東門町 (Closed)

這陣子比較忙，沒時間煮飯，又是一個人晚飯的日子，一個人吃選擇不多，只能隨便購個麵食/小食就算，這晚又走到商場頂層，想了又想，買個酸辣粉便算東門町開業時主打酸辣粉，可能生意難做，其後越出越多，先後推出了手抓餅及各類小吃，如:涼伴麵、炸燒賣、鹽酥雞、芝士魚餅、各款雞翼等. . .小吃以煎炸為主，不敢多吃，還是點了酸辣粉，酸辣粉有多個辣度供選擇:大、中、小、微及走辣，每碗附有少量炸菜、花生、莞茜及蔥花，還有大量配料供選擇，每款平均$4-$7，淨酸辣粉一碗$18蚊，外賣需+$1酸辣粉（$18）份量不算太多，少少一碗，只有少量的花生炸菜，沒有其他配料，需要$18蚊，花生香脆可口，可惜份量太少，而透明的薯粉十分滑膩，難以夾起，不過麵質比較軟身，沒有煙韌的口感，而湯底呈淺啡色，由於之前試過微辣，對我來說己太刺激了，所以今次叫了多酸走辣，再呷一口湯底試試，湯底頗香但不算太酸，而油份則比較重. . . 正在減肥的我，吃後很有罪惡感呢. . .

我平時都有食開...同樣今日買酸辣粉外賣…我同個A女人講左要啲咩…突然彈出另一個態度好差嘅B女人…我正攞緊錢個陣…B女人佢問我要咩但我聽唔到，之後佢又問多次…A女人就幫我答哂…咁岩我得五百我米比佢…B女人就好差好差話岩岩開冇得找… 真係想講佢係態度好差咁答…咁我話唔要住…我打算去唱錢…點知我一轉身佢話我痴線！ 個女人係長曲髮嘅老女人黎！佢應該老闆娘黎！就算佢唔憂做態度都唔洗差到咁囉！

手抓餅係台灣都係通街都係,其實你話有咩特別?其實真係無咩特別芝士火腿手抓餅$19手抓餅本身帶少少咸味,質感不算鬆化,但也不油膩,帶少少煙韌,加上火腿和少少溶芝士既味道,還算不錯.佢地仲加一點味粉落去,帶少少辛辣.都好過食芝腿治既不過好多時間,台灣好多小食都係令我摸不著頭腦

葵涌廣場是一個很受大眾喜愛的地方, 各式各樣衣履都可以在這裡找到; 食物也是一樣, 小食店幾乎每一層都有, 完全適合逛街者'掃街'.可能太久沒有遊台灣了, 忽然想念鹽酥雞, 於是乎急步走到東門町, 哈哈! 雖則味道、感覺跟台灣的有一點點分別(真的只是些微、一點點而已), 不過還是不錯吃啦! 最起碼炸粉漿夠薄身, 吃起來夠脆口, 讚喔!至於熱狗腸方面, 包裹熱狗腸的炸皮比較厚, 經過油炸之後, 感覺比較油膩. 如果只是單單的熱狗腸, 沒有外面那一層, 效果應該會較好.

嚟葵芳除行街外便是掃街！葵涌廣場頂呢有好多嘢食，而呢間嘅酸辣粉同手抓餅係我每次必食嘅！酸辣粉（$18）呢個分大、中、及微辣，除有榨菜、芫茜、蔥、花生配料外，還可像車仔麵般加入不同的配料！但我覺得齋食呢已經好正，其實都有食過其他的，但暫時還是覺得這間味道最好，麵條煙韌適中，湯底夠香又夠麻，2者配合得好好，辣得來你又仍然想繼續食！另一推介係手抓餅，除齋餅外，還可選擇蛋、煙肉、芝士、肉鬆等配料，當選好配料後，店員首先會將手抓餅的麵團煎香，後再加入配料及孑然粉，即香脆又美味！我最愛嘅配料係芝士加蛋，超夾～

是咁的，吃完正餐不久就口痕，一直看到多人排隊的酸辣粉店沒人龍，就放縱肚皮叫了走辣走花生的薯粉。原來一碗要十八大元，好貴呀！配料有榨菜芫茜香蔥等，薯粉有點過軟，少麻的醬汁，邊吃邊看到有介紹有中湯材料煲起，走辣的原因是太油，走了仍很油，味道正常，但不值得付出這價錢。

食左好幾間港式重慶酸辣粉，都係呢間最正，夠酸又夠辣！多數要中辣，好惹味！最正既配料係滷水豬大腸，大腸不會太淋，有少少彈牙，仲入晒滷水味，超正！酸辣粉夠煙un, 有嚼勁，每次都忍唔住飲埋d 湯：）因為d湯加左好多香料同醋，好開胃！不過始終薯粉難消化，如果可選米線或米粉就好了！

手抓餅我第一次接觸時唔係台灣, 其實係一次掃街時係屯門見到~~ http://www.openrice.com/restaurant/commentdetail.htm?commentid=2221963哥次試完之後就知道有呢樣美食啦, 今次係同朋友做完義工之後口痕搵食, 有朋友話呢度有得食手抓餅, 原來都有好多朋友都未食過, 一於去試, 於是我地就去到葵芳廣場頂樓既東門町啦.最初我地找極都找唔到, 因為佢地門口個樣睇落似係賣"傷身酸辣粉"多過賣手抓餅, 來回行左2次終於都找到店舖.勁多人圍住間店食野, 通常有咁既情況, 一係就間店賣既野好平 , 一係就係好好食. 見到呢個情況我心中就有DD期望~今次人多, 所以我地試左好多野, 手抓餅點都一定要試架啦, 上次試過手抓餅配芝士同肥牛, 芝士口感好正, 所以再試配芝士, 不過今次無肥牛, 所以就選煙肉配啦同之前係屯門 5度 食既手抓餅比有一定既分別 , 首先先度既手抓餅食起來比較脆口, 而且大塊D, 兩種唔同既口感我都鐘意, 餅身脆口 , 但是中央半溶既芝士令到個餅帶有一種綿, 有小小黏口而濃郁既好美味, 話手抓餅同芝士真係天作之合來型容

今日專登來掃街, 當中必食之一就是這碗酸辣粉, 幸好今天不是太多人排隊.每碗粉$15(沒有記錯的話), 另加了三款送, 豬頸肉, 墨魚丸, 雞翼豬頸肉有兩塊, 勁乾勁硬, 唔好食~~~~~墨魚丸有兩粒, 普通貨色沒有什麼特別.雞翼有兩隻, 是滷水雞翼, 終於比較好味, 滷水頗入味.薯粉方面比較淋身不夠爽, 其他配料還可以, 有花生, 炸菜等等...比想像中失望, 但特別在於人人都站在一旁吃, 個個的咀唇都紅紅腫腫的..包括我在內..因我不是太吃辣的人所以只叫了少辣但都覺得咀唇和脷都有麻辣的感覺湯底其實是不錯的. 但相公不怕辣他覺得小辣實在是一點都不辣~

$15 6粒瀨尿牛丸, 我要唔辣。出咗「食神」之後, 就出現咗好多賣瀨尿牛丸嘅鋪頭, 我從來無試過, 因為我深信這只是戲劇效果, 戲劇橋段。直到今日, 我丈夫話其實想試好耐, 咁我只好乖乖地放低 十五個大洋 來換取一碗"喜劇效果" ╮(﹀_﹀")╭正如我所諗......咬一啖瀨尿牛丸無標尿(失敗).......肉丸唔彈牙(失敗)......內裏的肉燥饀唔夠爆(又失敗)......最頂唔順係我叫清湯牛丸但係竟然有幾住碎濕濕嘅好似有人食剩嘅米粉喺度 (((‵□′))丈夫話唔會嘅.......OK 我信你......怒不可遏嘅我就試飲咗一啖湯------咦！湯頭好甜喎, 飲落有肉桂味, 重有少少"麻麻"地嘅感覺, 再食一住米粉碎......嘩！好入味呀, 米粉全身都有湯頭的味道, 原來米粉同個湯係好match, 真係match到你唔信 <(@￣︶￣@)> 真係有如李兆基喺沙灘上好飄然咁跑來跑去嘅感覺 帥(￣▽￣)σ"瀨尿牛丸（＃－.－）/

這裡的酸辣粉其實不算很大碗, 但朋友說最近買了一碗小辣, 辣的情度要三個人合力才可完成. 激起了我的好奇心, 想挑戰自己.我絶對不是吃得辣, 所以點了小辣, 配料有花生, 炸菜及芫茜等, 但每樣少少, 好似點綴形式, 其實這些東西不是貴嘢, 放多些少又何妨呢, 起碼食的人會食得開心D.花生有點腍, 薯粉口感還可以的, 吃第一口, 一時未適應, 咳了幾聲, 之後慢慢食, 已經完全沒問題了. 不過有點失望, 只有輕微的辣, 麻和酸, 湯底顏色是夠, 但其實味道不濃, 亦太油了.感覺只是一般的粉. 沒甚麼特別之處. 所以若果沒有吃過, 我本人覺得無須冒名而來吃一碗, 因為更為出色的酸辣粉多的是.

見到咁多人企晒係到食,忍唔住要試下要了一個小辣$13拎到碗粉就拿拿聲企埋一二邊食睇下佢個外貌先,好紅好多油,有花生蔥莞茜第一啖食落去,有d嗆喉,但食食下慣左就無乜野小辣對我來講不是很辣不過酸味都唔係幾食得出,結果變成又唔酸又唔辣...湯底很濃,很多辣椒碎...但感覺有d似味精..總括而言,普普通通

13蚊一個麵...加埋料都係18蚊....只睇價錢都覺得抵食...原來有得走辣只要酸....因為本人唔係好食得辣...食左一條中辣ge麵都頂唔順....有機會想試下個種"酸"...湯底唯一唔好處就係太油....真係好清楚咁見到一層油....少食就冇咩所謂...成日食就大問題喇...如果可以改善下呢方面ge"特色"會更好...另外...環境同衛生就真係麻麻地...如果只在乎食個麵就走人都還接受...想慢慢享受就唔係咁方便喇...

東門町在這裡開業已經一段時間，雖然離我家不遠，但我還沒有嘗試過。東門町沒座位，大家都要立食，而我吃得慢，又不想站在人來人往的葵廣三樓…我相信我一定會把酸辣粉打翻…某一晚，我決定買外賣回家，就想到了東門町。第一次吃，當然要試酸辣粉和爆漿瀨尿牛丸。酸辣粉$13/碗，加兩粒牛丸要$5，外賣再加$1，共$19。因為要坐小巴回家，所以我叮嚀店員要硬一點的紅薯粉。之後我火速回家，但薯粉還是陣亡了，成了發水薯粉…未到一夾即斷的程度，但都一夾就斷…酸辣粉的靈魂還是湯底，我要了中辣，算是比較弱的中辣，我想我吃大辣還可以的。湯底有酸味有辣味，但味道不正宗也沒層次，而且湯底有些深色的碎屑，像辣椒油內的渣…配料有芫茜、花生、酸菜、芝麻和一點點肉碎，就跟其他酸辣粉差不多。爆漿瀨尿牛丸一點都不彈牙，很容易咬外之後，發現內裡的是油和肉渣（？），總之以一粒牛丸而言也不合格，爆漿是假的，瀨尿是真的…一如所料，是一家水準平平的酸辣粉。

平時我一定唔食辣野, 因為少少辣我都頂唔順, 估唔到我都會試酸辣粉. 平時好少去KWAI FONG, 個日見無咩做就去, 都唔知佢度有間O甘野, 本來想去買魚旦, 不過經過佢門口見到好多人企係度食, 好似好好食O甘.我都忍唔住要去試下.佢又可以做到少辣, 我無理由唔試, 雖然少辣, 不過對於唔食得辣O既我黎講都好辣, 不過佢酸度OK, 食落香口, 唔會話好似糊休O甘, 我只係要左個淨粉, 13蚊幾大蜿, 我覺得都OK抵. 如果佢可以做到少油就更加好.