台食館 (獨立大廈)

Open Now

Now Closed

好味指數😋😋回頭指數 ⭐️開心指數🤗夜晚要去油麻地，只有35分鐘食嘢時間，一出地鐵站就求其入咗一間食！🍴珍珠奶茶（+$10）阿姐一放低，咦！點解咁深色嘅？個外觀咁奇怪嘅？因為朋友係叫胚芽珍珠，另一個朋友係冇叫珍珠嘢，我就知呢杯係我叫㗎啦～ 一飲… 中伏！我好肯定呢杯嘢係落唔夠奶，所以咁深色！個茶底嚡到爆！仲要勁多冰！個珍珠係比較細粒… 痴埋一堆堆（即係放得太耐！）仲要好硬（即係煮唔夠時間）！成杯係嚡嘅茶水仲要唔夠奶，珍珠又唔掂，真係堅難飲！🍴麻醬雞絲麵（$45）都幾多雞絲，麻醬個味都唔錯，敗筆係個麵煮過龍，好淋好黐口，唔掂！🍴甜不辣（$30）呢個外脆內軟糯，煙煙韌韌，好味！好味指數係完全歸功於個甜不辣！呢間店又可以響呢區剔除！

它已經成為唯一一間我永遠都唔會再幫襯嘅餐廳!!!🙅‍♀️當日去到油麻地…突然好想食台灣菜…見到呢間台式餐廳喺地鐵站附近…咁就入咗去試吓!!當日點咗夜市香腸滷肉便當同台灣熱咖啡($53)整體賣相係ok嘅…當我用匙羹將滷肉汁同白飯拌勻嘅時候…我開始聞到一股🐷臊味…我當時有鼓起勇氣去試吓(呃自己可能食嗰陣冇咁大陣味🙈)…但係我食咗兩啖都要放低…因為真係接受唔到嗰種🐷臊味…跟住我唯有試吓個香腸…正常嘢…不過唔係我鍾意嘅味道!!我最後只係食咗飯旁邊嘅🥦同整餐我唯一可以接受到嘅台灣熱咖啡☕️!!

🔗 台食館-🍅 番茄豬軟骨麵 $59🔎 粗麵煙韌彈牙；茄湯普通，僅有罐頭湯的酸味；豬軟骨煮得過老，肉質略嫌粗嚡。-🍜 滷豆腐滷肉拌面 $50🔎 滷豆腐有嚼勁，份量頗多；配上滿滿榨菜、花生、滷肉，味道豐富而不感油膩。-🍱 香酥綜合便當 $65🔎 炸物很豐富，惜味道麻麻。台灣腸過多鹽酥粉，味道太重，過猶不及；鹽酥雞亦炸得太乾；唯魷魚酥口感彈牙，滷肉飯也很足味。-🍞蜜紅豆芋泥吐司 $38🔎 因吐司賣相而入去幫襯，但大感失望。吐司烘得幾脆，但食用時已放涼；芋泥雖然好多，但芋頭味很淡，完全被紅豆的甜味蓋過。-🍖 鐵路滷排骨滷肉便當 $53🔎 滷排骨鹹味恰到好處，口感酥脆。-🧸 BB熊珍珠髒髒乳 跟餐+$29🍖 醬軟骨滷肉便當 $53

琴日喺油麻地搵食見到有台灣野就去試吓 價錢又好優惠 叫咗個蛋餅 同埋地瓜菜 仲有鹽酥雞魯玉撈麵張相唔係偷圖 係我自己覺得太難食直接upload咗 IG個蛋餅凍㗎 地瓜菜又老又喊 然後上面又有一啲一粒粒嘅魯豬肉，我究竟食緊啲乜嘢？然後個鹽酥雞冇味同埋好似食緊一粒粒嘅擦子膠咁，好恐怖個撈麵一pat pat 我食唔出係咩味道 感覺似花生醬溝唔知乜嘢撈埋，點解可以咁難食最後我連飲品都冇叫因為我估計都會好難飲，真係唔好貪平 omg

下午茶時段經過入到鋪頭，見到有卡位好開心，二個人叫了二份餐加一個蛋餅，配2杯飲品。舉手叫站前面的穿紅T男侍應落單，他一臉不耐煩咁行過來，聽了也不給反應，都唔知佢到底是聽到定聽唔到，問佢飲品價錢又不耐煩回答，態度差到盲既都知佢唔想做。幸好卡位好坐，食物以這價錢來說也算不錯。尤其芝士肉鬆蛋餅好味道。侍應大叔若能專業啲整件事會加分好多。

油麻地想搵間快餐食lunch見到地鐵站一出就到既台食館地點係方便同埋環境都算正常裝修係普通茶餐廳 同埋安排到卡位位置比較坐得舒服我哋點餐之後上菜速度都好快。醬軟骨滷肉便當🍱(HK53)豬軟骨比較硬身 有啲乾身滷水味都係偏甜滷肉汁小左d 如果店家大方少少就更加好。鹽酥雞滷肉撈麵（HK53)鹽酥雞吾夠脆 一咬落去凍嘅🥴滷肉汁偏甜 至於麵條方面🍜口感太差 煮到好淋 完全吾彈牙😓 撈埋個汁好似d湯麵索哂湯 發漲左之後feel嘅😔。整體黎講好又一餐唔好又一餐我覺得去完係無咩記憶點唔係特別好食或難食但其實附近都有好多唔同嘅餐廳可以選擇呢間就唔會再幫襯啦應該😂。食物:3/10價錢:5/10環境:5/10。台食館油麻地彌敦道499號獨立大廈地舖

✨台食館食台灣便當同埋芋頭泥肉鬆蛋餅🌯✨綜合便當好多野食😹但整體味道就普普通通，不過不失，下次有機會可以試吓其他😆✨鹽酥雞便當台灣美食必叫鹽酥雞🤣份量都幾多吓🤭幾有風味🤩偶爾食下唔錯💕✨芋泥肉鬆蛋餅芋泥是微微甜的🤤鹹鹹甜甜嘅搭配👍芋泥份量唔算多，蛋皮有小小煙韌，但可以接受👌

呢間台食館，難食到一個點！絕對無下次！啲鹵肉有骨碎，失敗！啲鹵肉汁好少，間店好慳，失敗啲飯煮得好硬，生生地，失敗！條所謂嘅蒲燒鰻魚無燒過，所以好惺又無鰻魚味，最離譜係佢想用燒汁去遮住個惺味，但佢浸燒汁嘅時間唔夠，燒汁味入唔到條魚到，變到條鰻魚又無燒汁味又無魚味，只得惺味，係失敗中嘅失敗！個店員服務態度十分差，當我食完後同佢講話條鰻魚好惺，佢好寸話下次唔好入黎食囉！咁無計，本來唔想 post劣評，係呢位店員逼我無下次！

行過油麻地被台食館門口美食相片吸引，疫情下冇得飛台灣掃夜市，唯有食台灣野頂下癮😅。坐落環境尚算舒服（可能是平日下午茶時段客人不多），服務方面早已聽聞麻麻地，實地考察果然，姐姐落單態度有待改善唯有食物味道補返數。好鍾意佢個芋泥肉鬆蛋餅，芋泥唔會太甜蛋餅有蛋味，口感唔錯，整體味道配合得好好。滷肉湯麵不過不失，套餐含三個小食，我就揀了涼拌青瓜、夜市香腸、花支丸。每款得一粒不過幾好味。難得條台灣香腸唔肥唔油，再加＄15叫多碟香腸來食，今次有埋生蒜片，好有台灣味。應會再來試埋佢個芋泥肉鬆多士，希望到時姐姐態度好啲。

朋友係ig share台食館，見到食物好似好吸引，特登過嚟試吓食物選擇都多，試咗牛肉飯、粟米蛋餅、花枝丸，每樣食物性價比都幾高，冇令人失望。可惜侍應態度麻麻地，又不停急住收碗碟，有少少失望。如果再食，會去試其他分店。

上次我在「旺角」「豉油街」光顧台式餐廳「台食館」，享用「台食館」的「滷肉飯」下午茶茶餐，下午茶茶餐除了包括有指定「滷肉」系食品之外，還附帶一份台式小食食品，以及一杯手調台式飲品。結果我上次在「豉油街」分店「台食館」裡面享用的下午茶茶餐，包括有一小碗「下午茶」版本甜品「滷肉飯」、三款小食包括「鹽酥雞」、「夜市小香腸」和「脆彈花枝丸」，還有一杯「水蜜桃紅玉」飲品。今次我改為光顧，位於「彌敦道」附近，近着「油麻地」路段位置的分店「台食館」，今次我同樣選擇了光顧享用「台食館」「下午茶」茶餐。「油麻地」「彌敦道」分店「台食館」的實際面積，比起「豉油街」分店「台食館」來得更加大，檯櫈之間還另外加插了圍欄，把部分餐檯完全區分，空間變得比較闊落。但是今次「台食館」下午茶裡面的「滷肉飯」，就變成價錢比較昂貴一點點的「滷肉乾拌麵」，需要另外追加港幣兩元作為「滷肉乾拌麵」費用。「台食館」的「滷肉乾拌麵」相對「滷肉飯」而言，「滷肉乾拌麵」豬肉「肉燥」裡面的甜味「滷汁」口感，比上次的「滷肉飯」更加豐富，更加濕潤，令麵條實際上的口感變得更加順滑易入口。而且我意外發現「台食館」下午茶裡面的「滷肉乾拌麵」裡面，原來還

食過一次，都算有台灣風味嘅，走時候先見到個飲碞居然有Baby熊珍珠髒髒乳，sad。於是隔斷，星期再去食。今次醒目了，叫左黎打片。佢個下午茶餐，有一個迷你飯或粉，再配三款小食，再加一飲品。會是乎你飲乜唔同價，當然飲熊加＄29，呢個價，出面飲到一杯珍奶，但為左庄熊無計啦！同上次食差不多，一個迷你鹵肉飲，加烤香腸，豬軟骨，黑魚餅，3款都正，豬軟骨勁入吹，軟骨夠軟身，入口即溶，個鹵肉咸甜適中，入味，係餸份量可以多少少送飯囉另一個叫左芥味炸雞蛋餅，台灣蛋餅咁出名，又睇下水準...失望嘅，蛋餅太薄，料唔算多，麻麻地，下次只會叫迷你飯湯粉個款餐了。致於杯嘢，飲極隻熊係唔會溶嫁，佢整到有支竹籤頂住，要少少暴力整爛佢先食到少少咋，真係打卡only。

返工經過搵到呢間台灣野所以晏晝就出咗去食平時帶飯今日就試吓呢間台灣野見佢有蛋餅同甜不辣 我哋三個人食每人叫咗一個主食 一個小食份量其實有啲多 對於女仔來講不過蛋餅麻麻哋 有啲乾花枝丸幾好食整體唔太特別可以做得更好

見到台灣野都ok喎晚上七點半左右唔使等位⋯都多人吖（疫情下）就試吓先我嗌左台灣紅燒牛肉麵⋯份量好多餐飲我加$10百香果綠茶好 fresh 好吖不會太甜或太酸值得推薦⋯而且大食嘅人仲岩我見到咁大碗哇😆好多牛肉又系好似刀削麵咁唔知咁大碗之前仲嗌左我喜歡食醉雞唔太夠味但係就啖啖肉好正⋯⋯好特別

突然好想食台灣野，咁啱經過油麻地見到有間叫「台食館」的台灣菜，便即刻行左入去。我地叫左一個鹽酥雞球飯，紅燒牛肉麵，大腸麵線(小) ，芋泥肉鬆蛋餅，熱珍珠奶茶，凍冬瓜露。食台灣野，必點鹽酥雞。所以叫左個鹽酥雞球飯，份量適中，d鹽酥雞都唔少，都幾有台灣風味。身為牛魔王既我，紅燒牛肉麵又係必叫既。佢d牛肉都炆得好林，個湯底唔錯，但個人唔鍾意咁粗的刀削麵，早知叫幼麵啦，但我老公話刀削麵索晒d 牛肉湯好味。估唔到佢有大腸麵線，即刻叫左一客細既大腸麵線試下，份量一d都唔細，仲有好多舊大腸，比起八x雲x個碗又貴仲要得雞碎咁多既大腸麵線，真係天同地！強力推介呢度既大腸麵線！最後食甜品，梗係要點芋泥肉鬆蛋餅，芋頭控至愛呀！個蛋餅好ok, 芋泥配肉鬆好夾，蛋皮煎得好香脆，整得好好食！食左咁多野都係$170埋單，抵！下次帶埋阿囝來試其他野！