都係叫沙嗲 整體同公仔麵差唔多但轉咗食米通 米通中間個窿窿收埋哂啲湯我個人覺得食米通更加好味ʚ #奶油多 ɞ個包都脆卜卜 呢個👶🏻👶🏻最欣賞食完一舊又一舊 仲要話下次再食過呀── ✦── ✦ ── ✦ ── ✦ ──✦── ✦ ── ✦
continue reading
好日唔入黎長洲，今日甘岩黎探朋友，朋友就帶我地黎食依間地道野。朋友推介沙嗲牛麵及多士系列。叫左個沙嗲牛米粉，發現佢用料都幾足既，肉眼可見既大量花生！沙嗲底係融左落湯底入面，相對既牛肉係比較淡味。講番湯底，主要既沙嗲味來源，係幾香濃既，唔錯！牛肉似新鮮牛肉，切得比較唔規則😂但肉質幾好既。煉奶花生醬多士，即叫即整，上菜時仲提我地趁熱食😂 一切落去就知勁野！外皮係仲脆既，入面既花生醬好多，加埋表面既練奶食，真係超級邪惡！ 好正！個人中意西多士多過沙嗲牛，值得一試👍
continue reading
兩年未入過長洲，最想去就係張記同陳通記，同事揀咗陳通記，為咗試佢哋個沙爹牛米通。有少少失望，因為我想食張記多啲😩😩因為契婆葬喺長洲，細過年年都會去兩次拜祭，不過去陳通記係近呢十年嘅事，有次朋友帶我去食，話出面好少有米通同橙冰。未至於話好好食，不過沙爹牛配米通的確唔錯，米通吸汁有咬口，牛肉軟滑唔會鬆泡泡👍🏼👍🏼，同公仔麵比較，係另一種食法。今日一行7人只喺叫咗4碗米通同4杯嘢飲，因為坐船已經食咗早餐，10點鐘唔多人，所以起餐都好快，同事一致中評，反而十分喜歡辣椒油。埋單時姐姐態度有點差，事源因為冇單，同事就講比佢聽我哋食咗D乜，點知佢好大反應：「唔洗講！我自己睇！」真係比佢嚇一嚇😖😖是日消費：4x沙爹牛米通 2x凍飲 2x熱飲共$246
continue reading
有關注開沙嗲牛肉嘅朋友都一定聽過陳通記，一直知道佢嘅沙嗲牛肉好快會賣晒，所以一早就搭船嚟長洲試一試佢嘅沙嗲牛肉，到咗長洲碼頭落船第一件事就即刻沖去陳通記攞位香港可以食米通粉嘅地方唔多，而且聽講米通粉比較掛汁，所以今次試咗佢哋嘅沙嗲牛肉湯米通粉，另外亦都想食啲香口野，所以嗌多個炸雞翼做小食。而佢嘅沙嗲湯底的確非常香濃，冇令我哋失望，而牛肉亦都唔係一般茶餐廳貨色，牛肉口感同味道拍得上九龍城專食沙嗲牛肉火鍋嘅舖頭。而米通粉嘅口感亦非常彈牙，雖然專程搭船來長洲有啲遠，但係食到一碗咁高質素嘅沙嗲牛肉米通粉實在值回票價。
continue reading