十二味 (裕民坊YM²)

Open Now

Now Closed

今日收工終於有時間去行吓觀塘裕民坊新開嗰個商場,個商場就冇乜嘢閒但環境就好靚好新淨，我哋揀咗十二味食酸菜魚👍🏻而家十二味味都有好多分店，觀塘呢一間景觀好好，喺3樓平台嘅位置，望住出邊嘅花園食飯，特別賞心悅目😍人見人愛酸菜魚+小辣配粉條，食酸菜魚係必須要配粉條嘅，因為真係好啱味，份量好多，兩個人食其實都食唔晒，酸菜同埋魚片都好好食，魚片份量好多，我本身裏面都已經有雞髀菇同埋萵筍，如果兩個人食，一個酸菜魚加兩碗飯就已經夠晒飽啦👍🏻👍🏻

觀塘新開了一個新商場 裕民坊，進駐了不少新餐廳，而十二味也在這𥚃開了新分店，於是和朋友來吃晚餐。餐廳環境新淨寬落，也有不少人排隊。餐廳用QR code 電話落單，簡單快捷。人見人愛酸菜魚配寬粉酸菜魚份量很大，用上很大個碟裝，一端上檯已經香氣撲鼻。魚肉嫩滑鮮甜，吸收湯底精華。湯底酸辣適中，酸菜味道濃郁，惹味可口。寬粉彈牙爽滑，還配有萵荀和辣椒等。蔥油拌麵蔥油和豉油很入味，香濃惹味，麵質爽滑彈牙，很香甜，配有炸香蒜等，惹味濃郁。幺妹冰粉冰凍可口，冰粉晶瑩剔透，彈牙滑溜，入口即溶，配有紅糖粉等，香甜美味。椰青水清甜解膩，有淡淡的椰子水味，口感清新。

好耐冇食十二味，見到分店越開越多，疫情前久唔久都會返深圳食酸菜魚，而家香港都開到成行成市。今日係觀塘分店，已經較早去7點左右，餐廳入面都已經坐滿人，要暫時門口拎飛等，不過都算快，10分鐘左右。兩人一坐低已經有目標叫咩，事原對上一次來食酸菜魚，見隔離枱叫左盆巨型辣鍋。今次決定左叫麻辣滷水香鍋$198，一上枱好震撼，而家麻香氣撲鼻，今人食欲大振，兩個人應該食唔曬。有五種材料，包括滷水豬手、雞腳、薯仔片、蓮藕片和打左結的海帶。每樣配料都好入味，但已經叫左小辣，可是越食越辣，後勁凌厲。

同朋友都好鍾意食酸菜魚見呢間新開左我地就黎試一試佢呀點左~酸菜魚(有粉條)個湯底幾香似尖沙咀分店個水準魚肉如常地好滑又無咩細骨(呢個好讚呀)小辣辣度正常呀同朋友仔都覺得要小小辣先惹味份量其實都多兩個人食叫多個小食都好夠飽粉條索晒湯好入味呀~小食蒜泥青瓜好多蒜泥呀青瓜正常啦唔算整得超好味但唔差呀

觀塘裕民坊發現*十二味*踪影。十二味係一間川菜餐廳🔥。想食酸菜魚🐟。唔一定要一大班人。為食妹👧🏻自己一個人都可以食。Order食物係Scan Qr Code落單。入到餐廳見到好多戴住mask嘅熊貓🐼。好攪笑😬。午市套餐💟酸菜魚🐟一人份嘅酸菜魚🐟。酸菜魚可以揀辣or唔辣。辣度仲有得揀小辣。中辣。大辣。自由度甚高😬。先喝一口湯。味道酸酸辣辣。魚片大片冇骨。可以放心食😋套餐包埋前菜同飲品。免收加一。幾抵食👏。配可樂+$5解辣必點🥰。

裕民坊依個新商場開左一段日子第一次黎搵食依度咩餐都搵到都有依排興既酸菜魚揀繼續湊酸菜魚熱，所以就黎十二味食lunch平日十二點幾黎到都仲有唔少位坐底就有口罩套，同埋用Qr code 落單十二點幾大約坐左一半人後面有個百子櫃，夠中式feel落完單，好快就送野飲熱情果梳打好大杯，只係加$8桂花冰釀相對細杯左d, 但個杯好特別，好似古代用黎飲酒甘，貼題之後就上主食，lunch set 都包埋碗白飯牛肉香鍋份量都多，肉相對少d好多配菜，例如豆芽，蓮藕，薯仔片整係食配料都夠飽我地點小辣，味道岩岩好，唔會好鹹，又有刺激既辣味蓮藕同薯仔片都夠淋身，又夠薄，夠索味牛肉都係偏淋酸菜魚份量又係唔野少，都有成十塊魚片，質地好滑，吸哂酸菜底d 味湯底夠酸又有少少辣，好食！配菜仲有萵荀添～兩個人可以整係食酸菜魚加碗飯都夠飽呀最後叫埋個糍粑甜品，熱辣辣炸得好脆，入面夠軟身面頭仲灑左d 黃糖，再貼紅糖漿食甜甜地，食埋真係好飽啦！我地走個陣點幾鐘，就全場full 哂啦想食真係早少少過黎呀！

二人前，點了一條酸菜魚，理應足夠，但我們竟多點兩味，未吃過的我們又不知道十二味的份量有多大，答案是挺大的，最後把豆角幾乎全數打包🤣！ ➡️ 酸菜魚加寛粉。重點之重的酸菜魚，夠酸又夠威，魚塊軟腍，明顯是重口味之選。正！ ➡️ 腰果辣炒雞丁 。不要被那紅紅的外表欺騙，看似非常非常的辣，因為他們用以大量紅辣椒來炒，吃的時候只要挑玉冰給腰果來吃便何，香脆美味又可口。 ➡️ 乾煸四季豆 。分量極多，味道濃厚，夠辣又唔會太辣，而且肉碎很香。隔日把它返熱來吃也不錯，只要落鑊炒一炒便行了。 只要登記做會員便可享有優惠，不過要留意的是不同級數的會員所獲得的優惠也不一樣，不要看漏眼那個「起」字😅。

十二味已經開到周圍都係㗎啦，所以對佢個品質都幾有信心雖然未食過，今次去咗觀塘呢間分店食，係新開嘅，喺新嗰幢豪宅，環境好chill，落地玻璃出邊有個公園仔咁樣，食完出去散吓步，仲可以去行吓樓下新商場都幾正。至於室內就當然係舒服啦因為新裝修新舖頭，坐都坐得舒服，空間感十足。味道呢，係我鍾意嘅重口味囉，如果唔係我都唔會食啦，酸菜魚個魚同埋酸菜都係重點，嗰個魚細細塊好滑冇腥味，酸菜就夠晒酸咸，我覺得蓮藕湯都好好味，但係我當然唔敢飲晒啦！雖然要加錢叫寬粉，但係好值得嘅。我見網上面冇乜人講話食辣炒雞丁，但係個樣又幾好味喎好似，最後都叫咗，我覺得好香口，鍾意食香口嘢重口味嘅人一定要試。雖然食辣嘢但係都要食下啲菜健康下嘅，干扁四季豆到係我食川菜時必點嘅！

係觀塘見完客，撞正女朋友都準時收工🤟🏻快快係周圍搵晚餐食。聽佢講之前試過十二味嘅lunch，話味道幾正宗，上openrice睇完原來裕民坊就已經有新分店，於是趁時間仲早，快快拍個靚拖食個靚飯。去到好好彩仲未滿座，好快有得入本身想試下食佢好出名嘅酸菜魚，但女朋友話想試下其他先，因為我地2個人食唔到咁多～皮蛋首先上菜嘅係皮蛋！真係超級超級鐘意溏心皮蛋，好香濃，搭配起個辣油底真係愈食愈滋味。口水雞口水雞同樣出色，無雪藏味，雞皮薄得黎肉都好嫩，女朋友勁讚呢個口水雞😂😂另外我都仲嗌左杯桂花清釀黎飲，好香桂花味亦唔會過甜，唯一缺點係份量太小啦🤓唔夠喉。最後都叫左個去食川菜必嗌嘅冰粉甜品作結😎。下次有機會會再黎試下佢比較出名既酸菜魚

收工去觀塘新地標凱匯行下，順便去新開十二味食飯。職員服務態度友善，上餐好快🙂酸辣土豆絲🥔份量很大一碟，叫左小辣完全唔辣，土豆炒得爽脆，味道偏酸。。。。。。。霸王辣子雞🐔腰果炸得好香口，雞件炸完要炒好干身，偏細粒似一口雞，惹味人見人愛酸菜魚🐠魚肉嫩滑唔鞋口，配菜足料，味道偏酸，好開胃，叫左小辣完全唔辣，鐘意食辣可以叫重味D熱情果梳打🍹超級大杯，價錢唔貴，味道酸甜酸甜，岩晒用配食辣野，讚😋

今天去了官塘新地標 - 凱滙 新開的十二味 目的是去吃酸菜魚店鋪位於三樓平台 故此等位時是在露天地方 沒有冷氣 等了大約15分鐘才有位此店自稱新派川菜 裝修以四川熊貓為主角 枱有點窄及擺得有點迫 空間感不足 採用自助點餐 亦設有會員制 更有VIP優惠我要了午市套餐的酸菜魚 小辣 內包一小碟土豆絲及紙包檸檬茶 此店的酸菜魚屬於重慶口味 偏麻辣 圖片可見 有很多麻子浮在湯上 我個人不大喜歡麻辣 除了這 湯也偏酸 幸嗎魚片頗多又大片 更沒有我討厭的大豆芽菜 也沒有粉條 只有萵筍及酸菜 男配有一碗白飯 可是有點硬及不夠熱朋友要了酸菜肥牛麵 雖然湯是紅紅的 但只是微辣 麵是刀削麵 湯底也可以 埋單是自已去前台 沒收加一 但飯後有點口渴 應該是湯內的味精有點重呢🙄

今個星期六又出咗嚟觀塘同兩佬食飯。見裕民坊有新商場開咗，就係裡面搵野食。我哋去左位於商場三樓既十二味，個入口位置有點奇怪，是在平台花園入面的，不是在商場內。總之到了三樓見到德美壽司，再行出平台花園，行前兩間舖就是了。我地12點半到，未算太多人：餐廳是用QR code上網下單的，我哋三個人叫左四個午餐，再加一個小食～先來小食，尖椒皮蛋，好味：再來酸菜魚，因為阿媽唔食辣，我地叫左走辣：跟著是炒全素走辣、麻辣雞翼同回鍋肉，配菜其實都是一樣，有牙菜、蓮藕、韭菜、雲耳等等：每個午市套餐包一碗飯及紙包飲品，埋單$249，非常抵食！

是日午市去，一行二人約12點30左右到，已經好多人排隊，Full house要等位大約等左15分鐘，等位要入收銀拎紙仔。 但入座就掃枱上QR code入單，流程順利，點了兩個午市套餐跟白飯同2包紙包飲品，一個水煮魚，一個酸菜魚。 中午食酸菜魚($68)加碗飯好開胃，好多酸菜，魚好滑無骨，碗飯壓到好實，應該有碗半飯🤣，湯底正常魚湯，撈飯唔錯 水煮牛($58）就一般，辣又唔太辣，係App選擇中辣，下次都係叫大辣試試。

觀塘裕民坊最近越來越多食肆進駐，就連呢間食辣嘅連鎖店都選址呢度，九龍東嘅人有福了！餐廳位於平台花園，望出去都好舒服，雖然餐廳面積唔算好大，但座位亦夠闊落。辣辣香鍋，最少要點5樣配料，叫咗午餐肉、雞軟骨、椰菜花、豆皮同牛舌。2人份量來講真係超多。小辣都好惹味香口，辣得過癮。見到呢度都有得買現成醬料包，$38一包唔算貴，如果鍾意食呢度嘅香鍋就可以買走啦！越食越辣，仲叫咗桂花酒釀飲，好少見有呢樣飲品可以點，因為平時都係當糖水加丸子咁食。不過略嫌呢杯$28 有啲太細杯了！

小辣酸菜魚跟寬粉份量真係好多，配合返佢二百幾蚊係合理既，如果佢可以出款細份更好，畢竟兩人來食都會想食多啲野， 魚🐟好滑，配菜都好足，寬粉更係隨手都夾到，二人食真係有啲多杏仁青檸蝦球又係好大份，一百五十幾呢個價錢幾抵，本身蝦味道唔強，主要靠個醬汁，酸酸甜甜好開胃，岩夏天食，粉漿厚薄還可以紅糖糍粑呢個甜品真係次次都食，份量又係幾多，好軟糯，點少少糖漿好提味呢間十二味係裕民坊，係新商場，都裝修得好靚，座落三樓既花園邊，採光度好夠，內裡裝修都好靚，似西餐廳，提高了整體格調