十二味 (D2 Place TWO)

Open Now

Now Closed

今晚收工同朋友去左荔枝角D2 place 行街, 行行下肚餓又見到這間餐廳, 便決定進去吃晚餐.蔥油拌麵 ($38): 好入味, 蔥油味好香, 但又唔會話炒得好油, 幾好食. 而且佢份量都算多, 才$38都算幾抵食.黯然銷魂炒飯 ($78): 個飯可以選辣或者不辣. 另外個飯份量夠多, 而且好足料, 幾好食. 入面有蝦, 叉燒,蛋等, 材料好豐富, 炒得好香好好食, 個飯又唔覺得油, 唔會溜, 好好食.凍飲:柚子茶($28) 非常大杯, 很巨型, 好抵飲. 就咁看圖片也很難說明實際有多大杯, 我只能說是我喝過的凍飲之中最大杯的, 有興趣想知的朋友, 記得叫來喝啊. 柚子茶甜甜的幾好飲.熱飲:柚子茶($28) :熱飲一樣都算大杯, 不過目測都係凍飲較大杯.霸王辣子雞 (中辣)($138):  望到咁紅就知一定好辣. 雞好入味, 好香口, 幾好食, 不錯.埋單都係$300幾, 兩個人食晚餐都唔算貴.

以前經常去奧運吃這家，終於開到家門口了，開業第一天我就去。兩個人點了一份魚，一份花菜，老闆還贈送了一份紅糖糍粑，吃到肚子圓滾滾，我竟然還能喝完湯。這家的酸菜特別新鮮，湯底是估計是先把酸菜爆炒後，再加入魚骨熬出來的湯。鱸魚片得很薄，又新鮮又入味。上面撒滿干紅辣椒、花椒等，再用熱油爆香。喝湯後也不會覺得很口渴。腩肉花菜很有鑊氣，腩肉將肥油煸炒出來，花菜是脆脆的，少量的辣度調味。分量還挺多，最後糍粑沒有吃完。

試過咁多間四川菜嘅一人乾鍋套餐。第一次食到一個用大豆芽替代花椰菜嘅版本。成件事好怪。事後同店員提起問點解會同其他十二味分店嘅配方唔同。店員竟然答話佢唔理其他店係用咩。都冇食過其他店嘅乾鍋。但係荔枝角店就係大豆芽㗎啦… 仲要荔枝角分店午市套餐餐牌價錢好似都貴過某幾間分店。早知道就同D同事一齊食自選嘅乾鍋算…

早兩日跟朋友在荔枝角食lunch。 見新開麻辣店就來試。用app先攞咗飛，過咗兩張，跟門口年輕女店員說想補飛，說了幾次，她跟我說在門口取飛機可按😑，部飛冇補飛按鍵，再跟她說，佢出來按張新飛比我？？補飛喎？再跟她說，佢就只顧收錢沒理我。之後同另一位店員說，佢先幫我寫低補飛號碼。到我號碼後，店員比咗張QR CODE我在門口先落單，之後叫了幾個號碼，後面號碼已經入哂，我同朋友還在門口等候。。店員只解釋話比你先落單快啲有嘢食😑 都未坐低有嘢都食唔到啦😑 最後仲要漏單，真喺冇下次！！！非常不理解貴公司安排！！

Twelve Flavours is one of my favorite restaurants providing Sichuan dishes. There are many branches in different parts of Hong Kong.After buying pet food in D2 Place Phase 2, I happened to notice a new branch of Twelve Flavours set up on second floor. I took the opportunity to buy boiled fish with pickled cabbages, my favorite dish, for dinner.Boiled fish with pickled cabbages is a signature dish of this shop. You can choose different degrees of spiciness to suit your taste. If you do not li

朋友介紹荔枝角D2的川菜「十二味」很不錯，所以今日專登去買賣試吓。餐廳裝貫徹川菜風格，有燈籠和熊貓作裝飾。屋企有人唔食得辣，「十二味」好好喎！可以選擇辣度，或者走辣👍🏻🌟🌟花生宮保雞丁（唔辣),以鮮嫩的雞肉為主角，搭配著香脆的花生，給人一種口感豐富的享受。雞肉質地鮮嫩多汁，每一口都帶著滿滿的鮮美滋味。花生的酥脆口感為這道菜增添了一份獨特的風味。🌟🌟紅糖糍粑，給人的第一印象就是它的口感。糍粑的質地軟綿，煙煙韌韌，每一口都帶來濃郁的咀嚼感。搭配著香甜的紅糖漿，更加突顯了它的美味。🌟🌟川香回鍋肉(中辣)，香辣入味，五花肉肥而不膩，再加上辣椒、青蔥等配料，十分惹味香口。🌟🌟乾煸四季豆，惹味的醬汁跟爽脆嘅四季豆係非常好嘅配搭。

嗰陣時疫情冇得上大陸食太二酸菜魚😭我喺香港食咗好多間酸菜魚餐廳🐟芸芸之間始終覺得十二味係最正宗最好食辣度同酸度係恰到好處唔會過酸過辣十二味越開越多D2 place最近都開咗間❤️舖面一貫紅燈籠裝飾暗紅燈光🏮🏮🏮唔知點解呢種環境我就會覺得好開胃🤣好似沙田食乳鴿嗰間飯店（龍華？）呢間魚又夠滑溜鮮美雖然走過油但係唔會覺得好肥膩之前我食過第二啲舖頭啲魚又腥又散個感覺唔夠清除俐落濁濁地😶‍🌫️不過今日我係買外賣返屋企如果拎住盆酸菜魚就會好麻煩所以我就買左秘製醬香鍋再加杏仁青檸蝦球算😌醬香鍋最少要加五個餸我就揀咗田雞/牛舌/萵荀/蓮藕/娃娃菜醬香鍋嘅醬汁底料已經超級惹味全部配料都同調味撈勻晒一齊勁好送飯田雞肉夠彈牙結實牛舌有濃厚嘅牛味令我極驚喜！好正😍（我以前好驚食牛舌覺得好似同隻牛脷疊脷好嘔心）🤣🤣forgive me其他嘅蔬菜都好入味尤其是蓮藕爽脆爆炒風味成盤嘅超級足料！🤩就咁一盤已經可以當係一個四人晚餐份量不過點可以咁寡🤣再叫多個杏仁青檸蝦球🍤酸酸甜甜好開胃蝦肉彈彈杏仁脆脆唔會話淨係食啲重口味嘢咁單調可以俾個味蕾清新一下💃🏼🕺🏾梅花間竹又鹹又甜呃下個胃無咁滯又可以繼續食食食食食食🍴🍴🍴🍴🍴😋

今日放假約左朋友係D2 place high tea High tea 完就要解決同darling 既晚餐 佢話想食辣野 見到有十二味 又有外賣自取9折 所以就試下其實佢仲有晚餐set 仲抵 不過darling 已經有心水所以冇揀叫左經典辣香鍋 小辣 主食 叫左 鮮蝦 、滷水肥腸、五花腩配菜 叫左豆皮 、萵筍干鍋一定要食辣先惹味 叫左小辣 唔算好算 但有辣 有麻 岩岩好打開份量勁勁勁多本身都有跟 芫茜 、 豆 、辣椒仔雖然只係叫左五個餸 但每個餸都好多肉類都好新鮮 配菜又好入味 另外叫埋 川式口水雞 小辣 份量唔算好多不過雞好滑 仲有青瓜係底沾埋口水雞醬都唔會好辣 雖然只係兩個餸 但份量大到兩個人係食唔晒

十二味 荔枝角長順街15號D2 Place TWO 2樓212B, 213, 216A號舖長沙灣道站一出就係D2 Place 2 期 呢間十二味 裝修設計簡約最緊要坐得舒服，好食就得經典香辣鍋 小辣雞翼 魚蛋 土豆 寬粉 油麥菜 濃郁的香辣口味 青辣椒紅辣椒花生粒 成鍋勁香單骨惹味雞翼 大大粒彈牙魚蛋 土豆切到一條條好似薯條咁 滑捋捋寬粉蔥油拌麵蔥油是這道菜的靈魂所在 釋放出蔥的香氣使用細麵條，如絲狀的麵條紅糖糍粑粉質軟糯，具有一定的黏性 獨特的嚼勁甜味較為濃郁 整體味道不會過於甜膩

次次1點食飯時間去到都見幾多人排隊，今日12:30左右到餐廳大概5分鐘左右就有位叫左3個餐，分別係酸菜魚米線，口水雞飯及香鍋炒雞翼肥腸飯，3個餐分量好足.酸菜魚米線，魚好多而且冇骨，味道一流香鍋炒雞翼肥腸，鍋內有蓮藕，薯仔，牙菜，，單骨雞翼，而肥腸係有的脆，叫左小辣，都辣辣地最後係口水雞，叫左中辣 味道岩岩好而且雞都幾滑

-十二味-@荔枝角.之前去十二味都係食酸菜魚，今次想試下其他，選擇左香鍋。.秘制醬香鍋($238)自選香鍋，鍋底選擇了秘製醬香鍋，配料要選擇5款或以上，我們點了鹵水肥腸、牛百葉、牛舌、五花腩、寬粉。.醬香鍋點了唔辣，秘製醬料好香濃，加埋莞茜提味，仲有爽口的青瓜和黃豆，令口感更多層次。.香鍋份量好大，而且每款配料都好足。牛舌味道夠香，肉質軟嫩。.半透明的寬粉咬落帶點彈牙，而且吸收晒香鍋的精華，必點推介。.清炒綠時蔬 ($68)當晚時蔬係油麥菜，份量都好多。調味不錯唔會太咸，係稍嫌有點油膩。.熱情果蘇打 ($28)加$28就有勁大杯的飲品，超抵價。成杯飲品唔會太甜，配埋濃味香鍋一流。.

十二味小妹中學時期已經食過，今日系D2 place 2期行街估唔到又系2樓撞返佢，於是我同朋友就決定一齊懷舊舊時風味眾所週知，十二味係食川菜，當中特別以酸菜魚最為出名，其他特色菜例如有：川香回鍋肉、水煮牛肉、川式口水雞、泡椒牛肉等，岩哂所有愛辣朋友餐廳環境主要以中式設計為主調，放滿紅色燈籠🏮、座位係仿藤織櫈，放有海綿坐墊，坐得幾舒服同朋友約左食6點半晚市，客人已經陸陸續續進入點餐方面,用QR code 系統落單，快捷方便燒椒皮蛋嘩！好驚喜！餐廳選用左黃金皮蛋（雞蛋🥚製）, 蛋味香而唔會太濃，反而帶出燒椒既麻香味大廚識野人見人愛酸菜魚主角出場！十二味招牌酸菜魚🐟因為朋友唔食得辣，所以今次叫左唔辣無骨鱸魚片，每塊都薄細有心思肉質細滑，索哂湯底酸菜味，酸中帶鮮配菜方面，除左大量酸菜，當然仲有菇類，爽菜配嫩魚肉，即刻夾左呢盤酸菜魚份量，兩個女仔食份量岩岩好，估唔到事隔多年，十二味既酸菜魚味道依然保持住，食到飽埋單都係二百幾，抵食

今晚唔想煮飯，但係又唔想出街食，於是朋友提意响公司附近D2 Place Two 商場嘅川菜館，外賣餸菜返屋企食。嘩！喺屋企煲個飯就有好嘢食，我梗係冇異議啦😋。經典香辣鍋小辣 $38.- (跟最少5款配料共$208.-) 配料由$28.-起，辣度分三級，可另加麻或走芫茜，芝麻及黃豆，自行選配成為一款最適合自己口味嘅香辣喎😍正。香辣鍋用上大量切碎嘅青椒、辣椒、薑、蒜、蔥及芫茜，再加上配料一齊炒，味道非常惹味香辣。鮮蝦肉質彈牙，新鮮味美。金錢肚同牛舌，肉質軟腍帶牛香味，豬頸肉口感軟腍帶油脂香味。蓮藕片細細片，口感爽脆，非常吸味，零舍香辣，餸飯一流，搞到我忍唔住食多咗一碗飯🤣。川式口水雞 $73.-雞肉有雞香味，肉質非常嫩滑，醬汁鹹味適中，加上味道鮮香麻辣，越食越好味🤤。

今日打風趕住返屋企，唔想煑飯，順路去D2 Place2期新開的十二味買外賣回家，外賣自取有9折。試過十二味其他分店的酸菜魚覺得有水準。今晚叫了一份人見人愛酸菜魚和最佳拍檔粉條。媽媽不吃辣，所以叫了不辣的酸菜魚。我還叫了不辣的大盆花菜。酸菜魚份量足，有很多鱸魚片，魚片大大塊沒有骨 ，魚肉結實鮮味，配菜酸菜，蒿荀和鮮菇很夾味，湯酸甜，開胃美味，粉條滑，真係酸菜魚最佳拍檔，爸媽都讚好。大盆花菜是福花炒五花肉和韮菜，有風味，福花爽甜，五花肉片油脂香有肉味，好食。三個人兩個餸食完都好飽，滿足!午市套餐都好抵食，下次再來試麻辣香鍋和其他菜。

8人訂位去食，準時去到，叫我哋去最入有個類似房間入面嘅圓檯，以為正啦，點知坐落好焗，見個冷氣好似無著，就叫侍應開，回答係“間房係焗D”，但由始至終無打算開冷氣，於是拿拿臨坐返出去，出面有返D冷氣，但感覺都係唔太夠，尤其係跟住要食辣嘢。。。出到去，點完菜，有人叫咗嘢飲有人想飲水，想叫侍應俾幾杯水，個個四圍望都唔行過嚟，最後有個男仔（樣比較年輕、戴眼鏡）要上菜去隔離檯，焗住要過嚟，叫佢俾D水，回應：“要幾多杯呀咁？”晦氣到__街，我都唔知幾時得罪佢，痴線。之後陸續上菜，都冇乜嘢，但水就無主動加過。後尾想加碟唔辣嘅餸，但唔知嗰碟陳皮牛肉辣唔辣，想問清楚先落單啦，又再次搵極都冇人埋嚟，最後要自己行出去搵人問，真係唔知班侍應想點。嘢食唔錯嘅，份量都唔算細，夠食，但服務真係差到一個點。