陳通記

Open Now

Now Closed

有關注開沙嗲牛肉嘅朋友都一定聽過陳通記，一直知道佢嘅沙嗲牛肉好快會賣晒，所以一早就搭船嚟長洲試一試佢嘅沙嗲牛肉，到咗長洲碼頭落船第一件事就即刻沖去陳通記攞位香港可以食米通粉嘅地方唔多，而且聽講米通粉比較掛汁，所以今次試咗佢哋嘅沙嗲牛肉湯米通粉，另外亦都想食啲香口野，所以嗌多個炸雞翼做小食。而佢嘅沙嗲湯底的確非常香濃，冇令我哋失望，而牛肉亦都唔係一般茶餐廳貨色，牛肉口感同味道拍得上九龍城專食沙嗲牛肉火鍋嘅舖頭。而米通粉嘅口感亦非常彈牙，雖然專程搭船來長洲有啲遠，但係食到一碗咁高質素嘅沙嗲牛肉米通粉實在值回票價。

吹大左……認真呢間野俾網民吹大左我成日試唔同茶記，一直都好想試下呢間，點知係失望嘅。主要講下佢個皇牌蛋牛米通。蛋：一食就食得出係平價蛋，因為有陣怪味（唔係變壞）但係啲茶餐廳用平價蛋都係嗰種平價蛋味肥牛：以為肥牛係正嘢，點知勁韌，佳寶牛都好過佢米通：質地同味道正常（亦即無味）沙嗲湯底：俾佢個樣呃到！以為好濃，點知係無味（唔止我一個講）野飲：得杯檸茶好飲…………環境：露天位感覺都好焗促咁我洗咩山長水遠入到長洲食😖😫我都好中意支持啲本地老店，但今次真係得罪講句：負評

一直聽說陳通記的沙嗲牛肉米通很出名，今次來到長洲一於去試一試。陳通記是一間舊式茶記，位置在長洲市政大廈地下，這個位置附近還有很多不同的食肆圍繞著市政大廈，陳通記就位於中間位置附近。陳通記的食品包括有各色粉麵、包類及飲品，我們今次就選了它最出名的沙嗲牛肉米通及西多士。沙嗲牛肉米通 （$42）送上來的時候，整碗是熱辣辣的，未食已經聞到香濃的沙嗲味。這碗沙嗲湯是裝得滿滿的，味道十分香濃，而且湯底還有粒粒花生碎，非常足料。米通又軟又Q彈，米通中間的窿窿還可以裝着沙嗲湯汁，十分好味。牛肉的份量也不少，而且煮得很嫩滑，沙嗲牛肉配米通，真是絕配，非常好食！西多士 （$28）西多士可以選花生醬或咖央醬夾心，還可以選淋煉奶或糖膠，我們選了咖央夾心配糖膠。西多士送上的時候新鮮熱辣，是即叫即做的，入面的麵包很軟熟，外脆內軟，中間夾了厚厚的咖央醬，配甜甜的糖膠，十分好味。

之前幾次入長洲都會特登過嚟食陳通記沙嗲牛米通講真，因為呢一間沙嗲牛都算幾出名再加埋係米通可以吸好多湯，所以食完會好滿足😌食過兩三次都覺得幾好食，所以今次又再encore ～今次試咗其他食評咁樣加紫菜，因為啲人話加紫菜會令到個湯再濃啲，但係今次就有啲失望🙍首先個湯雖然佢濃到深不見底，但係其實佢又唔係好重沙嗲味 亦都唔係好重花生味加埋個牛肉變咗做超級梳打牛，完全冇晒肉味同埋咬口可以話完全唔係我想要嗰樣嘢🙃今次加咗紫菜紫菜再加沙嗲個湯質地會覺得更加濃同埋杰身，但係個湯唔同咗嘅情況之下就覺得差咁啲嘢今次個米通都好似煮得太腍係吸到湯，但係同時亦都冇咗米通通粉嘅口感真係同以前爭好遠，再加埋佢加價都加得幾多如果入長洲嘅話，呢一間唔會再係我嘅首選🥲

長洲陳通記的沙嗲牛肉米通是一道令人印象深刻的美食。米通的口感Q彈，搭配上沙嗲醬的香濃，讓整道菜散發出迷人的風味。牛肉選用上等部位，經過精心醃製，肉質鮮嫩，咬下去時充滿肉汁，令人滿足。沙嗲醬的味道獨特，微辣中帶有香料的層次感，與牛肉的鮮味相得益彰，讓人一試成主顧。配菜如生菜和黃瓜，清脆爽口，為整體增添了清新的口感平衡。雖然價格稍高，但考慮到食材的質量和獨特的風味，仍然值得一試。總的來說，沙嗲牛肉米通是海鮮餐廳中的一顆璀璨明珠，適合喜愛創新口味的食客。

係大排檔擺位既茶餐廳，會有少許冷氣座，不過夏日炎炎，天氣實在太熱，人客又多，基本上同喺蒸爐冇咩分別，服務亦都唔好有期望，搵到人落單已經偷笑，然後出餐都幾混亂🙂‍↔️▪️沙嗲牛肉米通 💲38沙嗲湯底比較稀身，但個味都夠濃，亦有唔少花生碎，微辣咁幾惹味，唔會話太鹹或者膩😌鮮牛肉份量慷慨，肉質中規中矩🐮第一次試米通，係我幾鍾意既口感，滑嘟嘟得黎煙煙韌韌，份量又多食完好飽😛🔎 整體評分（7.5/10）

見好多人推介陳通記既沙嗲牛通，入長洲第二日決定試下～🥹 星期日朝早人流不少，但好彩座位都算多～😆三個人點左一份沙嗲牛米通，沙嗲肥牛米通同西多士，米通質感好好！好滑身好好味！牛肉都好入味，但略厭湯底沙嗲味淡左少少🤏🏻 但整體算係吾錯！而且份量吾少！西多士正常～入長洲不妨可以試下～

第二次食 第一次都覺得麻麻哋 唔知道食邊間好 第二次等一個幾鐘先到個餐 後尾見到長洲本地人係去食食第一間 第一間叫蓮香都有同一樣嘅嘢食 呢間嘢真係麻麻哋 全部都遊客 都係嗰句 香港人鍾意排隊 今次係食埋最後一次 下次打死都唔會食 原來最少要等45分鐘

作為一個遊客一落船，當然去揾是食啦！經過橫街窄巷發現有間茶餐廳好多人食，就決定試吓佢啦。午餐肉通粉 $26因為係叫比小朋友食，所以味道正常，但估唔到份量係超足夠，午餐肉都5,6片，差唔多半罐午餐肉牛肚瀨粉 $32牛肚炆得好入味，好易咬得開，又多彈牙，而湯抵加入左腩汁，令成碗粉味道有所提升。沙嗲牛通粉 $38湯底偏杰身,湯底味道非常濃郁, 會有粒粒碎花生,湯底也不算咸，令每一啖食落口都好香沙嗲同花生嘅味道，而且牛肉都軟淋，配搭吸湯嘅通粉，真係每一啖都係享受

🔸沙嗲牛肉米通 $38好出名的沙嗲牛米通( ̀⌄ ́)見個個都推薦米通 當然要試試食落超級滑 較軟身 似一條條迷你腸粉( ´ ▽ ` )同街外嘅通心粉完全兩回事 好食推介~~🔸雙拼 沙嗲牛肉炸菜肉絲米線 $48而另一碗揀了米線 同米通有啲相似都係較軟身 而且好滑嘟嘟 係好食嘅米線( ̀⌄ ́)（米線忠粉 唔知大家明唔明(⁎⁍̴̛ᴗ⁍̴̛⁎))份量方面 米線/米通都好多 食唔晒一碗配料亦大方 好多沙嗲牛肉 夠嫩滑唔老炸菜肉絲唔會過咸剛好( ´▽` )ﾉ沙嗲湯底香濃 但唔係好稠身嗰種整體都好味道~~(想試鮮尤魚 不過下午已經售罄(｡ ́︿ ̀｡))🔸西多士 $26即炸 拎上枱熱辣辣香噴噴配上牛油同煉奶值得一讚 好重蛋香切開可見連包入面都沾滿蛋漿 特別香口(˶‾᷄ ⁻̫ ‾᷅˵)整體食物都好食 推介沙嗲牛米通/米線/西多士再去長洲會再食 喜歡食茶記嘅不妨一試(˶‾᷄ ⁻̫ ‾᷅˵)另外 **店舖位置較隱蔽**喺某間茶記再入面一啲 好容易睇漏眼 伙記姨姨友善且有禮貌💛(餐牌在下面)

上午來到長洲，同行的朋友還未食早餐，他們便帶我來這店先吃早餐， ＇這店是位於熟食市場內的角位，是屬大排檔茶記模式。朋友說這裏的沙嗲牛肉通好好食，我本來是喜歡沙嗲牛肉跟麵吃，但既然他們說通粉是出名，那就跟著他們點沙嗲牛肉通了。點餐後到上餐不算很快，通粉算大碗，與一般茶記的沙嗲湯底不同，這店的湯底的質感好像擔擔麵的花生醬一像杰身，湯底味道非常之濃郁，也有粒粒碎花生，湯底也不算咸。通粉較硬適中，雖不算彈牙，但每粒通粉都沾上了厚身又濃郁的沙嗲湯汁，難得食到這種濃郁的沙嗲牛肉湯底，下次來長洲也會介紹朋友來食。

陳通記沙嗲牛肉米通粉沙嗲牛肉米通粉、沙嗲牛肉出前一丁各$36 (一丁+$6)牛肉厚切新鮮，每塊都好嫩滑！沙嗲醬有加蝦米同花生炒過，鹹香鹹香，沙嗲醬堅濃郁，成個湯都係醬既顏色就知啦😉花生粒感重～沙嗲同米通粉真係好夾啊，米做既通粉，口感較煙韌，唔易腍，更能吸收了湯底濃郁的精華！凍奶茶、凍檸檬 各$18茶底好濃，未有回甘，個人幾欣賞佢地檸茶🍋如果怕熱記得去室內等冷氣房呀～呢度都好多街坊嚟食，當然都有旅客，我地等左陣就同韓國家庭一齊坐一張枱😬一出嚟仲見到貓貓添😍By fishenjoylife

又到週末啦，係時候出嚟發掘好食嘅餐廳。今日就嚟到長洲，身為沙嗲牛關注組嘅一員，就梗係要嚟試一試長洲呢度嘅沙嗲牛啦😈🔖 沙嗲牛肉米粉牛肉大大塊，每一舊都好嫩滑，沙嗲湯底飲得出係加咗啲花生醬，甚至仲有花生碎喺入面添🥜每碗入邊都會有一兩條新鮮生菜。本身懶係想健康啲，嗌咗米粉。但米粉其實唔係好夾，推介大家都係嗌返出前一丁🤣🔖餐牌🔖環境週末時間嚟到，大概一點到已經好多，不過勝在呢度好多位，所以好快就搵到位坐。

估唔到一個外賣沙嗲牛肉麵要等成20分鐘，店員冇乜禮貌，話自己好多單，如果態度好少少嘅話其實冇乜特別問題，但係現場睇落人流就唔係話好多，放外賣都係長期一兩個我估啲牛肉係現場即刻切？🤣所以需要等咁耐。不過都係服務態度嘅問題啫，食物質素OK嘅

餐廳位於熟食市場，環境似大排檔，當日天氣好熱，可惜只有風扇，食埋碗熱辣辣嘅麵，食到成身汗。雖然位於熟食市場，不過侍應抹枱都幾認真，環境衛生都算唔錯。11點45分到達，人頭湧湧，要自己搵位都有啲難度。嗌咗一碗沙嗲牛肉米通$38+雞蛋$6，等咗超過半個鐘，終於有嘢食。本來以為米通即係米粉加通粉，但原來係米做嘅通粉，可惜呢個麵嘅質地唔係好索湯，我覺得有啲嘥咗個沙嗲湯底，可能米粉或者公仔麵會夾啲。沙嗲湯底我覺得唔算好濃郁，下次未必會再去。.陳通記 (長洲)長洲大興堤路2號長洲市政大廈地下熟食中心13號舖